9907-6364 info@biirbeh.mn
Facebook RSS2 Нэвтрэх
BIIRBEH.MN
Та нэвтрээгүй байна Нэвтрэх
Харагдах горим:
Үсгийн хэмжээ:
☕
Бийрбэхэд кофе авч өгөх
21 жилийн түүхийг дэмжих (QPay)
5,000₮~

9907-6364 | info@biirbeh.mn

© Biirbeh.MN - Бүх эрх хуулиар хамгаалагдсан

Вэб сайт хийнэ, байрлуулна ...

Domain, Host, Web ... : BBS Soft LLC by Bataka
Кана Б Шүлэг: Б.Кана : Гуниглах дуртай өөрийгөө том шагнамаар ч юм шиг
Оруулсан admin 2013-08-28 11:54:06 (8320 уншсан)

Гуниглах дуртай өөрийгөө том шагнамаар ч юм шиг
Гутарсан шинжгүй сэтгэлээрээ бахархмаар ч юм шиг
Ганцаардалд дурласан миний сонголт амттай ч юм шиг
Гиюүрэн санаашрах би дэндүү жаргалтай ч юм шиг...

Зожигдуу зандаа хязгааргүй хайртай болохоор л
Зураг ижилсүүлж шүлэг тэрлэжээ суудаг байх
Зорисон амжилтандаа хүрэх хүч нэмэх гэж би
Зүйрлэл болгож найргаар өөрийгөө шагнадаг даа...

Хэн хүнээс илүү миний энэ араншин араатан шинжтэй
Хэрэггүй муусайн баг зүүж худлаа инээхээс хол зайтай
Хайр дурлалын тоглоомонд чимээгүй нууцхан ялагч нь
Харсан үзсэн бүхэндээ толгой холбож дүгнэх шувуухай...

Зүгээр л эрх чөлөөг мэдэрдэг миний орон зайн зогсоол
Зам дээр гээгдсэн сарнайн дусал улаан цусны амттай
Залуу насыг инээмсэглэж үдэх даруухан найрагт дурлагч
Зүрхээ даран чимээгүй мэгших чиний шаналалын шалтгаан...

Хэн нэгний сүрэнд биллярдны бөмбөг шиг далдаганаж үзээгүй
Хэнэг ч үгүй ганцаараа сажлан байхдаа омогшин байдаг
Хүндлэл дунд хүн болсон миний залуу халуун нас атаархмаар
Харгуй замд дуу аялан шүлэг тэрлэж ганцаардлаар гангарагч би...
.......................... .......................... ..................Кана.Б

( Дэлгэрэнгүй... | 0 | Шүлэг | Зохиогч : Кана Б | )
Кана Б Шүлэг: Б.Kана : Зээрийн янзага шиг хөөрхөн нүдээ эргэлдүүлээд
Оруулсан admin 2013-10-21 10:29:43 (10805 уншсан)

Зээрийн янзага шиг хөөрхөн нүдээ эргэлдүүлээд
Зэрвэс зэрвэс чамайг хараад сэтгэл уужирна
Цэн цэнгийн уран үгс зүрх гижигдээд ирэхийн цагт
Цэлэлзтэл халгих сэтгэлийн хэмнэл алдуурах сайхан...

Хаяа хаяахан үгэндээ дурлалаа дайж ичингүйрээд
Харах мэлмийд торсон тоорын ягаан цэцэгхэн би
Хурмастын хүү тэсгэл алдан намайг хүлээж суугаа
Хун хунгийн дэвэлтээр тэнгэрийн зүгт дүүлмээр байна...

( Дэлгэрэнгүй... | 3 | Шүлэг | Зохиогч : Кана Б | )
Эрдэнэ С Өгүүллэг: С.Эрдэнэ : Өвгөн шувуу
Оруулсан admin 2009-10-20 14:59:00 (47790 уншсан)


Жав гуай, нар ханын толгойд тусаж байхад нүдээ нээлээ. Зовхи нь хөх няц болон хавагнаж ухархайдаа хонхойн ширгэсэн гэрэлгүй нүдээр гэрийн доторхийг тойруулан харах гэж ихэд хүндэрсэн толгойгоо арайхийн эргүүлэв. Хянган хамрын самсааны мөгөөрс нэвт гэрэлтэн шанааны нь яс арьсаа цоо татах бий гэмээр ёрдойжээ. Царайны нь өнгө энэ нүгэлт ертөнцөд амьдрах өдөр тоотой хүн гэдгийг илтгэнэ. Яс арьс болсон гараараа орны хөлөөс уясан татуурганаас чангааж байж биеэ хагас эргүүлээд явган ширээн дээрх шаазантай цийдмээр амаа дэвтээв.

