BIIRBEH.MN by Bataka - Завгvй монгол

Нийтлэл: Завгvй монгол
Оруулсан admin on 2005-04-14 20:16:08 (6571 уншсан)

Сүүлийн үед ажил төлөвлөлт гэдэг үг амтай бүхний уруул давах боллоо. Гэтэл үнэндээ хэрэгжиж өгдөггүй хоосон лоозон намираад л байх янзтай. Зарим нэгэн хэнэггүй хойрго хүмүүсийн үзэж буйгаар бол Монголд ажлыг цагаар төлөвлөх асуудал хэзээ ч биелэхгүй сэрүүн зүүд юм гэнэ. Цаг минут бүрийг нарийн төлөвлөсөн анхны өдөр л түүнийгээ хэрхэн нуран унахыг харах болно гэж тэд хэлэх аж. Энэ үнэний хувьтай билээ. Төлөвлөсөн цагаас чинь төрийн ажилтнаасаа эхлээд түмний “нэг” хүртэл хумслана. Учир нь тэд таны нэгэн адил ажлаа төлөвлөөгүй тул нөгөө л аажуу уужуу байдлаар хандаж, цухлыг тань хүргэх нь энүүхэнд. Монголчууд аугаа их ирээдүйтэй улс. Яагаад ингэж хэлэх болов гэвэл бид маргаашдаа дэндүү найддаг амгалан хүмүүс юм. Амьдрал хэмээн нэрлэгдэх энэ өчүүхэн хугацааг бид тун хачирхалтай өнгөрөөх аж.

“Өнөөдөр амжихгүй бол маргааш болох биз ээ” гэнэ. Хэлээд байсан маргааш нь болоход өчигдөр хэлснээ ахиад л тоть шиг давтаад сууж байна шүү дээ. Ямартаа л Монголын маргааш дуусахгүй гэсэн егөөдөл гарч, хэлц үг болтлоо манаргаж явах вэ дээ. Ажилдаа ирлээ. “За, үүнийг нэг цагийн орчим хийчихнэ дээ” гэж аажуурна. Нэг цагтаа тулахаараа “Цайны цаг болчихлоо, орой болохоос өмнө нэг хийчихье дээ” гэнэ. Орой таван цаг болонгуут ар гэр өөдөө яарах сэтгэлдээ хөтлөгдөөд “Өө яанаа, орой болчихсон байна ш дээ. За, өнгөрсөн хэрэг. Маргааш өглөө эртхэн маналзуулахаас “ гэх нь тэр дээ. Энэ маягаар өдөр болгоныг дамнуулан үйлдлээр биш яриагаараа хийсээр нэг л мэдэхэд ямарч үр бүтээлгүй долоо хоногийг өнгөрүүлчихөөд “Улс орон хөгжихгүй байна” гэж том том ярьцгаах... Энэ бол өнөөгийн нийгэм дэх хүн таны дутагдал. Дейл Карнеги “Хүмүүсийн хамгийн эмгэнэлтэй алдаа бол ажлыг хойш тавих” гэсэн нь бий. Нээрээ л бид өнгөрөөсөн хором мөч бүрээ эргэж харахдаа хичнээн их юм хийж амжих байсан, ямар их боломж хэзээ ч эргэлтгүйгээр одсоныг алмайран гайхацгаадаг. Өнгөрсөнд хийж амжилгүй хойшлуулсан ажлууд маань хуримтлагдсаар өнөөдрийн цаг завыг барах тээртэй ачаа болж бидний л мөрөн дээр бууна. Өөрөөр хэлбэл бид чинь өнгөрснөөрөө амьдарч, “хөгжлийн ухрах зам”-аар гэлдэрч явна гэхэд хилсдэхгүй. Монголчууд бүгдээрээ юу хийгээд байгаа нь мэдэгдэхгүй завгүй ард түмэн болчихож. Хүнтэй цаг товлон уулзахаар болзоод хүлээж зогстол -Уучлаарай, ажил гарчихлаа. Дараа л уулзахаас гээд утасдаж байдаг. Аливаа байгууллагын дарга нартай уулзана гэдэг агаараас чулуу түүхийн дайтай бэрх.Учир нь тэд завгүй ажилдаа дарагдаад, та биднийг анзаарах сэхээгүй, “ажлын төлөө” үрэгдэж явдаг.”Залхуу” Монгол “завгүй” болж, замбуулин дээр цахиур хагалах юм байх аа. Үнэхээр л бид ажилдаа нухлагдаад завгүй байгаа юм бол эх орон минь яагаад хөгжихгүй байгаа юм бэ? Яагаад гэвэл бид төлөвлөөгүй ажлууддаа ороогдчихоод, чөлөө заваар харангадаж явна. Амралтаа хүртэл төлөвлөөгүй болохоор арга байж уу. “Тэгж байгаад нэг амарна даа” гэж байтал нь ажил гараад дашийн шог. Тэгээд л нөгөө “стресс” гэгчдээ нэрвэгдэж, эмнэлэг сувиллын өвчтөний орон тоог нэгээр нэмнэ. Энэ хооронд ажил нь түүнийг хүлээхээс цаг хугацаа хүлээхгүй нь даанч харамсалтай. Хамгийн хачирхалтай нь ийн сөхөртлөө ажиллах мэт боловч гараас гарсан нь харагдахгүй байгаа юм. Төлөвлөгөөгүй ажил үр ашиггүйн дээр зав зай үл олгодог байхад ажлаа зөв төлөвлөөд, цаг тухайд нь хэрэгжүүлээд явбал бид хоёр дахин илүү завтай болно гэдгийг баттай хэлэх байна. Та төлөвлөгөөтэй байснаар барьж авахаас халгадаг ажлаа хаанаас нь эхлэх, ямар шат дараатайгаар хийх, цаашлаад түүнийхээ эцсийн биеллийг хүртэл урьдчилан харж чадна. Тэр ч байтугай хоногийн 24 цагийг уртасгах болно гэвэл та итгэх үү? Төлөвлөгөөтэйгээр ажиллаад үз.Тэгсний дараа үүнд итгэхээс өөр зам танд үлдэхгүй. Ажлаа төлөвлөхдөө та зорилгоо тодорхойл, цаг хугацааг нарийн тооц, ажилдаа зэрэглэл тогтоож, хамгийн чухлыг нь сонго, хоорондын уялдаа холбоог тодруулж, нэгээс нөгөөд шилжих хялбар арга замыг хай, ажлаа багцалж, бэлтгэлээ ханга, төлөвлөснөө бүү цуцал. “Завгүй” Монгол хүн тандаа амжилт хүсье!

Tusgal-Web
http://www.tusgal.com

Вэб хаяг:
http://www.tusgal.com/modules.php?name=News&file=article&sid=437

( Сэтгэгдэл бичих? | Нийтлэл | Оноо: 0/0 | Өөрийгөө ялах нь )

Манай сайт танд таалагдаж байвал LIKE хийгээрэй. Танд баярлалаа.

Санал сэтгэгдэл

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 97 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

B2-004.JPG
Хэмжээс: 600x450 123k
Сэтгэгдэл: 0
Үзсэн: 4222

Должин : Зам зуур
zam-075.JPG
Хэмжээс: 600x450 111k
Сэтгэгдэл: 0
Үзсэн: 4346

Должин : Зам зуур
Жагсаад
Хэмжээс: 600x450 120k
Сэтгэгдэл: 0
Үзсэн: 4218

Агуулга

Monday, 2024.07.01
·	Э.Үржинханд : ҮЗЭГНИЙХЭЭ ҮЗҮҮРЭЭР
·	Э.Үржинханд : ДЭЛГЭР ЗУНААР
·	Соёрхын Пүрэвсүрэн : НААДАМ ДӨХЛӨӨ ДӨӨ... ХАНЬ ГЭЖ...
·	Э.Үржинханд : ТАНИЛ ГУДАМЖААР
·	Соёрхын Пүрэвсүрэн : НҮҮДЭЛ
·	Г.Мөнхтулга : ДУРЛАЛ
·	Г.Мөнхтулга : “293”
·	Г.Мөнхтулга : . ӨӨДГҮЙ АМЬТАН
·	Г.Мөнхтулга : ХАЙР УДАХГҮЙ ИРНЭ
Saturday, 2024.03.30
·	Лха Отхан : ӨӨР ДУУНД УЯРАХГҮЙ
·	Лха Отхан : ЦАСНЫ УТГА УЧИР
·	Лха Отхан : ХАРААЦАЙ НАС
·	Лха Отхан :ӨНГӨРСӨН БҮХЭНД УТГА УЧИР
·	Лха Отхан : ДУРСАН САНАХ БАЛЧИР НАС ...
·	Лха Отхан : ҮХЛИЙГ ҮЗЭХ Л ҮЛДСЭН...!
·	Лха Отхан : ЭЛСНИЙ ЧИМЭЭ
·	Лха Отхан : АМЖИЖ ХАЙРЛАХААР ХОРВОО ДУТДАГ
·	Лха Отхан : ГИТАРЫН УТСАН ДАХЬ САРНЫ СОНАТ ...
·	Лха Отхан : ДӨЧИН ДӨРВӨН НАМРЫН ДУУ
·	Лха Отхан : БУРХАНГҮЙ ЕРТӨНЦИЙН УУЛС
·	Лха Отхан :ШУВУУД ИРЖ БАЙНА
·	Лха Отхан : СҮҮЛЧИЙН ТУХАЙ ХҮНИЙ ЗҮҮД ...
·	Лха Отхан : ДУУСАЖ БАЙГАА БИДНИЙ АМЬДРАЛ
·	Лха Отхан : Урсгалд хөвөх навчисыг он жилүүдтэй үдэж ...
·	Лха Отхан : ӨВСНИЙ АМЬДРАЛ
·	Лха Отхан : ЭХ НУТГИЙН ТУХАЙ ДӨРВӨЛ БОДОЛ
·	Лха Отхан : Шөнийн ганцаардал минь
·	Лха Отхан : БҮҮДГЭР ТЭР ХОТ МИНЬ
·	Лха Отхан : ХУУЧИН ХАЙР ...
·	Лха Отхан : ЗАМЫН ТУХАЙ ШҮЛЭГ
Monday, 2024.03.04
·	Б.Явуухулан: Сонин сурвалжлагчид ярьсан нь
Thursday, 2024.01.25
·	Г.Мөнхтулга : ХАЙР
·	Г.Мөнхтулга : ТҮҮНД
Thursday, 2023.12.21
·	Г.Мөнхтулга : ХОТЫН ШӨНӨ
·	Г.Мөнхтулга : ЧАМД
Tuesday, 2023.12.12
·	Долгорын Цэнджав : ТАМГА
Tuesday, 2023.12.05
·	Г.Мөнхтулга : Зүүд
·	Г.Мөнхтулга : ХЭДЭН ҮГ
·	Г.Мөнхтулга : ДҮРСГҮЙ БОДОЛ
·	Г.Мөнхтулга : БҮСГҮЙ ЧИ НАМАЙГ ХҮЛЭЭДЭГ ҮҮ

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2025 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn