BIIRBEH.MN by Bataka - О.Дашбалбар : Дорнын аялгуу

Шүлэг: О.Дашбалбар : Дорнын аялгуу
Оруулсан admin on 2007-03-20 23:17:21 (9980 уншсан)

Босон суун жиргэх болжмор нэгтээ нуугдаад
Борог өвс норгох намрын бороо шивэрнэ ...
Аянчин нүүдэлчний гэрүүд даарсан янзтай бөмбийгөөд
Аясын жихүүн амьсгал өвсний үндсэнд шургана .

Цэврүү намрын үдэш цэцэгс уйдах цагаар
Цэвэрхэн янагаа үгүйлж, цээжний гүнд хөндүүрлэнэ.
Ахас ихсийн үгийг авалгүй явсандаа гэмшинэм.
Арван тавны сарыг ганцаараа дуулж гиншнэм. Цэнгэлийн дуу намдаж. тогорууд буцсан хойно
Цэнхэр тал зэвэргэн, тогод дуугүй бөмбийнө.
Зоргоор буурал хорвоод зовлонг туулж гэтэлнэ
Зорьж будилсаар яваад золгож үнэндмөргөнө.

Аялгуут шанзны эгшиг нулимс дуслам бөмбөрч
Аргадан учрлан хүүрнэх ардын дуундаа сөгднөм.
Хөхрөн хөхрөн манараад хөдөө цайдам бороошно
Хөнгөн нимгэн гарсан юм, даарч яваа болов уу...

Зүдэг энэхэн хорвоод зүстэй төрсөн үр юм даа
Зүйэй үйлийг хийлгүй, зүгээр яваад яахав дээ
Бүдэг энэхэн хорвоод бүсгүй төрсөн үр юм даа
Бүхнээс хөөрхөн чамдаа бурууг өгөөд яахав дээ .

Насан бага түүний минь найртай хонгор ааш нь
Намрын салхинд гандах нарийн ногоо биш ээ
Уран бага түүний минь урьхан хонгор ааль нь
Умрын салхинд гандах уулын ногоо биш ээ

Долоон үеийн өвгөд минь зүүдэн дунд зэмлэнэ.
Дорнын буурал аялгуу нь нойрон дунд учирлана.
Алтан ургийн охид нь алсын зуунуудаас учирлана
Арван үеийн өвгөд минь зүүдэн дунд зэмлэнэ

Холдоод холдоод тэр минь хорвоогоос явах биш дээ
Хоёрхон биеэр учирсан юм, намайгаа зовоож яахав дээ.
Алслаад алслаад тэр минь, дэлхийгээс ява биш дээ
Алдхан биеэр учирсан юм, намайгаа зовоож яахав дээ.

Хорьдын цагаан саран тооно дүүрэн гэрэлтэж
Хоёр дэрний нэг нь чамайг үгүйлж цайрна.
Хожимдсон учралын тавьлан намайгаа үүрд зовоож
Хонгор чамайгаа санасан өнчин зүрх шанална.

Уйтгарт энэхэн шөнө арван жил шиг бодогдож
Уаан хүлээсэн хүнд эрин улирсан санагдана.
Хүйтэн намрын шөнө, эргэн хөрвөх хэцүү
Хүний хүнд очсон миний л амраг хөөрхий...

Намрын салхи исгэрч дээвэр цаваг дэрвүүлнэ
Нартад олдсон насаа чамгүй өнгөрөөх нь халаг
Насан үүрдийн жавар хархан нүдэнд нь хургаж
Намуун шөнийн аниргүйд дэрээ нэвтлэн уйлна.

Царцаан дуу бүдгэрсэн намрын сүүлч өдрүүдэд
Цантсан өвс бөхөлзөн намайг даган найгана.
Хээрийн эмнэг салхи, энгэр заамаар шургалж
Хэзээ багын дуртгал элэг зүрхийг хөндөнө

Эрээн бараан хорвоогийн аашийг дагах хэцүү
Энгийн хүн шиг яваад насыг барах хэцүү
Зүүд зэрэглээт хорвоогийн аалийг дагах хэцүү
Зүгийн хүн шиг яваад насыг барах хэцүү