( Дэлгэрэнгүй... | 50 | Өгүүллэг | Зохиогч : Эрдэнэ С | )
Чимэддорж Цэндийн Шүлэг: Ц.Чимэддорж : Дэрэнгийн хар азарга
Оруулсан Bataka 2026-10-14 19:34:50 (20 уншсан)


Яруу найрагч, сэтгүүлч Ц.Чимэддорж

( Дэлгэрэнгүй... | 0 | Шүлэг | Зохиогч : Чимэддорж Цэндийн | )
Шүлэг Шүлэг: М.Билэгсайхан : Хар азаргын нуруу
Оруулсан admin 2012-04-20 11:30:59 (11551 уншсан)


Үйтэн хуар дээлний товруу хээ шиг содон
Үхэж төрөх заяаны уулзах цэг шиг эмзэг
Үүл сульдааж амраасан дэлхийн чимэг уул минь
Ус өвсөнд умбасан ургаа Хар азарга билээ.

Танан улаан наран суганд нь сульдаж хүрдэг
Талын бор толгод унага шиг жоохон харагддаг

Тал саран авхайг чулуун хэлтэрхий дээр амраадаг
Тахилтай салхиар янцгаасан Хар азарга уул билээ.

Өвөг дээдсийн минь өлгий
Өөрийн минь ээж аавын минь өлгий
Энэхэн биений минь өлгий
Эх үрсийн минь өлгий

Дээдэс өвгөдийг минь өлгийдсөн болохоор нь
Бурхан нуруу гэдэг юм би
Дээвэр цоорхой тэнгэрт нь ойрхон болохоор нь
Сүмбэр уул гэдэг юм би
Дээд тэнгэрийн тахилгатай болохоор нь
Чингисийн нуруу гэдэг юм би
Дэлхийд, морины нэртэй болохоор нь
Азарга нуруу гэдэг юм би
Торон жирэн зэрэглээг нь
Далай гэж андуурдаггүй болохоор
Би говийн хүү
Толгой эргэм хар азаргатаа
Дөрөөлж наадсан болохоор
Би Алтайн хүү
Тиймээ би Говь-Алтайн хүүхэд
Тэлмэн жороо гол элс хоёрын садан
Тиймээ та бид чинь хангай говийн төрлүүд
Тэнгэр эхийн доорхи хайр нэгтэй үрс
Хөвдөл хөрстийг ч хөмөрч мэдэх
Хар азарга уул гэж бий
Тахиж хэрвээ чадвал тавилан заяаг тань ивээх
Тамга уул аяа миний Хар азаргын нуруу

Монголын зохиолчдын эвлэлийн (МЗЭ) шагналт

Мөнхөөгийн Билэгсайхан


( Дэлгэрэнгүй... | 4 | Шүлэг | Зохиогч : Шүлэг | )
Агиймаа Э Шүлэг: Э.Агиймаа : Зуслангийн дурсамж
Оруулсан admin 2014-08-26 12:54:33 (8988 уншсан)

Хавар болоод зусланд очихын сайхныг
Хөмүүл таанын үнэр хамар цоргихын сайхныг
Хүүхэд багачууд цуглан
Хөгжин наадахын гоёыг
Хөрз аргал үнэртсэн
Зуслангийн өдрөөс би мэдэрдэг
Миний цагаахан дурсамж
Эмээгийн минь зуслангаас хөвөрдөг
Айж ичихээ мэдэхгүй аав ээжийгээ даган
Айл айлаас амттан чихэр цуглуулах хүүхдүүд
Танил өвөө эмээ нарын дүр төрх
Булгийн хүйтэн усаар
Булаалдан байлдаж тоглоод
Буурал эмээгээ хараад
Буруу зүйл хийснээ ухаарах
Балчир насны гэгээхэн дурсамжууд
Багын хайртай зусланд минь бий
Алтан наран уулын оройг эмжин жаргахад
Андуудтайгаа би харж суугаад шагшин магтдагсан
Алиман саран алган дээр тогтсон мэт үдэш бүрийн үзэсгэлэнг
Алдрай бага насандаа зуслангийн оройноос би мэдэрсэн
Зуухан дотор цогших аргалын хөх утаа
Зуун жил болсон ч миний бодолд суунаглах байх
Санахгүй байхын аргагүй сайхан тэр дүр зураг
Сая жил болсон ч миний сэтгэлд мөнхрөх байх

( Дэлгэрэнгүй... | 1 | Шүлэг | Зохиогч : Агиймаа Э | )
Мөнхтулга Г Шүлэг: Г.Мөнхтулга : ҮНЭН Л БАЙГААСАЙ
Оруулсан Bataka 2026-10-14 16:15:26 (23 уншсан)

Миний гэх ертөнцөд ганцхан чи байдгийг 
Мэдээсэй гэсэндээ сэтгэлээ цас болгон илгээлээ
Нэвсийтэл орсон хаврын цас үдийн наранд хайлах нь 
Нэг л гунигтай бодол төрүүлнэ, чи минь анзаарахгүй бол би яах вэ

Атгахан зүрхнээсээ хязгааргүй ихээр хайрласан
Балчирхан чамайг би бүх шүлгэндээ  шингээлээ 
Амьдралын замд хараахан бидний мөр нийлээгүй нь 
Ахиад л хүлээх тэсвэр нэхнэ, чи минь ирэхгүй бол би яах вэ

Зуу зуун мөчүүдэд чамаар өөрийгөө гоёсон 
Зуны шөнө шиг тодхон үзэсгэлэнд чив чимээгүйхэн жаргалаа 
Зүрхэнд минь амьдарч бодолд минь үргэлж эргэлдэх нь 
Зөвхөн надад л илгээгдсэн гэлтэй, чи минь үргэчихлвэл би яах вэ

Миний хувьд чи үнэхээр онцгой нэгэн гэдгийг 
Мэдрүүлэхийг хичээхдээ бусад ертөнцийг магад умартсан 
Чиний хувьд харин би онцгой нэгэн болчихоод 
Жирийн амьдралаа бахдаж сууна, чи минь гэхдээ мэдрэхгүй бол би яах вэ

Хайрлах гэж хичээхдээ дутуудсан бол би яах вэ, үгүй л байгаасай
Харин маргаашийн ирээдүй нийлчихсэн байх амьдрал минь үнэн л байгаасай…

21.04.26

Эх сурвалж : Tulga.poetry    

( Дэлгэрэнгүй... | 0 | Шүлэг | Зохиогч : Мөнхтулга Г | )
Мөнхтулга Г Шүлэг: Г.Мөнхтулга : АЙ МИНИЙ АМЬДРАЛАА…
Оруулсан Bataka 2026-10-14 16:11:39 (16 уншсан)
Цаг хугацааны жимээр алхаад л алхаад л 
Цаана нь өшөө харгуй замууд намайг хүлээгээд л
Ард минь харин цэцэгт хөндий халиураад л 
Аяа миний амьдрал гурван цагийн уяанд өрнөөд л… 

Гурван цагийн уяанд алдаатай оноотой хөврөөд л 
Гучин найман насны даруухан ухаарал төрөөд л 
Зуны халуун өдрүүдэд хүйтэн өвөл рүү тэмүүлээд л 
Зуу хүрэхгүй жилийн эгэл амьдрал минь жирэлзээд л 

Эгэлхэн хэрнээ нууцлаг ирээдүйг хааяа төсөөлөөд л 
Эхний бөгөөд сүүлчийн гунигийн дуу сонсогдоод л 
Амьдрал, мэдрэмж, тааламжууд зуу зуун хормоор амтагдаад л 
Ахуйдаа уягдсан мэдрэхүйн эрх чөлөөндөө сагсуураад л

