Шуурайн Солонго

Өгүүллэг: Шуурайн Солонго : Хуучин нөхөр
Оруулсан admin on 2025-09-21 21:39:47 (6544 уншсан)

Зохиолч яруу найрагч Ш.Солонго, Хуучин нөхөр өгүүллэг Уншсан Б.Дэлгэрцэцэг

Хадмын буянаар жарганаа гэж донгосоход нь найз нөхөд нь Чи мөн ёроолгүй тэнэг хүн ээ гэж гайхаж ядна. Тэгэхэд уур нь хүрч зодолдох маяг гаргавч хөлийнх нь дэвсүүр болоод шувтарна. Тэгээд надад эр бар болохыг нь яана. Эр хүн биш эрийн сүг л гэмээр.

Ахаас гуйж байгаад Солонгос явуултал гурван сар архи уугаад ирсэн. Тэгээд гэрээ санаад тэсээгүй гэж нэрэлхээд байгаа юмаа. Ийм л эрийн сүгтэй би хоёр жил ханиллаа. Дардайсаныг нь дарж бултайсаныг нь булж, хүний эхнэрийн хийдэг бүхнийг хийж түүнийг тэжээсэн сэн. Гэтэл түүнд хангалтгүй санагдаж, өөр хүнтэй л суувал амьдрал нь өөдлөнө хэмээн аархаж байна. Тэгнэ л гэж бодоод байгаа бол би хориод яахав дээ.

( Дэлгэрэнгүй... | 0 | Өгүүллэг | Солонго Шуурайн | )

Өгүүллэг: Шуурайн Солонго : Хуучин нөхөр
Оруулсан admin on 2025-09-10 18:45:04 (9929 уншсан)

Хөөрхий муу нөхөр минь "төрхөмдөө" буцаж байна. Ажил байвч хийж чадалгүй халагдчихдаг, мах байлаа ч хуураад идчихгүй намайг хүлээн уурлаж суудаг нөхөр л дөө. Хийж чаддаг юм нь зурагт үзэх, худлаа ярих. Ажил нь бүтэлгүйтвэл хамаг бурууг нь надад тохох дуртай. Гутлан дээрээ нусаа нийчихээд намайг хялалзахыг нь яана. Ерөөс бүх л юманд хажуудаа байгаа хүнийг буруутгах согогтой учир аав ээждээ ч ад үзэгдэх болсон амьтан. Хадмын буянаар жарганаа гэж донгосоход нь найз нөхөд нь Чи мөн ёроолгүй тэнэг хүн ээ гэж гайхаж ядна. Тэгэхэд уур нь хүрч зодолдох маяг гаргавч хөлийнх нь дэвсүүр болоод шувтарна. Тэгээд надад эр бар болохыг нь яана. Эр хүн биш эрийн сүг л гэмээр. Ахаас гуйж байгаад Солонгос явуултал гурван сар архи уугаад ирсэн. Тэгээд гэрээ санаад тэсээгүй гэж нэрэлхээд байгаа юмаа. Ийм л эрийн сүгтэй би хоёр жил ханиллаа. Дардайсаныг нь дарж бултайсаныг нь булж, хүний эхнэрийн хийдэг бүхнийг хийж түүнийг тэжээсэн сэн. Гэтэл түүнд хангалтгүй санагдаж, өөр хүнтэй л суувал амьдрал нь өөдлөнө хэмээн аархаж байна. Тэгнэ л гэж бодоод байгаа бол би хориод яахав дээ. Одоо өөдтэй өнгөтэй гэсэн бүхнийг минь хамж найзынхаа машинд ачаад явах гэж байна. Ахаас айхын эрхэнд таван ханатай гэрийг минь л авсангүй. Ах байгаагүй бол намайг ажлаас ирэхэд хэдэн хувцсыг минь буурин дээр овоолоод одох байсан биз.

( Дэлгэрэнгүй... | 0 | Өгүүллэг | Солонго Шуурайн | )

Өгүүллэг: Шуурайн Солонго: БҮЖИН ҮР
Оруулсан admin on 2024-12-27 12:11:27 (6055 уншсан)

МЗЭ-ийн шагналт, зохиолч Шуурайн Солонгоогийн Бага хатан номын Бүжин үр өгүүллэг . . . . .

БҮЖИН ҮР

Бурхан минь энэ нэг л биш ээ. Манай гэрт хий юм шүглэсэн юм шиг хамаг юм хөдлөөд, идэх уух юмнаас хорогдоод байх боллоо. Хүү бид хоёроос өөр юм энэ гэрт байх ёсгүй гэж өөрийгөө хичнээн тайтгаруулавч нэг л жигтэй юм болоод байна даа. Таван зүсэм талх үлдлээ гэхэд нэг зүсэм нь үгүй болж орхино. Хүүгийн уусан ундааг тэмдэглэн харж орхиод ажилдаа явавч орой ирэхэд дөрвөн хуруу хэртэй дундарсан байна. Тавагны ааруулаа нүдээрээ тоолж тоолж гаравч усанд яваад ирэх зуур хоёр нь ор мөргүй алга болно. Хуушуур хийгээд ширээн дээр зургааг нь орхиод унтахад өглөө дөрөв болчихсон байх учир би сүүлдээ дасаж хоол илүүчлэн зуухны хүхээгэн дээр тавих болов. Өглөө тэр таваг ёс юм шиг хоосон харагдана. Хаяагаар орж ирээд ямар нэг муур л идээд байгаа юм бодож суух болсон ч хөргөгч нээгээд нэг алим аваад хаачихдаг амьтан гэж байх уу.

Нэг өдөр хүү цэцэрлэгээсээ ирээд "Миний Сакура алга" гэж аяга хангинатал орилдог байгаа. Японы хүүхэлдэйн киноны тэр охиныг нь хэн авдаг байнаа гэж гайхахдаа ойр зуур эрж байтал тэр баримал баруун орны толгойн талд хэвтэж байв. Тэр үед л сэтгэл сэрхийж, гэр дотроос минь хэн нэгний нүд ширтээд буйг гэнэт анзаарсан юм. Зурагт үзэж суухад ч өлмий дороос цоо ширтэх шиг. Нөхрөөсөө салаад ганц хүүгээ хүний зэрэгт хүргэх гэж яваа надад одоо чөтгөр шулам л дутаад байгаа юм байх даа гэж зовниод нойр муутай хонолоо.

Хүүгээ цэцэрлэгт нь хүргэчихээд ажлаасаа чөлөө аван аавындаа гүйж очвол "Юу л байгаа аж" хэмээн дооглож, Бунжаа гуайнд оч л доо гэж дахин зөвлөв. Мөн амгалан улс шүү.

-Ямар нэгэн юм болсон байвал бушуухан нүүх минь гээд аавтай хамт тэр нутгийн ламыг зорилоо. Аавтай нэлээн хууч хөөрч сууснаа тэр өвөө элж мөлийсөн хэдэн зоос гаргаж хэдэнтээ шилгээж үзээд

-Шүглэсэн юм ч гэж дээ. Нэг гэм хоргүй амьтан байна л даа гэхэд нь нуруугаар хүйт даан

-Хөргөгч уудлаж чаддаг чинь юу байдаг билээ хэмээн сандалтайгаа дөхвөл

( Дэлгэрэнгүй... | 0 | Өгүүллэг | Солонго Шуурайн | )

Өгүүллэг: Шуурайн Солонго: ГЭГЭЭ
Оруулсан admin on 2024-12-27 12:03:30 (6365 уншсан)

Хамар хашааны Дооёо гуайнд гэдэс хүргэхээр би гарлаа. Нүд нь юм үздэггүй тэр эмээ ганцаарханаа амьдардаг юм. Гэрийнх нь тооноор гэрэл үзэгдсэнгүй. Эзгүй байна гэж байхгүй дээ гэж санасаар бариулаас нь татвал онгорхой байв.

