Уяран бодох хүсэл дэндүү холоос цацарч
Уудам сайхан нутагтаа сэтгэлийн бичээс илгээдэг
Галуун цуваа хошууран тэнгэрийн энгээр бүрхэж
Гантиг чулуун оргилоо янгир эзэнд бэлэглэдэг

Марал бугын хийморь хайрханы дэвжээг эзэгнэхэд
Манцуйлж бүүвэйлсэн нялхас эхийн аялгаар саатдаг
Манлайлж явдаг бөх удмаа дуудуулан дэвхэд
Мөргөлийн хөх мэнгэрээс долоон солонго илгээдэг

Алтайн их уулс сүрлэг гавъяа байгуулж
Айлчин гийчид ирэхэд буханы дүрээр далладаг
Манан будан хөшилдөн их уулсыг орооход
Миний дээдсийн дүр замилан сууж мөргөдөг

Төгөлдөр баян Алтайгаас нутгийн шороо үнэртэхэд
Төрсөн сайхан гэртээ заяа нэгтгэн золгодог
Судсаар лугших цусаа сэлбэх санаатай гарахад
Сульдаан намайг унагаахгүй элгэндээн та тэвэрдэг

Мөнгөн хяруутай ус уулын энгээр цуйрайтаж
Мөсөн дайшинзтай гэргий болж ижий минь сүүгээ өргөдөг
Хүний удмын сайныг тэнгэртээ өргөж яваарай гэж
Хүрэл модоор малгай сийлж аавд минь өмсгөдөг

Уулсын их хавцлаар эрдэнийн шигтгээ хэлхэж
Ургуулан бодох хүслээр ойрад аялгуу дууддаг
Урьдын түүхээн зузаалж үнэн дурсаж үлдээдэг
Ургаа наранд гэрэлтдэг ойрадын мөнгөн хэлхээ

khureltogoot-23.jpg
Хэмжээс: 600x450 117k
Сэтгэгдэл: 0
Үзсэн: 3897

zam-008.JPG
Хэмжээс: 600x450 98k
Сэтгэгдэл: 0
Үзсэн: 4593

erd-039.JPG
Хэмжээс: 600x450 76k
Сэтгэгдэл: 0
Үзсэн: 4164