Эрх чөлөөт амьдралын баригдмал өдрүүдэд шунаглаад л
Эхийн сэтгэл, үйлийн үрийг үхэл амьдралтай тэнцүүлээд л 
Ээдрээт зохиолын гунигт цуст төгсгөлд бачуураад л 
Эрчит салхинд нүгэлээ гөвөх мэт үс, хүрэм минь хийсээд л алхаж явна даа.
Ай миний амьдрал аа…

( Дэлгэрэнгүй... | 0 | Шүлэг | Зохиогч : Мөнхтулга Г | )
Мөнхтулга Г Шүлэг: Г.Мөнхтулга : АЛДМААРГҮЙ БАЙНА…
Оруулсан Bataka 2026-10-14 16:10:36 (15 уншсан)
Алдмааргүй байна 
Гэхдээ бас араас нь зуурмааргүй байна
Хэр өндөрт нисэхийг чинь харж 
Хэнээс ч илүүгээр дотроо баярламаар байна
Гомдоогүй хэрнээ цааш нэг алхсан чамайг
Голын цаанаас ажиж, гүүрэн дээр хүлээмээр байна
Өнөөдөр юу хийж явааг чинь мэдэхгүй ч 
Өчигдөр намайг ганц удаа ч болов бодсоныг чинь мэдэрч байна
Яг л над шиг…
Бодохгүй байгаа ч бодсоор л яваа чи 
Яг л чам шиг…
Болно доо гэсэн итгэлээ алдалгүй нааш нэг алхсан би
Хэзээ нэг өдөр яг л өмнөх шигээ эргээд таарах 
Хэт холын хэрнээ энүүхэн зүрхний эзэн чи минь
Хэт ойрын гэхэд ертөнц тэр чигтээ эргэлзэвч 
Азаар…
Энэ бидэнд огт хамаагүй, бид бие биесээ хайрласаар л байна…

Алдмааргүй байна 
Гэхдээ бас араас нь зуурмааргүй байна
Хэр өндөрт нисэхийг чинь харж 
Хэнээс ч илүүгээр дотроо баярламаар байна
11.10.26

( Дэлгэрэнгүй... | 0 | Шүлэг | Зохиогч : Мөнхтулга Г | )
Мөнхтулга Г Шүлэг: Г.Мөнхтулга : ЭРЧҮҮДЭЭ БИЕ БИЕСЭЭ ХҮНДЭЛЖ ХАЙРЛА
Оруулсан Bataka 2026-10-14 16:08:35 (18 уншсан)

Амьдралын амтанд агсарч яваа

Аргамаг хүлэг шиг залуусаа тогтож хайрла

Асахын хийморь нь дүрэлзэж яваа 

Эрмэг баатрууд минь сонсож хайрла


Нас насны сүүдэрт бүдгэрч яваа буурлуудынхаа

Намбыг бодож хэсэгхэн амсхийж хайрла

Намтар түүхийн хуудсуудад бичигдсэн

Монгол эрс минь тогтож хайрла

( Дэлгэрэнгүй... | 0 | Шүлэг | Зохиогч : Мөнхтулга Г | )
Чимэддорж Цэндийн Шүлэг: Ц. Чимэддорж: Би майга
Оруулсан admin 2018-01-31 19:16:20 (17270 уншсан)


Би морь унаж майга болсон Монгол
Суунаг ногоон талд ханаан дугуйлах шиг майга
Суран бугуйл тэнгэрт гогцойрох шиг майга
Халхын их занабазарын хадан дээрх мөр шиг майга
Хацар гоо охидын хар саран хөмсөг шиг майга Би майга
Дугараа эргэх шиг майга
Морьд эргэх шиг майга
Уяаны мод шиг майга
Уяачид шиг майга
Хэлхэгэр халхагар бөхчүүд шигээ майга
Хэлсэн ч майга хэлээгүй ч майга Би майга 

( Дэлгэрэнгүй... | 0 | Шүлэг | Зохиогч : Чимэддорж Цэндийн | )
Амарсайхан A Өгүүллэг: А.АМАРСАЙХАН : СОЛИОРСОН ДУРЛАЛ
Оруулсан Bataka 2026-10-14 12:33:37 (34 уншсан)
(өгүүллэг)

Есдүгээр ангийн хөөрхөн хүү над руу ширтдэг болчихлоо. Би гэдэг хүн тэгтэл хорин ес хүрчихсэн, нөхөргүй өтөллөө гэж ээждээ үглүүлж суугаа, гадаад хэлний багш нь шүү дээ. Аймгийн гүйцэтгэх захиргаанд хэлтсийн дарга аавтай, царайлаг, дэгжин, цуутай сурлагатай хүүд есийн бүү хэл, арвын хэдэн бүлгийн охид бүгдээрээ дурлачихсан явдаг тул, үеийн нэгнээ олж харснаар гэнэн томоогүй шохоорхол нь замхарна биз гээд тоохгүй байхыг хичээнэ.
Тэгтэл би тоохгүй байж яагаад ч эс чадлаа. Есийн “А” ангид ормогц Тодбилэг гэх тэр хүүгээс цоргих “эр хүний” харцыг мэдэрч шохой барьсан хуруу минь чичирч, заах сэдвээ мартаж, самбарын өмнө гацаж сандарна. Чөлөө л гарвал түүний ухаалаг бор нүд, хэрсүү дүр төрх нүдэнд дүрслэгдээд булгилж гэгэлздэг болсон төдийгүй, сургуулийн үүдний танхим, шат хонгилуудын хаа нэгтээ түүнтэй таарахаар улсхийж, хамаг бие халуу оргих нь аймшигтай.
( Дэлгэрэнгүй... | 0 | Өгүүллэг | Зохиогч : Амарсайхан A | )
Баттуяа Ц Өгүүллэг: Цэдэндамбын Баттуяа : АРВАН ДОЛООН НАС
Оруулсан Bataka 2026-10-12 18:51:00 (80 уншсан)
Зохиолч: Цэдэндамбын Баттуяа
АРВАН ДОЛООН НАС / ӨГҮҮЛЛЭГ/ 

Өргөн ногоон тал өмнө цэлийж, хөх тэнгэрт улаан наран мишээсэн гоо үзэсгэлэнгийн цогц ертөнц - миний эх орон. Үлгэр домгийн учралыг мөрөөдөж, хүмүүний амьдралаас гайхамшгийг хайн, зүүдээ амилуулсан - миний арван долоон нас. Тэнгэрийн дагиныг хүсэн хүлээх - эр зүрхний оргилуун хүсэл. Хүсэл биелдэггүй гэдэг худлаа юм билээ. Тэргэл саран талдаа саатсан тэр нэгэн үдэш би энэ сэтгэлийн хүслэн болсон тэнгэрийн дагинатайгаа учирч билээ.
Хэнтийгээс Улаанбаатар орох замын дагуух дэн буудлуудын нэг нь манайх байлаа. Манайх дэргэдээ дэлгүүртэй бөгөөд түүндээ би зуны амралтаараа суудаг байв. Тэр нэгэн үдэш түүнийг дэлгүүрт орж ирээд, ундаа аваад гарахад зүрхэнд оч харвах шиг болж билээ. 
( Дэлгэрэнгүй... | 0 | Өгүүллэг | Зохиогч : Баттуяа Ц | )
Чагнаадорж Ч Шүлэг: Ч.Чагнаадорж : НАМАР ГЭДЭГ ТОСГОНД
Оруулсан Bataka 2026-09-30 22:01:14 (141 уншсан)

Намар гэдэг тосгонд санаашрал минь суудаг
Навчис гэдэг бодлууд нэг нэгээрээ хийсдэг
Байшингийн гадаах сандалд уйтгарууд нарладаг
Бялзуухай нисэн ирээд өвлийн тухай ярьдаг

Намар гэдэг тосгонд сүмийн хонх дуугардаг
Намхан тагтны цоорхойгоор сүүлчийн бороо дусалдаг
Нойтон модны утаа сэтгэлийн цонхоор гардаг
Ногтруу шувуу буцахдаа дурсамжийн өдөө орхидог

Намар гэдэг тосгонд цагаан хуснууд байдаг
Нарийхан мөчир дээр нь олон зүрхнүүд цохилдог
Сар луу ниссэн тогорууны шаргал ганганаа цуурайтдаг
Сагстай бүсгүй алхахдаа ганц алим гээдэг

Намар гэдэг тосгонд миний төгөл байдаг
Намайг тэнд суухад алчуур хийсэн ирдэг
Танил сүрчигний үнэр хайрын цэцгэнд шингэдэг
Тайван суусаар би цас орохыг хүлээдэг

Намар гэдэг тосгонд миний ертөнц байдаг
Намар гэдэг тосгонд чиний инээд байдаг
Бид хоёрын алхсан тэртээх жим байдаг
Би чамд дурласан тийм улирал байдаг

Намар гэдэг тосгонд...
 
Монголын Зохиолчдын Эвлэлийн (МЗЭ) шагналт яруу найрагч Ч.Чагнаадорж 

( Дэлгэрэнгүй... | 0 | Шүлэг | Зохиогч : Чагнаадорж Ч | )
Шүлэг Шүлэг: A.Алтансолонго : Би сайхан бүсгүй
Оруулсан admin 2016-03-08 00:35:07 (11815 уншсан)

Орчлонгийн сүүдрийг наранд ойртуулах гэж
Охин дуугаа тэнгэрт хадааж төрсөн - би сайхан бүсгүй
Ижийнхээ сайхныг хугаслан авч мэндэлсэн болохоор
Эгэл төрхөндөө өөрийн орон зайтай - би сайхан бүсгүй
Зуны цэцэг шиг өнгө төгс төрөөгүй ч
Зорсон хөшөө шиг бие хаа тэгшгүй ч
Зургийн хуар шиг хээ тансаг чимэггүй
Залуу насаараа л гоёсон -би сайхан бүсгүй
Чиний харцыг өөр лүүгээ удтал чилээлгэж мэдэх
Чимэг ч үгүй даруухан - би сайхан бүсгүй
Чимээгүйхэн хайрыг чинь зүрхэндээ гэмгүй урьчихаад
Чилийтэл хүлээлгэж мэдэх -би сайхан бүсгүй
Жавар хургасан сэтгэлд чинь хайрын галаа цогшоож
Жаргалд хамтдаа алхлах - би сайхан бүсгүй
Цаг цагийн тоосонд үл гундан чамайгаа чимэх
Цахилах гөрөөс шиг эрдүүхэн - би сайхан бүсгүй
Үйл заяаны учганд би чамайгаа сонгосон хэдий ч
Үнэндээ чиний сэтгэл намайг үгүйлсэн - би сайхан бүсгүй
Үхэхдээ хүртэл чинийхээ хайранд өлгийдүүлчихээд
Өөр ертөнцөд бардамхан алхлах - би сайхан бүсгүй
Надад хайрын дээд нинжин сэтгэл дэлгээтэй болохоор
Надад харах нүдний эгэл бүхэн цогцлоотой болохоор
Надад хамгийн сайхан үрийн тавилан заяатай болохоор
Нартад би өөрийгөө сайхан бүсгүй гэж бардам хэлнэ

БИ САЙХАН БҮСГҮЙ

эх сурвалж

( Дэлгэрэнгүй... | 1 | Шүлэг | Зохиогч : Шүлэг | )
Шүлэг Шүлэг: О.Заяа : Яаж чи чаддаг юм бэ
Оруулсан Bataka 2026-10-07 14:32:02 (118 уншсан)

Ганцхан хатуу үгэнд чинь усан бороо шиг мэлмэрч
Гал шиг төөнөх үгэнд чинь зуны цэцэг шиг дэлбээлж
Газрын холыг ч мартан ойр юм шиг зүүдлээд
Ганцхан чи л намайг өөртөө татаж чадах юм
Огшоод ирдэг омгийг чи л үгээрээ дарж
Оргилоод хальдаг гунигийг чи л үгээрээ аргадаж
Олз юм шиг онгодыг чиний төлөө урсгаад
Одоо хүртэл чи л намайг хөглөж чадах юм
Хэн хүний өмнө хэнэггүй л явдаг бүсгүйсэн
Хэрэггүй үгээр чамайг гомдоох вий гэж хүртэл айх юм
Хэзээ орох юм бэ тэр бороо чинь чиний уруулыг амтлахсан
Хэнд ч биш чамд л хэлээгүй үгсээ шивнэхсэн
Хундаганд дүүргэсэн архи юм бол бодох юмгүй татахсан
Хуруунд зүүгдэх бэлзэг юм бол санах юмгүй тайлахсан
Хувь дутуу тавилан юм бол харамсах юмгүй явуулахсан
Худлаа ч гэсэн амнаас чинь хайртай гэдгийг чинь сонсоод салахсан
Яаж чаддаг юм бэ чи
Яг л миний зүрх шиг лугшиж
Яаж мэдэрдэг юм бэ чи
Яг л миний сэтгэл шиг түгшиж ....


( Дэлгэрэнгүй... | 0 | Шүлэг | Зохиогч : Шүлэг | )
Бусад Өгүүллэг: Н.Бадамжав : Бялзуухайн нислэг
Оруулсан admin 2013-05-02 14:22:47 (8100 уншсан)

 ( Дэлгэрэнгүй... | 1 | Өгүүллэг | Зохиогч : Бусад | )
Үржинханд Э Шүлэг: Э.ҮРЖИНХАНД : НАМРЫН МОДОД
Оруулсан Bataka 2026-10-02 10:54:02 (131 уншсан)

Намрын модод - миний аль эртний танил,
Нам гүмхэн бодолд автан найгалзана.
Нууцын нууцаас бороошиж хуралдсан
Нулимс минь өөрөө бороон дусал ч юм уу?
Нарны цацраг навчинд хувилсан юм шиг
Нандин сэтгэлийн торгон мэдрэмжүүд
Намайг хөглөж, намуухан хөгжимдсөөр,
Найрсан нахилзах хуучны найзууд юм уу?
Өндөр шилэн барилгууд дундаас
Өндийхөөрөө өндийж, над руу даллана.
Өнгөрсөн үеийн сайхныг сануулах гэж
Өрөвч зүрхний минь утсыг хөнддөг юм уу?
Солонгон өнгөнд дурсамж минь шингэж,
Салхины үзүүрт гуниг минь шингэрнэ
Намар болгон надтай л болзохын төлөө
Намирсан шаргалаа тээсээр ирдэг ч юм уу?
          
               2026.09.28
   
( Дэлгэрэнгүй... | 0 | Шүлэг | Зохиогч : Үржинханд Э | )
Түмэнжаргал Загдын Дууны үг: Загдын Түмэнжаргал : Уулсын Хаан Мөнххайрхан
Оруулсан Duuren 2026-10-02 10:14:44 (109 уншсан)

УУЛСЫН ХААН МӨНХХАЙРХАН

 

Өргөрөг уртраг сүлжсэн дэлхийгээс

Онож төрсөн энхжин

Өлзий буянт өвөг дээдсээс минь

Надад заяасан мөнхжин


Уулс уулсын хаан Мөнххайрхан

Ус уснаас тунгалаг Булган гол


 

( Дэлгэрэнгүй... | 0 | Дууны үг | Зохиогч : Түмэнжаргал Загдын | )
Чагнаадорж Ч Шүлэг: Ч.Чагнаадорж : НАМАР АА...
Оруулсан Bataka 2026-09-30 21:42:39 (128 уншсан)


Зурагдаагүй гунигийг минь ямар гоё зурна вэ намар аа
Зул өвснийхөө үзүүрээр ямар гоё сийлнэ вэ намар аа
Хөнгөдсөн шаналанг минь яагаад иймээр бүтээнэ вэ намар аа
Хөл дүрсэн шүүдрээрээ яагаад ингэж ариусгана вэ намар аа

Бичигдээгүй уйтгарыг минь ямар нууцхан бичнэ вэ намар аа
Бийр зуусан шувуудаар ямар чимээгүй урлана вэ намар аа
Хэвлэгдээгүй бодлыг минь ямар аажуухан хэвлэнэ вэ намар аа
Хээр талынхаа салхиар яасан зөөлхөн сэврээнэ вэ намар аа

Хайртын минь үсийг ямар тансаг хийсгэнэ вэ намар аа
Хар нүднийх нь сормуусыг ямар аниргүй чийгтүүлнэ вэ намар аа
Дээлнийх нь өнгийг ямар хурдан гандаана вэ намар аа
Дэн бөхдөг үдшээрээ яагаад түүнийг ганцаардуулна вэ намар аа

( Дэлгэрэнгүй... | 0 | Шүлэг | Зохиогч : Чагнаадорж Ч | )

☕ Кофе авч өгөх