BIIRBEH.MN by Bataka - Цэцэнбилэг : Сүүлд бичсэн шүлэг

Шүлэг: Цэцэнбилэг : Сүүлд бичсэн шүлэг
Оруулсан admin on 2010-05-17 20:13:08 (4884 уншсан)

Үе үехэн чамайг би санана
Үггүй хайраар чамайг эрэн санана
Үг хүлээж чамайг би санана
Үүрдийн биш бодолдоо чамтай масуурч жаргана

Үндэс мөчиргүй модыг услан байж санана
Үйл нь дуусахгүй хорвоод өөрийгөө хууран санана
Үр холбохгүй биднийг өрөвдөн байж санана
Үхэл амьдралын зааг дээр мэгшин байж санана

Хэзээ ч нийлэхгүй утсыг сүвэгчлэн байж санана
Хэн нь ч ойртохгүй сэтгэлийг холбон байж санана
Хэнхдэг цээжний гүндээ хөндүүрлэн байж санана
Хүн хүнээс далдхан чамайг би санана
Аврал хайр нэхэн чамайг би санана
Аргагүй оволзох зүрхээ аргадан байж санана
Алс харгуйд зурайх хайрыг чинь өөртөө татаж
Амраг сэтгэлийн учгийг үргэлжлүүлэн нэхэхийг хүснэм

Урам хайрлан мишээхэд хонхойдог хацарт чинь би хайртай
Уруул хүрэм тайтгаруулдаг үсэлтэд чинь би хайртай
Уур бухимдал үргээдэг үгэнд чинь би хайртай
Учралт шүлгийг минь хөглөх чамдаа бүр ч хайртай

Хэнээс ч аваагүй бэлгээ чамаас би авах гэж
Хэн ч хүргээгүй газраа чамаар би үнсүүлэх гэж
Хэнд ч өгөөгүй сэтгэлээ чамд би нээх гэж
Хэсэг хором бүхнийг чамдаа тэмүүлэн бэдчинэ

Өнгөрч улирсан хормыг наашлуулан байж бүхнийг эхэлье
Өөрөөс чинь дүү насаа урагшлуулан байж чамдаа очьё
Өөр хэн ч мэдэхгүй нууц бүхнээ чандалж
Өөрт чинь би энэ биеэрээ мэхийе

Хайр хайрын дээд халуухан жаргал амлая
Хайж эрээд ч олохгүй эмнэг хүслийг минь хазаарлаач
Хат суугаагүй сэтгэлийг уургалан байж хориоч
Хан түшиг цээжиндээ наан байж аргадаач

Чамаас хүссэн бүхнийг өмнө минь дэлгэн гардуулаач
Чамаас нисэхгүй болтол далавчийг минь хумин торгоогооч
Чамаас илүү халамжинд холын хол нисчих гээд байна
Чамаас дутуу түүн рүү энэ биеэрээ тэмүүлэх гээд байна

Хүч мэдэн орилох зүрхээр минь эгшиг тоглож
Хүрч чадах оргилдоо намайг дагуулан дүүлээч
Хөндүүр эмзэг сэтгэлд тан болон нөлөөлж
Хөлчүүрхэх бодлын алсад гэгээ болон цацраач

Хожуу учирсан болохоор би шийтгэл амсах уу
Холхид гялалзсан болохоор чи олж харсангүй юу
Хоёр сэтгэл шаналж нэгэн зэрэг цохилох уу
Холын холд тэгээд нэгэн зэрэг зогсох уу

Хэрэв одооноос эхлэн бидэн нийлэх тавилангүй бол
Хоёр нүдэн бүрэлзэж нулимсаар бороо орно
Хэрэв маргааш гэхэд бидэн салах учиртай бол
Хангал зүрх бутарч чамайг жадлан төгсөнө

Зүг зүгт навчис хийсгэн
Зүгээр л намайг хайрла
Зүггүй алиа занг минь зөөллөн байж хайрла
Зөв буруу 2-г хослуулан байж хайрла

Зөрж эргэсэн тавиланг эвлүүлэн байж хайрла
Зөн мэдрэмж хоёроо чагнан байж хайрла
Зөөлөн шиврэх гунигийг сэврээн байж хайрла
Зөрөөд өнгөрч чадаагүй хоёр зүрхээ аргадан
Зүс гудсан ч хайраа өлгийдөн байж хайрла

( Сэтгэгдэл бичих? | Шүлэг | Оноо: 15/4 | Цэцэнбилэг Д )

Манай сайт танд таалагдаж байвал LIKE хийгээрэй. Танд баярлалаа.

