Д Төрбат

Шүлэг: Д.Төрбат ： Хадаг аргадах шүлэг
Оруулсан admin on 2025-08-01 22:13:02 (13315 уншсан)

Шинийн нэгний нартай хадаг барин золгож
Шимийн алаг ертөнцөд хормой дэвсэн мөргөж
Хар ухаанаар дэлхийг аргадсан өвгөд минь
Хадаг дагаж буян хэмээн хадгалж аргадсан байна

Араг түшсэн ээжийн алтан хэвлээс унахад
Ад мөрийг аргадаж алд хадагтай тоссон эмгэд
Хүрэл зэвтэй наадмыг хадгаар хэлхэж орхисон юм
Хүрдэн хүрэл тооныг хадгаар мялааж үлдээсэн юм

( Дэлгэрэнгүй... | 0 | Шүлэг | Төрбат Д | )

Өгүүллэг: Дамбын Төрбат : Цаасан гинж
Оруулсан admin on 2009-05-05 21:51:39 (12058 уншсан)

Сүлд модоо чимэх цаг дөхөхөөр сурагч бид шөнөжин суух ажилтай болно. Тэр үедээ л хориотой байсан гэх цагаан сарын банш бууз чимхдэг шиг, хэвийн боовны бэмбий нухдаг шиг нэг гэртээ цуглан шуугиж байгаад л цаасан гинж хийж гардаг байсан юм.

( Дэлгэрэнгүй... | 1 | Өгүүллэг | Төрбат Д | )

Шүлэг: Д.Төрбат : Тамга шүлэг
Оруулсан admin on 2008-04-23 01:09:19 (12776 уншсан)

Зулайд шанага долоон бурхантай
Зурхайд шадар гурван маралтай
Зүүндээ ургах наран тамгатай
Баруундаа жаргах саран тамгатай
Хан хөлгөн тэнгэр доороо
Ханаа шийрэлсэн бидний улс
Үлгэр төрсөн нутагтай билээ
Үсэг үүссэн тамгатай билээ

( Дэлгэрэнгүй... | 1 | Шүлэг | Төрбат Д | )

Шүлэг: Д.Төрбат ： Хийморь
Оруулсан admin on 2007-03-20 23:10:30 (12652 уншсан)

Уургалж бариагүй ч
Учир заяагаар ирсэн морьтой би
Хазаарлаж унаагүй ч
Хан тэнгэр заяасан, морьтой би
Сүү дусаасан усаар
Сүлд дуудан угаахад
Бие сэтгэлд ирсэн
Билгийн морьтой хүн би

( Дэлгэрэнгүй... | 0 | Шүлэг | Төрбат Д | )

Шүлэг: Д.Төрбат ： Халаасны өрөө
Оруулсан admin on 2007-03-20 23:09:22 (13134 уншсан)

Айлын бөөрөнд амь зууна гэдэг
Амаргүй даваа, хүүгээ л өрөвдөх юм
Амьтан царайчилж амьдарна гэдэг
Аймаар заяа, хүүхдээ л бодох юм

Гэрийн эзний хүүхдийг аргадаж
Гэмгүй мөртлөө гэмшилд автаж
Цэцэрлэгийн чихрээ идэхгүй өгнө
Цэцэг шиг нас гундаж өснө

Турьхан нуруундаа гутамшиг үүрч
Туних эрхлэхийг бүр мартаж
Тоглохдоо хүртэл хүн харна
Толгой гудгархан бараадаж гүйнэ.

( Дэлгэрэнгүй... | 1 | Шүлэг | Төрбат Д | )

Шүлэг: Д.Төрбат: Ижий шүлэг
Оруулсан admin on 2007-03-20 19:17:00 (14908 уншсан)

Цугтаа амийг тусдаа болгож
Цусан хүйг тас хайчлахад
Ижий минь сүү болон
Над руу, урсаж эхэлсэн
Ижийдээ би хүү болон
Над руу , ургаж эхэлсэн

( Дэлгэрэнгүй... | 5 | Шүлэг | Төрбат Д | )

Шүлэг: Д.Төрбат : Сүү шүлэг
Оруулсан admin on 2007-03-20 17:17:00 (15147 уншсан)

Ааштай орчлонгийн алган дээр
Аньсага нээхэд ижий байв
Наадамтай зуны гурван сардаа
Над руу шивэрсэн сүү байв
Нүгэлд дальдарч, буянд залбирч
Нүдээ нээхэд ижий байв

( Дэлгэрэнгүй... | 11 | Шүлэг | Төрбат Д | )