|
|
 Өгүүллэг: Мянган жилд ургах ганц сарнай (үргэлжлэл)
Оруулсан admin on 2008-01-04 00:51:03 (4931 уншсан)
Мишээл харин энэхэн мөчид зүрх нь зогсчих шиг болов. Хүүхэд нь гэдсэн дотроосоо ааваа......миний ааваа таны цусны нэг хэсэг би энд эрүүл саруул бойжиж байна шүү гэх шиг. Би яагаад жирэмсэн гэдгээ сая түүнд хэлсэнгүй вэ?, Тулгаагаас л боллоо. Би ямар харагдсан болоо,миний гэдэс мэдэгдсэн болов уу???????
За больдоо Мишээл минь юун тэнэг их юм боддог юм бэ,тэртээ тэргүй урьдын Дөлгөөн одоо байхгүй за хэмээн өөртөө шивнэлээ.
Хагас сайны өглөө босоод иртэл ээж нь сайхан банштай будаатай цай хийчихсэн,аав нь орон дээрээ сонин гарчиглан,дүү нар нь гал тогоонд масло сахартай талхаа идэнгээ надад 5 банш,чамд 6 банш хэмээн шулганалдана.
Өө миний охин сэрээ юу,за гар нүүрээ угаагаад цайгаа уу,их ядраа байлгүй дээ,ойрдоо шалгалт шүүлэг гээд,дээрээс нь ажил гээд энэ гэрт их л нэмэр болж байна даа муу охин минь гээд духан дээр нь үнэрлэв. Тэгэхэд нь яагаад ч юм хамрынх нь самсаа шархираад ирэв. Би яасан эмзэг мэдрэмтгий болчихоо вэ? Эсвэл жирэмсэн болохоор ингэдэг юм болов уу,уурлаж гомдож,инээж баярлах нь амархан яг л хөгшин хүн шиг болчихож хэмээн өөрийгөө шоолов.
Цайгаа уучихаад угаалга хийж байтал үүднийх нь хонх дуугарав. Дүү нь хаалга тайлсанаа гартаа сарнай цэцэг,ууттай юм барьчихсан эгчээ энийг таньд нэг хүн өгч байна гэв. Гайхан уутыг онгойлготол нэг дугтуй, сандал дээр бие биеэ түшин зэрэгцэн сууж буй эмгэн өвгөн 2 байв. Дугтуйг хартал ямарч нэр хаяггүй зөвхөн Мишээлд хэмээн бичсэн харагдана,яаран задлаад унштал:
" Сайн байна уу Мишээл ээ,чамайг уурлуусандаа харамсаж байна. Хэлэх аргаа олохгүй жаахан буруу ойлгуулчих шиг боллоо. Би өөрөө эцэггүй өссөн болохоор хүүхэдтэй болбол яагаад ч өнчрүүлэхгүй гэж боддог байсан юм. Гэвч харамсалтай нь цэрэгт байхдаа зодоон хийгээд,төмсөгөө бяц өшиглүүлээд хүүхэдтэй болж чадахгүй болсон юм. Би чамд энэ бүхнийг уг нь хэлэх хэрэггүй байх л даа. тэгэхдээ би чадахгүй нь,би чамайг анх хараад л дурласан. Дараа нь чамайг эмнэлэг явж хүүхдээ авхуулна гэхээр чинь ямар нэг аргаар болиулах хэрэгтэй байсан юм. Ямарч байсан би чамд хайртай гэдгээ мэдэж байна. Бас хүүхдийг чинь өөрийн хүү шиг л санаж явах болно. Та хоёр надад бүрханы илгээсэн бэлэг ч юм билүү. . миний захиаг уншаад намайг ойлгож чадвал би чамайг өнөө орой 7 цагт анх уулзсан газраа хүлээж байя. Энд 9 ширхэг сарнай байгаа,чи бид хоёр танилцаад ес хонож байгаа шүү дээ. Магадгүй чамд богино хугацаа мэд сагандаж байж ч болох юм. Анхны харцаар дурлана гэж байдаг юм байна. Хүндэтгэсэн Тулгаа "
***
Тулгаа болзсон газраа ирээд ирэх болов уу яах бол хэмээн цагаа байн байн харан зогсоно. 7.10 боллоо за 7.30 гээд ирэхгүй бол явъя даа хэмээн бодон зогстол Мишээл инээмсэглэн ирж яваа харагдана. Тулгаа баярласан гэж тоймгүй.
Өөдөөс нь очин чамайг ирэхгүй бол яанаа гэж айж байсан шүү,цаг ямар удаан өнгөрвөө гээд инээмсэглэв. Тэгснээ халааснаасаа бугуйн зүүлт гарган гарт нь зүүж өгөөд гаран дээр нь үнсэнгээ: Наддаа ирсэн хонгор чамайгаа насан туршдаа үнэнч хайрлаж явах болно гэж цэрэг хүний ёсоор андгайлъя гэв. Мишээлд энэ нь нэг танил санагдав. Тулгаа үргэлжлүүлэн: Чи минь мянган жилд ургах ганц сарнай шүү дээ,энэ сарнайгаа би хайраар тэтгэж,халамжаараа энхрийлж явах болно. Наддаа итгээрэй хайрт минь гээд баяртай нь аргагүй Мишээлийг дээш өргөв.