Санал сэтгэгдэл

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 107 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Должин : 2007 оны аялал
mongolia2007year-216.JPG
Хэмжээс: 600x450 40k
Сэтгэгдэл: 0
Үзсэн: 4298

Т. Баатардорж 46х18х20, керамик
Эхийн хайр
Хэмжээс: 600x800 184k
Сэтгэгдэл: 0
Үзсэн: 5076

Хүрэлтогоот
khureltogoot-08.jpg
Хэмжээс: 600x450 105k
Сэтгэгдэл: 0
Үзсэн: 5277

Агуулга

Monday, 2024.07.01
·	Э.Үржинханд : ӨӨРИЙН МИНЬ АХАН ДҮҮС
·	Э.Үржинханд : БАЙГАЛИЙН БОЛЗООНД
·	Э.Үржинханд : ҮЗЭГНИЙХЭЭ ҮЗҮҮРЭЭР
·	Э.Үржинханд : ДЭЛГЭР ЗУНААР
·	Соёрхын Пүрэвсүрэн : НААДАМ ДӨХЛӨӨ ДӨӨ... ХАНЬ ГЭЖ...
·	Э.Үржинханд : ТАНИЛ ГУДАМЖААР
·	Соёрхын Пүрэвсүрэн : НҮҮДЭЛ
·	Г.Мөнхтулга : ДУРЛАЛ
·	Г.Мөнхтулга : “293”
·	Г.Мөнхтулга : . ӨӨДГҮЙ АМЬТАН
·	Г.Мөнхтулга : ХАЙР УДАХГҮЙ ИРНЭ
Saturday, 2024.03.30
·	Лха Отхан : ӨӨР ДУУНД УЯРАХГҮЙ
·	Лха Отхан : ЦАСНЫ УТГА УЧИР
·	Лха Отхан : ХАРААЦАЙ НАС
·	Лха Отхан :ӨНГӨРСӨН БҮХЭНД УТГА УЧИР
·	Лха Отхан : ДУРСАН САНАХ БАЛЧИР НАС ...
·	Лха Отхан : ҮХЛИЙГ ҮЗЭХ Л ҮЛДСЭН...!
·	Лха Отхан : ЭЛСНИЙ ЧИМЭЭ
·	Лха Отхан : АМЖИЖ ХАЙРЛАХААР ХОРВОО ДУТДАГ
·	Лха Отхан : ГИТАРЫН УТСАН ДАХЬ САРНЫ СОНАТ ...
·	Лха Отхан : ДӨЧИН ДӨРВӨН НАМРЫН ДУУ
·	Лха Отхан : БУРХАНГҮЙ ЕРТӨНЦИЙН УУЛС
·	Лха Отхан :ШУВУУД ИРЖ БАЙНА
·	Лха Отхан : СҮҮЛЧИЙН ТУХАЙ ХҮНИЙ ЗҮҮД ...
·	Лха Отхан : ДУУСАЖ БАЙГАА БИДНИЙ АМЬДРАЛ
·	Лха Отхан : Урсгалд хөвөх навчисыг он жилүүдтэй үдэж ...
·	Лха Отхан : ӨВСНИЙ АМЬДРАЛ
·	Лха Отхан : ЭХ НУТГИЙН ТУХАЙ ДӨРВӨЛ БОДОЛ
·	Лха Отхан : Шөнийн ганцаардал минь
·	Лха Отхан : БҮҮДГЭР ТЭР ХОТ МИНЬ
·	Лха Отхан : ХУУЧИН ХАЙР ...
·	Лха Отхан : ЗАМЫН ТУХАЙ ШҮЛЭГ
Monday, 2024.03.04
·	Б.Явуухулан: Сонин сурвалжлагчид ярьсан нь
Thursday, 2024.01.25
·	Г.Мөнхтулга : ХАЙР
·	Г.Мөнхтулга : ТҮҮНД
Thursday, 2023.12.21
·	Г.Мөнхтулга : ХОТЫН ШӨНӨ
·	Г.Мөнхтулга : ЧАМД
Tuesday, 2023.12.12
·	Долгорын Цэнджав : ТАМГА
Tuesday, 2023.12.05
·	Г.Мөнхтулга : Зүүд
·	Г.Мөнхтулга : ХЭДЭН ҮГ

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2025 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn