Арлаан Эрдэнэ-Очир

Шүлэг: Арлааны Эрдэнэ-Очир : Хачин тунгалаг амраг
Оруулсан Bataka on 2026-03-12 21:43:08 (3157 уншсан)

Д.Нацагдоржийн шагналт, Монгол Улсын Соёлын гавьяат зүтгэлтэн,

"Болор цом"-ын эзэн, яруу найрагч Арлааны Эрдэнэ-Очир "Болор цом-25" наадам

"Хачин тунгалаг амраг" шүлэг

( Дэлгэрэнгүй... | 1 | Шүлэг | Эрдэнэ-Очир Арлаан | )

Шүлэг: А.Эрдэнэ-Очир : Зам
Оруулсан admin on 2026-03-06 11:41:00 (16943 уншсан)

2002 оны "Болор цом-20" наадмын Тэргүүн шүлэг

МУСГЗ Яруу найрагч Арлааны Эрдэнэ-Очир

Энэ миний цорын ганц зам

Хувьхан заяаны зам

Ээж минь анх сүүгээр чулууг нь зөөллөж

Эцэг минь өргөсийг нь түүсэн цэцэгт зам

Амьдралын бөгтөр шар давааны

Ар өврөөс нь тодорч бүдгэрсэн зам

Айлын бараа хүний хүсэлт дуудсан

Андуутай үнэнтэй алаг зам миний зам

( Дэлгэрэнгүй... | 1 | Шүлэг | Эрдэнэ-Очир Арлаан | )

Шүлэг: Арлааны Эрдэнэ-Очир : Амраг бодол
Оруулсан Bataka on 2026-01-16 13:52:05 (4659 уншсан)

Алсаас надруу нэг сэтгэлд хоногшим дуу урсаж байдаг

Амьдралын шидэт болор аялгуу болж бодолд асгаж байдаг

Анхимал үнэрт нэгэн гоо цэцэг зүрхэнд дохилзож байдаг

Агшин бүрийн уярангуйн будандаа бүүвэйлж байдаг

Алаг булаг замбуулин чамайг бодохоор л цэлмэж байдаг

Анирхан навчсын шивнээнд цагийн нулимс мэлтэрч байдаг

Ахиад л гансран мөрөөдөхийн зовлон над төрж байдаг

Аяархан хөндүүр бодол цээжнээс дандаа түлхэж байдаг

( Дэлгэрэнгүй... | 2 | Шүлэг | Эрдэнэ-Очир Арлаан | )

Шүлэг: А.Эрдэнэ-Очир : Тунгалаг гунигийн улирал
Оруулсан admin on 2026-01-16 12:09:16 (6729 уншсан)

Сэтгэлийн дотор зөөлхөн хөндүүр байх

Сэрэл мэдрэмж өгч, аглагшин зовохын сайхныг ээ

Сэрүүхэн намраар холын ууланд бодол минь оччихоод

Сэмхэнээр намайг дуудан жаргаахын амгаланг ээ

Амьдрал дандаа гялбаа цахиж, тэнгэр дуугарч байвч

Аядуу зөөлөн үүрсэх нь л цээжний гүнд анир цочооно

Алс хол, мянган жилийн цаадах бургас шуугихыг

Аньсага цавчихын зуур олж сонсох зүүд шигээ

Бүрэнхийд бүсгүй хүн инээх нь одод сэрвэгнэх шиг болоод

Бүлээхэн тунгалаг аялгуу цээжинд урсахад залгилнам аа

Бүдэг саран цэнхэр сарнаас илүү энхрийлэлтэйг мэдээд

Бүүр түүрхэн санаашрал төрөх нь урьдын явдлын гунихрал аа

( Дэлгэрэнгүй... | 0 | Шүлэг | Эрдэнэ-Очир Арлаан | )

Шүлэг: Арлааны Эрдэнэ-Очир : Голын тохой дээр
Оруулсан admin on 2026-01-16 11:13:13 (42675 уншсан)

Дорноговь аймгийн Улаанбадрах сумын уугуул Д.Нацагдоржийн нэрэмжит шагналт, “Болор цом” яруу найргийн наадмын эзэн, яруу найрагч, Монгол Улсын соёлын гавьяат зүтгэлтэн Арлааны Эрдэнэ-Очир

Газрын магнайнаас хөлөрч урссан Сэлэнгийн салаа тохой дээр
Гандсан намрын шаргал өдөр устай мушгиран одохыг харжээ суугаад
Ганц дуу чамд зориулан дуулж түүнийгээ тэнгэрийн цээлд нараар мэтгэн
Ганихан хорвоогийн өнгөн дээр бусдын зүрхэнд шигтгэн гэрэлтүүлэх болов би

Амьдрал мөнхийн зүүд минь тэнгэрийн зурсан зураг минь
Алдааг нь цуглуулахад ч жаргал амтагдмаар хонгор минь
Алсаас над руу урссан цаг хугацааны зэрэглээн дундаас
Амжиж миний олж харсан үл мэдэг инээмсэглэлт минь

( Дэлгэрэнгүй... | 6 | Шүлэг | Эрдэнэ-Очир Арлаан | )

Шүлэг: Арлааны Эрдэнэ-Очир : Миний зурсан хорвоо
Оруулсан admin on 2026-01-16 10:38:01 (18730 уншсан)

Бүжин хярсан бут цагийн эрхээр өргөслөөд

Бүлээхэн бороо намиравч солонго холдоод намар болно

Бүүр түүр бодлын холд цаг хугацаа өндөглөж

Бүдэг гэрлийн нөмрөг дор шөнийн шувууд амраглаад сүрэг болно

Саруул талд тэнгэрийн хаяанаас эх авсан

Салхины чимээ нуурын толионоо долгис болно

Санаа сэтгэл дэнсэлж амраг чамайгаа санаад

Сарыг алгандаа бөмбөрүүлэн залгилахад гэгээ болно

( Дэлгэрэнгүй... | 2 | Шүлэг | Эрдэнэ-Очир Арлаан | )

Шүлэг: Яруу найрагч Арлааны Эрдэнэ-Очир : Нар зөвийн Эх орон
Оруулсан admin on 2025-10-20 10:34:27 (18697 уншсан)

"Найргийн жимээр..." Яруу найрагч Арлааны Эрдэнэ-Очир

Ургаж буй наран дотроос нь ангирын цуваа зэллэж
Урсаж буй усанд нь эрдэнийн саран эрхэлсэн
Униарт тал хөндий, өмөг төгөлдөр уулс, уудам говийн эх нутаг
Утга учрын хорвоод намайг тосч авсан Эх орон