Мянга мянган жилийг элээж, элэгдсэн уулс
Магнайдаа үүл хөдрөн, дорно зүг уруу хошшрна
Мяралзан мяралзан одох эртний урсгал голууд
Манан будан нэвтлэн өрнө уруу довтолно.
Алтан нарнаас уяатай ангир намрын өдрүүд
Алаг эрээн хорвоод ээлжлэн ээлжлэн ирнэ
Амраг чамдаа уяатай миний хонгор сэтгэл
Адуут талын уулс уруу эргэн ургэн ниснэ

Өндөр уулын дээрээс өөрийн ганцыг харуулдана
Өглөө эрт гарсан юм, өдөр дунд ирнэ дээ...
Хойд хөндий уудам, хоёр морьтой гарсан даа
Холоос давхисаар ирэхэд хоолой дээр зангирна

Хаданд ургасан цэцэг хамгаас түрүүнд гундана
Хадамд очсон бүсгүйд хайраа юундаа өгөв дөө.
Элсэнд ургасан цэцэг эхний жаварт гундана
Эхнэр нэртэй бүсгүйд хайраа юунд өгөв дөө.

Долоон гүвээний чанад өнчин ботго буйлна
Дорнын намуун аялгуу сэтгэлийн утсыг сэмлэнэ .
Есөн манханы цаана цагаан унага үүрсэнэ
Ерийн нэгэн аялгуу бүлээн гуниг урсгана.

Алчуурт боосон цагайг амраг чамаасаа авсан даа
Айлын бэр болоход араас нь хараад хоцорсон доо
Торгонд боосон аягыг томоогүй чамаасаа авсан даа
Тоглож байгаад явахад нь тонгойж уйлаад хоцорсон доо

Өвгөн манханы нөмөрт хоргодон хоёулаа суудаг сан
Өндөр уулын оройд би гацаараа л зогсном...
Сэрвэнгийн хайлаас бөхөлзөн намрын салхинд исгэрнэ
Сэтгэлийн тэнхлэг алдарч, найган найган гансарна.
Харвасан одны гэгээ замхарч амжаагүй чөлөөнд
Халхыг саруул талд адуу янцгаах сонстоно ...
Тойрмын цагаан дэрс тодрон бүдгэрэн үзэгдэж
Томоогүй бага чамтайгаа үүгээр түүгээр явдагсан.

Хүдэн татсан сарьдаг, хүйтэн сэрүүн амьсгалтай
Хүнийх болсон Анимаа хүрээд ирэхгүй нь гаслантай
Цэцгийн дэлбээнд амарсан цэнхэр ягаан салхитай
Цэнгэлтэй зуны сарууд хүсээд ирэхгүй нь гачлантай

Орхиод явсан намайгаа завсар зайгүй бодно доо
Оёод өгсөн дээлийг нь хааяа нэг өмсөнө
Уйлаад явсан чамайгаа завсар зайгүй бодно доо
Урлаад өгсөн цамцыг нь уучилж нэг өмсөнө дөө

Айлын хүнээс асуухаас айж ичиж зовно доо
Аргалийн эвэр шиг уулс архайж дархайж хөндөлдөнө
Аяны хүнээс сурахаас айж ичиж зовно доо
Арслангийн дэл шиг уулс ар өвөргүй хөндөлдөнө.

Дам дамжуу хүнээс сураг нэгэнтэй сонсвол
Давхар давхар баяр хэдэн өдөр үргэлжилнэ дээ
Хол дамжуу хүнээс сураг нэгэнтээ сонсвол
Хоног хоног баяр хэдэн өдөр үргэлжилнэ дээ

Манай нутгийн тэнгэр маргад эрдэнийн өнгөтэй
Магадын амраг хүүтэйгээ хэзээ нэг уулзах бол
Орчлон хорвоогийн тэнгэр очир эрдэнийн өнгөтэй
Орхиж боломгүй хүүтэйгээ хэзээ нэг үүлзэх бол

Хуур, хуучир хоёр хуучилж хүүрнэн хүнгэнэнэ
Хулсан лимбийн эгшиг, эхлэл төгсгөлгүй уянгарна.
Хувилгаан дорнын аялгуу сэтгэл зүрхйиг хөндөнө
Хуудуугүй амраг хүүгээ санах тусмаа янагшина.

Хөхөлбий үдшийн бүрийд хөдөөгийн агаар чичигнэнэ
Хөгшин улиасны мөчирт эхийн одод
Торгон цагаан сар том гэр шиг цайрна
Толгод дамжсан салхи тогтож нэгхэн амарна.

Тариа будаа уйдах намар оройн цагаар
Таанын цэцэгс гандаж, тал хөндий зүүрмэглэнэ.
Хүйтэн агаарт уусах ингэний буйлаан царцаж
Хүүрэг татсан шөнийн мөнгөн одод жингэнэнэ.

Үүрийн жаварт сойсон үрээ хээр живхэрч
Үдшийн бүрий унахад дэгэж дүүлэн алдана.
Хатуу төмөр амгайг харгиа хүйтэнд зуулгаж
Халуун амьсгалт завжийг нь хайрахаас айлгүй мордоно.

Ангараг хүрэх зайг аугаа уужимд бодсон юм
Амраг сэтгэлийн зай түүнээс хол байх дээ
Хоёр сэтгэлийн зайнаас хол юм үгүйг
Хорвоог таньсан монголчууд эртнээс үнэн өгүүлж дээ .

Зүү орох зайг хамгийн ойрд бодсон юм
Зүрхний янаг сэтгэл түүнээс ойр байж дээ
Зүүдэн буурал хорвоод хоёр сэтгэлээс ойр үгүйг
Зүйлийг таньсан монголчууд эртнээс үнэн өгүүлж дээ

Халуун янаг сэтгэл нь ямхын төдий ч зай үгүй
Хайртай жаахан Анимаа минийх ч гэсэн хүнийх ээ
Үнэн янаг сэтгэлд нь өчүүхэн төдий ч зай үгүй ээ
Үеийн жаахан Анимаа хүнийх ч гэсэн минийх ээ

Мөнх биш насандаа мөн биеийг нь олсон юм
Мөнгөн сарны доор хүүрнэж суугаад дассан юм
Энэ яваа насандаа эрх хонгороо олсон юм
Эрдэнийн наран доор хүүрнэж суугаад дассан юм .

Бөөрөнхий энэ хорвоогийн бөөрөн дээр нь амьдарна
Бөөн цагаан үүл шиг нүүж яваад дуусна...
Манантай энэ орчлонгийн магнай дээр нь амьдарна
Мартахын аргагүй Анимаагаа хайрлаж яваад дуусна...

Хөхрөх мөнхийн уудам нь наран санан чимэгтэй
Хөхөөн дууны эгшиг нь намрын сардаа татарна
Хөөрхөн төрсөн тэр минь мэнгэ сэвхэн чимэгтэй
Хөгшрөх цагаас өмнө наалинхай түүндээ дасна.

Этгээд буруу үйлээс зугтан зайлж явнам
Эрдэнэт хонгор чамайгаа шүтэн биширч явнам
Сайн хувьт шүлэгчийн саруул оюуныг ивээнэм
Сайтар номлосон сургаалыг өглөө үдэшгүй айлднам

Цэнгэл жаргал ихэдвээс цэнгэж...хайрланам
Цэвүүн цагийн үйлээс цэцэд мэргэд......
Уран яруу шүлгээ ухаант Анимаадаа зориулнам
Уянга найргийн тэнгэр, учрыг айлдан болгооном

Үлэмж сайхан зүс нь үүлэн чөлөөний наран
Үзтэл ариун сэтгэл нь үүрдийн үнэтэй нар
Доройтох үйлээс зайлуулсан дотнохон бүсгүйг дуулъя
Дорнын мэргэн ухааныг долоон үедээ магтъя.

Задран намирах үсэнд залуугийн үзэсгэлэн төгс
Залган ундрах үгэнд нь завсрын.........
Зангаа хувиргах ёс нь замилангийн үгэнд үгүй
Заяа сайт тэр минь Дорнын охин тэнгэрээ

( Сэтгэгдэл бичих? | Шүлэг | Оноо: 15/3 | Дашбалбар О )

Манай сайт танд таалагдаж байвал LIKE хийгээрэй. Танд баярлалаа.

