BIIRBEH.MN
Та нэвтрээгүй байна Нэвтрэх
Харагдах горим:
Үсгийн хэмжээ:
☕
Бийрбэхэд кофе авч өгөх
21 жилийн түүхийг дэмжих (QPay)
5,000₮~

9907-6364 | info@biirbeh.mn

© Biirbeh.MN - Бүх эрх хуулиар хамгаалагдсан

Эрдэнэсолонго Б

Б Эрдэнэсолонго

Нийт 21 нийтлэл
Эрдэнэсолонго Б Шүлэг: Б. Эрдэнэсолонго : Намар
Оруулсан Bataka on 2026-09-30 10:10:48 (10190 уншсан)

Цэцэгс, эрвээхэй болон нисэх нь намар цаг
Галзуурсан үнээнүүд хашааны оройд суугаад
Саяхан татсан өвсний үнэрт мансууран
Галуудын тухай ярилцаж чанга чанга хөхрөлдөнө.
Чийртэй хүйтэн бороо эцэс төгсгөлгүй цутгаад
Чилж хүндэрсэн зовхио буулгахад ч тээртэй

( Дэлгэрэнгүй... | 0 | Шүлэг | Эрдэнэсолонго Б | )

Эрдэнэсолонго Б Шүлэг: Б.Эрдэнэсолонго : Чи минь
Оруулсан Солонго on 2011-12-05 20:18:19 (10011 уншсан)

Чамаас өөр хэн ч намайг
Тийм ихээр зовоож байгаагүй
Чамаас өөр хэнийг ч би
Тийм удаанаар хүлээж байгаагүй
Өөр хэн ч намайг
Чам шиг өвтгөж байгаагүй
Өөр хэнийг ч би
Чам шиг хайрлаж байгаагүй

Ус шиг, цас шиг, мөс шиг 
Гал шиг, салхи шиг чи минь.

Чи л ганцаараа бусадтай адилгүй байдаг
Чи л ганцаараа бусад шиг байдаг
Хамгаас ичгүүргүй, хамгаас зовиуртай
Хамгаас бүдүүлэг гэвч
Хамгаас эрхэмсэг чи минь
Би чамайг тэвчиж чаддаггүй
Би чамайг л тэвчиж чаддаг
Би чамаас залхдаг
Би чамаас залхдаггүй
Сайхнаас сайхан, муухайгаас муухай болон хувирдаг чи
Чиний дэргэд би ер бусын амгалан байдаг
Чиний дэргэд би ердийнхөөсөө чөлөөтэй, энгийн байдаг
Хэн ч намайг чам шиг галзууруулдаггүй
Хэн ч намайг чам шиг тайтгаруулдаггүй
Хэн ч намайг чам шиг орхиж яваагүй
Хэн ч надруу чам шиг ирээгүй
Өөр хэний ч биш чиний дэргэд би
Өөрөөрөө байж чаддаг

Ус шиг, цас шиг, мөс шиг
Гал шиг, салхи шиг чи минь...



( Дэлгэрэнгүй... | 2 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Ээжээ санана
Оруулсан Bataka on 2006-06-29 10:29:55 (15480 уншсан)

Ээжээ санана
Ээж ээ , таныг санана
Хавар болохоор санана
Шүд өвдөхөд санана
Өвс ургахад санана
Муу хэлүүлэхэд санана
Муу явахад санана
Сайн явахад санана
Сайнаар хэлүүлэхэд санана
Ээжээ санана
Ээж ээ, таныг санана

( Дэлгэрэнгүй... | 3 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Энд
Оруулсан Bataka on 2006-06-29 10:28:37 (12094 уншсан)

Хавраас хаврыг хулгайлсан болохоор
Хавар шиг хавар болохгүй байна
Хачин байна.
Зунаас зуныг хулгайлсан болохоор
Зун шиг зун болохгүй байна
Зутруу байна.
Хүнээс хүнийг нь хулгайлсан болохоор
Хүн шиг хүн огт төрөхгүй байна
Хүнд байна.

( Дэлгэрэнгүй... | 2 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Чамайг хэн гэдэг вэ
Оруулсан Bataka on 2006-06-29 10:27:56 (13201 уншсан)

Чамайг хэн гэдэг вэ
Чи юунд дуртай вэ
Чи яагаад инээв
Чи юунд уйтгарлав
Чи яагаад уйлав

( Дэлгэрэнгүй... | 3 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Мартаад , санаад …
Оруулсан Bataka on 2006-06-29 10:24:56 (12061 уншсан)

Урт хөл дээрх
Ийм гоо үзэсгэлэнг
Хаана харлаа …
Би мартаж эхэлж байна
Огт юу ч санахгүй байна.
… Огторгуйд
Гүн хар нүд
Зөөлхөн мөр
Зөөлхөн гар
Урт хуруу
Хурц хумс


( Дэлгэрэнгүй... | 3 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Зүсүүлсэн нүүртэй …
Оруулсан Bataka on 2006-06-29 10:24:09 (11743 уншсан)

20 насандаа зориулж бичсэн мөртүүд

Салхи зүсэн амьдарна
Салхи шиг зүсүүлж амьдарна
Залуу байна, сайхан байна
Шартай , омогтой байна
Шав шар байна
Шал ногоон байна
Нулимс зүсэн амьдарна
Нулимс шиг зүсүүлж амьдарна
Хөнгөн байна, гэнэн байна
Хөөрөн нисч байна
Хөв хөх байна
Хөөс шиг байна
Нүдтэй байна, шүдтэй байна
Хүчтэй байна, гэхдээ
Уйлж байна, хүнээрээ байна
Уруулсан салхи шиг байна
Зүстэй байна, цөстэй байна
Зүсүүлсэн нүүртэй байна …

( Дэлгэрэнгүй... | 1 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Шүлгүүд …
Оруулсан Bataka on 2006-06-29 10:19:52 (11980 уншсан)

Миний шүлгүүд,
“0” бүлгийн цустай
“00”-д байгаа хүн шиг
Өөрийнхөөрөө
Миний шүлгүүд,
Хүний үнэртэй
Хүүхдийн нулимстай
Хүүхний инээдтэй …
Миний шүлгүүд ,
Хүүхний энгэрээс гэрэлтэж
Хүүхдийн нүднээс харагдана …

( Дэлгэрэнгүй... | 2 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Өөртөө зориулсан үгс
Оруулсан Bataka on 2006-06-29 10:19:46 (12241 уншсан)

Жижиг жижиг сэтгэлүүдийг
Зүйж наахаар жинхэнэ юм шиг болно …

Сэтгэл минь яст мэлхий шиг
Хуяган дотроо …

( Дэлгэрэнгүй... | 3 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Сандалны тухай шүлэг
Оруулсан Bataka on 2006-06-29 10:16:39 (13331 уншсан)

Урт хар сандал өрөөнд минь байдаг
Түүнд би хүлээлт гэдэг нэр өгсөн
Надтай цуг ханьсах түүний
Насыг нь хэлж мэдэхгүй
Бид ямар нэгэн зүйлийг
Маш удаанаар хүлээж байгаа
Бидний тэвчээр нэг л нартай өдөр барагдаж
Би, чи-дээ тулан хэрэлдэж уралцахаас
Би маш их эмээдэг, эмзэглэдэг
Хүлээлт бид хоёр одоохондоо
Хүний амьдралаар амьдарч байгаа …

( Дэлгэрэнгүй... | 4 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Хавар
Оруулсан Bataka on 2006-06-29 10:14:30 (11682 уншсан)

Өвснүүд шөнөжин архидаж хоноод
Өглөө нь шараа тайлмагц дахин үргэлжлүүлж
Өдөржин уугаад, үдэш нь төрсөн өдрөө тэмдэглэж
Төд удалгүй хоорондоо зодолдож эхэлмэгц

( Дэлгэрэнгүй... | 6 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Урт өдрийн төгсгөл
Оруулсан Bataka on 2006-06-14 10:31:20 (11301 уншсан)

Урт өдрийн төгсгөлд
Нар хар өнгөтэй
Навч саарал иштэй харагдав
- Гайхалтай.
Урт өдрийн төгсгөлд
Өтөл хөгшин
Оюун санаа минь
Эцэж цуцаад
Дөнгөж нүдээ нээсэн
Гөлөг шиг гаслав

( Дэлгэрэнгүй... | 1 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Өөрийн тухай 2
Оруулсан Bataka on 2006-06-14 10:31:11 (11792 уншсан)

Хүний эрээн дотроо
Миний эрээн гаднаа …
Саранд хуцсан нохойны тухай
Сайхан үлгэр зохиож чадна би
Би чиний өстөн дайсан чинь
Би чиний төлөө үхэж чадах хүн

( Дэлгэрэнгүй... | 1 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Е … хот
Оруулсан Bataka on 2006-06-14 10:26:04 (10081 уншсан)

Ердийн байдаг л нэг тэнгэр
Ердийн байдаг л нэг хүмүүс
Ертөнцийн зүгээр яривал
Зүүн талаас нар нь манддаг
Тийм л хот, гэхдээ
Тэвчээрийн минь
Хамгийн сүүлчийн хүлээсийг
Огтолсон хутганы ир
Одоо ч мохоогүй байгаа
Тийм л газар…

( Дэлгэрэнгүй... | 0 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго :Хот-1
Оруулсан Bataka on 2006-06-14 10:25:27 (13042 уншсан)

Миний хот
Маш сонин үнэртэй
Олон давхар байшинтай
Би долоон давхарт амьдардаг
Миний нэрийг
Зүүн, баруун дөрвөн зам
Зүүн салаа, Нисэх, Вокзал,
Бөмбөгөр ,Баянхошуу гэдэг
Энд Норовбанзад ,
Эминем хоёр адилхан
Тэнгэр нь шар,
Тэндээс ногоон нар мандаж
Цагаан бороо ордог, цас нь хар …
Өтгөн кофе шиг манан татаад
Өглөө нь их сонин амттай
Өнгө өнгийн бөмбөлгүүд агаарт
Өлгөчихсөн юм шиг хүмүүс нь эмзэг

( Дэлгэрэнгүй... | 3 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Харанхуйд
Оруулсан Bataka on 2006-06-14 10:24:34 (11789 уншсан)

Би хүүхэд биш,
Би маш их өөрчлөгдсөн.
Би чиний нууцыг хадгалж чадна, харанхуй
Би чиний зөвшөөрөлгүйгээр юунд ч хүрэхгүй
Намайг тайван орхих хэрэгтэй
Хөвгүүдийг хэрхэн уруу татсан,
Хүүхнүүдийн охин насыг яасныг чинь
Хүнд би хэлэхгүй.

( Дэлгэрэнгүй... | 0 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Зун шиг…
Оруулсан Bataka on 2006-06-14 10:23:22 (16686 уншсан)

Чи яг зун шиг
Үс чинь ой шиг
Нүд чинь шөнө шиг
Чи яг зун шиг…
Чиний хаашаа ч юм нэг л алхвал
Төөрч мэдэх учраас
Би чамайг одоо болтол
Тэвэрсэн хэвээр …
Чи яг ус шиг

( Дэлгэрэнгүй... | 0 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Согтуу номлогч
Оруулсан Bataka on 2006-06-14 10:22:25 (11289 уншсан)

эх орны тухай шүлгүүд

-Би чамд хайртай ,
Эхнэртэйгээ анх унтахдаа ч
Ингэж нялуурч байсангүй
Эх орон минь
-Би чамд хайртай
Хайрлах ёстой бүхнийг чинь
Би хайрласан.
Харин чи намайг огт
Хайрлахгүй юм.

( Дэлгэрэнгүй... | 2 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Нулимс харах бүрт
Оруулсан Bataka on 2006-06-14 10:20:43 (11291 уншсан)

“Бурхны том цэнхэр нүд
Дандаа нулимстай”.
-Бурхан минь.
Нулимс яасан хүнд.
Дандаа нулимстай, дандаа хүнд

( Дэлгэрэнгүй... | 2 | Шүлэг | Эрдэнэсолонго Б | )

Эрдэнэсолонго Б Шүлэг: Б. Эрдэнэсолонго : Ус харах бүрт
Оруулсан Bataka on 2006-06-14 10:19:41 (10971 уншсан)

Нүдээ тэнгэрт өгөөд
Шүдээ араатанд өгөөд
Үсээ ууланд өгөөд
Хөлөө усанд өгөөд
Хэлээ шувуунд өгөөд
Чихээ ойд өгөөд
Сэтгэлээ галд өгөөд
Биеэ шороонд өгөөд

( Дэлгэрэнгүй... | 0 | Шүлэг | Эрдэнэсолонго Б | )

☕ Кофе авч өгөх