Нүүр Гишүүн Шүлэг Өгүүллэг Сургамж Зөвлөгөө Зургийн цомог Холбоо барих
 

Сайтын мэдээлэл ...
▪ Facebook
▪ Twitter
▪ RSS2

Mail : info@biirbeh.mn
Mobile : 9907-6364

Нэрээр
  ''Өврийн дэвтэр'' яруу найргийн реалити шоу  
  4-н мөртүүд  
  Sienna  
  Window of Mongolian poetry  
  Youtube  
  Агиймаа Э  
  Алтангадас  
  Алтанхундага А  
  Амарбаяр М  
  Амарсайхан A  
  Амарсанаа Б  
  Амор Хайям  
  Ардын аман зохиол  
  Ариун-Эрдэнэ Б  
  Ариунболд Энх-Амгалан  
  Афоризм  
  Аюурзана Г  
  Бавуудорж Ц  
  Багабанди Н  
  Бадарч П  
  Базардэрэг Н  
  Байгалмаа А  
  Батзаяа Б  
  Батзүл Д  
  Батнайдвар М  
  Батнайрамдал П  
  Батнасан Лу  
  Батрэгзэдмаа Б  
  Баттуяа Ц  
  Батцэцэг Ш  
  Баяр ёслол хурим найр  
  Бодрол  
  Болдхуяг Д  
  Болор-эрдэнэ Х  
  Болормаа Б  
  Болормаа Х  
  Бум-Эрдэнэ Түмэнбаяр  
  Бум-Эрдэнэ Э  
  Бусад  
  Буянзаяа Ц  
  Буянцогт C  
  Буянцогт /Цахарын/ С  
  Бямбаа Жигжид  
  Бямбажаргал Ц  
  Бүжинлхам Эрдэнэбаатар  
  Гадаадын уран зохиол  
  Галсансүх Б  
  Ганзориг Батсүх  
  Ганзориг Б  
  Гэсэр  
  Гүрбазар Ш  
  Дагмидмаа Ч  
  Далай ламын айлдвар  
  Дамдинсүрэн Цэнд  
  Дашбалбар О  
  Дениска Михайлов  
  Дорж Зундуй  
  Дорж Б  
  Доржсэмбэ Ц  
  Дулмаа Ш  
  Дууны үг  
  Дэлгэрмаа Ц  
  Дэлхийн уран зохиол  
  Ерөөл, Магтаал  
  Жамбалгарав Ц  
  Зохиолчдын намтар  
  Зүйр цэцэн үг  
  Ичинхорлоо Б  
  Кана Б  
  Лодойдамба Ч  
  Лочин Соном  
  Лха Отхан  
  Лхагва Ж  
  Лхагвасүрэн Б  
  Лхамноржмаа Ш  
  Монгол Улсаа хөгжүүлье  
  Монголын өгүүллэгийн цоморлиг 2003  
  Мэдээ, мэдээлэл  
  Мөнх-Өлзий Б  
  Мөнхбат Ж  
  Мөнхсайхан Н  
  Мөнхтулга Г  
  Мөнхтуяа А  
  Мөнхцэцэг Г  
  Мөнхчимэг А  
  Намдаг Д  
  Намсрай Д  
  Нацагдорж Д  
  Номин Г  
  Номинчимэг У  
  Нямсүрэн Д  
  Оюун-Эрдэнэ Н  
  Оюундэлгэр Д  
  Пүрэв Санж  
  Пүрэвдорж Д  
  Пүрэвдорж Лувсан  
  Пүрэвсүрэн Соёрхын  
  Равжаа Д  
  Ринчен Б  
  Сумъяа Доржпалам  
  Сургамж  
  Сүглэгмаа Х  
  Сүрэнжав Шарав  
  Сүхбаатар Ширчин  
  Сүхзориг Г  
  Тайванжаргал Н  
  Төрбат Д  
  Урианхай Д  
  Уугансүх Б  
  Хасар Л  
  Хишигдорж Л  
  Ховд Их сургуулийн Утга зохиолын нэгдэл  
  Хулан Ц  
  Хүрэлбаатар Ү  
  Хүрэлсүх М  
  Хүүхдийн дуу  
  Цэемаа М  
  Цэцэнбилэг Д  
  Чойном Р  
  Чоно  
  Чулуунцэцэг Б  
  Шагж гэлэн  
  Шог өгүүллэг  
  Шүлэг  
  Шүүдэрцэцэг Б  
  Энхбат Балбар  
  Энхболд Энхбаатар  
  Энхболдбаатар Д  
  Энхтуяа Б  
  Энхтуяа /Эмүжин/ Р  
  Энэбиш Батсамбуу  
  Эрдэнэ С  
  Эрдэнэ-Очир Арлаан  
  Эрдэнэсолонго Б  
  Эрхэмцэцэг Ж  
  Явуухулан Б  
  Ярилцлага  
  Үлгэр  
  Үржинханд Э  
  Өвөр Монголын яруу найраг  
  Өгүүллэг  
  Өлзийтөгс Л  
  Өөрийгөө ялах нь  

Ангилал
  Article1  
  Шүлэг  
  Өгүүллэг  
  Найраглал  
  Афоризм  
  Богино өгү  
  Роман, тууж  
  Зүйр цэцэн  
  Үлгэр  
  Ертөнцийн  
  Ардын аман  
  Нийтлэл  
  Дууль  
  Сургамж  
  Зөвлөгөө  
  Мэдээ  
  Намтар  
  Ярилцлага  
  Ерөөл магтаал  
  Дууны үг  
  Ардын аман зохиол  
  Youtube  
  Дурсамж  
  Бусад  

Дэм дэмэндээ гэж
Та бүхнийг бидэнд туславал бид баярлах болно.
$



 

Шүлэг


Бусад Шүлэг: ХЭРЦГИЙ ШҮЛЭГ
Оруулсан admin on 2024-09-02 17:24:07 (41 уншсан)

Амьдралаас чинь урвуулж Асгарсан жаргалд чинь ташуурсан Алдаа оноотой дэнслэлд Ахиад жаахан л гэж шивнэсэн Тэрслүүн үдшийн сарнаар Энгэрт чинь зүүгдэж тарчилсан Тэнд хүлээх чиний бүсгүйд би Тэвчин хүлээ гэж захиа бичсэн Босго даван одох чиний үнэрт согтоход Бороотой шөнийн даашинзинд Бүтэн товч үлдээгүй Зам даган яарах чиний сэтгэлд атаархахдаа Заханд чинь би уруулынхаа тамгыг шигтгэж Заяаны амрагтаа гүйх хүсэлд чинь цэг тавьсан Яадаг юм би чамруу харц шидлээгүй Янаг улаахан урууланд минь чи өөрөө бүдэрсэн Янагтаа яарах сэтгэл чинь чамайг дийлсэн бол Ямар гэгээн үдэш чамайг зөндөө угтах байсан бол Эмд хагссан шуналаа эрслэн дийлж чадсан бол Эхнэрийнхээ наалин аашинд эрхэлж суух мөчүүдийг Эвдэрсэн замд чинь таарсан Эмэгтэйн сэтгэлд гээхгүй байлаа залуу минь Эвий дээ чи одоо надад эргээд ирдээ...



( Дэлгэрэнгүй... | Сэтгэгдэл [] | Шүлэг | Оноо: 0/0 | Бусад )

Шүлэг Шүлэг: Чи яг хаана байна
Оруулсан admin on 2024-08-15 00:07:17 (25 уншсан)
Тэргэнцэр уначихвал
Тэнгэрийн гүнээс түүнийгээ хайж
Тэлмүүн саранд гоморхоод л
Тэмүүлэл дүүрэн бодолдоо автан
Дэгжин чамруу л яар ч явахсан
Дэрвэгэр алаг хоёр нүдэнд нь
Дэлхий хүртэл багтах юм шиг
Дэврүүн омголон залуу л байхсан
Хүний газар яваа бол
Хүчтэй байгаарай
Хүн амьтанд найр тавьж
Хүмүүжилтэй айлын охин гэдгээ санаарай
Битүүхэндээ энд жоохон харамсах юмаа
Билэг танхай эрдэмтэн эсвэл
Би өөрөө хүлэг морь байсан бол
Биелэхээргүй хол байсан ч зориод
Хараацай байсан бол дүүлээд л очихсон
Халуун зун хаваршаад байна уу даа
Хаана байгаа нь одоо ч би мэдэхгүйнээ
Хаа хүрэхээ ч мэдэхгүй юм
Чи яг хаашаа явчихсан юм бэ
Чимэг болгож үлдээсэн зүүлт чинь хүртэл
Чамайг алга болсон өдрөөс чинь хойш
Час хийгээд тасарчихсан
Чамин үнэтэй эд зүйл болохоор
Чадварлаг нэгэн байсан ч эвлүүлж чадахгүй юм
Чи чинь нададаа
Тэнгэрт түгэх хар мянган одод дундах
Тэргэл саран минь шүүдээ
Чи яг хаана байна


( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг Шүлэг: А.Сайнболд : Өөрөөрөө бахархана
Оруулсан admin on 2024-07-23 22:57:59 (24 уншсан)
Шаналаад хэвтээд бай
Өөрийгөө буруутгаад бай
Сайхан нэгний араас шаналаад бай
Сархад идээг сөгнөөд бай

Бусдад атаархаад бай
Бодлоггүй зүйл хийгээд бай
Бусдын зүйлд шунаад 
Болох болохгүй хүмүүстэй учраад бай 

Тэгээд эргээд хар 
Эвдэрсэн тэрэг шиг 
Эмтэрсэн аяга шиг 
Чиний өрөвдөлтэй сэтгэл

Аан харин амьдралд дурлаад
Алдсан ч тэнхээтэй босоод
Хэний хүү гэдгээ харуулж
Хэрсүү ухаантай явбал

Чи ялна аа амьдралыг 
Чи өөрийгөө ч ялна
Нэр төр 
Эд хөрөнгө олдоггүй юм аа гэхэд

Энэ орчлонд чи өөрийгөө бүтээнэ
Өөрийгөө сайн мууг танина. 
Тэгээд эргэж хараад 
Тэвчээртэй хүн шиг явсандаа баярлана. 