Мишээл харин дотроо энэ инээмсэглэж байгаа,бас гаргаж байгаа үйлдэл нь Дөлгөөнтэй ямар адилхан юм бэ. Эсвэл би Дөлгөөнд тийм их хайртай болоод түүнтэй харьцуулаад байгаа юм болов уу хэмээн бодов.
Тулгаа харин Мишээлээ миний хайраа хоёулаа маргааш өрхийн эмнэлэг явж хяналтанд орье. Тэгэхгүй бол жижигхэн зулзага маань бид хоёрыг хүлээхгүй томорсоор байна шүү хэмээн яг л өөрийн хүүхэд юм шиг гэдсийг нь аяархан илэв. Энэ үед Мишээл өөрийн эрхгүй баярлан баярын нулимас унгалаа.
-Хүүхдийн хөгжил сайн хэвийн байна,чи харин өөрөө хордлоготой,даралт жаахан их,ядаргаатай байна. Сайн амарч витамин уух хэрэгтэй,яасан орой ирж хяналтанд ордог юм бэ. Ямарч байсан одоо эход харуулаадах,карт чинь байна уу,аваагүй бол доороос 500 төгрөг тушаагаад квитанцыг нь аваад ир,би бичиж байя,чи эходоо харуулчихаад буцаад хүрээд ир гэв.
Мишээл эход харуулахаар очерлоод,Тулгаа картны мөнгө тушаахаар явав. Тулгаа хүрч ирээд хайр нь мөнгөө тушаачихлаа,миний хайр ядарч байна уу гээд үсийг нь илээд зогсож байтал эхоноос гарч ирсэн хүн тэр хоёрыг хараад хөшчих шиг болсноо зальтай нь аргагүй инээмсэглэв.
-Сайн уу Мишээл ээ,ямар сонин хүн бэ,чи юу хийж яваа юм гэх дуунаар эргэн хартал Хулан зогсож байлаа.
-Сайн чи сайн уу? би....гээд түгдэрсэнээ энд хүнтэй уулзах гэж явна гэтэл цаанаас Мишээл,Мишээл гэж байна уу гэж эхоны сувилагч дуудав. Тулгаа миний хайраа чамайг дуудаад байна гэхэд Мишээл сая сэхээ орон баяртай гэчихээд яваад өгөв.
Эмнэлэгээс гараад Хулангийнн дотор маш хөнгөн сайхан байв.
Манай хүн чинь дуугүй байж байгаад зэрэг амжуулаад байсан юм биш үү. Гэтэл би хамаг бурууг хүлээгээд яваад байсан байдаг. Яасан айхтар юм бэ,найз найз гээд хамаг юмыг минь яриулдаг байсан байж,өөрөө юу ч хэлдэггүй байсан байна шүү хэмээн бодохын сацуу Дөлгөөнтэй учирсан анхны учрал нь бодогдов.
Хулан баргын эр хүнийг тоодоггүй хирнээ Дөлгөөн яагаад ч юм үнэхээр их таалагддаг байв. Би тэр өдөр Мишээлтэй хамт явахгүй яав даа. Тэгсэн бол Мишээлийг биш намайг л сонгох байсан юм. Шал дэмий хүлээн авалт нэртэй бие биендээ томорч гайхуулсан юмнууд.
Маргааш нь Мишээл их л цовоо утасдаад найз нь нөгөө кафег авахаар болоод гэрээ хийчихлээ. Тэгсэн чинь заавал аж ахуйн нэгж хэрэгтэй гээд би сандарлаа ш дээ. Тэгтэл босс нь харин за яахав адилхан залуу улс байна ойлгож байнаа гээд хувь хоорондынн гэрээ хийчихлээ. Татвар тайлан бүгд манай нэр дээр яваг,чи харин хугацаанд нь мөнгөө төлж байна шүү гэдэг байгаа. Би ч бөөн баяр, өө тэр тэгэлгүй яахав,ямарч асуудалгүй гэсэн. Ямар аятайхан залуу гээч.... Бас найз нь түрээсийн мөнгөө ч хасуулсан,урьдчилгаанд тал мөнгөө өгөхөөр болсон. Тэгсэн чи ямар шидтэй хүүхэн бэ,бүх юмыг л өөртөө ашигтайгаар эргүүлээд байхын гээд инээж байгаа нь ямар гоё гээч хэмээн дуржигнуулж гарав. Гэтэл Хулан:
-Хүүе миний найз арай дурлачихсан юм биш биз. Чамайг ингэж эр хүний талаар ярьж байхыг чинь ерөөсөө сонсоогүй юм байна. За за уулзаж байгаад тухтайхан яръя хэмээн тэр хоёрын яриа өндөрлөлөө.
Хулан Дөлгөөнийг хараад үнэхээр гайхлаа. Ийм залуу бас байдагаа,энэ ч хүүхнүүдийг оймс шигээ л сольдог байх даа. Мишээл азтай юмаа хэмээн анх удаа найздаа жинхэнээсээ атаархалаа. Ер нь кафены бүхий л ажлыг Мишээл л хариуцна. Хулан ерөнхийд нь сонсоод л ашгаа хуваагаад явна.
Нэг орой тэр хоёр улиралын тайлангаа гаргаад ашиг орлогоо дүгнэж үзээд ашигтай ажилласанд баярлан ажилчидаа урамшуулаад,өөрсдөө жаахан пиво уун сууцгаав. Дөлгөөн үг хэлэн хоёр сэргэлэн охиныхоо төлөө гэснээ,наргиан болгон: Хулаан чи азтай ерөнхий шүү,танай гүйцэтгэх чинь чадалтай,дайчин,ухаалаг эмэгтэй шүү гэж хэлэхэд нь дахиад л атаархалын манан татлаа. Дөлгөөн,би тэр болгон уугаад байх зав гардаггүй,өнөөдөр та хоёртой байгаа дээрээ жаахан уучих уу гээд Мишээл рүү харав. Гэтэл Хулан:
-Өө за за та хоёр ч бүр эхнэр нөхөр шиг болчихжээ. Мишээл хатагтай нэг удаа зөвшөөрөх байлгүй дээ,би ч гэсэн ойрдоо сайхан суусангүй,өнөөдөр гурвуулаа сайхан уунаа гээд худлаа инээв. Тийнхүү хөгжин сууж байтал Мишээлийн утас нь дуугарав.
Гэрээс залгаж байна яасан юм болоо гээд гарч ярьсанаа орж ирээд,найз нь явахгүй бол болохгүй нь Отгоо халуураад гүйлгээд байна гэнээ,ээж түргэн дуудчихсан гэж байна,намайг хурдан хүрээд ир гэнээ гэтэл Дөлгөөн найз нь хүргээд өгье хэмээн босов. Гэтэл Мишээл:
Үгүй ээ чи юм уучихсан байгаа,тэгээд ч та хоёр хоёулаа арай хийж нэг завтай сууж байхад,би такси бариад Цэцэгээ эгчтэй ханьтай дөхчихье,та хоёр сууж байгаад яв. Болгоомжтой яваарай,машинаа энд үлдээгээд машин бариад яваарай,би очоод утасдая гэв. Дөлгөөн зүгээр үү, чи болох юмуу гээд үнсэв. Хулан харин дотроо " за Хулан минь чамайг ивээж байгаа юм биш үү,өөр ийм аз,боломж олдох уу гэснээ" Мишээлээ нээрээ зүгээр үү,найз нь хүргээд өгөх юмуу гээд худлаа үнэн асуув.
Баярлалаа найз нь зүгээр,за явах уу Цэцэгээ эгчээ гээд тэр хоёр гарлаа.
Хулан,Дөлгөөн хоёр эхлээд Мишээлийн талаар энээ тэрээ ойр зуурын юм ярьж уусаар нилээн муудацгаав. Үнэн хэрэгтээ Хулан Дөлгөөний нүдийг хариулж байгаад хөөрхөн,хөөрхөн аргалаад байв. Дөлгөөн:
Хулаан чи уг нь сайхан хүүхэн ш дээ. Яагаад найз залуу байдаггүй юм хэмээн асуув.
-Чам шиг нь олдохгүй,олдсон нэг нь найз охинтой байнаа. Би ингэж нэг оройг чамтай хамт өнгөрүүлэхийг ямар их хүсдэг байваа гээд санаа алдав. Тэгснээ за хоёулаа гарах уу,цаг ч нилээн орой болчихлоо,хүн амьтан ч юу гэх юм билээ.
Тэндээсээ гараад такси барих гээд зогсож байхдаа Хулан Дөлгөөнийг налан хүйтэн байнаа,даарч байна хэмээн эрхлэнгүй дуугарав. Таксины арын суудалд суугаад нэг л мэдэхэд тэр хоёр үнсэлдэж эхлэв. Жолооч хаашаа явах вэ гэтэл Хулан чигээрээ явж бай замдаа заагаад өгье гэв.
(
Сэтгэгдэл бичих? |
Өгүүллэг |
Оноо: 0/0 |
Өгүүллэг )
Манай сайт танд таалагдаж байвал LIKE хийгээрэй. Танд баярлалаа.
|
|
|
|
 |
Санал асуулга |
 |
|
Та манай гишүүн болохыг хүсвэл энд дарна уу.
t
Одоо онлайнд 256 зочин 0 гишүүн байна.
|
|
|
 |
 |
Агуулга |
 |
|
|
Та сараа сонгоно уу
 |
|
|
|
 |
|
Facebook 
Twitter 
