Дууны үг: Загдын Түмэнжаргал : Бага Нас Бидэн Хоёр Оруулсан Bataka Огноо: 2025-12-22 13:29:47 (3630 уншсан)
Гэрэл цацраасан хүүхэд нас минь
Гэнэтхэн өөдөөс минь алхаад ирлээ
Битгий намайг гайхшран
ширт ээ,
Би азтай, жаргалтай л
байна
Хонгорхон нас минь
чамаасаа холдоод
Хорвоо ертөнцөөр бишгүй
л зугааллаа
Орчлонд би сайхан л
амьдарч байна
Ондоо юу хэрэгтэй юм бэ,
тийм ээ
Хагацаж надаас холдсоноосоо хойш
Харамсахгүйгээр амьдарч
чадаж байна уу?
Өөр юу ч асуухгүй л дээ
би гээд
Өмнө минь бага нас
инээмсэглэн зогслоо
Өхөөрдмөөр бага нас,
бидэн хоёр
Өөд өөдөөсөө догдлон ширтэлцлээ
Хөөрхөн бага насаа тэвэрч үнсчихээд
Хөөр баяслаар дүүрэн би
алхлаа
( Сэтгэгдэл бичих? | Дууны үг | Түмэнжаргал Загдын | Шинэчилсэн огноо: 2025-12-22 13:29:47 )
|
||