Өөрийгөө хайрласандаа
Өрөөл бусдад гай болоогүй дээ
Өрөвч нимгэн сэтгэлтэй явсандаа 

Өөрөөрөө чи бахархана... 


А. Сайнболд


( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг Шүлэг: Т.Батсуурь : Аав уул
Оруулсан admin on 2024-07-04 14:39:11 (262 уншсан)

Аав уулын өвөр дээр би олон жил өвөлжлөө
Алсаас үрдээ дүнхийх сүрлэг энэ уул
Алт мөнгөн чулуутай баян энэ уул
Адуу мал багширсан буян тогтсон уул аа
Энэ л уулын өвөр дээр би олон жил өвөлжлөө
Эрх танхил насанд минь жиндүүлж байгаагүй уул
Эрдэнэ нуусан өвөртөө намайг хүн болгосон уул
Өндөр сайхан орой дээр нь наран түрүүлж тусдаг
Өвөр дулаахан энгэрт нь жаргах наран хорогддог
Өвөл зуны алинд нь ч өвс нь тэгшхэн налайдаг
Өвөлжиж хаваржихын цагт ч өнөтэй сайхан байлгадагсан 
Өсгөсөн энэ уулуу би өвгөн болохыг үзлээ 
Ач зээ нь цугалчихаад аньс нс түүх юм 
Аав уулын минь хормойгоос ар өвөргүй зүүгдэх юм 
Буян тогтсон уулаа би буурал болохыг нь үзлээ 
Будантай өндөр орой нь бөхийж байхыг харлаа 
Хүнээс холыг харагдээ гэж оройдоо хүүгээ гаргадаг 
Хүсэл бүхэн нь биелэг гэж одтой тэнгэртэй залбирдаг 
Хүн уул минь аав уул минь хүү миний шүтэх уул минь ээ 
Бодлоор болдог бол аав шигээ уул болох юмсан 
Бодлын гүнд дараатай уул болох юмсан 
Зуун зууныг уул л болох юмсан 
Зулзаган хусан артай уул л болох юмсан 
Аргалын эвэр сэрийсэн уул болох юмсан 
Аавынхаа сүртэй дүр шиг уул болох юмсан 
Холоос бараа нь харагддаг уул болж урганаа хүү нь 
Хормойдоо хүүгээ ургуулсан уул болж ургана аа хүү нь


Аав уул шүлэг Яруу найрагч Т.Батсуурь

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Үржинханд Э Шүлэг: Э.Үржинханд : БАЯСАЛТАЙ
Оруулсан admin on 2024-07-02 10:13:39 (158 уншсан)
Сэр сэрхэн салхитай
 Сэмжин зөөлөн үүлтэй
  Сэтгэл сэргээх уянгатай
   Сэрүүн сайхан нутагтаа
   Өглөөн наранд илбүүлэн
   Үдшийн саранд эрхлэн
  Өөдөө дээшээ тэмүүлэх
 Өнөр түмэн баясалтай
Шар шархан цэцэгтэй
Санан цэнгэх дурдалтай
 Шастир түүхийн улбаатай
  Шаргал хонгор нутагтаа
   Хүн хүндээ итгэлтэй
    Хүндлэл хайрын ивээлтэй
    Хүсэл санаа нийцтэй
   Хүрэн зүрхэс баясалтай
  Бур бурхан бороотой
 Буурцаг үрлэн хуртай
Буцаад ирэхэд урамтай
Буйдхан уудам нутагтаа
Сэтгэл дандаа уяатай
 Итгэл ямагт урамтай
   Ийм л ханагар монголдоо
    Инээж алхах баясалтай
      Э.ҮРЖИНХАНД
           2024.06.14


( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Үржинханд Э Шүлэг: Э.Үржинханд : БОРООТОЙ ҮҮРЭЭР
Оруулсан admin on 2024-07-01 12:13:14 (173 уншсан)

Үүр тэмдэгрэх гэгээнээр хөшиглөн намираад
Үрэл хурын мөнгөн дуслууд сувдарлаа
Үргэлж нарлаг өдөр үргэлжилдэггүйн тухай
Үүлсийн хээлсэн зургаас үлгэр түүгээд
Үдшийн чөлөөнд ярьж өгье, үр минь
Үнэгчлэх нойрноосоо сэрээрэй 
Бяцхан бөмбөлгүүд уралдан шаагилдаад
Болор хурын шүрэн дуслууд бөмбөрлөө
Бүх зүйл санаснаар болдоггүйн үнэнийг
Болжморын жиргээгээр шүлэг урлаад
Бүүр дараа нь уншиж өгье, үр минь
Бүүвэйхэн зүүднээсээ сэрээрэй
Уулс зүмбэрлэх алсыг бараалан цайраад
Усан хурын эрхин дуслууд болортлоо
Урьдаас таашгүй оньсого шиг амьдралыг
Уужим сэтгэл уяхан хайрын цэцэгсээр
Уяраан баясгаж титэмлэж өгье, үр минь
Урамтайхан мишээсээр сэрээрэй
               Э.ҮРЖИНХАНД
                    2024.06.21


( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Үржинханд Э Шүлэг: Э.Үржинханд : ЗУНЫ ДУНД САРЫН ЦАС
Оруулсан admin on 2024-07-01 12:12:00 (144 уншсан)

