BIIRBEH.MN by Bataka - Найдангийн Ганхуяг : ''Агарын гурван сүлжээ'' үргэлжлэл 1

Өгүүллэг: Найдангийн Ганхуяг : ''Агарын гурван сүлжээ'' үргэлжлэл 1
Оруулсан admin on 2011-01-14 16:31:15 (7512 уншсан)

Тэр өглөө Алимаа бусдаас түрүүн сүүгээ авсаар ирлээ. Доной үүнийг ажилсаг шалмаг хүний шинж гэж үзэх тул Алимааг ийн ирэхэд хайрлах бахархах сэтгэл нь улам л оргилно. Алимааг инээсээр ирэхэд Доной мөн л инээв. Тэдний мэндчилгээ энэ ажээ.
-ШӨНӨ МАШИН ДУУГАРААД БАЙСАН. ЖАДАМБАА АХЫНХАН ЧИНЬ ХОТООС ИРЭЭ ЮУ?
-ҮГҮЙ ЭЭ, ТЭД НАР ИРЖ ЧАДАХГҮЙ, ГАДААДАД АМРАХ БОЛСОН ГЭНЭ. ХАРИН ТУЯА ЭГЧИЙН ДҮҮ ГЭЖ ЁСТОЙ ГОЁ 3АЛУУ ИРСЭН. ХУВЦАСНЫ 3АГВАР 3ОХИОН БҮТЭЭДЭГ ЮМ ГЭНЭЭ. МОНГОЛ ДЭЭЛ, ГУТАЛ СУДЛАХ, ТЭР ДАЛИМААР ЭНД АМАРЧИХААД БУЦАХ ЮМ. ЧАМАЙГ ТАНИЛЦУУЛНА. ЧИ ӨДӨР ААВЫГ ЯВАХЛААР МАНАИД ОРООД ИРЭЭРЭИ. Алимаа ингэж хэлээд өврөө уудлан хэдэн өнгийн үрэл донойн аманд хийв.
-ХОТЫН ЧИХЭР. ЧИ ЭНЭ ЭЭМГИЙГ ХАРАА!
-ГОЁ ЭЭМЭГ БАЙНА.
-ТУЯА ЭГЧ ЯВУУЛСАН ЮМ.
-АА. ХӨӨШ! ТЭР ХУВЦАС ЗОХИОДОГ ЗАЛУУГААР ЧИНЬ ГОЁЛЫН ГАНЦ ӨМД ХИЙЛГЭЖ АВЪЯ БАЙЗ.
-ТЭГЭЭЧ.
-ӨӨ ЧИ ӨЧИГДӨР ОРОЙ МАНАЙД АЛЧУУРАА МАРТЧИХСАН БАИНА ЛЭЭ. Доной өврөөсөө Алимаагийн алчуурыг гаргаж өгөв. Алимаа ичингүйрэн:
-БИ ГЭРТЭЭ ХАЙГААД ОЛООГҮЙ ЮМ гэснээ шалавхан өвөртлөөд буцаж явлаа.
Алимаатай зөрөн Бодь агентын эхнэр улаан Гаамаа, Буд хүүхэн хоёр сүүгээ авч ирэв. Гаамаа гэдэг нь хүний хэл ам сугалчих дөхсөн хэлэмгий доломгой бүдүүн улаан хүүхэн юм. Улаан гэдэг үг бүр түүний нэр мэтээр нутаг усныханд хэлэгдэж заншжээ. Харин Буд бол ганц бие, нөхөр нь хаяад явчихсан юм. Тэр хоёр Донойн бүрэг ичимхийг далимдуулан хэл амаар цаашлуулж гүйцдэг байлаа. Доной ч тэднээс салахын түүс болно. Гаамаа сүүгээ юүлэнгээ:
-“АНХНЫ ХАЙР”-ААР СОНИН ЮУ БАЙНА ДАА? гэж Донойг өдөж эхлэв.
-УГ НЬ МИНИЙ АНХНЫ ХАЙР ДОНОЙ БАЙСАН ЮМ ШҮҮ ДЭЭ. МИНИЙХ ЭРТДЭЖ, ДОНОЙХ ОРОЙТСОНООС Л ИЙМ БОЛЧИХЛОО гэж Буд нэмэхэд Гаамаа:
-АЛИМАА Ч АЗТАЙ БҮСГҮЙ ЮМ АА. ХЭВТЭЭ ХОНЬ БОСГОХООРГҮЙ ИЙМ САЙХАН НӨХӨР ОЛООД АВЧИХДАГ гээд Донойн хацрыг илнэ. Доной Гаамаагийн гарыг түлхээд байх суух газраа олж ядан хий түгдэгнэн байснаа яйжгий ширээгээ дэлсэн:
-АЛИВ ТАЛОНОО! гэж уурлах дүр үзүүлэв. Доной төмөр торхтой сүү халаахаар задгай гал руу очиход тэд арайхийж холдож явцгаав.
Дарам гуайн гэрээс хөгжмийн аялгуу сонсогдсоор байлаа. Хотын чихэр горьдсон хүүхдүүд гэрийнх нь үүдээр түлээ мод, түмпэн сав зөөж гүйлдэнэ. Дарам гуай мах шүүсээ янзалж дууссан бололтой, тулгын чулуун дээр тогоо тавив. Тэгтэл гэрээс цав цагаан хувцастай туранхай өндөр залуу гарч ирээд Дарам гуайн дэргэд очиж, элгээ тэвэрч зогсоно. Энэ бүгд Донойн нүдэнд тусав.

** ** **

Бага үдийн хирд Доной сүүгээ машиндаж, цөцгийгээ савлаж дууслаа. Гэртээ орж хүйтэн хярам залгилаад хоймрын хүрэн авдраа уудлан эвхээстэй хилэн гаргав. Доной түүнийг дэлгэн ташаандаа барьж үзээд, авч гарах гэснээ буцааж авдрандаа хийв.
Доной Дарам гуайнд ороход дуу хураагч хангинан, нэг эмэгтэй чарлан дуулж байв. Хотын цагаан залуу хуруугаа чад чад хийлгэн Алимаагийн орон дээр хөгжмийн аяар татвалзана. Алимаа хоймроо суугаад янз бүрийн хувцасны загварын зурагтай сэтгүүлүүд үзэж байв. Доной зуухны хоолойд завилж суув. Хотын залуу Донойг огт анзаарсан янзгүй байснаа Алимааг цай аягалахаар:
-ЯБЛОЧКА! ЭНЭ ӨВГӨНД ШАР АЙРАГ ӨГӨӨЧ! ТЭР РЮК3АКАНД БИЙ гэж мөн л хуруугаа чадхийлгэв.
Доной “өвгөн” гэсэнд нь жаахан дургүй суулаа. Хотын залуу дуу хураагчаа унтрааж, орон дээрээс ухасхийн босоод бор шилбэтэй янжуур гарган Донойтой тамхилав. Доной шүдэнзээ тэмтрэн өврөө уудлах гэтэл залуу яг чихний нь дэргэд хийн асаагуур шархийлгэв. Доной өндөсхийтэл цочив. Хотын залуу гэдсээ даран учиргүй чанга инээж:
-ЗА АХ ЛАМ НЭР ХЭН БИЛЭЭ гэв.
-ДОНОЙ.
-ҮЙЛСТӨГӨЛДӨР.
-ЭНЭ ЮУ ГЭСЭН ҮГ ВЭ?
-ҮЙЛСТӨГӨЛДӨР ГЭЖ МИНИЙ НЭР. САНАСАН БҮХЭН МИНЬ БҮТЭЖ ЯВАГ ГЭЖ ЭЦЭГ ЭХ МИНЬ ИЙМ НЭР ӨГСӨН ЮМ.
-ХОТООР СОНИН ИХТЭЙ Л БИЗ ДЭЭ?
-ХҮРЭЭГЭЭР ГОЙД ЮМГҮЙ гээд савхан хуруугаа хугалчихвий гэмээр нужигнуулав. “Лам, хүрээ” гэсэн үгийг сонсоод Доной бүр гайхаж хоцров. Үйлстөгөлдөр:
-УУ, УУ! гэж аягатай пиво Донойд бариуллаа. Доной түүнийг нэг амьсгаагаар залгилж орхив. Үйлстөгөлдөр Донойн аягыг ахиж дүүргээд өөртөө аягаллаа. Тэр пивыг амсах мэт шимж сууснаа:
-ТАНАЙ ХӨДӨӨ Ч ГУНИГ ГАЗАР ЮМАА. ЯДАЖ СУМЫН ТӨВДӨӨ РЕСТОРАН БАЙХГҮЙ, ГУРАВДАГЧ ОРНЫ КИНО ГАРАХГҮЙ, ИЙМ БАЙХАД ХҮМҮҮС ЯАЖ СОЁЛЖИХОВ гэлээ.
Хэл яриа таарахгүйг ойлгосон Доной дуугүй л суулаа. Харин Алимаа мөчөөгөө өгөхгүй янзтай:
-УРЛАГИЙН БРИГАД 3ӨНДӨӨ ИРДЭГ. МАНАЙХАН ЧИНЬ ӨӨРСДӨӨ КОНЦЕРТ, ЖҮЖИГ ТОГЛОНО. ДОНОЙ БОЛ УРТЫН ДУУГААР АЙМАГТ ШАЛГАРСАН ХҮН ДЭЭ гэв. Үйлстөгөлдөр:
-ХАЛХУУД ЧИНЬ УРТЫН ДУУ ШУРАНХАЙЛНА ГЭДЭГ БАЙХАА. ДОНОЙ ГУАЙ НЭГ ШУРАНХАЙЛААД... гээд аягатай пивыг Донойд барив. Доной наадамд гурван даваагүй ч найранд гурван дуутай эр хүн билээ. Доной уртын дуу дуулахаараа эр хүний жаргалыг эдлэх шиг болно.
-ХҮРЭН ТОЛГОЙН СҮҮДЭР ХӨНДИЙГӨӨ ДҮҮРЭЭД ХҮҮШИЛНЭ ДЭЭ
ХҮНИЙ БАГА ЧАМТАИГАА СЭТГЭЛ ЮУНД ДАСЛАА ДАА гэж Доной тун цээлхэн, сэтгэлээсээ дуулав. Үйлстөгөлдөр алга ташаад аягыг нь дахин дүүргэснээ:
-САЙХАН ДУУЛЖ БАЙНА, САЙХАН Ч ДУУ ЮМ. ДОНОЙ ГУАЙ! БИ ТАНААС НЭГ ЮМ АСУУХ УУ? гэлээ. Доной уриалгахнаар:
-ТЭГ ТЭГ гэв.
-ДОНОЙ ГУАЙ. ИРЭЭДҮЙД УРТЫН ДУУ УСТАЖ ҮГҮЙ БОЛОХ УУ?
Доной Үйлстөгөлдөр рүү нэг сүрхий хараад:
-ХААНААС ДАА гэлээ. Үйлстөгөлдөр:
-УСТАНА гэж батлан хэлэв.
Доной их дороос амьсгаа авч:
-МОНГОЛ ХҮН БАЙСАН ЦАГТ УРТЫН ДУУ УСТАХ УЧИРГҮЙ ЮМ ШҮҮ гэлээ. Үйлстөгөлдөр долоовор хуруугаа гозойлгоод:
-ЯГ ЗӨВ. ҮНДЭСНИЙ ЮМ ШҮҮ ДЭЭ. БИ ЭНЭ ТАЛААР БОДОХГҮЙ БИШ БОДДОГ ЮМАА. САНАА ЗОВЖ Л ЯВДАГ ЮМ. ТЭГЭХДЭЭ Л УРТЫН ДУУ НЭГ Л СУНЖРАЛДСАН, ЦААШДАА ЯВЦГҮЙ гээд мөрөө хавчив. Доной дуугүй л суусаар байлаа. Харин тамхи татаж суулаа. Үйлстөгөлдөр улам идэвхийлэн:
-ОРЧИН ҮЕИЙН ДУУ ХӨГЖИМ ЯАГААД ИЙМ ХУРДАН ТҮРГЭН РИТМТЭЙ БАЙНА ГЭЖ ТА БОДОЖ БАЙНА? гэж асуув. Доной өөдөөс нь:
-ИРИЙТЭМ ГЭЖ ЮУ ЮМ? гэж асуув.
-МОНГОЛООР ЮУ ГЭХ Ч ЮМ ДЭЭ. ЗА ЯАХАВ. ЕР НЬ ОРЧИН ҮЕИЙН ДУУНЫ АЯ ХУРДАН ТҮРГЭН БАЙДАГ ЮМ?
-МЭДЭХГҮЙ ЮМ.
-ЗА БИ ТАНД ХЭЛЬЕ. ТЕХНИК, ШИНЖЛЭХ УХААН ХҮМҮҮСИЙН ОЮУН СЭТГЭЛГЭЭНИЙ ХУРДААС ШАЛТГААЛЖ БАЙГАА ЮМ. ДУУ ХҮРТЭЛ ТҮҮНТЭЙ ДҮЙЦЭЖ БАЙХ ЁСТОЙ. ЗА. ЭСТРАД. ТА ДУУЛСАН УУ?
-МЭДНЭЭ.
-ДЭЭР ҮЕД МАНАЙД ЭСТРАД БАЙЛ УУ?
-БАЙГААГҮЙ.
-ЗА ТЭР. ОДОО БОЛ ЗУУН ХҮН ЗААЛАНД ОРУУЛЖ СУУЛГААД УРТЫН ДУУ СОНСОХ УУ? ЭСТРАД ҮЗЭХ ҮҮ? ГЭВЭЛ БҮГД Л ЭСТРАД ГЭХ ВИЙ. ТА МЭТИЙН ГАНЦ ХОЁР ХҮН ГАРНА Л ДАА.
-АРАЙ Ч ДЭЭ.
-АЛИМАА! ЧИ БОЛ АЛИНЫГ НЬ Ү3ЭХ ВЭ?
Алимаа бодолхийлэн сууснаа:
-ЭСТРАД Ү3НЭ гэв. Үйлстөгөлдөр илт хөгжиж:
-3А ТЭР ҮНЭНИЙГ ХЭЛЭХЭД ТАНАЙ УРТЫН ДУУ АЙЛЫН ШООВДОР ХҮҮХЭД ШИГ БАЙНА ШҮҮ ДЭЭ гээд Донойн далыг алгадан босоод дуу хураагчаа залгав.
-ЭНЭ БОЛ “МОДЕРН ТОКИНГ” ГЭГЧ ГРУПП. ОЙРЫН ҮЕД ГААРААД БАЙНА.
Үйлстөгөлдөр дуу хураагчаа урьдынхаас чанга тавьжээ. Хөгжмийн аянд болов уу, гурван аяга пивоных юм уу Донойн толгой эргэж эхлэв. Энэ нь нэг бодлын аятайхан ч юм шиг, Ер нь Алимаад үг хэлбэл ч хэлмээр, хэл ам эвлэмээр болоод иржээ. Доной Алимаа руу харав. Алимаа хариу инээмсэглэнэ. Гэнэт уртын дууны аялгуу, хөнгөн хөгжмийн аялгууг түрэн орж ирэв.

( Сэтгэгдэл бичих? | Өгүүллэг | Оноо: 0/0 | Өгүүллэг )

Манай сайт танд таалагдаж байвал LIKE хийгээрэй. Танд баярлалаа.

Санал сэтгэгдэл

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 55 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Ёл хад
YolHad_05.JPG
Хэмжээс: 700x932 234k
Сэтгэгдэл: 0
Үзсэн: 4313

B2-014.JPG
Хэмжээс: 600x450 102k
Сэтгэгдэл: 0
Үзсэн: 4198

orkh-010.JPG
Хэмжээс: 600x450 141k
Сэтгэгдэл: 0
Үзсэн: 4719

Агуулга

Monday, 2024.07.01
·	Э.Үржинханд : Он цагийг өртөөлсөн ...
·	Э.Үржинханд : ӨӨРИЙН МИНЬ АХАН ДҮҮС
·	Э.Үржинханд : БАЙГАЛИЙН БОЛЗООНД
·	Э.Үржинханд : ҮЗЭГНИЙХЭЭ ҮЗҮҮРЭЭР
·	Э.Үржинханд : ДЭЛГЭР ЗУНААР
·	Соёрхын Пүрэвсүрэн : НААДАМ ДӨХЛӨӨ ДӨӨ... ХАНЬ ГЭЖ...
·	Э.Үржинханд : ТАНИЛ ГУДАМЖААР
·	Соёрхын Пүрэвсүрэн : НҮҮДЭЛ
·	Г.Мөнхтулга : ДУРЛАЛ
·	Г.Мөнхтулга : “293”
·	Г.Мөнхтулга : . ӨӨДГҮЙ АМЬТАН
·	Г.Мөнхтулга : ХАЙР УДАХГҮЙ ИРНЭ
Saturday, 2024.03.30
·	Лха Отхан : ӨӨР ДУУНД УЯРАХГҮЙ
·	Лха Отхан : ЦАСНЫ УТГА УЧИР
·	Лха Отхан : ХАРААЦАЙ НАС
·	Лха Отхан :ӨНГӨРСӨН БҮХЭНД УТГА УЧИР
·	Лха Отхан : ДУРСАН САНАХ БАЛЧИР НАС ...
·	Лха Отхан : ҮХЛИЙГ ҮЗЭХ Л ҮЛДСЭН...!
·	Лха Отхан : ЭЛСНИЙ ЧИМЭЭ
·	Лха Отхан : АМЖИЖ ХАЙРЛАХААР ХОРВОО ДУТДАГ
·	Лха Отхан : ГИТАРЫН УТСАН ДАХЬ САРНЫ СОНАТ ...
·	Лха Отхан : ДӨЧИН ДӨРВӨН НАМРЫН ДУУ
·	Лха Отхан : БУРХАНГҮЙ ЕРТӨНЦИЙН УУЛС
·	Лха Отхан :ШУВУУД ИРЖ БАЙНА
·	Лха Отхан : СҮҮЛЧИЙН ТУХАЙ ХҮНИЙ ЗҮҮД ...
·	Лха Отхан : ДУУСАЖ БАЙГАА БИДНИЙ АМЬДРАЛ
·	Лха Отхан : Урсгалд хөвөх навчисыг он жилүүдтэй үдэж ...
·	Лха Отхан : ӨВСНИЙ АМЬДРАЛ
·	Лха Отхан : ЭХ НУТГИЙН ТУХАЙ ДӨРВӨЛ БОДОЛ
·	Лха Отхан : Шөнийн ганцаардал минь
·	Лха Отхан : БҮҮДГЭР ТЭР ХОТ МИНЬ
·	Лха Отхан : ХУУЧИН ХАЙР ...
·	Лха Отхан : ЗАМЫН ТУХАЙ ШҮЛЭГ
Monday, 2024.03.04
·	Б.Явуухулан: Сонин сурвалжлагчид ярьсан нь
Thursday, 2024.01.25
·	Г.Мөнхтулга : ХАЙР
·	Г.Мөнхтулга : ТҮҮНД
Thursday, 2023.12.21
·	Г.Мөнхтулга : ХОТЫН ШӨНӨ
·	Г.Мөнхтулга : ЧАМД
Tuesday, 2023.12.12
·	Долгорын Цэнджав : ТАМГА
Tuesday, 2023.12.05
·	Г.Мөнхтулга : Зүүд

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2025 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn