Шүлэг: А.Байгалмаа : Явлаа гэж чанга битгий хэлээрэй
Оруулсан admin on 2009-05-05 01:43:00 (12973 уншсан)

Үг А. Байгалмаа    Ая Б.Хүрэлбаатар

Явлаа гэж чанга чанга битгий хэлээрэй
Ятгын утас тасраад байх юм аа
Явлаа гэж олон битгий хэлээрэй
Яруухан урсгал татраад байх юм аа
    Явлаа гэж олон битгий хэлээрэй
    Яруухан урсгал татраад байх юм
    Ирнэ гэж итгэлтэйгээр хэлээрэй
    Инж цэцэгс нялхарч ургадаг юм
Ирэхгүй гэж олон битгий хэлээрэй
Ингэн нүд шиг сэтгэл үерлэдэг юм
Ирнэ гэж итгэлтэйгээр хэлээрэй
Инж цэцэгс нялхарч ургадаг юм ( Дэлгэрэнгүй... | 2 | Шүлэг | Байгалмаа А | )

Шүлэг: А.Байгалмаа : Чамайг ирнэ гэж хүлээхэд
Оруулсан admin on 2009-05-05 01:42:22 (8930 уншсан)

Чамайг ярина гэж хүлээхэд
Өдөр хоног яасан урт вэ
Өр зүрх минь яасан хөндүүр вэ
Бүсгүй л юм хойно үнэтэй байх гэж
Бүрэг зангаа тийрч тэнгэр эвдэхгүй гэж
Бүтэн нойроо хулжаан чамайг бодлоо
Урт амьсгаа авмаар цээж давчидахад
Утасны товчлуурт гар минь хүрч буцлаа
Болоогүй гэж тархи минь тушаалаа
Болсон гэж зүрх минь ёоллоо
Бүсгүй л юм хойно үнэтэй байх гэж
Бүрэг зангаа тийрч тэнгэр эвдэхгүй гэж л ...
( Дэлгэрэнгүй... | 3 | Шүлэг | Байгалмаа А | )

Шүлэг: А.Байгалмаа : Сэтгэлийг минь хөглөөрөй
Оруулсан admin on 2009-05-05 01:41:02 (9038 уншсан)

Шанз ятга хөглөгдөх шиг хайрлах дуртай
Шар талын униар шиг бодлогширох дуртай
Дун бүрээ эгшиглэх шиг хайрлуулах дуртай
Дуусдаггүй аяз холдож ойртох шиг хөглөгдөх дуртай
Зүрхний гол мөрөн хөгжимлөг урсахад
Зүүд шиг орчлон зогсож чагнадаг юм
Хайранд уярсан харцанд хад зөөлөрч
Хамаг орчлонг аяархан бүүвэйлдэг юм
Үнэнээсээ чи надад хайртайгаа зарлахад
Үг бүхэн минь үрэл болно
Үзэг минь өөрөө шид болно
Эгшигтэй үгээр чимэглэсэн
Эрдэнэ минь чи болно
Нисэж буусан хун нь чи болно
Нэр нь өөрөө хан болно ( Дэлгэрэнгүй... | 0 | Шүлэг | Байгалмаа А | )

Шүлэг: А.Байгалмаа : Сонгодог нот мэт нүдийг чинь уншина
Оруулсан admin on 2009-05-05 01:40:23 (8949 уншсан)

Гэгээн хайрын төлөө нэг залбирая
Гэтэлгэгч зүрхээ аргадаж нэг хайрлая
Ямбат эрхтэнд ховорхон байж мэднэ
Ялгүй бас гэнэн байж мэднэ
Ял зэмлэл, алдар хүндээс тэс ондоон
Ямар ч атугай ийм нэгэн сэтгэл дэлгэе
Сонгодог ном барьсан мэт нүдийг чинь уншия
Сонин юм үүгээр юу байна даа
Сэтгэлд чинь би сэлүүргүй аялая
Сэвгүй хайрын дуучин нь болоё
Хайр хайрын дээдэнд юу байдаг юм
Хачин сайхныг хайсан эрэлчин байна би
Харамгүй сэтгэлийн чинь тания гэсэн юм
Хаана хүрэхийг минь битгий асуугаарай ( Дэлгэрэнгүй... | 1 | Шүлэг | Байгалмаа А | )

Шүлэг: А.Байгалмаа : Хэл хэлнээсээ унагаж хэлсэн
Оруулсан admin on 2009-05-05 01:39:00 (8578 уншсан)

Хэтэрхий халуун үгс
Хэн хэнд минь задарч унасан
Хэтэрхий уяхан үгс
Нэг нэгэндээ туниж хэлсэн
Нэлэмгэр манант үгс
Сэтгэл сэтгэлдээ сэлж эрхэлсэн
Сэмэрхий хэлгий үгс
Чи бид хоёрын зүрхэнд шингээд
Чих тойрсон салхинд нуугдна

( Дэлгэрэнгүй... | 0 | Шүлэг | Байгалмаа А | )

Шүлэг: А.Байгалмаа : Үлгэр зохиое хоёулаа
Оруулсан admin on 2009-05-05 01:38:32 (8898 уншсан)

Дув дулаахан сэтгэлийн дунд
Дугуйрч хантайрсан сарны гэрэлд
Дурлалт хосын хайрыг нөмөрч
Дуусаж төгсөмгүй үлгэр зохиое хоёулаа
Эрээн алаг тавиланг инээлгэж зурая
Энхрий үгсийн цуглуулгыг өрж тоглое
Эрээд олдомгүй жаргалыг барьж саатуулая
Эрдэнийн торгон хайрыг торлож жаргаая
Ассан дөлөө сэтгэлдээ бөөцийлж
Аяархан гунихдаа зүрхээ аргадая
Алдалгүй олсон гэгээн итгэлээ
Алган дээрээ хувааж шингээе
Үнэний эвийг хайрлан жаргаж
Үлгэр зохиоё хоёулаа ( Дэлгэрэнгүй... | 1 | Шүлэг | Байгалмаа А | )

Шүлэг: А.Байгалмаа : Бодох тусам
Оруулсан admin on 2009-05-05 01:37:45 (9392 уншсан)

Бодох тусам дасах гээд
Болж л өгвөл санах гээд
Богино богиноор зүүдлэх гээд
Болохгүй л байна даа сэтгэл минь
Мөр холын тавиланд дурлавал
Мөн ч ихээр шанална даа
Мартахын мананд дүрийг нь нуух гэж
Магадгүй олон жилийг үднэ дээ
Санахын өвчинд цээж хөндүүрлэж
Салахын зөрөгт итгэл эмтэрч
Өглөгөө нуусан орчлон бол гэж
Өр зүрх минь жиндэнэ дээ. ( Дэлгэрэнгүй... | 0 | Шүлэг | Байгалмаа А | )

Шүлэг: А.Байгалмаа : Хайрын буруу биш
Оруулсан admin on 2009-05-05 01:36:54 (9298 уншсан)

Дурлалаар жигүүрлэхийн тулд хайраас би цөхрөхгүй
Дуу шиг гэгэлгэн байхын тулд халирч бас гоморхохгүй
Ингэхгүйн төлөө хөр цасны яргуй шиг дэлгэрч
Ингэхгүйн төлөө эрчүүд бүрээс хайр нэхэхгүй

Өргөстөй цэцэг зүрхэндээ ургуулж
Өвдөж шаналсан нь хайрын буруу биш
Бүсээ тайлж үсээ задалсны төлөөс гэж үгүй
Бүтэлгүй хайранд гоморхоогүй сэтгэл гэж үгүй ( Дэлгэрэнгүй... | 1 | Шүлэг | Байгалмаа А | )

Шүлэг: А.Байгалмаа : 4 мөрт
Оруулсан admin on 2009-05-05 01:35:55 (9345 уншсан)

Цээжний гүнд наран мандана
Цэнхэр шувуудтай горхи урсана
Ар цармын тунгалаг өглөө шиг
Аргадаж ирдэг амраг минь

Сүүдэргүй сэтгэлийг би удаан нөмөрч
Сүлрэх гэгээнийх нь жимээр алхамаар байна

( Дэлгэрэнгүй... | 1 | Шүлэг | Байгалмаа А | )

Шүлэг: А.Байгалмаа : Хундага дарс хувааж ууя
Оруулсан admin on 2009-05-05 01:35:16 (11052 уншсан)

Хувь заяаны эрчилсэн мөрнөөс харваж ирсэн
Хундага сархад энд байна
Хувааж ууя хоёулаа
Зүрх зүрхээ жаргааж балгая
Зүгээргүй дуулж балгая
Нэрлэхүү зан, бусармаг сэтгэлийн
Нимгэн ч гэлээ далдхан хөшгийг хуулж
Нуугдаж чийрхсэн үгээ эвлүүлж өрөе
Нулмис инээд хоёроо харамгүй дэлгэе ( Дэлгэрэнгүй... | 0 | Шүлэг | Байгалмаа А | )

Шүлэг: А.Байгалмаа : Бодолд чинь өнжөөд явсан намайг санахдаа
Оруулсан admin on 2009-05-05 01:34:17 (8702 уншсан)

Болж өгвөл хүнээс битгий сураглаарай
Бүсгүйн үнэр шингэтэл шимширсэн
Бор зүрхнээсээ бүрч битгий асуугаарай
Олдохгүй байж мэднэ
Орчлон хязгааргүй юм чинь

( Дэлгэрэнгүй... | 0 | Шүлэг | Байгалмаа А | )

Шүлэг: А.Байгалмаа : Чиний нэртэй хайрын захидлыг
Оруулсан admin on 2009-05-05 01:33:27 (9086 уншсан)

Цээжиндээ би зөндөөн бичиж
Итгэлийн салхиар илгээх гээд
Ичихийн манангаас буцдаг байлаа
Саламгүй дураар сэтгэлээ гинжлэн
Санаснаа нуух гэж санаа алдахад
Энгэрийн чинь товч шиг сэтгэл минь чамайг чагнаж
Эгэл биений минь энгээр хайрын зар тараадаг сан
Богтлогдсон бүсгүй шиг бодлын минь хэдэн үгс л
Боолын боол мэт чимээгүйхэн оршиж
Сар жилийг элээн элээн өнгөрөөвч
Сайндаа л нулимстай минь эвлэрч урсдаг сан
Эрх чөлөөгөө би ингэтлээ чөдөрлөсөндөө л
Элэгдэмгүй хайрын нандин дууллыг мөнхлөсөн
Халгим сэтгэлээ задлаагүй удсандаа л
Хайрын ертөнцийн эрхэмсгийг мэдэрсэн ( Дэлгэрэнгүй... | 0 | Шүлэг | Байгалмаа А | )

Шүлэг: А.Байгалмаа : Дурласан залуугийнхаа тухай анд минь ярилаа
Оруулсан admin on 2009-05-05 01:32:38 (11673 уншсан)

Ертөнцийн сүүдэр бүхнийг үргээж
Ер бусын гэгээн сэтгэл дэлгэж
Дууны түрлэгт хөг нэмэх шиг
Дурласан залуугийнхаа тухай анд минь ярилаа

Цэх нуруу өргөн цээжтэй гэнэ
Цэцэг бүхэнд дурладаггүй зантай гэнэ
Итгэл даамаар сэтгэлтэй гэнэ
Инээд гэрэлтсэн нүдтэй гэнэ ( Дэлгэрэнгүй... | 3 | Шүлэг | Байгалмаа А | )

Хэрэглэгчийн булан

Та манай гишүүн болохыг хүсвэл энд дарна уу.

Одоо онлайнд 277 зочин, 0 гишүүн байна.

✈ ORANGESIM

АЯЛАЛЫН DATA eSIM

🌎 200+ Улс орны дата

📶

Тасралтгүй чанар
Хямд үнээр

⚡

Найдвартай
Гацахгүй интернэт

🔒

VPN шаардлагагүй
facebook instagram хэрэглэх боломжтой

♾️

Хязгааргүй дата
Олон сонголт

📲 1-2 Минутад авна! Чат бичээд автомат чатботоор хялбархан аваарай.

🌐 Онлайн захиалах 💬 Чатботоор авах

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Анхны цас 2005 он
Гудамж
600x450 116k
Сэтгэгдэл: 0
Үзсэн: 4613

khuv5-036.JPG
600x450 71k
Сэтгэгдэл: 0
Үзсэн: 4648

Должин : Зам зуур
zam-042.JPG
600x450 75k
Сэтгэгдэл: 0
Үзсэн: 5151

Агуулга

Та сараа сонгоно уу

Санал хүсэлт

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2026 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn