BIIRBEH.MN
Та нэвтрээгүй байна Нэвтрэх
Харагдах горим:
Үсгийн хэмжээ:
☕
Бийрбэхэд кофе авч өгөх
21 жилийн түүхийг дэмжих (QPay)
5,000₮~

9907-6364 | info@biirbeh.mn

© Biirbeh.MN - Бүх эрх хуулиар хамгаалагдсан

Намсрай Д

Д Намсрай

Нийт 6 нийтлэл
Намсрай Д Өгүүллэг: Д.Намсрай : ЖАМУХЫН ӨЧИЛ
Оруулсан Bataka on 2026-11-10 12:01:20 (72994 уншсан)

Д.Намсрай "Жамухын өчил"



Найман зууны тэртээх Жамухын шарил дээгүүр өнөөдөр талын болжмор жиргэж эх нутгийн ноён салхинаа гудайсан хялганын толгой гашуудалтайяа бөхөлзөнө. Тэр газрын цээжийг аниртан чагнаваас монгол эрсийн нөхөрлөл, гунигт хагацлын тухай эмгэнэлт түүхийг өгүүлнэ. Олон аймгийн цуст тэмцэл талын язгууртнуудын өрсөлдөөн Тэмүүжингийн ялалтаар төгсөж байсан тэр жил... Хаан Жамух нөхөддөө баригдаад Чингисийн өргөөнөө хүргэгдэж ирэв. Богд эзэндээ халдсан боол иргэдийг Чингис хаан өвс ногоо хүрэнттэл цаазалж Жамухыг суллаад өгүүлрүүн...



( Дэлгэрэнгүй... | 49 | Өгүүллэг | Намсрай Д | )

Намсрай Д Өгүүллэг: Д.Намсрай : Буяны нүгэл
Оруулсан Ganzorig on 2026-11-09 18:46:30 (183 уншсан)

“Хүн нэрээ, тогос өдөө”

Дэрстийн хүрээний баруунтай нэгэн овоо бий. Гэгээнтэн мэндэлсэн газар гэж домог үүссэн цагаас л хүмүүс энэ овоог босгосон хэрэг. Чухам ямар гэгээн , хэдийд мэндэлснийг хэлж мэдэх хүнгүй. Цөөн тооны настайчуудын ярих нь “Тэр гэгээн энд мэндэлснээс биш манай энд тодроогүй. Манай нутгийнхны буян заяа дутахад эрдэм чадлыг нь ойлголгүй, элий балай гэж түүнийг гомдоосноос Жагарын орныг зорьж, тэр газартаан заларсан юм гэнэ билээ. Бэлбэсэн ядуу бүсгүйн ганц хүү нутгийн олонд гомдохдоо нэг л шөнө хар гэрээрээ сор залчихаад, ээжийгээ аван бурхны хөлөөр одсон юм гэдэг. Тэр цагаас гэрийн нь буурин дээр шав тавьж элбэг баян аз жаргал, буян заяа хүссэн хүмүүс үнс чандар, шороо чулуунаас нь авдаг болсон юм. Одоо ч гэсэн хол ойрын хүмүүс дайрч өнгөрөхдөө элс шорооноос нь боож авч л байдаг" гэж тайлбарлана. Харин зуу шахсан нэг эмгэн л ганцаараа өөр домог хүүрнэж, үүнийг олны сонорт хүргэх нь маанийн хүрд эргүүлэх мэт өлзийт үйлс хэмээн сүслэн наманчилж билээ. 

 



( Дэлгэрэнгүй... | 0 | Өгүүллэг | Намсрай Д | )

Намсрай Д Өгүүллэг: Д.Намсрай: Маралгоогийн дуудлага
Оруулсан Bataka on 2026-08-14 12:39:35 (512 уншсан)

Намрын дунд сар. Жар гарсан өвгөн Молом модон тэргэнд гунан бухаа хөллөжээ. Ар газраас ирж пүнзээ ухан жижиг бор гэрийнхээ хөвөнтэй  дээвэр туурга, бага сага борц, гурилаа тэргэн дээрээ  тавиад намаржааны зүг хөдөллөө.  Эрт сэрүү унаж дан бүрээстэй умгар бор гэр нь өглөө үдшээр даарах янзтай тул ийнхүү амь амьдралаа татаж яваа нь энэ.  Охин хүү хоёр нь аль эрт нийслэл хотдоо суурьшиж айл гэр болцгоосон. Хүү нь Солонгос орон руу явсан сурагтай. Охин нь хотод ирээч гэж хэл дуулгавч , талийгч ханийнхаа ясыг тавьсан газарт сэтгэл хоргодон төрсөн нутгаасаа явахгүй гэсэн өвгөн биеэ өөрөө жолоодохоос өөр яана гэхэв.  Сүүлийн таван жил гон биеэрээ амиа борлуулж явахад хүүхдүүдээс нь гурван жилд хэн нь ч эргэж ирээгүй явдал голыг нь харлуулна.


( Дэлгэрэнгүй... | 0 | Өгүүллэг | Намсрай Д | )

Намсрай Д Өгүүллэг: Д. Намсрай : Зүүдний бичээс
Оруулсан Bataka on 2009-01-08 10:16:00 (15438 уншсан)

Өвгөдийн сүнсний өмнө
Нүүр улайхгүйн тулд
Өөрөөн өнөөдөр
Нүгэлгүй явах юмсан

Зүүд нойрон дунд сүнс сүүдэр минь улиран баларсан он жилийн тэртээгүүр хэрэн нисч юуг эс үзэж, юуг эс сонсдог гэхэв. Өнгөрсөн шөнө би зүүдээ манаж хонолоо... Мориныхоо хударга хөмөлдөргөнд алтан товруу гялалзуулж, хүнд нүсэр хуяг дуулгаар өвч биеэ хамгаалан саадаг хоромсго агссан Хүннү их гүрний хан хөвгүүн дэргэд минь хүрч ирлээ. Тэр өгүүлрүүн: “Хүчирхэг их Хүннү улсын хаалга босго хатуу гэдгийг үеийг үед сануулахын тул харийн түмнээр өөрсдөөр нь босгуулсан эртний тэмдэгт Түмэн газрын их цагаан хэрэт гүрэн улсын хаяа хатавчийг заагласан хэвээрээ байгаа юу?” гэж надаас асуулаа... “мэдэхгүй , би мэдэхгүй” гэж чичрэн өгүүлэхэд сахал хөмсгөө сөрвөлзүүлэн хилэгнэж илд рүүгээ гараа явуулав.


( Дэлгэрэнгүй... | 3 | Өгүүллэг | Намсрай Д | )

Намсрай Д Өгүүллэг: Дамбадаржаагийн Намсрай : Шар усны үер
Оруулсан Bataka on 2007-01-03 05:16:00 (17301 уншсан)

Дал гарсан ёнхор хөх өвгөн хашин цагаан морио хөлөөрөөн давьчиж хуучин ширэн гөлмөө сар сар хийлгэн бөг бөг шогшуулна. Барьсан ташуураараа ч балбадаггүйд нь дассан хашин цагаан нь хэг ёг хийн хэсэг шогшсоноо туурайгаа дааж ядсан юм шиг алгуурласаар амгай зуузайгаа харжигнуулан толгойгоо дальдчиж алгуурхан алхалж эхэлнэ. Өвгөн алхаа шогшоо хоёроо ч анзаарсангүй мөнөөх л зангаараа элдвийн бодолд дарагдан нүдээ аньсан нээсэн хоёрын хооронд унтаа сэрүүний аль нь ч мэдэгдэхгүй жолоо цулбуураа атган, ташуур барьсан гараа унжуулан дохилзоно. Зам нь зүгээ чиглэж, морь нь замаа дагадаг болохоор Гонжоо өвгөнд анзаарах шаардлага ч байсангүй.


( Дэлгэрэнгүй... | 5 | Өгүүллэг | Намсрай Д | )

Намсрай Д Өгүүллэг: Дамбадаржаагийн Намсрай : Дэлдээн /өгүүллэг
Оруулсан Bataka on 2005-04-11 11:37:00 (16173 уншсан)


Зулайдаа сөөсгөр үстэй жаахан Дэлдээнийг гурван ой хүртэл нь сүрхий эрхлүүлжээ. Эрхлүүлэх ч гэж дээ, энэ л гурван насанд эдлэх ёстой эрх хайр халамж, жаргал цэнгэлийг тууллаа.
Гэтэл дүү төрж түүний тухайд бүх юм өөрөөр эргэв. Ээжийнхээ өвөрт унталгүй олон хонолоо. Нялх хүүхэд тэврэн төрөхөөс гарч иртэл нь дөнгөж өчигдөр болтол аавтайгаа л унтаж байсаан. Хоёр ойндоо хүртэл хөхөө хөхсөн. Дэлдээн ээжийнхээ мөөмөнд дэндүү хайртай.

( Дэлгэрэнгүй... | 11 | Өгүүллэг | Намсрай Д | )

☕ Кофе авч өгөх