Д Пүрэвдорж

Найраглал: Д.Пүрэвдорж : Сэгс Цагаан Богд найраглал
Оруулсан Bataka on 2026-02-09 18:10:22 (6862 уншсан)

/Тэмээчин бүсгүйн захидал/

“Сайхан хотын

Хөөрхөн хархүү

Сайн байна уу?

Тэнэгэр говийн

Тэмээчин бүсгүй

Сайн байна аа

Намар та манай нутагт

Нартай хамт ирсэн юмуу

Сэгс Цагаан Богд ууланд

Сэрүүн унах болоогүй юмуу

Цэлгэр говь минь нараа дэрлээд

Цэнхэр хадаг шиг намиатан байна

( Дэлгэрэнгүй... | 0 | Найраглал | Пүрэвдорж Д | )

Шүлэг: Д.Пүрэвдорж: Буурай эмээ
Оруулсан Bataka on 2025-11-27 12:09:34 (4421 уншсан)

Насны хярд бээрэн
Нар дагаж гадаалсан
Намрын хяруунд чичрэн
Навч шиг гандан ганцаардсан
Буурай эмээ

Гал дээр цай богшоосон
Гар харж нүд хариулсан
Газар дээр бүхнийг хайрласан
Ганцхан өөрт нь хайр дутсан
Буурай эмээ

Будангийн нар шиг бүдэгнэн
Буцах өдрөө хүлээсэн
Буруугүй атлаа буруудан
Бурхан, чөтгөр хоёулаа мартсан
Буурай эмээ

( Дэлгэрэнгүй... | 0 | Шүлэг | Пүрэвдорж Д | )

Найраглал: Д.Пүрэвдорж : Хөх даалимбан тэрлэг
Оруулсан admin on 2025-11-27 11:26:29 (73157 уншсан)

Уянгын оршил

***********
-Цэрэг эрсийн улаан тоос
Цэцгэн дундуур татаад явсан юм
Цээжин дотор хагацал орхиод
Цэнхэр уулсыг даваад явсан юм
Олон эрчүүл дуугаа дуулаад
Онгон талаар давхиад явсан юм
Орон гэртээ зайгаа орхиод
Одтой адил харваад явсан юм
Сарних тоосны нэгэн үзүүрт
Саруул нүдээ би чилээж
Санаа алдан сүүгээ өргөн
Сар шиг мэлтрэн гаднаа үлдсэн юм
Хөдөө нутгийн хөх алсад
Хөл хүнд шинэхэн бэр
Ардын хувьсгалт улаан цэргийн
Ар гэр болж үлдсэн юм

( Дэлгэрэнгүй... | 27 | Найраглал | Пүрэвдорж Д | )

Шүлэг: Д.Пүрэвдорж : Өнөөгийн монгол хэл
Оруулсан admin on 2025-11-27 11:25:35 (18787 уншсан)

Санхүү банкны сэсчээмтэй
Сантехникийн слесарьтай
Барьцааны ломбардтай
Баталгааны нотариаттай
Хувийн кодтой
Хувцасны моодтой
Галын командтай
Газрын кадастртай
Орцондоо номертой
Ордондоо камертай
Зайгуулын траншейтай
Зайлуулгын трактортай
Хогийн пүүнкэртэй
Хоол нь поорцтой
Яам нь менежертэй
Ямаа нь кашмертай

( Дэлгэрэнгүй... | 14 | Шүлэг | Пүрэвдорж Д | )

Шүлэг: Д. Пүрэвдорж : Атгахан биендээ ахадсан бодолтой би
Оруулсан admin on 2025-11-27 11:23:55 (12952 уншсан)

2008/9/13
Замбуу тивийн зүрхэнд хүмүн болсондоо би бахархнам
Заяасан эцэг эхдээ халамж нь болдгоороо би бахаднам
Замбуу тивийн нарыг тоонондоо аргамжиж өглөө угтдагтаа би азтай хүн
Заяа тавилангаар учирсан эх орноороо би гайхуулж өссөн би азтай хүн

( Дэлгэрэнгүй... | 4 | Шүлэг | Пүрэвдорж Д | )

Шүлэг: Д.Пүрэвдорж : Тусгаар тогтнол
Оруулсан admin on 2025-11-26 01:52:18 (57019 уншсан)

Ханат цагаан гэрийн од хийморийн тоонон дээр
Хасаг халуун тулганы омог дөрвөн тотгон дээр
Хан Алтай аавын онгон тэргүүн оргил дээр
Хатан Сэлэнгэ ээжийн одод орчих мандал дээр
Тусгаар тогтнол чамайг
Тунхаглан бичнэ би

Ганган улаан тэмээний зогдор дэвсэх тэшил дээр
Гантай мөнгөн хэтний зоолог тээх тээгэн дээр
Галбын халуун говийн хулан ангах ээрэм дээр
Гантиг чулуун хясааны янгир халих элгэн дээр
Тусгаар тогтнол чамайг
Тунхаглан бичнэ би

( Дэлгэрэнгүй... | 77 | Шүлэг | Пүрэвдорж Д | )

Найраглал: Д.Пүрэвдорж : Хар цас /Найраглал/
Оруулсан admin on 2025-10-27 13:29:26 (48649 уншсан)

/Найраглал/
Эхлэл
....Энэ дайний эхэнг зурвал
Эрх чөлөөний эрлэг болж
Хар өдрийн халуун булшинд
Хасан дээр суусан хэрээ байна
1
Гучуулаа бид гучин ээжтэй
Гучуулаа бид гучин аавтай
Гучуулаа бид гучин нэртэй
Гучуулаа бас гучин гэртэй
Гучуулаа дөчин нэгэн онд
Гучуулаа дөнгөж найман насандаа
Сурагчийн цүнхийг хоёрдугаар дайнтай
Сургууль руугаа үүрч явсан юм
Тэр цагт, манай нутаг
Тэнгэр цэлмэг нартай байсан ч
Амьтны царайг шөнийн үүл шиг
Алсын дайны сүүдэр дарсан юм
Гучуулаа бид ийм л үед
Гучин шувуу шиг ижилдэн дасаж
Амьдралаараа энэ найраглалын
Анхны мөрийг бичсэн юм даа
Өглөөн нар руу нэгэн цонхтой
Өөрийн нар руу хоёр цонхтой
Гурван цонхоор манай ангид
Гучин дэвтэрт нар тусна
Эх орноо түүгээр үзэж
Энх орчлонг түүгээр хүсэж
Гурван цонх минь тэр ангидаа
Гурван сайхан мэлмий байлаа
Тэгээд ч би түүгээр туссан
Тэргэл нарны сайхан туяанд
Эрдэнийн зургаан үсэг хэлхэж
“Эх орон” гэж бичсэн билээ.