АЮУРЗАНЫН ДАНДИЙЯДАМ

Зохиолч А.Дандийядам 1928 онд Ховд аймгийн Манхан сумын нутагт төржээ.
Бага дунд сургуульд суралцаж багшийн дээд сургууль төгсчээ.
1958 оноос уран зохиол сонирхон оролдож “Эрхэм зам”, “Хилийн чулуу”, “Учиртай авдар”, “Хангайн сайхан Долгор”, “Ган хөлгийн намтар” зэрэг тууж, өгүүллэг найрууллын ном хэвлүүлжээ.

ЖИНГЭЛЭЙН ДАМДИНДОРЖ

Зохиолч Ж.Дамдиндорж 1928 онд Төв аймгийн Баянзүрх сумын нутагт малчны гэр бүлд төржээ.
Намын дээд сургууль, Москвад Ломоносовын нэрэмжит их сургуулийг тус тус төгсчээ.
1950-иад оноос уран зохиол сонирхон оролдож “Ёстой сайн хүн”, “Хаминдаагийн авгай”, “Нэгэн амьдралын мартагдашгүй өдрүүд”, “Дууриалт үйлстэн” зэрэг найруулал, өгүүллэгийн ном, “Хотоос ирсэн бүсгүй”, “Суварганы нууц”, “Мартагдашгүй баясгалант өдрүүд” зэрэг тууж бичжээ.

ШАГЖИЙН ВАНЧААРАЙ

Зохиолч Ш. Ванчаарай 1932 онд Завхан аймгийн Яруу сумын нутагт малчны гэрт төржээ. Бага, дунд сургууль, УИСургуулийн анагаах ухааны ангийг 1959 онд төгсөж хүний их эмчийн мэргэжилтэй болжээ.
Ш. Ванчаарай 1957 оноос уран бүтээлээ эхэлж «Хун», «Амьдрал», «Гал улаан цэцэг», «Яруугийн хавар», «Буурал хангайн даваа», «Сэтгэлд гийсэн гэгээ» зэрэг тууж, өгүүллэгийн ном бичжээ.

МӨНГӨНИЙ БИЗЪЯА

Зохиолч М. Бизьяа 1907 онд Увс аймгийн Хяргас сумын нутагт малчны гэрт төржээ. 1942 оноос уран бүтээлээ эхэлж, «Бэлэг», « Yнэн домог», «Ганц гархи» зэрэг өгүүллэг, найрууллын ном хэвлүүлжээ.

Дармаагийн Батбаяр  

Залуу зохиолч Дармаагийн Батбаяр 1941 онд Дундговь аймгийн Дэлгэрхангай сумын нутагт төржээ.
1966 онд Монгол улсын их сургууль , 1979 онд ЗХУ ын М . Горькийн нэрэмжит утга зохиолын сургуулийн дээд курсийг тус тус төгсжээ.
Д.Батбаяр нь бага наснаасаа уран зохиол оролдсон бөгөөд « Гар » « Жаргалын найман морь » Өгүүллэгийн түүвэр», « Дөшин жирэмийнхэн», « Шувуу бүхэн жаргалтай », « Нэг Ваанжил , нөгөө Ваанжил » , « Цөөрөм » жүжгүүд бичжээ .

ЗО -БАЙ- ЖИНГИЙН БАТТУЛГА

Зохиолч З. Баттулга 1919 онд Сэлэнгэ аймгийн Хушаат сумын нутагт төржээ.
1965 - 1967 онд Москвад утга зохиолын дээд дурс төгсжээ. 1950 иад оноос уран бүтээлээ эхэлж «Төвшин төгс», «Ерөөлт учрал», «Шийнэн дуулж байна», «Уяхан замбуутив», « 785 дээр» өгүүллэг, туужийн ном «Хөх тэнгэр» роман бичжээ.

НАМСРАЙН БАНЗРАГЧ

Зохиолч Н. Банзрагч 1925 онд Завхан аймгийн Алдархаан сумын нутагт малчны гэр бүлд төржээ .
Бага дунд сургууль , Улсын их сургуулийн дэргэдэх утга зохиолын оройн дээд сургууль, Москва хот дахь
М . Горькийн нэрэмжит утга зохиолын институтийн дэргэдэх дээд курсийг тус тус төгсжээ . 1940 оноос уран зохиол сонирхон оролдож « Жирийн хүүхнүүд », « Тал нутгийн хавар », « Мөнх зул », « Аадрын дараа » ,«Цэрэг эрийн дууль », « Замбага ягаан цэцэг », «Өглөө », « Нэг голынхон » ,«Намрын хонгор салхи» ,«Шинэ жилийн өмнөх үдэш » өгүүллэг ,туужууд «Зам » , « Хошуу цагаан нутаг » роман бичжээ . Зохиолчийн « Зам » роман ЗХУ –д орос , белорус хэлнээ хэвлэгджээ .

САМБУУГИЙН БАДРАА

Зохиолч С. Бадраа 1923 онд Булган аймгийн нутагт малчны гэрт төржээ.
1950 оноос уран бүтээлээ эхэлж «Амьдрал», «Нисгэгч», « Хөрст алтан дэлхий» зэрэг өгүүллэг, туужийн ном бичжээ.
Мөн Горький, Фурманов, Шолохов, Айматов зэрэг зөвлөлт зохиолчдын олон шилдэг бүтээлийг орчуулжээ.

ЛУВСАНДАШИЙН БАДАРЧ /1919-1960/

Зохиолч яруу найрагч агсан Лувсандашийн Бадарч Төв аймгийн Эрдэнэсант сумын нутагт 1919 онд малчны гэр бүлд төржээ.
1937 оноос уран бүтээлээ эхэлж “Октябрийн туяа”, “Баатарлаг явдал”, “Авхайн морь”, “Унага” зэрэг олон өгүүллэг, ёгт үлгэр, шүлэг найраглал бичжээ. 1956 онд анхны нь түүвэр хэвлэгдсэнээс гадна “Хүжийн гал” зохиол нь тусгай ном болон нийтлэгджээ.
Зохиолчийн шилмэл зохиолын түүвэр 1963 онд хэвлэгдсэн байна.

ЧИМИДИЙН АЛАГСАЙ

Зохиолч Ч.Алагсай 1933 онд Говь-Алтай аймгийн Алтай сумын нутагт малчны гэр бүлд төржээ.
Бага, дунд, багшийн сургууль, Москва хотноо Ломоносовын нэрэмжит Улсын их сургууль төгсч, 1979 онд дэд эрдэмтний зэрэг хамгаалжээ.
1950-иад оноос уран зохиол сонирхон оролдож “Ирвэст уул”, “Тахийн ус”, “Суман зээрд”, “Цал мөнгөн алтай”, “Говийн хун” зэрэг тууж, өгүүллэгийн ном бичжээ.

Чадраавалын Лодойдамба

Нэрт зохиолч Ч. Лодойдамба 1917 онд ГовьАлтай аймгийн Түмэн сумын нутагт малчны гэрт төржээ. Бага наснаасаа сургууль соёлын мөр хөөж, 1954 онд МУИС төгсөж улмаар ЗХУлсад аспирантурт суралцан урлаг судлалын ухааны дэд эрдэмтэний зэрэг хамгаалжээ.
Уран бүтээлээ 1940 оноос эхэлж «Алтай», «Тунгалаг тамир» роман, «Манай сургуулийнхан» тууж, «Малгайтай чоно», «Солонго», «Дусал нулимс юу гэж хэлсэн бол» зэрэг олон арван шилдэг өгүүллэг бичсэний гадна «Гарын таван хуруу», «Өөрийн замаар», «Итгэж болно» драмын жүжиг, «Энэ хүүхнүүд үү» кино зохиол бичжээ.
Зохиолчийн «Тунгалаг тамир» «Алтайд» роман Орос, Чех, Румын, Болгар, Вьетнам, Япон зэрэг хэлнээ хэвлэгджээ.
Ч. Лодойдамба БНМАУ-ын төрийн шагналыг хоёр удаа хүртжээ.

mongolia2007year-072.JPG
Хэмжээс: 600x450 58k
Сэтгэгдэл: 0
Үзсэн: 4907

mongolia2007year-212.JPG
Хэмжээс: 600x450 42k
Сэтгэгдэл: 0
Үзсэн: 10385

Энэ жил ногоо сайхан ургалаа
Хэмжээс: 600x800 244k
Сэтгэгдэл: 0
Үзсэн: 4639