Зургаадугаар сарын сүүл мушгиад
Зуны дунд цагаан морь сарыг хөлөглөөд
Зулай мялааж цасан лавсах чинь
Зугаатай ч юм шиг, зудыг ч сануулах шиг
Зүггүйтэн наадаж байна уу даа, та минь
Зүй тогтлоо алдаж байна уу, байгаль минь
Зүсэрч мөнгөрсөн гоёхон бэлэг тань
Зуурын төдийд зүсээ хувилгачихлаа
Толгод минь мөнгөн хэвнэгээ нөмрөөд
Тухтайхан дулааныг мөрөөсөн байх шиг
Сайн цагийн шинж тэмдэг энэ мөн үү 
Саад тотгорын дохио илрэл энэ юм уу
Саваагүй үрсийн хурмаст руу чичилж
Сацалсан буудлагын үр нөлөө юу
Үлгэрийн юм шиг том том ширхгээр
Үүлсээ сэмлээд илтэлж цацлах чинь
Үрс бидэндээ нэгийг учирлах гээд л
Үймцэн бужигнаж үйрэн бутарна уу 
Үүгээрээ та минь юу нэгийг өгүүлнэ вэ
Өндөр тэнгэр минь, өршөө өршөө
             Э.ҮРЖИНХАНД
                    2024.06.21


( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Үржинханд Э Шүлэг: Э.Үржинханд : Он цагийг өртөөлсөн ...
Оруулсан admin on 2024-07-01 11:47:58 (133 уншсан)
Он цагийг өртөөлсөн
Олон жилийг элээсэн
Өвгөн модод дүхийгээд
Өндөр хурмастаа түшинэ
Хөхрөгч үүлсээс тасраад
Хувин хувингаар сувдрах
Хурын бөмбөлөг дуслууд
Хүрэн зүрхэнд нэвчинэ
Нэтийсэн тэнгэр намайг
Бөхийж ирээд ширтэнэ
Бүртэн бүртэн дөхсөөр
Бутарч сэтгэлд хөглөрнө
        Э.ҮРЖИНХАНД
            2024.06.24


( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Үржинханд Э Шүлэг: Э.Үржинханд : ӨӨРИЙН МИНЬ АХАН ДҮҮС
Оруулсан admin on 2024-07-01 11:43:15 (133 уншсан)
Энэхүү шүлгээ Өвөр Монголын Өөртөө Засах Орон байгуулагдсаны 70 жилийн ойд зориулан бичиж байжээ. Мөөжиг Munkhjargal Bayanbat эгч минь тэр өдөр дууддаг юм. Яваад очтол гэрэлттэл инээмсэглээд л “За, миний хөгжимчин” гэж нэг их гоё дэгжин, сормуус нь дэрвэлзэж инээд цацруулсан хөөрхөн бүсгүйтэй уулзуулсан нь Enkhtaivan Purevjav Тайвууш эгч байв. Тийнхүү шинэхэн дуу мэндэлж билээ. Бидэн гурав клипний зураг авах газраа голж шилээд л мөн ч их хөгжилтэй, сайхан дурсамжтай бүтсэн энэ дуугаа та нартайгаа хуваалцмаар санагдлаа.



Шүлэг Э.Үржинханд 

Аялгууг зохиож, дуулсан МУСТА, дуучин, хөгжмийн зохиолч Б.Мөнхжаргал
 ӨӨРИЙН МИНЬ АХАН ДҮҮС 

Өвөр Монголын уудам талд
Өөрийн минь ахан дүүс суудаг 
Үйзэн цэнхэр мөрөн гол шигээ
Үзүүргүй хайр нь цалгин байдаг
  Зүрхнээс ундрах эгшиг дуугаа 
  Зөөлөн зөөлөн аялгуулж ээнэгшсэн
  Зүйргүй итгэлийн торгон утсаа
  Зөнгийн алсаас имэрч мэтгэсэн 
Өвөр Монголын үзэсгэлэнт талд 
Өөрийн минь ахан дүүс суудаг 
Үйзэн цэнхэр мөрөн гол шигээ
Үзүүргүй хайр нь цалгин байдаг 
  Бодлоос ивлэх нандин үгсээ 
  Бүүвэй бүүвэй намуухан учирласан 
  Бууршгүй итгэлийн гэгээн үрээр 
  Будан дундаас тодрон гэрэлтсэн 
  Сүслэн мөргөх дээдсийн буянаар 
  Сүүн сэтгэлээр нэгнээ хайрласан 
  Сааршгүй итгэлийн цагаан мөрөөр
  Сайхан ирээдүйг ерөөн бэлгэдсэн 
Өвөр Монголын үзэсгэлэнт талд 
Өөрийн минь ахан дүүс суудаг 
Үйзэн цэнхэр мөрөн гол шигээ 
Үзүүргүй хайр нь цалгин байдаг 
 Өвөр Монголын уудам талд 
 Өөрийн минь ахан дүүс суудаг 
             2017.05.08 Даваа гараг 
                            Хөх хот


( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Үржинханд Э Шүлэг: Э.Үржинханд : БАЙГАЛИЙН БОЛЗООНД
Оруулсан admin on 2024-07-01 11:41:09 (118 уншсан)
Гэгэлгэн сэвшээ салхи хичнээн найрсаг 
Гэзгийг минь илбэж сэтгэлээ уудлаад л
Түүний илэрхийлж чаддаггүй хүслэнт үгсийг ч
Догдлуулан шивнэчихээд таатайхан сэнгэнэнэ
Омголон найгах модод хичнээн романтик
Зөрөх болгонд намилзан мэхийгээд л
Оройн нарны боронзон туяатай болзоонд
Оргилон бүжчихээд хэнэггүйхэн нэвсийнэ
Борооны нялх дусал хичнээн хайлган
Булиглах зүрхэн гүн рүү бөмбөрөөд л
Чиний хэзээ ч олж харахгүй цэцэгсийг
Цэмбийтэл усалчхаад харцнаас бөнжигнөнө
    Э.ҮРЖИНХАНД
          2024.06.27


( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Үржинханд Э Шүлэг: Э.Үржинханд : ҮЗЭГНИЙХЭЭ ҮЗҮҮРЭЭР
Оруулсан admin on 2024-07-01 11:40:03 (130 уншсан)

Үзэгнийхээ үзүүрээр 
Үсгийн тигийг таталгаж бичнэ
Өнөр түмнээ хүндэтгэж бичнэ
Өргөн нутгаа магтаж бичнэ
Өндөр тэнгэртээ сүсэлж бичнэ
Үзэгнийхээ үзүүрээр 
Өнийн ирээдүйг зөгнөж бичнэ
Үнэн түүхийг тамгалж бичнэ
Улс Монголоо бахдаж бичнэ
Уудам дэлхийд гайхуулж бичнэ
Үзэгнийхээ үзүүрээр
Эрх чөлөөгөө эдэлж гортиглоно
Энхийн цагийг бэлгэдэж ерөөнө
Эх орноороо омогшиж зураглана
Энэ бүхнийг хайраараа элбэрнэ
Үзэгнийхээ үзүүрээр …
       Э.ҮРЖИНХАНД
            2024.06.28


( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Үржинханд Э Шүлэг: Э.Үржинханд : ДЭЛГЭР ЗУНААР
Оруулсан admin on 2024-07-01 11:38:33 (125 уншсан)
Үес үес салхи навчсаар наадаад
Үр жимсний оронд модод жигдэрнэ
Уул толгод хаяа дэрлэн зээглээд
Улаан, ногоон майхнууд зэрэгцэнэ
Аяс аяс бороо бодолд зүсрээд
Ар өврийг холбосон солонго зурна
Амраг хос биесээ энхрийлж ширтээд 
Алаг шувуудаар хайраа дайж уулзна
Намс намс мөчрүүд дохин намилзаад
Нар зуны дэлгэр өдрөөр зугаална
Нарс шинэс шүхэр болж сүүдэрлээд
Намайг, чамайг эрхлүүлж зугаацна
           Э.ҮРЖИНХАНД
               2024.06.29


( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Үржинханд Э Шүлэг: Э.Үржинханд : ТАНИЛ ГУДАМЖААР
Оруулсан admin on 2024-07-01 11:30:47 (138 уншсан)
Өглөө бүр нэг л замаараа 
Хичнээн ч алхсаныг бүү мэд
Өдөр бүр хэдхэн л хүнтэй
Төчнөөн таарсныг ч бүү мэд
Үл таних зөргөөр навчис хөглөрч
Өвс ургаж шоргоолж гүйлдэж
Борооны ус тогтож бодол хөвөрч
Будрах цасан амсхийн буусан ч
Өнөөх л замаараа нөгөө л зүгтээ
Үл таних хүнтэй болзсон юм шиг таарсаар
Өргөн гудамжинд нэг л мэдэхнээ
Өөрөө ч мэдэлгүй дасал болжээ
Хажуугаар зөрдөг царай одоо
Халуун элэгсэг найзууд болжээ
Дэрхийн нисдэг болжморууд 
Дэндүү дотно аялгуу болжээ
Танил энэ жимээр сажлахдаа
Танихгүй өөртэйгөө улам дотносож
Өнцөг бараадсан өнчин сандал дээр
Өдөржин саатаж шүлэг тэрлэмээр

            Э.ҮРЖИНХАНД
                   2024.06.19


( Дэлгэрэнгүй... | Сэтгэгдэл [] | Шүлэг | Оноо: 0/0 | Үржинханд Э )

Мөнхтулга Г Шүлэг: Г.Мөнхтулга : ДУРЛАЛ
Оруулсан admin on 2024-07-01 10:14:53 (152 уншсан)

Авч үзээгүй мэдрэмжүүд ар араасаа цуврах чинь юу вэ
Амьтай голтой байдаг сэтгэл дүрэлзэх нь юуных вэ
Тэртээ өдрүүдэд үлдсэн анхны хайрын догдлол шиг
Тэр бүсгүй намайг учиргүй татах нь юуных вэ

Гомдол, баяр хоёр ойрхон болох чинь юу вэ
Голын чулуу идэгдэх шиг эмзэг байх нь юуных вэ
Алс хэтийн цаг хугацааг түүний хажууд төсөөлөөд
Арай л эрт өөрийгөө хөгшрүүлэх хүсэл юуных вэ

Гэнэтхэн асгарах энэ их сэтгэл чинь юу вэ
Гэнэдэж алдсан дурлалын жолоогоо яаж татах вэ
Холын холоос тэмүүлэх их хүслээ цүнхлээд 
Ховсдох мэт татсан түүнруу яарах чинь юуных вэ

Бичиж амжаагүй шүлгийн ганган мөрт минь
Хайрлаж үзээгүй хүний бүсгүй үр минь
Зөрж төөрөлгүй учирсан хонгорхон минь 
Зөвхөн өнөөдөр л үлдсэн юм шиг үхтлээ санах дурлал минь 

Дурлал минь гэхэд дутуу мэдрэмж төрөх чинь юу вэ
Дуусдаггүй үлгэрт хамтдаа мөнхөрмөөр гэгэлхэн минь ээ. 

17/02/24 tulga.poetry  Г.Мөнхтулга    Tulga.poetry 



( Дэлгэрэнгүй... | Сэтгэгдэл [] | Шүлэг | Оноо: 0/0 | Мөнхтулга Г )

Мөнхтулга Г Шүлэг: Г.Мөнхтулга : “293”
Оруулсан admin on 2024-07-01 10:12:56 (147 уншсан)
Чиний үнэр миний хүсэл хоёр тулгарсан тэр үдэш
Чихний омог, гүрийн судсыг чинь уруулаараа би тэмтэрсэн
Чийгтэй хөнжил сөхөж амьсгаа авах шиг өндийсөн 
Чиний бие миний дээр сандайлж суугаад бүжиглэсэн

Миний гар чиний биеийг бүтэн гурав гороолоход 
Минчийсэн улаан царай юунд ч юм яаран довтолсон
Биеийн чинь нууцыг эзлэхээр нар зөв чамайг эргүүлэхэд 
Бичмэл үсэг шиг чамин хөдөлгөөн тэрхэн зуур л таталгасан 

Чиний харц миний доор тачаангуй агаад хүлцэнгүй
Чихэр шиг уруул чинь озоход янаг болоод саламгүй
Гарыг чинь салаавчилж толгой дээр чинь дарах гэхдээ
Гарцаагүй тачаалдаа мансуурч ялимгүй чангаар атгасан

Хээрийн шувуу шиг эрх дураараа тэр үдэш  
Хэрхэн эхэлж бас хэзээ дууссанаа одоо ч гэсэн санадаггүй
Хэсэгхэн зуурын мансууралд тийм л хүчтэй автаад
Хээрийн шувуу нисэхээ мартаад тэнгэртээ зүгээр л хөвж одсон

Асар их хүслүүд тийм хурдан бас удаанаар эвцэхэд
Ар дэнжийн цэцгүүд дэлбээ дутуу хоцорсон 
Амраглах онгод буцалж дурлалын оргилд хүрэхэд
Амьсгаа түргэсч, зүрх зогсох шиг жаргалын бал цацарсан

Хүсэн хүсэн учирсан бидэн хоёрын 
Хүүхэн хараа хүртэл бие биедээ л шингэсэн 
Хүлээс цангаа тайлсан эр эмийн
Хүнлэг зан, төлөв төрх хаашаа ч юм сарнисан. 

2024.06.06 @Tulga.poetry   Tulga.poetry 
 



( Дэлгэрэнгүй... | Сэтгэгдэл [] | Шүлэг | Оноо: 0/0 | Мөнхтулга Г )

Мөнхтулга Г Шүлэг: Г.Мөнхтулга : . ӨӨДГҮЙ АМЬТАН
Оруулсан admin on 2024-07-01 10:11:54 (128 уншсан)

Үхлээс айдаггүй хэрнээ 

Өөрт чинь хаягдахаас тэгтлээ айдаг

Өөдгүй зүрх

Хайрлуулахаас буцаагүй хэрнээ

Хүндлэхээс дандаа хулчийдаг

Өөдгүй сэтгэл


Үнэнээс холдоогүй байхад

Худалд дийлдчихээд байдаг

Өөдгүй амьдрал

Өнөөдөр дуусаагүй байхад

Маргаашийн явдалд түүртэж явдаг

Өөдгүй хүмүүн


Олон учрал таарахад

Орь ганцыг л мартаж чаддагүй

Өөдгүй эр

Орчлон ижил байхад

Очоод уулзчихаж болдоггүй 

Өөдгүй тавилан


Онож ганц л төрчихөөд

Олигтой нэг ч шүлэггүй

Өөдгүй найрагч

Одоогоо мэдрэх байтал

Өнгөрсөндөө бэдэрч үлддэг

Өөдгүй заяа


Би өөдгүй ертөнцөд ирсэн 

Өөдгүй хүн 

Өгөрсөн тархи, цөхөрсөн зүрхтэн

Өрөвдөхөд өр хэмхчих

Өширхөж үйлийн үр сануулах

Өөдгүй амьтан…

 Г.Мөнхтулга    Tulga.poetry 




( Дэлгэрэнгүй... | Сэтгэгдэл [] | Шүлэг | Оноо: 0/0 | Мөнхтулга Г )