Санал сэтгэгдэл

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 89 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Должин : 2007 оны аялал
mongolia2007year-235.JPG
Хэмжээс: 600x450 157k
Сэтгэгдэл: 0
Үзсэн: 3822

Должин : 2007 оны аялал
mongolia2007year-028.JPG
Хэмжээс: 600x450 136k
Сэтгэгдэл: 0
Үзсэн: 6238

Должин : 2007 оны аялал
mongolia2007year-155.JPG
Хэмжээс: 600x450 151k
Сэтгэгдэл: 0
Үзсэн: 4087

Агуулга

Saturday, 2024.03.30
·	Лха Отхан : ЦАСНЫ УТГА УЧИР
·	Лха Отхан : ХАРААЦАЙ НАС
·	Лха Отхан :ӨНГӨРСӨН БҮХЭНД УТГА УЧИР
·	Лха Отхан : ДУРСАН САНАХ БАЛЧИР НАС ...
·	Лха Отхан : ҮХЛИЙГ ҮЗЭХ Л ҮЛДСЭН...!
·	Лха Отхан : ЭЛСНИЙ ЧИМЭЭ
·	Лха Отхан : АМЖИЖ ХАЙРЛАХААР ХОРВОО ДУТДАГ
·	Лха Отхан : ГИТАРЫН УТСАН ДАХЬ САРНЫ СОНАТ ...
·	Лха Отхан : ДӨЧИН ДӨРВӨН НАМРЫН ДУУ
·	Лха Отхан : БУРХАНГҮЙ ЕРТӨНЦИЙН УУЛС
·	Лха Отхан :ШУВУУД ИРЖ БАЙНА
·	Лха Отхан : СҮҮЛЧИЙН ТУХАЙ ХҮНИЙ ЗҮҮД ...
·	Лха Отхан : ДУУСАЖ БАЙГАА БИДНИЙ АМЬДРАЛ
·	Лха Отхан : Урсгалд хөвөх навчисыг он жилүүдтэй үдэж ...
·	Лха Отхан : ӨВСНИЙ АМЬДРАЛ
·	Лха Отхан : ЭХ НУТГИЙН ТУХАЙ ДӨРВӨЛ БОДОЛ
·	Лха Отхан : Шөнийн ганцаардал минь
·	Лха Отхан : БҮҮДГЭР ТЭР ХОТ МИНЬ
·	Лха Отхан : ХУУЧИН ХАЙР ...
·	Лха Отхан : ЗАМЫН ТУХАЙ ШҮЛЭГ
Monday, 2024.03.04
·	Б.Явуухулан: Сонин сурвалжлагчид ярьсан нь
Thursday, 2024.01.25
·	Г.Мөнхтулга : ХАЙР
·	Г.Мөнхтулга : ТҮҮНД
Thursday, 2023.12.21
·	Г.Мөнхтулга : ХОТЫН ШӨНӨ
·	Г.Мөнхтулга : ЧАМД
Tuesday, 2023.12.12
·	Долгорын Цэнджав : ТАМГА
Tuesday, 2023.12.05
·	Г.Мөнхтулга : Зүүд
·	Г.Мөнхтулга : ХЭДЭН ҮГ
·	Г.Мөнхтулга : ДҮРСГҮЙ БОДОЛ
·	Г.Мөнхтулга : БҮСГҮЙ ЧИ НАМАЙГ ХҮЛЭЭДЭГ ҮҮ
·	Г.Мөнхтулга : БИ ХИЙСЭЖ БУЙ НАВЧ
Monday, 2023.11.27
·	С.Начин : Уучлалын шүлэг
Thursday, 2023.10.19
·	А.Эрдэнэ-Очир : АЯЛАГХАН ЗАЛУУ НАС МИНЬ
·	Ц.Доржсэмбэ: ЧИНИЙ САЙХАН ГАРЫН ХҮЙТЭН
·	Ц.Доржсэмбэ: ЦАС БОРОО
Wednesday, 2023.10.18
·	Т.Дарханхөвсгөл : Үхэр огдой
·	Б.Явуухулан НҮҮДЭЛЧНИЙ НАМАР
·	А.Эрдэнэ-Очир : Тунгалаг гунигийн улирал
·	Ц.Доржсэмбэ : НАМАЙГ ХАРСАН НҮД
·	С.Ууганбаяр : НАМАРТ БИ ДУРГҮЙ

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2024 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn