Ц Буянзаяа

Өгүүллэг: Ц.Буянзаяа : Жаргаж буй нарны туурь
Оруулсан admin on 2013-05-06 18:24:56 (10845 уншсан)

Чинсанааг түлээ хагалж буй ахуйд өвлийн туниа муутай нар баруун уулын хэц дээр өехийдөх зуураа хавь орчныг хамаг хүчээрээ ивээх аядна. Нарны гялангар туяа хөдөөх суурингийн хоорондоо дэндүү адилхан байшингуудын төмөр дээвэр дээр, арав гаруй хоногийн өмнө ороод одоо нэгэнт дагтаршин хөлдсөн хуучин цасны сэрэмгэр тасархайнууд дээр, Чинсанаагийн барьж буй нэг их том модон иштэй сүхний онгин дээр хугаран, хугачин гэрэлтэх аж. Мандаж буй нарны бардам түрэмгий цацрагаас, жаргаж буй нарны үйрч бутарсан сүүлчийн туяа илүү их гоо сайхантай байдаг гэсэн сэтгэгдэл Чинсанаад үргэлж төрдөг юм. Тиймээс Чинсанаа орой бүхэн шахуу л жаргаж буй нарыг үдэж өгдөг зуршилтай болчихсон билээ. Өнөөдөр ч гэсэн Чинсанаа эхнэртээ түлээ хагалж өгч байгаа нэрийдлээр тав тухтайхан шиг тухалж аваад оройн нарнаас таашаал хүртэн суугаа нь энэ юм. Чинсанаа энэхүү хувь ганц таашаалаа бусадтай хуваалцах гэж лав хорь гаруй жил оролдоод бүтэлгүйтжээ. Анх тэрээр хамгийн дотно найздаа жаргаж буй нар харах сайхан байдаг юм, хоёулаа оройн нарнаар хамтдаа жаахан сууя гэж гуйж байжээ. Гэтэл мөнөөх найз нь Чинсанаад,

( Дэлгэрэнгүй... | 4 | Өгүүллэг | Буянзаяа Ц | )

Шүлэг: Ц.Буянзаяа : Хүлэг морин норсон дэлээ сэгсрэх адил
Оруулсан admin on 2006-09-14 10:48:55 (12367 уншсан)

Хүлэг морин норсон дэлээ сэгсрэх адил [яруу найргийн шинэ дэвтэр]

Тэргүүн бүлэг. Зураг гэдэг бас л нэг амьдрал

1. Хүлэг морин норсон дэлээ сэгсрэх адил

Хүлэг морин норсон дэлээ сэгсрэх адил гунигаан би үргээнэм
Хүлэг морин ангасан цээжиндээ ус үнэртэх адилаар итгэлээн би үл алднам

( Дэлгэрэнгүй... | 3 | Шүлэг | Буянзаяа Ц | )

Өгүүллэг: Ц.Буянзаяа : Эзний зовлон
Оруулсан admin on 2006-08-28 09:24:59 (12007 уншсан)

Сандал өгүүлрүүн:

Би ч зовлонтой нь зовлонтой л доо. Хэн нэгэн дээр минь сандайлахдаа зүгээр байна гэж ер үгүй. Хөл гарын минь хугалчих шахаад л нааш, цааш нь санжигнуулж гарна. Заримдаа эзэн маань эхнэртээ уурлахаараа хэмхэртэл минь өшиглөнө. Тэгэхэд бэрх өдөр ч их таарна даа. Гэхдээ тэр тухай яриад яах вэ ? Эзний зовлонгийн дэргэд миний зовлон юу ч биш. Та нар мэднэ шүү дээ ! Манай эзэн гэж нэг арчаагүй амьтан цаас цоохорлохоос өөр юу ч хийж чаддаггүй гэж.

( Дэлгэрэнгүй... | 1 | Өгүүллэг | Буянзаяа Ц | )

Шүлэг: Ц.Буянзаяа : Цав цагаан бороо
Оруулсан admin on 2006-08-28 09:23:26 (12636 уншсан)

1.
Би гурван хоног ертөнцийг мартаж унтлаа. Нойронд минь цав цагаан бороо ороод л байх юм. Би хэний төлөө амьдарч байгаа юм бэ? Өөрийнхөө төлөө юү? Хүний төлөө юү? Бүтээхийн төлөө юү? Мөхөөхийн төлөө юү? Аль алиных нь төлөө юү?

( Дэлгэрэнгүй... | 0 | Шүлэг | Буянзаяа Ц | )

Өгүүллэг: Ц.Буянзаяа : Тогоруу хөөрхөн
Оруулсан admin on 2006-08-28 09:20:06 (11873 уншсан)

1.
Зүүн дэнж дээр хэдэн тогоруу тонголзон алхална. Би хар багын сурсан зангаараа:
“Тогоруу хөөрхөн
Тоодог муухай
Цам харай
Цам харай” хэмээн хэдэнтээ хашгирав. Тогорууд миний хэлснийг ойлгосон
мэтээр хэдэнтээ дэгдэлзлээ.

( Дэлгэрэнгүй... | 0 | Өгүүллэг | Буянзаяа Ц | )

Өгүүллэг: Ц.Буянзаяа : Цэцэгсийн сүнс
Оруулсан admin on 2006-08-24 17:43:23 (11528 уншсан)

1.
Үдшийн бүрийд эмгэн толгод үүрэглэн бүртийнэ. Алсад анивалзах цэгээн оддын тоос манаран өвсний толгойд мөнгөрөн бууна. Хорьдын саран цонхийн мэлтийх нь гунигт автсан бүсгүйн царай мэт. Энэхэн үед олон цэцэгсийн үзэсгэлэнт сүнс ахуйф биеэс нь дайжиж эрхисийн хүйтэн махбодыг ивээн гэрэлтүүлж гялбаа татуулна.Өнгө ялдам цэцгэс гоо сайхны сүнс, сүлдгүй болсондоогазрын хэвлийд ичингүйрэн нуугднам.

( Дэлгэрэнгүй... | 0 | Өгүүллэг | Буянзаяа Ц | )

Өгүүллэг: Ц.Буянзаяа : Алтан дэлхий минь уучлаарай
Оруулсан admin on 2006-08-24 17:41:17 (12957 уншсан)

Би эгээтэй л цочиж орхисонгүй. Миний өмнө өнгөрсөн долоо хоногт манай хотыг бүхэлд нь донсолгож орхисон хүн амины хэргийн тухай өгүүлсэн хавтаст хэрэг байна. Эрүүгийн цагдаагийн газраас хэрэг бүртгэлийг нь хийгээд манай албанд өгснийг дарга маань намайг мөрд гэж цохоод явуулжээ. Уг хавтаст хэргийн эхний хэсгийг уншаад л би таг гацаж орхив.

( Дэлгэрэнгүй... | 2 | Өгүүллэг | Буянзаяа Ц | )

Өгүүллэг: Ц.Буянзаяа : Хэрээ
Оруулсан admin on 2006-08-24 17:40:55 (11489 уншсан)

1.
Цонхны цаана өвлийн мөчир дээр нойрмог хэрээ сууна. Тэр цаджээ. Түүнд улай үзэх хүсэл ер алга. Хааяа нэг овгосхийн хөдөлж сангас унагана. Хэрээний сангас шинэхэн мерседес бензний хамрыг нялгадна. Бензний эзэн өдөржин алга. Тэр хажуугийн зуушны газар шар айраг эргүүлж суугаа нь лавтай. Яагаад гэвэл манай байгууллагын жижигхэн дөрвөн давхар байшинд сайн машинтай нэг ч хүн байхгүй.

( Дэлгэрэнгүй... | 0 | Өгүүллэг | Буянзаяа Ц | )

Өгүүллэг: Ц.Буянзаяа : Толгодын үлгэр
Оруулсан admin on 2006-08-24 17:37:58 (11323 уншсан)

Охин Б.Оюунболортоо

Нэг.

Тэр охин надад толгодын тухай үлгэр ярьж өгдөг байсан юм. Түүний ярьж байгаагаар толгод дуулдаг, уйлдаг гэнэ. Би түүний ярианд итгэн толгодыг чагнаж үзсэн. Толгод юун уйлах, юун дуулах. Зөвхөн өвс сэржигнэх, салхи шуугих, хаа нэгтээ малын хөлд шороо нурах төдийхөн чимээ надад өгдөг байв.

( Дэлгэрэнгүй... | 1 | Өгүүллэг | Буянзаяа Ц | )

Өгүүллэг: Ц.Буянзаяа : Дүр
Оруулсан admin on 2006-08-24 17:36:53 (11786 уншсан)

Би сайн дүр бүтээхийн төлөө л амьдарч байна. Амьдрал бол угаасаа л урлагийн тайз. Хэн сайн дүр бүтээсэн нь аз жаргалтай амьдардаг. Энэ бол урлагийн ч хууль, амьдралын ч хууль. Би сайхан амьдрахын тулд яруу найрагчийн дүрд тоглож, яруу найрагчийн дүр бүтээхийг хүссэн. Яг үнэндээ би дүрдээ бүрэн итгэчихсэн байсан л даа. Нэгэнт л яруу найрагч учраас би үгсийн шид рүү тэмүүлж, үгийн гайхамшигаар ертөнцийг эзэмдэх гэж бодсон.

( Дэлгэрэнгүй... | 1 | Өгүүллэг | Буянзаяа Ц | )

Өгүүллэг: Ц.Буянзаяа : Хүн чанар
Оруулсан admin on 2006-08-24 17:34:47 (12581 уншсан)

Хүн чанар маань үргэлж намайг шоглож явдаг юм. Сэтгэлийн минь дотор уйдаж гансарсан хүн чанар маань хийх юмаа олж ядаад л намайг тийнхүү гоочилдог байх. Тэр яг л сармагчины монш гэсэн үг. Юм л болбол дүрсгүйтэн тонгочиж хэл амны бай болно. Миний хүн чанар их хачин л даа. Ерөөсөө зүгээр байж чаддаггүй юм. Би ч гэж би.

( Дэлгэрэнгүй... | 1 | Өгүүллэг | Буянзаяа Ц | )

Өгүүллэг: Ц.Буянзаяа : Эрх чөлөө
Оруулсан admin on 2006-08-24 17:32:44 (12133 уншсан)

Толинд хараад би өөрийгөө эрх чөлөөгөөр учиргүй ихээр дутаж байгаагаа анзаарлаа. Өмнөөс минь гуч гарсан, зангиа зүүсэн, хараа нь муудсан нэг хөгийн амьтан харж байна. Бараг л галзуурах шахав. Хамгийн түрүүнд өнөөх муу зангиагаа тайлаад шидтэл овоо дотор онгойх шиг боллоо. Дараа нь нүдний шилээ, тэгээд костюмаа, эцэст нь цагаа тайлж хаялаа. Бие ч хөнгөрөх шиг, эргэж хартал эхнэр маань гайхсан янзтай зогсож байна.

( Дэлгэрэнгүй... | 2 | Өгүүллэг | Буянзаяа Ц | )

Өгүүллэг: Ц.Буянзаяа : Цасан хүний нулимс
Оруулсан admin on 2006-08-24 11:44:17 (12034 уншсан)

Сүүлийн нэг сар гаруйн хугацаанд миний нүдэнд уйлж байгаа цасан хүн харагдаад байдаг болчихов. Зүв зүгээр юу ч бодоогүй сууж байхад л өмнөх хананы хээ гурвалжин ч байна уу, дөрвөлжин ч байна уу ер ялгаагүй гэв гэнэт л уйлж байгаа цасан хүн болчихно. Дээшээ хараад тааз ширтээд хэвтэж байхад таазан дээр үүссэн толбо, тортогууд мөнөөх л цасан хүн болчихоод асгартал уйлж гарна.

( Дэлгэрэнгүй... | 0 | Өгүүллэг | Буянзаяа Ц | )