***Нохой ч бол сүүлтэй нь сайхан.
Гуйранч ч бол журамтай нь сайхан.
Арслан баатар ч бол галаас цочдог.
Хүн сайн ч бол нэг юманд гэнэддэг.

***Алдартай хулгайчийг явбал
Шөнө байтугай өдөр ч хардана
Атаач хүнийг мэдвэл
Муухай байтугай сайхан загнавч үл үнэмшинэ.

***Унасан морь гижигээ хүрвэл
Эс үргэвч өшиглөх
Удаан ханилсан нөхөр уураа хүрвэл
Эс ноцолдовч хэрэлдэх.

***Дайсны дэргэд амрагаа битгий магт
Амрагийнхаа дэргэд дайснаа бүү нуу

*** Шударга хүний зан нь бүдүүн,үг нь эрс.
Шунахай хүний нүд нь хомхой,үг нь тэнэмгий

Замын тоос гарвал нь
Зандан хүрний тоос юм
Залуу бага насанд
Зальхай явдал ичгүүр юм

Хив хадаг зөөлрөвч
Бурханы яндар болдог юм
Хиргүй цэвэр цаасч
Номын хуудас болдог юм

Нарнаас наагуур хөшиглөсөн
Үүлэн чамайг яах вэ.
Насны багад ханилсан
Үүнийхээ сэтгэлийг яах вэ

Хариас ирэх шувууны
Хангинах дуу нь янзтай
Хайртнаас салах хүний
Харамсах сэтгэл уяралтай.