Залуу яруу найрагч Норовын Гантулга

Булган аймгийн Хишиг-Өндөр сумын харьяат. Эрдэмтэн зохиолч Ш.Гаадамба, төрийн шагналт яруу найрагч З.Дорж нарын төрсөн нутгийн хүү. Төрсөн нутагт нь орших Арцын Улаан хад энэ хүүгийн нандин шүтээн, шүлэг, яруу найргийнх нь амин сүнс юм. Түүний шүлэг, яруу найргийн талаар шинжлэх ухааны доктор Ч.Билигсайхан, Л.Дашням нарын олон хүн санал сэтгэгдлээ илэрхийлсэн байдаг. Тэрбээр “Тусгаар тогтнол-2004”, “Янжинлхам-2005”, Р.Чойномын нэрэмжит “Алтан Оюухай”, “Залуу нас”, хайрын шүлгийн “Аморэ” зэрэг олон наадмын тэргүүн шагнал хүртсэн юм.

Дарамбазар овогт БОРЫН ГАНЗОРИГ

Залуу яруу найрагч БОРЫН ГАНЗОРИГ Баянхонгор аймгийн Баянхонгор суманд төрсөн. Төрийн шагналт зохиолч Ч.Лхамсүрэнгийн нэрэмжит "Хүрэн морь" яруу найргийн наадмын 2004 оны дэд байр, 2006 оны тэргүүн байр, МЗЭ-ийн шагналт зохиолч Д.Халзангын нэрэмжит "Хүрэн унага 2004" яруу найргийн наадмын тэргүүн байр, "Мөнгөн жигүүр 2005" оюутны яруу найргийн наадамын тэргүүн байрын шагналтай. Сэтгүүлч мэргэжилтэй.

Х. Болор-Эрдэнэ
МЗЭ-ийн гишүүн, Г.Сэр-Одын нэрэмжит зохиолч Х. Болор-Эрдэнэ нь 1975 онд Улаанбаатар хотод төрсөн. 2002 онд “Нүцгэн шөнө”, 2004 онд “Зүрхэнд үйлдвэрлэв” нэртэй сэтгэлгээний богино өгүүллэгийн түүвэр бүхий хоёр номоо уншигчдын хүртээл  болгожээ. Нийт 100 орчим өгүүллэг, хоёр тууж, таван ном туурвисан. Одоо богино өгүүллэгийн “Диваажингийн хоригдлууд” нэртэй гурав дахь өгүүллэгийн номоо хэвлэлтэнд бэлтгээд байна.

Халтарын. Болор-Эрдэнийн бүтээлүүдийг эндээс үзнэ үү

АЛТАНГЭРЭЛИЙН АМАРСАЙХАН

А.Амарсайхан 1969 онд Алтай хотод төрсөн. 1989 оноос, тэр үеийн ЗХУ-ын Свердловск хотын Уул уурхайн дээд сургуульд суралцаж байхаасаа шог зохиол, зургаар оролдож эхэлсэн. Боловсролын хөгжлийн сургууль, Хэвлэлийн хүрээлэнд суралцаж гадаад хэлний багш, сэтгүүлчийн мэргэжил эзэмшсэн.
Шог хошин зохиол, шог зургийн ”Өөхөнд хулдсан егөө” ном хэвлүүлсэн, хэд хэдэн номын чимэг зургийг хийсэн. 2006 оноос http://amarsaikhan.blogspot.com/ хувийн сайт ажиллуулж байна. ”Тоншуул” сэтгүүлийн 70 жилийн ойн нэрэмжит уралдааны тэргүүн шагнал, мөн сэтгүүлийн оны тэргүүн бичлэгийн шагнал, МСНЭ-ийн ”Ган үзэгтэн” шагнал хүртсэн.
”Тоншуул” сэтгүүлийн хариуцлагатай нарийн бичгийн дарга, Хэвлэлийн хүрээлэнгийн сэтгүүл зүйн багшаар хавсран ажиллаж байна.

http://amarsaikhan.blogspot.com Манай сайт дээрхи А.Амарсайханы бүтээлүүдийг эндээс үзнэ үү

ДУГАРЫН ДОРЖ

Зохиолч Д.Дорж 1931 онд Дорнод аймгийн Баяндун сумын нутагт малчны гэр бүлд төржээ.
Бага дунд сургууль, 1956 онд Улсын их сургууль төгсжээ.
1953 оноос уран зохиол сонирхон оролдож “Барилдаж явсан минь”, “Мандах нарнаар”, “Ялимгүй будлиан”,”Давааны цаана даваа”, “Нууц хурим” шүлэг өгүүллэг туужийн ном хэвлүүлжээ.

ЦЭНДИЙН ДОРЖГОТОВ

Ц.Доржготов 1940 онд Архангайн Хашаатад төржээ. Луу жилтэй, бага, дунд сургууль, Москва хотын хэвлэлийн дээд сургууль дүүргэсэн.
Шог хошин зохиолын ''Дусал инээд", "Мөнхийн ус", "Бор морь", "Будааны хүүхэд", “Хүүхнүүдийн дунд ганцаараа", "Бодлын хулгай", "Ярьдаг дэвтэр”, "Шог зохиолч тэнэг байдаг". “Туулайн зүрхтэн”. "Бурхны ходоод лонх биш", "Хамба дээлт буюу дэлхий даахгүй баян" зэрэг ном мөн "Шим мандал' "Тэнгэр дуугарахын өмнө". "Yр удам танаа" роман тууж " Нарт өндөр" боть хэвлүүлж. “Тойрох хуудас” кино. "Шуурга” жүжиг бичиж. олны хүртээл болгосон байна.
Доржготов 1975 онд олон улсын шог хошин зохиолын "Алеко" уралдааны "Мөнгөн зараа” шагналыг монголоос хүртсэн анхны зохиолч. 1990 онд Д.Нацагдоржийн шагнал түүнд олгосон.
2005 онд "Төрийн шагнал" хүртжээ.

ДОЖООГИЙН ДОРЖ

Зохиолч Дожоодорж 1930 онд Сүхбаатар аймгийн Мөнххаан сумын нутагт малчны гэр бүлд төржээ.
Бага, дунд сургууль, мөн Дотоод явдлын яамны цэргийн нэгдсэн төв сургуулийг 1951 онд, Москвагийн Бүх Холбоотын киноны дээд сургуулийн зохиолчийн ангийг 1961 онд тус тус төгсчээ.
1949 оноос уран зохиол сонирхон оролдож “Ямаан дах нөмөрсөн хүн”, “Замын хүзүү урт”, “Шинэ үеийн баатрууд”, “Зүүний сүвэгч” зэрэг тууж өгүүллэгийн ном, “Yүрээр”, “Улаанбаатарт байгаа миний аав”, “Амар хуур”, “Амьдралын цуурай”, зохиолч С.Удвалтай хамтарч “Yер”, “Балга ус”, “Хүргэн хүү” зэрэг уран сайхны кино зохиолууд бичсэнээс гадна “Хөрш”, “Ёроолгүй авдар”, “Нэг ширээний хоёр”, “Хаанахын хүн бэ” зэрэг жүжгийн зохиолууд бичжээ.

ЛУВСАНДАМБЫН ДАШНЯМ

Зохиолч Л. Дашням 1943 онд Архангай аймгийн Төвшрүүлэх сумын нутагт төржээ.
1967 онд Москва хотноо олон улсын харилцааны дээд сургуулийг төгсчээ.
1970 оноос уран бүтээл сонирхон оролдож “Нялх ногоо”, “Бурхантын цэцэг”, “Хайрын нууц” өгүүллэг шүлгийн номууд хэвлүүлжээ.

АЮУРЗАНЫН ДАНДИЙЯДАМ

Зохиолч А.Дандийядам 1928 онд Ховд аймгийн Манхан сумын нутагт төржээ.
Бага дунд сургуульд суралцаж багшийн дээд сургууль төгсчээ.
1958 оноос уран зохиол сонирхон оролдож “Эрхэм зам”, “Хилийн чулуу”, “Учиртай авдар”, “Хангайн сайхан Долгор”, “Ган хөлгийн намтар” зэрэг тууж, өгүүллэг найрууллын ном хэвлүүлжээ.

ЖИНГЭЛЭЙН ДАМДИНДОРЖ

Зохиолч Ж.Дамдиндорж 1928 онд Төв аймгийн Баянзүрх сумын нутагт малчны гэр бүлд төржээ.
Намын дээд сургууль, Москвад Ломоносовын нэрэмжит их сургуулийг тус тус төгсчээ.
1950-иад оноос уран зохиол сонирхон оролдож “Ёстой сайн хүн”, “Хаминдаагийн авгай”, “Нэгэн амьдралын мартагдашгүй өдрүүд”, “Дууриалт үйлстэн” зэрэг найруулал, өгүүллэгийн ном, “Хотоос ирсэн бүсгүй”, “Суварганы нууц”, “Мартагдашгүй баясгалант өдрүүд” зэрэг тууж бичжээ.

ШАГЖИЙН ВАНЧААРАЙ

Зохиолч Ш. Ванчаарай 1932 онд Завхан аймгийн Яруу сумын нутагт малчны гэрт төржээ. Бага, дунд сургууль, УИСургуулийн анагаах ухааны ангийг 1959 онд төгсөж хүний их эмчийн мэргэжилтэй болжээ.
Ш. Ванчаарай 1957 оноос уран бүтээлээ эхэлж «Хун», «Амьдрал», «Гал улаан цэцэг», «Яруугийн хавар», «Буурал хангайн даваа», «Сэтгэлд гийсэн гэгээ» зэрэг тууж, өгүүллэгийн ном бичжээ.

МӨНГӨНИЙ БИЗЪЯА

Зохиолч М. Бизьяа 1907 онд Увс аймгийн Хяргас сумын нутагт малчны гэрт төржээ. 1942 оноос уран бүтээлээ эхэлж, «Бэлэг», « Yнэн домог», «Ганц гархи» зэрэг өгүүллэг, найрууллын ном хэвлүүлжээ.

IMG_1015.jpg
Хэмжээс: 600x800 169k
Сэтгэгдэл: 0
Үзсэн: 1472

B3-011.JPG
Хэмжээс: 600x484 128k
Сэтгэгдэл: 2
Үзсэн: 2592

khongor024.jpg
Хэмжээс: 600x810 205k
Сэтгэгдэл: 2
Үзсэн: 2160