Наадмын хүлэг цоллох шиг Найран дээр ам халж Найзууддаа магтаагүй ч Хэн нэгний төлөө зовниж Хэлэх үгээ мартаагүй!
Нэг гарын таван хуруу шиг Хэдэн сайхан нөхөд минь Нэг насаар ханилах Хэлцээгүй тангараг бидэнд бий!
Өдөр шөнийн турш бодож Өр зүрхэндээ хадгалж явах Тийм хэдэн нөхөдтэйгээ Тэнгэрийн дор бардам явна!
Алдаагий нь хүртэл оноо шиг бодож Амьд яваагийн минь шалтгаан тэд юм шиг санаж Эзгүйд нь үгүйлж, галгүй гэрт даарч хонох шиг Ирэхэд нь баярлаж гадаах нар гэрт орох шиг Бодол санаа сэтгэл зүрх минь нэг Болгоож харахад хэдэн бие нь л тусдаа Тийм хэдэн нөхөдтэйгээ би Тэнгэрийн доор бардам явна даа!
Заримдаа би тэднийг эс ойлгож Зам замаа даган холддог ч Оройхон бараагий нь харахгүй бол уймарч Орон гэрт нь уруу царайлсаар очдог.
Хар цай талх, давсаа адилхан хувааж Харамгүй сэтгэл, шүлэг, ном, мөрөөдөлдөө умбаж Харуй бүрийд буцахдаа өвөр дүүрэн баяр жаргалтай Хамаг орчлон сэтгэл дотор багтаж ирдэг учиртай.
Холоос давхисаар ирсэн хүлэг морьд шиг Хонгор насны хэдэн нөхөд минь Бүхний сэтгэлд шижир алт шиг нийцээгүй гэмээ нь Бүлээн дулаан хайраар олныг жаргаах нь магад
Ямар ч өөгүй бурхад биш ээ, тэд минь Янаг охидоо л харин бурхан шиг хайрлана Баланд шунасан зөгий шиг амьдралд дурлаж Баясгалант нарыг цонхон дээрээ угтан зогсдог.
Ойворгон, даруу, гэнэн, ухаалаг Олон араншинтай ч бие биенээ нөхөж Нийлээд нэг төгөлдөр хүн шиг болдог юм Нэг нэгээс нь салгаж болохгүй хэдэн нөхөд минь!
Уулын манан, бороо шивэрсэн өдөр, Ухаажсан харц, эмгэд, хүүхэд, нарс мод, Уйтгар сэргээх хүлгийн янцгаалт Урам бадраах шөнийн оддод дуртай!
Амьдралын хайрласан дээд шагнал-нөхөд минь Атаатан дайсны эсрэг гартаа барих илд-нөхөд минь Аяны замыг ивээгч далдын сахиус мэт нөхөд минь Амьдралд та нар миний өөртөө итгэх шалтгаан юм!
О.Дашбалбар Шидэт ертөнц I боть, 2003 он. 188-р тал.
http://www.mclibrary.edu.mn/MonLit/zohiolch/odashbalbar_buts4.html ( Сэтгэгдэл бичих? | Шүлэг | Оноо: 32/7 | Дашбалбар О )
Шуурайн Солонго: Гималай
Шуурайн Солонго: ТООРОЛЖИН
Ш.Сундуйжав : Үүр цайж байна
Э.Үржинханд : Хос ном мэндэллээ
Б.Болдсүх : Таг мартсан тангараг
Ч.Дагмидмаа
Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.
Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.
zam-041.JPG Хэмжээс: 600x450 109k Сэтгэгдэл: 0 Үзсэн: 4050
zam-043.JPG Хэмжээс: 600x450 90k Сэтгэгдэл: 0 Үзсэн: 5225
khongor031.jpg Хэмжээс: 600x453 100k Сэтгэгдэл: 0 Үзсэн: 4435
Нэр: Э-шуудан: Санал хүсэлт:
Facebook 
Twitter 