-Дооёо эмээ? гэж дуудвал

-Өө, хэн бэ, ороод ир хүүхээ гэх нь дуулдав. Ороод пүн харанхуйд гайхшран зогтустал

-Күүнээ юу даа? гэх нь сонстов.

-Тиймээ, ижий гэдэс өгүүлж байна гэвэл

-Яасан сайн хүү вэ, аваад ир гэхэд нь урагш нэг итгэлгүй алхаад

-Харанхуй байнаа гэсэнд уулгалан, нэг унтраалга дарах нь сонстов.

Цэгцтэй цомхон гэрийн доторх мэлсхийн нүднээ тодров.

-Хөгшин үдээр чинь гэрлээ асаахгүй мунгинаж байж хүүхэд айлгаад орхив уу даа гэх зуур нь гарт нь түмпэнтэй хувиа бариулж

-Эмээ та гэрлээ асаадаггүй юм уу? гэсэнд

-Гэрэлтэй гэрэлгүй нь ялгаагүй хүнд ямар хэрэг байхав дээ. Хүүдээ чихэр өгнөө гээд шургуулгаа тэмтчиж ойрын жил дэлгүүрт үзэгдэхээ больсон өнөөх гаатай чихэрнээсээ хоёрыг өглөө. Эмээг түмпэн суллах зуур би хоёр авдарных нь хиртэй нүүрийг харан харуусаж зогсов.

-Эмээ би маргааш таны авдрын нүүрийг арчаад өгөх үү?

-Яачиж уу хүүхээ?

( Дэлгэрэнгүй... | 0 | Өгүүллэг | Солонго Шуурайн | )

Өгүүллэг: Шуурайн СОЛОНГО : ТӨМӨР МҮСТЭЙ СУМ
Оруулсан admin on 2024-12-27 11:47:13 (6210 уншсан)

МЗЭ-ийн шагналт зохиолч Шуурайн СОЛОНГО:

ТӨМӨР МҮСТЭЙ СУМ

(өгүүллэг)

Цасны ус шалбалзан урсах гүн тайгад хаа нэгтээ бархирах шувуун дуунаас өөр чимээгүй. Тийн атал эл нам гүмийг цочоож, мод шажигнан унах нь сүрхий содон дуулдав. Удалгүй тэр зүгээс хугархай хус чирсэн нэгэн бээр нойтон цас хөглөрүүлэн гарч иржээ.

Буй төрх нь оргодол босуулын шинжтэй агаад гөлийсөн хүйтэн харц, амнаасаа үг унагаж үзээгүй болов уу гэмээр хөрзгөр царай, хэтийдтэл ургасан сахал самбай, ширэлдэж сэгсийсэн их үс нь түүнийг тийм төрхтэй болгожээ. Шөрмөс, хялгасаар хэлгэж торгоосон арьсан дээлэрхүү хувцсаа нарийн агсаргаар чанд ороож, түүнээс нь цөөвтөр сумтай хоромсoг унжаад нумаа хөвчөөр нь өрөөсөн мөрөндөө угласан түүний хөлөө боож тунтарсан нэхийг гутал гэхэд хэцүү.

Тэрбээр чирч ирсэн модоо газар орхиод нойтон цасан дээр өвдөглөж, цас суваглан жирэлзэх уснаас аажуухан шимэн уух нь хүртэл нэг л хүмүүн бусын аягтай. Даахирч бөөмнөрсөн үс нь усанд дүрэгдэн хөвөх үес сайхи хүмүүн сая сэхээ орох мэт өндийж, хүйтэн усаар нүүрээ хэдэнтээ шударч норгоод, усаа гоожуулан моддын үзүүр ширтэж хэсэг сатаарав. Хүйтэн гөлгөр харцанд нь ямар нэгэн бодол санаа үл илэрнэ.

Тэгснээ гүнзгий санаа алдаад бүсэндээ хавчуулсан чандага мэтийг суга татан, хажуудаа тавих мөртөө авчирсан модныхоо нарийн хуурай мөчрийг хугачин, цасны чийг нь арилж, энэ хавьдаа урь ханхлуулан харлах товгор дээр зэргэлээд өврөөсөө хэт цохиур уул гарган, яах ийхийн зуургүй түүдэг асаав. Чингээд гутал орлосон баглаатай нэхийнийхээ түрийнээс бяцхан хутга гарган, мөнөөх чандагаа дор нь янзалж, гэдэс дотрыг нь чулуудаад, нимгэн зулмагар арьсыг хуу татах нь тун ч сурмаг. Хоромсогноосоо нэг сум сугалан авч, туулайны шулдан биеийг нь туушид нь шорлоод дүрэлзэж буй түүдгээ яльгүй дарж, утаа манаргаж түүнийгээ дээр нь тавилаа. Чухам л шорлогт зориулсан мэт сумны төмөр мүс /иш/ галын илчинд өнгөө хувиргахыг ажсаар мөнөөх эр бодолд дарагдав.

... Цэргийн бүрээн дуу гэнэт хадсан ч тэр ядах юмгүй бэлдэж, яаравчлан аравтдаа нийлсэн нь саяхан атлаа элэн хулангийн үе мэт санагдана. Тэдний зуут хөтөлгөө морьдтойгоор өдөр шөнөгүй довтолгож нэгэн их хүдэнт хангайд тулж ирэв. Хуй салхи шиг явсан болохоор газрын баримжаа ч байсангүй. Морьдоо орхин цааш явган замнахыг тушаасан тул ойн захад эгнэн зогслоо.

( Дэлгэрэнгүй... | 0 | Өгүүллэг | Солонго Шуурайн | )

Мэдээ: Шуурайн Солонго зохиолчийн ГИМАЛАЙ номыг сэтгэгдэл
Оруулсан admin on 2019-03-12 10:47:36 (11676 уншсан)

Шуурайн Солонго зохиолчийн ГИМАЛАЙ номыг уншлаа. Ийм уншууртай ном сүүлд Наминчимэд ахын Аугаа Эринээс хойш уншаагүй байжээ. Уншихдаа уйлж, инээж, зүрх түгшин догдлосноо нуухгүй. Шөнө нойр хүрэхгүй, зохиолын үйл явдлыг бодоод хэвтэж байхад яг кино шиг...
Уншаад бодит явдлаас сэдэвлэснийг шууд ойлгосон бөгөөд зохиолч нь амь насандаа аюул учрах вий хэмээн болгоомжлож зориудаар "Энэ номонд гарч буй үйл явдал нь бодит явдлаас сэдэвлээгүй бөгөөд дан ганц уран сэтгэмжээс бүрдсэн болно" хэмээн номын өмнөх нүүрэнд бичсэн бололтой.

Монголд тагнуулын алба хэрхэн ажилладаг хийгээд онцгой содон авьяастай хүүхдүүдийг хэрхэн сонгон авч, сургаж дадлагажуулан Амь өрссөн хэцүү албанд томилон илгээдэгийг Гималай хэмээх өнчин охины хувь тавилангаар илчлэн гаргажээ. Гималайд үүрэг өгөн хил давуулахаас эхлээд л хүнд хэцүү тавилан тосно. Гималай бүгдийг сөрөн давж, шилдэг мэргэжилтэн болсон ч эцсийн эцэст золионд гарсанаа ухамсарлах аж. Золионд гарсан хүн яах вэ? Бууж өгөх үү? Гималай шал өөр замыг сонгож байна. Тэр хэрхэн зорьсондоо хүрэх бол...

( Дэлгэрэнгүй... | 0 | Мэдээ | Солонго Шуурайн | )

Мэдээ: Шуурайн Солонгын ГИМАЛАЙ туужийн хэсгээс....
Оруулсан admin on 2019-03-12 10:41:35 (17439 уншсан)

Шуурайн Солонго

.....
Нүдгүй тас харанхуй шөнө цас чихар чихар дуугарна. Дээр түг түмэн одод яралзавч гэгээ нь орчлонд хүрэхүйеэ бэрх. Яг л хүний итгэл найдвар мэт даанч хол.
Шинэ орсон цасанд гутал гэдэг даагдахгүй лаахай. Гэвч Дуламд ухарч буцах зам байсангүй. Долоон хоногийн өмнө намаржин тэжээж атарлуулсан хүрэн морио унаад энэ холын аянд гарчээ. Охин Гималай нь гурван жилийн өмнө Циркийн сургуульд явсанаас хойш огт ирсэнгүй. Хааяа нэг захиа бичих төдийгөөр тэдний харилцаа хязгаарлагдана. Охин нь хаана, ямаршуу байгааг мэдэхгүй сууна гэдэг Дуламд уйлмаар хэцүү.
Араас нь явья гэвч хаанаас олохоо мэдэхгүй тул өдий хүрчээ. Гималайн захианд тэр тухай бичээгүй байдаг нь гачлантай. Хачирхалтай нь захиа нь үргэлж задгай ирнэ. Яг л хэн нэгэн замаас нь задлаад уншчихсан мэт.
Гэтэл нутгийн нэг хүн охинтой нь хотод санамсаргүй таарч, аль сургуульд сурч байгааг нь мэдэж ирж хэл дуулгажээ. Үрээ санах гэдэг хэмлэнт зовлонг ханатал эдлээд, ийн өөрийг нь байнга харж цагддаг сумын цагдаагаас нуугдан барин хот руу явж буй нь энэ. Замын машинд ч суухаас эмээсэн хэрэг.

( Дэлгэрэнгүй... | 0 | Мэдээ | Солонго Шуурайн | )

Мэдээ: Шуурайн Солонго: ТООРОЛЖИН
Оруулсан admin on 2017-06-12 18:58:12 (13106 уншсан)

.......Цаг хугацаа удааширсан мэт таньд санагддаг уу. Надад бол өтгөн зуурмаг дундуур хөлөө өргөн өргөн алхах шиг удаан байдаг. Цагийн эд эс бүхэн миний дотор оршиж, усны дусал хүртэл нэггггггг хоёёёёёёёёр гэж бөнжийж бөнжийж, сая нэг тасарч буй мэт сэрэгдэнэ. Тэр агшин хормыг хурдлуулсан ер бусын явдал амьдралд минь таарч байсангүй. Харин санаандгүй тохиолдлоор мөнх амьдрахыг үл хүсэгч, бие махбодийн өвчин зовиурыг үл тоогч нэгэнтэй би таарсан юм. Брендон ноёнтой танилцсанаас хойш цаг хугацаа яаж хөдөлгөөнд орсон гээч. Кино хальсыг хурдан эргэлтэнд оруулахаар үйл явдал хэрхэн жирэлздэг билээ, түүн шиг яралзаж өгсөн дөө. Олон ч хүн тэр кинонд минь тоглож, жорон журан гэлдээд л өнгөрсөн. Тэр дундаас "Тооролжингоо" хэмээн хашгирах Дүүрэн жононгийн дуу үргэлж сонстсоор буй....

Тооролжингоо номын эхлэлээс...... МИНИЙ ШИНЭ НОМЫГ 70004343, 88027333 утсаар захиалаад, үнэгүй хүргэлт хийлгээрэй. Book.mn фэйсбүүк хаяг руу орж өөр, олон номын сонголтыг бас үзээрэй.

( Дэлгэрэнгүй... | 1 | Мэдээ | Солонго Шуурайн | )

Зөвлөгөө: Шуурайн Солонго : НОМОО ЯАЖ ГАРГАХ ВЭ ГЭЖ ОЛОН ХҮН АСУУХ ЮМ. ТЭДГЭЭР ХҮМҮҮСТ БЯЦХАН ЗӨВЛӨГӨӨ БИЧЛЭЭ.
Оруулсан admin on 2017-06-12 18:51:52 (9782 уншсан)

1. Зохиол бүтээлээ маш сайн шигшиж бэлдэнэ. 150 шүлгээс 80 шүлэг, 50 өгүүллэгээс 25 өгүүллэг авах нь ч бий. Энэ нь юу өгүүлж буй юм бэ гэхээр бичсэн болгон чинь шүлэг биш, тэгээд номонд орох шаардлага хангаагүй байдаг гэсэн үг.

2. Дараа нь маш сайн редактор олж, үг үсгийн алдаанаас гадна утга зүйн алдаа, нуршилт зэрэг алдааг засуулнаа. Бас аль бүтээл орох, алийг хасахыг тэр хүн шийднэ гэсэн үг. Цол эрэмбэтэй том зохиолчоос илүү сэтгэл гаргаад, өөрийн мэт засаад өгөх хүн чухал байдаг. Редакторын зассан хувилбарыг авч дахин өөрөө шүүн тунгаана. Засалтыг зөвшөөрөхгүй бол дахиад өөр хүн лүү явж болно. Ер нь уран зохиол мэддэг хэдэн ч хүнд уншуулж, зөвлөгөө авч болно шүү. Сайн редакторт мөнгө төлдөгийг мартуузай.

( Дэлгэрэнгүй... | 1 | Зөвлөгөө | Солонго Шуурайн | )

Өгүүллэг: Шуурайн Солонго : ХАМААТАН
Оруулсан admin on 2016-10-10 09:39:28 (10264 уншсан)

ДУР ЗОРГО хэмээх шинэ номынхоо нэг өгүүллэгийг сонирхуулья.

Должидыг ирж яваа хэдэн үүлнээс аргалаа нуун, адсагаар даруулж суутал гэрээс нь гарч ирсэн Түлэнхий Бор, Баажий хоёр гүнгэр гангар хийн шузганд хүрч, цулбуураа шувт татлаа. Мордоод явахдаа "Чадлынхаа хэрээр орчлонг бузарлаж яваад дууслаа даа" гэхийг дуулаад Бие муутай хүнийг ингэж байдаг гэж дотроо өрөвдөнгүй бодсон ч их гэрээс гучаад алхамд бариатай, баруун хаяа нь дордойсон жижиг гэрээ хараад хөмсөг нь буулаа. Тэнд нөхрийнх нь авга ах Аргай хоногоо хүлээн хэвтэж буй юм. Ай ингэж зовж байхаар үхчихээсэй, ямар ч бөх голтой юм гэж харууссаар гэр лүүгээ ороход нөхөр нь зөөтгөхөөр тавьсан том аягатай авгынхаа хоолыг нь аван өндийлөө. Толио сайтай ханийнхаа хөмсгөн дундах хонхорхой болтлоо тодорсон үрчлээг хараад дахин харуусчээ. Хоёрхон жилийн дотор энэ садангаасаа болж, ийнхүү арван насаар оворжуу харагдах гүн зангилаатай болж хоцорчээ. Түүнийг зогсоож, хөмсгийг нь арга ядан илэхэд мушилзангуй инээвхийлээд гарлаа. Төдхөн илүү гэрээс авгын харааж зүхэх, аяга халбага хангинах, Заяа чинь тэр дээ гэж хашгирах нөхрийнх нь дуу гарчээ. Нөхөр нь нялхийсэн муухай үнэр ханхлуулан орж ирээд эмээлээ шүүрч "Хаачиж үхэх вэ" гэж адгахад нь булаалдан авч, муу нөхрөө гэрийн зүүн зүгт түрлээ.

( Дэлгэрэнгүй... | 0 | Өгүүллэг | Солонго Шуурайн | )