Мөнхтулга Г Шүлэг: Г.Мөнхтулга : ХАЙР УДАХГҮЙ ИРНЭ
Оруулсан admin on 2024-07-01 10:10:39 (154 уншсан)
Чи ийм гоёхон цэцэг болоод
Чамд ийм халуухан сэтгэл байгаад
Яг л чамд таарсан чиний сөүлмэйт
Нэг л өдөр чиний төөрөг замд урин таараад,
хайр ирнэ ээ
Тун удахгүй чамд дурлал ирээд
Түүнийгээ чи бүхий л хайраараа бүтэн хайрлаад
Цэцгийн тоос арчих шиг тийн нандигнаж
Цээж бүлээн сэтгэлийн голоос бүрэн халамжлаад,
хайр ирнэ ээ
Тун удахгүй чамд хайр ирээд
Түүнийгээ чи эцгийн гэрийн хоймор дахь шүтээн адил
хүндлээд
Багана алдалдаггүй ёс шиг тийн дээдлээд
Багын охин унаган зангаар нялхамсаж эрхлээд,
хайр ирнэ ээ
Тун удахгүй чамтай мөрөөдлийн хүн чинь таараад
Түүнийгээ чи зүүдний үргэлжлэл шиг санан сэрж ядаад
Эцсийн удаа мэт өдөр бүр тийн санаад
Энэ биеэ зориулавч цаана нь өртэй үлдэх шиг бодогдоод,
хайр ирнэ ээ
Тийм л агуу зүйлийн эхлэл урин дуудаад
Тэр л өдрийн учрал энэ зун чамд таараад
Тэсэлгүй уулга алдах шиг тийн итгэж ядаад
Тэгээд зүгээр л үлдсэн амьдралаа түүнд зориулаад,
хайр ирнэ ээ
Чи ийм гоёхон цэцэг болоод
Чамд ийм халуухан сэтгэл байгаад
Яг л чамд таарсан чиний сөүлмэйт
Нэг л өдөр чиний төөрөг замд урин таараад,
хайр ирнэ ээ


 Г.Мөнхтулга   Tulga.poetry 



( Дэлгэрэнгүй... | Сэтгэгдэл [] | Шүлэг | Оноо: 0/0 | Мөнхтулга Г )

Лха Отхан Шүлэг: Лха Отхан : ӨӨР ДУУНД УЯРАХГҮЙ
Оруулсан admin on 2024-03-30 14:53:22 (639 уншсан)
I'm gonna love you 'til the end
I'm gonna be... 
                                            (MLTR)

Өнгөрсөн дурсамжууддаа би дуртай
Өөрчлөх хэрэггүй миний гэнэн алдаанууд
Өөрийг минь нуугаагүй тэнэглэл
Өдрийн тэмдэглэл, шүлэг, нөхөд

Өөртөө мартагдсан амлалтуудыг
Өөр дуунаас санахгүй, өөр дурсамжинд уярахгүй
Өөрөө л хайртай тэнэглэлүүд минь

Өөрчлөх хэрэггүй, мартах хэрэггүй
Өөр бусдад бүр ч хэрэггүй, тэнэг явсан дурсамжууд минь 
Өөр дуунд уярахгүй...


( Дэлгэрэнгүй... | Сэтгэгдэл [] | Шүлэг | Оноо: 0/0 | Лха Отхан )

Лха Отхан Шүлэг: Лха Отхан : ЦАСНЫ УТГА УЧИР
Оруулсан admin on 2024-03-30 14:52:40 (503 уншсан)

Намайг бодлоор ургуулах өвлийн нэл зөөлөн цас
Нэлдээн уулсыг шингээх мэт намуухан ихэмсэглэхэд
Надаас урт настай шинэхэн цагаан цасаар     
Наадан тоглох хүүгээ эрхлүүлэх амьдарсны минь утга учир
Ай даа, хорвоо гэдэг энэ л юм байна.



( Дэлгэрэнгүй... | Сэтгэгдэл [] | Шүлэг | Оноо: 0/0 | Лха Отхан )

Лха Отхан Шүлэг: Лха Отхан : ХАРААЦАЙ НАС
Оруулсан admin on 2024-03-30 14:51:17 (471 уншсан)

Цэцэгсгүй хавар, шалбаагт замаар 
Цэцэглэж явсан миний бага нас
Зэрэмдэг хорвоогийн хашхираан дундаас 
Зээр шиг үргэж алсад оджээ

Зүрхэн далиар нисээд одсон
Зүггүй хараацай минь чи одоо хаана явна?

Эрвээхэйн үргээтэй гэнэхэн хүсэл минь
Зэрэглээнд бүдгэрч үлгэр болсон
Зээлж яваагүй ирмүүн хүсэл  минь
Зуурдын хорвоогийн үнэнд ууссан

Зүүдэн дундуур нисээд одсон
Зүггүй хараацай минь хаана буусан бэ?

Нүд аргам намрын халуун салхинд
Нүүдлийн хойноос нисэгч гэнэхэн шувуухай чи 
Нүргээнт энэ амьдралаас үргэж л нисэх үлгэртэй юу
Нүгэл буяны завсрыг олох ялтай юу?

Зэрэглээн дундуур ганцаар ниссэн
Зүггүй хараацай минь чи хаана явна вэ?


( Дэлгэрэнгүй... | Сэтгэгдэл [] | Шүлэг | Оноо: 0/0 | Лха Отхан )


  
Санал асуулга
Та нэг жилийн хугацаанд хэр олон ном худалдаж авсан бэ ?
Ном худалдаж аваагүй
1-3 ном худалдаж авсан
4-7 ном худалдаж авсан
8-11 ном худалдаж авсан
12-с дээш ном худалдаж авсан
Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа


Санал асуулга
Хэрэглэгчийн нэр

Нууц үг

Та манай гишүүн болохыг хүсвэл энд дарна уу.

t
Одоо онлайнд 112 зочин 0 гишүүн байна.


Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх
Хайлт


Зургийн цомог

Должин : 2007 оны аялал
mongolia2007year-163.JPG
Хэмжээс: 600x450 87k
Сэтгэгдэл: 0
Үзсэн: 3855


khuv5-032.JPG
Хэмжээс: 600x450 79k
Сэтгэгдэл: 0
Үзсэн: 4360

Должин : Зам зуур
zam-097.JPG
Хэмжээс: 600x450 110k
Сэтгэгдэл: 0
Үзсэн: 5238


Агуулга
Saturday, 2024.03.30
· Лха Отхан : ЦАСНЫ УТГА УЧИР
· Лха Отхан : ХАРААЦАЙ НАС
· Лха Отхан :ӨНГӨРСӨН БҮХЭНД УТГА УЧИР
· Лха Отхан : ДУРСАН САНАХ БАЛЧИР НАС ...
· Лха Отхан : ҮХЛИЙГ ҮЗЭХ Л ҮЛДСЭН...!
· Лха Отхан : ЭЛСНИЙ ЧИМЭЭ
· Лха Отхан : АМЖИЖ ХАЙРЛАХААР ХОРВОО ДУТДАГ
· Лха Отхан : ГИТАРЫН УТСАН ДАХЬ САРНЫ СОНАТ ...
· Лха Отхан : ДӨЧИН ДӨРВӨН НАМРЫН ДУУ
· Лха Отхан : БУРХАНГҮЙ ЕРТӨНЦИЙН УУЛС
· Лха Отхан :ШУВУУД ИРЖ БАЙНА
· Лха Отхан : СҮҮЛЧИЙН ТУХАЙ ХҮНИЙ ЗҮҮД ...
· Лха Отхан : ДУУСАЖ БАЙГАА БИДНИЙ АМЬДРАЛ
· Лха Отхан : Урсгалд хөвөх навчисыг он жилүүдтэй үдэж ...
· Лха Отхан : ӨВСНИЙ АМЬДРАЛ
· Лха Отхан : ЭХ НУТГИЙН ТУХАЙ ДӨРВӨЛ БОДОЛ
· Лха Отхан : Шөнийн ганцаардал минь
· Лха Отхан : БҮҮДГЭР ТЭР ХОТ МИНЬ
· Лха Отхан : ХУУЧИН ХАЙР ...
· Лха Отхан : ЗАМЫН ТУХАЙ ШҮЛЭГ
Monday, 2024.03.04
· Б.Явуухулан: Сонин сурвалжлагчид ярьсан нь
Thursday, 2024.01.25
· Г.Мөнхтулга : ХАЙР
· Г.Мөнхтулга : ТҮҮНД
Thursday, 2023.12.21
· Г.Мөнхтулга : ХОТЫН ШӨНӨ
· Г.Мөнхтулга : ЧАМД
Tuesday, 2023.12.12
· Долгорын Цэнджав : ТАМГА
Tuesday, 2023.12.05
· Г.Мөнхтулга : Зүүд
· Г.Мөнхтулга : ХЭДЭН ҮГ
· Г.Мөнхтулга : ДҮРСГҮЙ БОДОЛ
· Г.Мөнхтулга : БҮСГҮЙ ЧИ НАМАЙГ ХҮЛЭЭДЭГ ҮҮ
· Г.Мөнхтулга : БИ ХИЙСЭЖ БУЙ НАВЧ
Monday, 2023.11.27
· С.Начин : Уучлалын шүлэг
Thursday, 2023.10.19
· А.Эрдэнэ-Очир : АЯЛАГХАН ЗАЛУУ НАС МИНЬ
· Ц.Доржсэмбэ: ЧИНИЙ САЙХАН ГАРЫН ХҮЙТЭН
· Ц.Доржсэмбэ: ЦАС БОРОО
Wednesday, 2023.10.18
· Т.Дарханхөвсгөл : Үхэр огдой
· Б.Явуухулан НҮҮДЭЛЧНИЙ НАМАР
· А.Эрдэнэ-Очир : Тунгалаг гунигийн улирал
· Ц.Доржсэмбэ : НАМАЙГ ХАРСАН НҮД
· С.Ууганбаяр : НАМАРТ БИ ДУРГҮЙ

Та сараа сонгоно уу


Санал хүсэлт

Нэр:

Э-шуудан:

Санал хүсэлт:

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг
© Copyright 2005-2024 Biirbeh.MN.
     All rights reserved.
By Bataka
Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364
И-мэйл :info@biirbeh.mn