Тэнгэрийн тунгалаг зэрэглээнд болжмор жиргэж л байвал би амьд явна!
Тэр шувуунд би хачин их хайртай!
Тэртээ уулын хормойд ой шуугиж л байвал би амьд явна!
Тэр эгшгэнд би хачин их хайртай,
Хайраар би амьдардаг аа!

Хээр талаар морьтой хүн таваргаж л явбал би амьд явна!
Тэр бараанд би хачин их хайртай!
Хэдэн унага голын зүлгэнд тоглож л байвал би амьд явна!
Тэр амьтдад би хачин их хайртай,
Хайраар би амьдардаг аа!

Өвөлжөөнөөс намрын хиаг ханхалж л байвал би амьд явна!
Тэр үнэрт би хачин их хайртай!
Өвлийн шуурганд уруудсан мал бүрэн хонож л байвал би амьд явна!
Тэр баярт би хачин их хайртай,
Хайраар би амьдардаг аа!

Хаврын үдэш гадаа бороо шивэрч л байвал би амьд явна!
Тэр шивнээнд би хачин их хайртай!
Харц хөлчингө амраг цээж налаад сууж л байвал би амьд явна!
Тэр амьсгалд би хачин их хайртай,
Хайраар би амьдардаг аа!

Тооно эртний бор гэрт гал шаргалтаж л байвал би амьд явна!
Тэр амгаланд би хачин их хайртай!
Толгодын намжаа оройгоор зам зурайж л байвал би амьд явна!
Тэр аниргүйд би хачин их хайртай,
Хайраар би амьдардаг аа!

Аялгуу содон Монгол үгээр хүмүүс ярьж л байвал би амьд явна!
Тэр хэлэнд би хачин их хайртай!
Ариун нь мөнх Монголоор дэлхий дутаж л байвал би амьд явна!
Тэр оронд би хачин их хайртай,
Хайраар би амьдардаг аа!

Бие цуг орчлонд мөнх амьдрах шалтгаантайдаа
Би яагаад ч үхэхгүй ээ!..

( Дэлгэрэнгүй... | 9 | Шүлэг | Урианхай Д | )

Шүлэг: Э.Үржинханд : Хүүхэд нас минь
Оруулсан admin on 2026-09-30 10:41:36 (13459 уншсан)

Амьдралын зөргөөр дуулалдан одсон сар жилүүд
Ахиад зуу зуунаар давтагдана гэж үү дээ
Орчлонгийн хуулиар уйлалдан ирсэн зовлонт зүрхнүүд
Он цаг өнгөрсөн ч эргэж мэндлэнэ гэж үү дээ
Тийм ээ, уйлаад л үлдэхэд эргэж ирээгүй шүү дээ
Уйтгар зөгнөсөн шаргалхан намрын шувууд минь
Дуулаад л хоцроход нуур нь царцсан шүү дээ
Уянга сөгнөсөн гэгэлгэн салхины урсгал минь ( Дэлгэрэнгүй... | 0 | Шүлэг | Үржинханд Э | )

Шүлэг: Ц.Галбадрах : Миний эх орон
Оруулсан admin on 2026-09-30 10:41:18 (11828 уншсан)

Оршил

Бие минь тэнд төрсөн болохоор
Бас сэтгэл минь тэнд төрсөн болохоор
Билэг оюун ухааныг тэндээс авсан болохоор
Би тэнд хайранд өлгийдүүлж,хайранд зодуулж өссөн болохоор
би түүнийг эх орон гэж нэрлэдэг ээ

** МИНИЙ ЭХ ОРОН***

Наран жаргавч саран мандах гэрлийн эх орон
Навч нь унавч цас нь өнгөлөх цагаахан эх орон
Нас нэмэхэд улам ойртох соронзон эх орон
Намайг шүлэг болгон хувиргах ухаарлын эх орон ( Дэлгэрэнгүй... | 1 | Шүлэг | Шүлэг | )

Шүлэг: Би хөдөөний хүү
Оруулсан admin on 2026-09-30 10:40:55 (8898 уншсан)

Өвөл болход хотынхон шиг утаа гэж санаа зовдоггүй
Өлчир шалгаж тачигнасан зуд болоховдээ гэж айдаг
Хавар болход хотынхон шиг гадаа зугаалах гэж баярладаггүй
Хачин сайхан мал минь тарга авна даа баярладаг
Зун болбол хотынхон шиг борлоно гэж санаа зовдоггүй
Зулгаах өвсгүй болтол ган болох бий гэж зовдог
Намар болоход хотынхон шиг гунигтай гэж санааширдаггүй
Налгар сайхан тариа минь л арвин байгаасай гэж санааширдаг...
Голын эргэ дагаж нүцгэн хөлөөрөө дэвсэлсэн
Гуталын ул салтал эмнэгэ хангал чихдсэн
Айргын үнэрт мансуурж хуруу дарж дэмбээдсэн
Аархаж жаахан халж гэмээн дээлээн ханзартал барилдсан...
Би хөдөөний хүү

( Дэлгэрэнгүй... | 0 | Шүлэг | Шүлэг | )

Шүлэг: Арима : Моддын тухай шүлэг
Оруулсан admin on 2026-09-30 10:40:39 (8007 уншсан)

1.
Даарсан модод нүцгэн мөчрөөрөө үүлсийг баллуурдаж...
Даруй зуун өвлийг тэнд ингэж угтсан
Цэнхэр өнгөнд дуртай жаахан охиныг тэд л
Цэл залуу навчсын ногоон өнгөнд дурлуулсан.
Намраар гэнгэнэх, навчсаа сул асгах хүлцэнгүй
Хавраар тэргүүнээ өргөж, хатсан навчсаа мартах бардамхан
Хачин араншинт энэ модод л надад гунигийг бэлэглэсэн
Хайрласны дараа нулимс ирдгийг бас мэдүүлсэн.
Өглөө бүр би өөрийн эрхгүй цонхоор ширтэж
Өөнтөгч моддын мөчрөөсөө гээсэн навчсыг өрөвддөг
Үдэш бүр би нүцгэн мөчрийг нь түшèж хэсэг зуур зогсоод
Өөр хэн ч сонсож чадахгүй ганцхан дууг тэдэнд аялдаг.
Мод бидэн чимээгүй маргалдаж, бас эвлэрч,
Мод бидэн чимээгүй уйлж, бас инээж...
Араншингаа над руу юүлэх тэдний нүцгэн мөчрийг энхрийлэхдээ
Амь бие, зүрхний халуунаа би тэдэн рүү бас юүлдэг.
Хамгаас дотно ч хамгаас үзэн ядах...
Хамгаас хайрлавч хамгаас тэвчин ядах...
Хачин юм шүү, гэвч тэд л намайг ойлгодог нь
Хамгаас, бүр хамгаас гунигтай энэ модод шүү!.. ( Дэлгэрэнгүй... | 1 | Шүлэг | Шүлэг | )

Шүлэг: Улаанбаатартаа би
Оруулсан admin on 2026-09-30 10:39:22 (8028 уншсан)

Хавар
Хаврын хавсаргатай өдрүүдэд
Хайрт ээждээ халамжаа үзүүлж
Хамгийн түрүүчийн таргийг зөөх
Хайртай хөвүүдийх нь нэг билээ л

Зун
Зуны сар зургаа биш болохооор
Зулзган үрээ зусланд гаргаж
Жаахан хонгор сэтгэлийг нь
Жаргалтай өсгөхийг хүсдэг билээ л
( Дэлгэрэнгүй... | 1 | Шүлэг | Шүлэг | )

Шүлэг: Залуу нас
Оруулсан admin on 2026-09-30 10:37:58 (8043 уншсан)

Намар намрын навчис унан гандах шиг
Нэг нэгээрээ ард хоцрох залуу нас минь
Нүгэл буян гэж таниж амжаагүй залуу нас чамайг
Нууцхан ч гэлээ санахгүй хэн байхав

Харанхуйн бүдэг гэрэлд хаяггүй захидал
Хорин хэдэн насандаа бичиж сууна
Нэг л мэдхэд насны наран үд хэвийж
Нээрэн би чинь гуч гарсан байх юм ( Дэлгэрэнгүй... | 0 | Шүлэг | Шүлэг | )

Шүлэг: Р.Эмүжин : Танил биш уруулын өмнө
Оруулсан admin on 2026-09-30 10:37:41 (11420 уншсан)

Танил биш уруулын өмнө
Харцнаас өөр өмсгөлгүй үлдэхэд
Танил бус энхрийлэлд
Хайраас бусдыг нь тушаахад
Өнгөө гээсэн алчуур шиг
Өвөрт чинь би эвхрэхэд ( Дэлгэрэнгүй... | 2 | Шүлэг | Энхтуяа /Эмүжин/ Р | )

Шүлэг: Д.Болдхуяг : ӨӨРТӨӨ УНШИХ ШҮЛЭГ
Оруулсан admin on 2026-09-30 10:37:16 (5103 уншсан)

Архи дарсыг уулаа
Юуны тулд вэ Болдоо
Амраг охидыг солилоо
Яах гэж тэр вэ Болдоо

Хусын мөчирт сэрвэлзэх
Навч л юм даа Болдоо
Хунгийн жигүүрээс хийсэх
Салхи л юм даа Болдоо

Томоожихыг чинь хүлээдэг
Ижийтэй билээ Болдоо
Тоостод үгүй ч харж явдаг
Аавтай билээ Болдоо

Үзэмж дэлгэр зун байвч
Намар болдог орчлонд
Үймүүлж яваад яах юм бэ
Өтлөнө шүү чи Болдоо минь ээ

Хан шарилын нуруу 2004 он

( Дэлгэрэнгүй... | 0 | Шүлэг | Болдхуяг До | )

Шүлэг: Д.Болдхуяг : Мөргөлчин эмгэн
Оруулсан admin on 2026-09-30 10:32:09 (5391 уншсан)

Цастын орны өнгө санчиганд нь хувилж
Цагариг татсан нүдэнд нь усан гуниг үдэлж
Цаг нарны урсгалд бөгцийтөл дарагдсан
Цайлган гэж жигтэйхэн майжиг хөх эмгэн

Арван хүүхдийнхээ заяаг мянган бурханд даатгаж
Аврал хийгээд бурууллын аль алинд нь мэлмэрүүлж
Хэрэгтэй хэрэггүй хоёрт элгээ эмтэлж цөхөрсөөр
Хээрийн ганц хайлаас шиг уймраа болсныг тань мэднэ ( Дэлгэрэнгүй... | 1 | Шүлэг | Болдхуяг До | )

Шүлэг: Н.Тайванжаргал : Гурван намар
Оруулсан admin on 2026-09-30 10:31:45 (7779 уншсан)

Ижийгээсээ хойш би гурван намрыг үзлээ
Ирэх намрыг ч нулмистайгаа хамт хүлээлээ

Гурван намар би гутарлаа
Гутарсандаа би навчис шиг сэмэрч хийслээ
Гурван намар би гунилаа
Гуниглахдаа би
Г утлынхаа үзүүрийг харж мянган хоног алхлаа ( Дэлгэрэнгүй... | 0 | Шүлэг | Шүлэг | )

Шүлэг: Д.Мишигсүрэн : Намар оройн гуниг аа
Оруулсан Mishigsuren on 2026-09-30 10:29:52 (8012 уншсан)

Сөл тасрахын шанал намарт байдаг
Сөөвгөр цөцгий саалиа хумихаар хотны захаар гүйлддэг
Сөндөө тогтохгүй зүрх дэнслүүлж айраг шуугидаг
Ай намар оройн гунигаа
Гэрийн утаа газарт явгалан сэвэлзээд
Гунжин үнээд зэлэндээ ирэх нь оройтоод
Зунжин нозоорсон хонины хээр омогшоод
Зуувин саран хээр хонохдоо жиндээд
Ай намар оройн гуниг аа
Үүлэн сүүдэр газрын эмжээрт алслагдаад
Үжирсэн навч хөлийн дор хөглөрөөд
Бээрсэн болжмор модны мөчирт хоргодоод
Ай намар оройн гуниг аа
Өвсөнд дурлах шүүдэр цантаж хонооод
Өглөөн нар бэргэж мандаад
Сөл тасрахын шаналал намарт байдаг аа
Ай намар оройн гуниг аа

( Дэлгэрэнгүй... | 1 | Шүлэг | Шүлэг | )

Шүлэг: М.Цэемаа : НАМАР-БОДРОЛ
Оруулсан admin on 2026-09-30 10:29:12 (6971 уншсан)

Гандмал тал дээгүүр намуухан аяз хөвөн шар алчуур дэвнэ

Галууд нь буцсан нуур уйтгарлан нулимстай нүдээр мэлтийнэ

Зунжингаа хураар тэжээгдсэн торгон зүлэг цайран тоос нь хуйларна

Зусландаа сууж үлдсэн айлууд шингэн зэрэглээнд торолзоно

Хуурай өвсний толгой шингэрэн шингэрэн тоосоор амьсгална

Хув хөх зэрэглээг нар унан зүүн рүү жороолно

Хол ойрыг холбосон ухаа замууд дээр салхи унаж халуарна

Холбоо толгодын хөдөрсөн дээл сэжүүрээсээ сэмрэн нимгэрнэ

Намрын дохио хангинана,нар ёнхойн цаашилна

Надад уйтгар төрж алдраад л байх чинь...

Цагаан руу нэг л өглөө уравчихна даа уравчихна

Цас орох нь чиг юмуу...бодоод байх нь ээ...

( Дэлгэрэнгүй... | 0 | Шүлэг | Цэемаа М | )

Шүлэг: Б. Батзаяа : Хавраас намар хүртэл
Оруулсан admin on 2026-09-30 10:24:54 (9134 уншсан)

Хавар нахиалаад намар бүхнийг орхидог навч шиг
Хаа хүрэхээ мэдэхгүй ч эндээс би бүрмөсөн явна
Амьдрал гэж нэрлэсэн тэр л тоглоомоо үргэлжлүүлэх гэж
Амьд төрлийг олоод дахин төрнө гэж итгэхгүй ээ

Хаврын цас шиг хайлан уусчихаад өвөл нь би бударна гэж үү
Хайрлаж хэн нэгэнд дурлалаа гэхэд өмнөх шигээ сэрж мэдрэх үү
Өнчин сарыг удтал ширтвэл өнөөдрийнх шиг гуниглах уу тэгээд
Өөрөө би энэ хэвээрээ дахин төрнө гэж итгэхгүй ээ

Биеэсээ нэгэнт гуужсан бодол сэтгэл минь хаачих бол
Биелээгүй үлдсэн хүсэл мөрөөдлөө би санах уу эсвэл мартах уу
Энэ ертөнц өнө мөнх харин би түнэр харанхуйд ...
Энэ насандаа л би үнэнч хойд насанд бол итгэхгүй ээ

Би байгаагүй
Би байна ... ( Дэлгэрэнгүй... | 0 | Шүлэг | Батзаяа Б | )

Шүлэг: Б.Мөнхдөл : Зүгээр л намар
Оруулсан admin on 2026-09-30 10:24:00 (8501 уншсан)

Шанхны үс хийсэх нь намуухан
Шаргал гуниг туучих нь давчуухан
Сэтгэлийн өнгө нүүх нь тунгалагхан
Сэрээд харахад зүгээр л намар цаг ( Дэлгэрэнгүй... | 0 | Шүлэг | Шүлэг | )

Шүлэг: Н. Отгонцэрэн : Намар – 5
Оруулсан admin on 2026-09-30 10:22:34 (7033 уншсан)

Намар яагаад болдог юм бэ? Ээжээ

Ааваасаа асуу!

Газар доор байгаа хүн ярьж чаддаг юм уу?

Навчнууд яагаад шарлаад байгаа юм бэ? Ээжээ

Ааваасаа асуу!

Тэнгэрт буй хүнтэй яаж ярих юм бэ?

Шувууд, хаашаа нисээд байгаа юм бэ? Ээжээ

Ааваасаа асуу!

Агаар болчихсон хүн сонсдог юм уу?

Бороо яагаад дааруулаад байгаа юм бэ? Ээжээ

Ааваасаа асуу!

Үүлэн дээр гарчихсан хүн дуулдаг юм уу?

Аав минь тэгээд хэзээ эргэж ирэх юм бэ? Ээжээ

Ирэхгүй дээ хүү минь!

Аан, тэгвэл хоёулаа очих юм уу?

Намар зурагийг ч гэсэн уйлуулдаг юм уу? Ээжээ

Яаж байна!

Аавын зураг норчихсон байна...

(Аав байхгүй болохоор надад гунигтай байна

Асуулт бүхэн минь хариултгүй)

Ай намар ийм гунигтай гэж үү

( Дэлгэрэнгүй... | 2 | Шүлэг | Бусад | )

Шүлэг: Ч.Дагмидмаа : Намар боллоо шүлгээс...
Оруулсан admin on 2026-09-30 10:21:43 (8676 уншсан)

Намар боллоо ...
Гунигла даа гунигла миний гучин хэдхэн нас минь
Шувуудын даль жигүүрэнд хүслээ зүүж өгөөд
Өвөлжин сэвээд өнгө зүсийн засаад ирээрэй гэж шивнэчихээд
Шүлгээн хэлээд тайтгарчихна...би...
Гунигла даа гунигла миний гучин хэдхэн нас минь
Намар боллоо...
Дурла даа дурла миний гучин хэдхэн нас минь
Цэцгийн сувдан дуслыг сонссон хайрын үгээрээ аргадаад
Цэнгэж өвөлжөөд өнгөөн олоод ирээрэй гэж шивнэчихээд
Шүлгээн хэлээд догдолчихно... би
Дурла даа дурла миний гучин хэдхэн нас минь
Намар боллоо...
Дуул даа дуул миний гучин хэдхэн нас минь
Дуучин лусыг унт гэж хуурчихаад шувууд яваад өгнө
Дэргэд нь бүсгүй хүн л элгэмсэж өвлийг тайтгаруулна
Шүлгээн хэлээд инээмсэглэж зогсоно ...би
Дуул даа дуул миний гучин хэдхэн нас минь
( Дэлгэрэнгүй... | 1 | Шүлэг | Дагмидмаа Ч | )

« өмнөх12 3 4 5 6 7 8 9 10 11 12 13 14 15 16 17 18 19 20 21...294 295 дараах »

Хэрэглэгчийн булан

Та манай гишүүн болохыг хүсвэл энд дарна уу.
[Нууц үгээ мартсан бол энд дарна уу]

Одоо онлайнд 756 зочин, 1 гишүүн байна.

✈ ORANGESIM

АЯЛАЛЫН DATA eSIM

🌎 200+ Улс орны дата

📶

Тасралтгүй чанар
Хямд үнээр

⚡

Найдвартай
Гацахгүй интернэт

🔒

VPN шаардлагагүй
facebook instagram хэрэглэх боломжтой

♾️

Хязгааргүй дата
Олон сонголт

📲 1-2 Минутад авна! Чат бичээд автомат чатботоор хялбархан аваарай.

🌐 Онлайн захиалах 💬 Чатботоор авах

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Должин : Зам зуур
Ий
600x450 68k
Сэтгэгдэл: 0
Үзсэн: 4394

Анхны цас 2005 он
Төв зам
600x450 95k
Сэтгэгдэл: 0
Үзсэн: 5463

Должин : 2007 оны аялал
mongolia2007year-002.JPG
600x450 131k
Сэтгэгдэл: 0
Үзсэн: 4544

Агуулга

Friday, 2026.08.14
·	Мөнхцаргалын Гантулга : Энэ өдөр, тэр өдөр
·	Аав
Tuesday, 2026.07.28
·	Э.Үржинханд : ЗӨН СОВИНГИЙН ӨЛГИЙ
Friday, 2026.08.14
·	Д.Намсрай: Маралгоогийн дуудлага
Friday, 2026.07.17
·	Шилдэг ном : Өөрийнхөө тухай бид хэзээ ч анзаарахгүй 10 гайхамшигтай зүйл
Tuesday, 2026.07.28
·	Зургадугаар сарын цас
Sunday, 2026.06.21
·	Шилдэг ном : Сайхан амьдрахад оройтно гэж хэзээ ч байхгүй, Харвардын их сургуулийн 84 жилийн судалгааны үр дүн
Friday, 2026.06.19
·	До.Болдхуяг : ТЭНГЭР УУЛАНД
·	С.Дашдооров : Тэнгэрийн дуун
Thursday, 2026.06.11
·	Соёрхын Пүрэвсүрэн : УХААРАЛ
·	Аюушийн Анхбаатар : Яруу найраг
·	Аюушийн Анхбаатар : АНД МИНЬ ЧАМД ГУНИГ ЗОХИХГҮЙ
Saturday, 2026.06.06
·	Баттогтохын Мөнхбат : Чамд би хайртай болжээ.
Monday, 2026.06.01
·	Ээж минь жаргалтай байг
Sunday, 2026.05.31
·	Бөртэ чонын нутаг
Wednesday, 2026.05.27
·	Намхайн Тайванжаргал : НҮДЭН /өгүүллэг /
·	Намхайн Тайванжаргал : БУЯНЫ ХИШИГТЭЙ АВДАР/өгүүллэг/
·	Намхайн Тайванжаргал : УЯАН ДЭЭР
·	Намхайн Тайванжаргал : Гүрмэд панз
Sunday, 2026.05.24
·	Ертөнц
Tuesday, 2026.05.19
·	Аав ээж хоёр
Monday, 2026.05.18
·	Хүний хүн
Tuesday, 2026.06.09
·	Чамтай бас чамгүй
Thursday, 2026.05.07
·	Би гэх бодол
Sunday, 2026.05.03
·	Шинэ Чойнжин : Ганцаардсан баатар
·	Амьдарлын 3 мөр
Monday, 2026.04.27
·	Т.Батсуурь : ЭР НУЛИМС
Thursday, 2026.04.23
·	Шюэ Вайсуо: Адуухайн амсар
Tuesday, 2026.04.21
·	Жүнмэн: Надад чимээгүй ширээ өгөөч
Sunday, 2026.04.19
·	Үндэсний уншлагын үйл ажиллагаа - "Сонгодог зохиолуудыг аз жаргалтай уншиж, ертөнцийг харахын тулд орчуулга" сэдэвт арга хэмжээ боллоо.
Thursday, 2026.04.16
·	Залхуу, хойш тавих занг засах- 5 секундийн дүрэм - хамгийн зөв шийдвэр гаргах хугацаа
·	【Дэлхийн хамгийн шилдэг ном】 МӨНГӨНИЙ УХААН
Thursday, 2026.04.09
·	Э.Чинзориг: Төрийн нүд
Wednesday, 2026.04.08
·	До.Болдхуяг : МОНГОЛ БИЧИГ
Tuesday, 2026.04.07
·	Гоомарал
Sunday, 2026.03.29
·	Амгаланбаатарын Чинболор : Хайрцаг тамхи
Wednesday, 2026.03.25
·	Шилдэг ном : Яагаад бид үргэлж ядардаг вэ? Чингис хааны
Friday, 2026.03.20
·	Шилдэг ном : Бусдад таалагдах гэж хичээсээр
Thursday, 2026.03.19
·	Ц.Авирмэд : Буддагийн зүрхэн зүгт ...
·	Ц.Авирмэд : Ханьдаа

Та сараа сонгоно уу

Санал хүсэлт

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2026 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn