Д Энхболдбаатар

Дууль: Таньдаг байсан цэргийн залуу минь
Оруулсан admin on 2026-03-18 16:00:26 (14952 уншсан)

(Дууль)
Зовлон үзсэн бүсгүй дүүдээ

Хажууханд ирчихзэ юү гэлтэй
Хачин тод гялалзах
Өнгө төгөлдөр оддоороо гоёсон
Өвлийн шөнө шиг цэвэр цэлмэгхэн явсан
Ах минь...
...Анд минь...

( Дэлгэрэнгүй... | 1 | Дууль | Энхболдбаатар Д | )

Шүлэг: Д.Энхболдбаатар : Анхалж харсан хамгийн үзэсгэлэнт бүсгүйдээ
Оруулсан Bataka on 2025-11-27 12:44:21 (4075 уншсан)

Энхболдбаатар Даваадорж · Тоглохын шүлэг /Бас л завгүй - II/

Анхалж харсан хамгийн үзэсгэлэнт бүсгүйтэйгээ би

Амраглаж тоглодог

Айл гэр болж

Аав ээж болж

Алагхан үрээ үнсэлж эрхэлдэг

Хайрын чулуугаар гэр өрөн

Хамтдаа мөнхөрье гэж ярилцан тоглодог

Уярлын бурмаар дарс исгэж

Уучлалын утсаар даашинз нэхэж

Гоморхолдоо аргадал зангидан

Тунирхалдаа ааш эмжин

Зүүдэндээ үнэгчлэх үрээ

Зүүсгэл чимэг болгон

Амьдралаа чимж тоглодог

Аз жаргалаа нэмж тоглодог

( Дэлгэрэнгүй... | 0 | Шүлэг | Энхболдбаатар Д | )

Шүлэг: Бошигт хаан Галдан бээр зарлиг болруун:
Оруулсан admin on 2009-06-18 19:36:00 (12971 уншсан)

"Агуу их сүр хүчний тухай дууль" романы өргөл шүлэг

-Үе дутуу үгс утгаа үл гүйцээх шиг
Үндэс дутуу мод ургаж эс цэцэглэх шиг
Хаан үгүй бол улсын төр самтарна
Халх үгүй бол Монгол минь хагасарна

( Дэлгэрэнгүй... | 0 | Шүлэг | Энхболдбаатар Д | )

Өгүүллэг: Д.Энхболдбаатар : Арванхоёрдугаар сарын бүсгүй
Оруулсан admin on 2009-01-25 07:37:30 (12433 уншсан)

Зохиолчдын эвлэлийн 80 жилийн ойд зориулсан “Утгын чимэг-2008” богино өгүүллэгийн наадамд нийт ер гаруй бүтээл уралдсан билээ. Тэдгээрээс шалгарсан 11 өгүүллэгийг мэргэжлийн жүжигчид тайзнаа уншиж сонирхуулсныг бид та бүхэнд цувралаар хүргэж байгаа. Ингээд энэ удаа Д.Энхболдбаатарын “Арванхоёрдугаар сарын бүсгүй” өгүүллэгийг хүргэж байна.

Арванхоёрдугаар сарын бүсгүй

Жижигхээн булцгар хуруу цахилгаан шатны товчлуурыг дармагц хаа нэгтээ хөдөлгүүрийн бүдэг дуу жигдхэн хүнгэнэж эхэллээ. Төд удалгүй хаалганы цаана хонхны жин гэх чимээ эгшиглээд хаалга нээгдлээ.

( Дэлгэрэнгүй... | 6 | Өгүүллэг | Энхболдбаатар Д | )

Шүлэг: Д.Энхболдбаатар : 4 мөртүүд
Оруулсан admin on 2008-12-21 19:51:56 (8752 уншсан)

Дурлалын үед зүрх минь буруу цохидог
Шаналалын үед бүүр зогсож орхидог
Дурлал, шаналалгүй үе надад огт байгаагүй болохоор
Цээжний минь цаг хуанлийн цагтай тохирохгүй
Өөрийнхөө цагаар бол хэчнээн жил амьдарснаа
Өөрөө ч би хэлж мэдэхгүй…

( Дэлгэрэнгүй... | 0 | Шүлэг | Энхболдбаатар Д | )

Өгүүллэг: Д.Энхболдбаатар: Удирдагчийн нууц
Оруулсан admin on 2008-10-11 14:23:00 (16069 уншсан)

"Утгын чимэг" богино өгүүллэгийн наадмын 3-р байрын шагналт өгүүллэг

Их нүүдэл замынхаа дунд ч ороогүй байхад удирдагч нөгчив. Хязгааргүй үнэнч, үзэсгэлэнт залуу гэргий нь түүнийг бие барахаас гурван өдрийн өмнөөс л гашуудан уйлж эхэлсэн бөгөөд уйлсаар л байсан юм. Хөөрхий эмэгтэйн зүрх хэрхэн шархиран шаналсныг өгүүлэх юун билээ.

( Дэлгэрэнгүй... | 6 | Өгүүллэг | Энхболдбаатар Д | )

Шүлэг: Эргэлзээт сэтгэлийн чулуун гудамжнаа
Оруулсан admin on 2008-06-23 09:42:41 (8661 уншсан)

Элдэв чамин хоршоо зээлтэй
Эргэлзээт сэтгэлийн чулуун гудамж
Эргэлзээт сэтгэлийн гудамж чулуун шалтай
Хахирыг илтгэх хүйтэн үдшийнх нь дунд
Хацар гоо охин дулаанхан дүртэй
Цэл залуухан тэр охин эргэлзээт сэтгэлийн чулуун гудамжнаа
Цэцэг тэврэн алхах нь
Эртний сонгодог дүртэй
Гэрлийн чимэглэлээ гайхуулах
Эндэхийн чамин зээлүүд
Сэрлийн үнэр ханхлуулсан
Эрээ цээргүй наймаатай
Буруу зөв сэтгэл
Булингартай итгэл
Бусармаг ухаан
Бусчар оюун санаа
Дур булаам эсвэл ой гутам харц
Дугариг бор царай нумарсан хөмсөг
Хоосон халаас
Нэг бол дүүрэн хэтэвч
Хорсол занал шаналал хагацал
Эргэлзээт сэтгэлийн чулуун гудамжинд үгүй юмгүй

( Дэлгэрэнгүй... | 0 | Шүлэг | Энхболдбаатар Д | )

Шүлэг: Нутаг шигээ явахсан
Оруулсан admin on 2005-04-23 15:05:03 (12527 уншсан)

Учир үйлийг ухуулсан
Уяхан ээжийн минь зэмлэл шиг
Уулс олны чанадаас
Урсгалаа чимээлж санаанд байх

Бургас модон шугуйдаа
Буянаа бөөцийлж мяралзсан

( Дэлгэрэнгүй... | 1 | Шүлэг | Энхболдбаатар Д | )

Шүлэг: Эрхлэн туних
Оруулсан admin on 2005-04-23 14:51:36 (13007 уншсан)

Хайрын чинь тэнгэрт дэрвэлээ шүү
Хавсарга салхинаас хаагаарай
Үлээхийн зоргоор навч шиг би
Үйлээ даалгүй тасарчих вий

Амрагийн сэтгэлд чинь автлаа шүү
Аагим нарнаас халхлаарай

( Дэлгэрэнгүй... | 0 | Шүлэг | Энхболдбаатар Д | )

Шүлэг: Doctrinaire
Оруулсан admin on 2005-04-23 14:35:01 (11676 уншсан)

Найдах хэрэггүй, хүн ганц л амьдарна
Насаараа хийж гүйцээгүй ариун үйл хэргээ
Хойд насандаа хийж дуусгаад
Хорвоогийн мөхлийг хойшлуулна гэж бодохын хэрэггүй

Итгэх хэрэггүй, амьдрал хэмжээтэй
Эрх чөлөө гэдэг эрхэм чухал болохоор

( Дэлгэрэнгүй... | 0 | Шүлэг | Энхболдбаатар Д | )

Шүлэг: Мөрөөдлөөс минь ч холын хээнцэр сэтгэлт ...
Оруулсан admin on 2005-04-23 13:53:45 (11671 уншсан)

Бардам энхрийлэл, янаг дурлалын тухай
Бадагхан шүлгийг би чамд зориулъя, бүсгүй минь
Бадрангуй сэтгэлийн илч гэрлээс хэзээ ч
Баяр хөөр, хөгжөөн цэнгэл дайжихгүй...
Түнэр харанхуй сэтгэлийг ч
Дурлалын түүдэг гийгүүлнэ

( Дэлгэрэнгүй... | 0 | Шүлэг | Энхболдбаатар Д | )

Шүлэг: Энхболдбаатар: Болжморынх шиг сэтгэл...
Оруулсан admin on 2005-04-22 15:13:32 (11481 уншсан)

Нэгэн болжмор
Нисэж ирээд
Цонхны тавцан дээр
Цомцойн суулаа
Дахиад нэг нь
Дагаж ирээд
Далиа сэгсчин
Зэрэгцэн буулаа

Хоёр хөөрхөн
Жижигхэн амьтад
Хослон ижилсээд
Эрхэлж гарлаа
Бөөвгөр жаахан
Бөмбөг шиг биесээ
Бүлээцүүлзх мэт
Бөөцийлөн байлаа

( Дэлгэрэнгүй... | 0 | Шүлэг | Энхболдбаатар Д | )

Шүлэг: Шувууд үргэлж миний мөрөөдлийн зүг нисдэг 2
Оруулсан admin on 2005-04-22 15:09:50 (12410 уншсан)

Шувууд үргэлж миний мөрөөдлийн зүг нисдэг
Тэнд миний хайрын шилтгээн байдаг
Шулганах нь надад ятгын аялгуу шиг сонсогддог
Тэр дуу миний сэтгэлийг хөглөдөг

( Дэлгэрэнгүй... | 0 | Шүлэг | Энхболдбаатар Д | )

Шүлэг: Шувууд үргэлж миний мөрөөдлийн зүг нисдэг 1
Оруулсан admin on 2005-04-22 15:05:55 (11656 уншсан)

"-Тийм гэж уу? -Тиймээ..."
Миний хариулт

Шувууд үргэлж миний мөрөөдлийн зүг нисдэг
Шуурга хавсарга, шуугих салхийг сөрөн нисдэг
Шулганан ганганалданхан нисдэг
Шув шулуухан, эргэлт буцалтгүй нисдэг

( Дэлгэрэнгүй... | 0 | Шүлэг | Энхболдбаатар Д | )