Ачмаа микроноос буугаад авга ахынх руугаа яаж очихоо мэдэхгүй будилж зогстол микроноос буусан хүмүүс таран одож жижиг суурингийн буудал дээр эл хуль боллоо. Ядаж трактор болсон ч олддоггүй юм байхдаа хэмээн гиюүрэн зогсож байтал нэгэн бор морьтой хүн пөг пөг шогшин ирж байгаа харагдлаа. Амиа гэж авгайлдаг хөгшин мөн бололтой.

- Та Амиа юу???

- За тиймээ. Чи чинь хэний хүүхэд билээ.

- Сүхээ , агроном байсан .

- Аа за . Тэр чинь ....... Өө нөгөө цагаан захт гайхал. Чи аль охин нь вэ?

- Би дундах нь байна.

- Аа нөгөө уйланхай шар. Одоо та нар ч том болжээ. Чи яаж намайг таниа вэ? Чи ч угийн сэргэлэн хүүхэд байсан даа.

-Би авга ахындаа очих гэсэн юм. Унаа олддогүй.

За ядаж цүнхээ надад өгчих. Ээ энэ муу адсага эртээд хүүхдүүд жигшээчихсэн юм шиг байж байгаа юм. За чи эндээ байж бай.

Удаж төдөлгүй нэг мотоциклтэй залуу давхин ирж ах ламынд очно гэлүү? Тэднийх хар үзүүрт эндээс нилээд зайтай даа. Бензин муутай байдаг

- Би мөнгө өгье.

Авга ах нь Ачмааг гэнэтхэн ороод ирсэнд огт үнэмшсэнгүй. Чи мөн гэж үү??? Гээд байн байн асууж лавлана . Муу аав чинь та гурвийг өсгөх гэж нилээд зүдэрсэндээ. Хөөрхий эх чинь амьд уу?

Байхгүй ээ.

Их л хатуу хүн байж дээ. Гурвын гурван хүүхдээ хаяад явчихдаг. Чи санаж байна уу? Ээж чинь сайхан дуулдаг хүн байж билээ.

- Би ээжтэйгээ сумын клубт их очдог байсаан.

-Сумын декад хийх гэж ирсэн найруулагч залууг дагаад явсан даа . Аав чинь араас нь хэд хэд очсон шүү дээ. Ээж чинь ирэхгүй л гэсэн юм гэнэ лээ. Аав чинь ямар ч үед цагаан цамцтай явдаг нямбай хүн байж билээ.

Тийм ээ . Аав нь ажлаасаа ирээд цамцаа заавал угаана. Өглөө эртлэн босоод цамцаа цэмцийтэл индүүдээд өмсөөд гардагсан.

Ачмаа өглөө босоод гэрийн хаяа налан сууж цэнхэртэн сүүмэлзэх хөндий, салхинд халиуран ганхах өвс ургамалыг харан суухдаа аавыгаа бодлоо. Зөөлөн сэвэлзүүр хөх салхи үлээгээд л нэг л танил дотно мэдрэмж. Сургууль тармагц аав нь охидыгоо ахынх руугаа явуулдаг билээ. Тэд үд хүртэл унтаж үхрийн дуугаар сэрээд наранд ээн гэрийн хаяанд удаан гэгч нь суугаад энэ л цэнхэртэн хөхрөх хөндийг харж суудагсан. Том эгч нь хоёр дүүгийнхээ үсийг самнах гэж бөөн юм болно. Ялангуяа Ачмаа ширэлдсэн бужгар үстэй болохоор тэр ч юм уу үсэндээ хачин хажиг . Ганцхан авга ахын эхнэр болох Ягаанаа эгчээр л самнуулна. Ягаанаа эгчийн гар ээжийнх нь гартай адил зөөлөн.

Ээж нь гэнэтхэн нэг өглөө босоход байхгүй байж билээ. Охидуудыг ээжийгээ нэхэхээр аав нь за тэгэж яваад эргээд ирнэ биздээ гэж хэлсэн мөртөө цаанаа л нэг гунигтай санаа алдана. Аав нь ёстой сайн аав байж билээ. Өглөө эрт босоод сумын талхны газраас зөөлхөн шинэхэн талх авчираад голыг нь ухаж масло элсэн чихэр хийж нухаад охидынхоо аяганд хийгээд орхино. Хачин сайхан амттай талх. Аавыг нь оройтох эсвэл энэ тэр ажилтай үед Намжаа эгч ирж тэд нарыг харна. Намжаа гэж сумын эмнэлгийн сувилагч эгч. Охидод дандаа үлгэр уншиж өгнө мөн охидын хувцас хунарыг угаана. Энэ доголон Намжаа танай аавтай суух гэж байгаа юм уу гэж ангийн охид нь асууна. Чамд ямар хамаатай юм гэж Ачмаа адрана. Сайхан ч гэсэн гашуун дурсамж.

- Ахаа би аавынхаа газрыг цементлэдэг юм билүү.

- Морь мал гишгэчихсэн байна уу. Том хүргэнийг аваад яв. Барилгын Адшаатай уулз гэж хэлээрэй.

Ачмаа аавынхаа газар дээр апалк цутгаж дуусаад толгойн чулууны хажуугаар олон наст үр цацлаа.

-Эндээс сонгинот поль хол уу??

- Нилээд зайтай. Чи яах гээ вэ???

-Лам аваад явдаг юм уу??

Нөгөө тарьсан хүн нь шоронд орсон гэдэг талбай мөн биздээ гэж Ачмаад тусалж байсан барилгын хэдэн хүмүүсийн нэг нь асуулаа.

-Цаг хэцүү байсан үе шүү дээ. Социалист өмч шамшигдуулвал хүн алснаас хүнд ял авдаг байсан цаг гэж хижээл нэгэн өвгөн санаа алдлаа.

Нээрээ тарьсан хүн нь баригдаад явсаны дараа нөгөө сонгино нь ургасан гээ биздээ?

Тийм л хэцүү ч цаг байсан даа. Одоо тэгээд буянтны буянгаар зэргэлдээх гурван сумынхан үнэгүй сонгино идэж байна ш дээ.

Аа танай аав тэр хүн байсан юм биш биз ?

Сайн лам олдох болов уу? дахиад Ачмаа асуулаа .

-Болох байлгүйдээ.

Анхмааг явсны дараа жилээс аавынх нь газар дээр хачин сайхан цэцэг жил бүр ургадаг болжээ. Сүнс нь амраа биздээ хөөрхий.

Цагаан шувуу -2015 он 5 шар

khongor040.jpg
Хэмжээс: 600x870 171k
Сэтгэгдэл: 0
Үзсэн: 4966

kho-001.JPG
Хэмжээс: 600x450 98k
Сэтгэгдэл: 0
Үзсэн: 5155

mongolia2007year-169.JPG
Хэмжээс: 600x450 93k
Сэтгэгдэл: 0
Үзсэн: 3823