BIIRBEH.MN by Bataka

…Аав минь
Алтанширээ явсан урт намар
Ээж бидэн хоёр гэртээ
Эрхи эргүүлж хүлээдэгсэн

Айлчин хэзээ ирэхийг нь сураглана
Адуу нь ардаг тарган ч хангинан үүрсэнэ
Ээж минь битүүхэндээ явуулын хүнээс сураг хүлээнэ
Ээжээсээ нууж би уулсын хөтөл ширтэнэ

( Дэлгэрэнгүй... | Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Эргэж төрдөг орчлон
Оруулсан admin on 2008-06-23 10:42:01 (6225 уншсан)

Өвөө Б.Ухнын дурсгалд
Зөв л амьдрахгүй бол горьгүй дээ
Зүүдэнд аав минь уйлах байх
Зүсрээд ордог борооноос ч илүү
Зүрх сэтгэлийг минь норгох байх

Хацрыг минь үнэрлэчихээд одсноос чинь хойш
Хорин жил хайлаа, зон олны дундаас
Өчигдөр, өнөөдрийг заагласан хоёр өөр ертөнцөд
Өсөж, үгүйрч хорин жил тусдаа байлаа

Даахь минь ижийн сүүтэй байхад та явсан
Даль жигүүр шиг жаахан гараараа даллаж таныг үдсэн
Өөрөөсөө өөр ертөнцийг ухаараагүй байхад та явсан
Өлгийн гурван бүсний уяагаа тайлж таныг үдсэн

( Дэлгэрэнгүй... | Сэтгэгдэл [] | Шүлэг | Оноо: 9/2 | Чулуунцэцэг Б )

Шүлэг: Б.Чулуунцэцэг : Ижий урласан дэлхий
Оруулсан admin on 2008-06-23 10:37:17 (6328 уншсан)

Өлөгчин гийнана
Ингэ гунганана
Ижий өмөлзөнө
   Энэ ертөнцийн ижий бүхэн
   Элгээ эмтэлж урласан
   Эх цэнхэр дэлхийг
       Өөрөөсөө амь тасалж
       Үндэс зулж үргэлжлүүлсэн
       Өөрөөсөө өөр нутаггүй
       Өнчин цэнхэр дэлхийг

( Дэлгэрэнгүй... | Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Миний аав
Оруулсан admin on 2008-06-23 10:35:38 (8028 уншсан)

Тэнгэр нурмаар дориун
Тавхан үг хэлэх
Тэгсэн атлаа дотогшоо уйлж суух
Миний аав

Сэрдхийн дальдарч цочмоор
Нэг л харах
Гэсэн ч дотроо нурж өтлөх
Миний аав

Халамцуухан нулимс унагах
Хайр нь урсаж илрэх
Хачин уяхан хүн
Миний аав

( Сэтгэгдэл [] | Шүлэг | Оноо: 5/1 | Чулуунцэцэг Б )

Шүлэг: Б.Чулуунцэцэг : Ээждээ
Оруулсан admin on 2008-05-19 21:40:51 (9046 уншсан)

Ээжээ та миний хайртай наран
Элгэндээ нааж хүн болгосон амьд бурхан
Буян гуйж хичнээн ч удаа сөгдөн мөргөвч
Бурханаас ч илүүтэй таныгаа л би шүтдэг шүү

Тэртээ уулын орой цайвалзан дайвалзан бөхийх шиг
Тэргүүнд тань хяруу унаж насыг тань орчлон элээнэ
Тэрлэг тань томдож өөрөө та жижгэрсээр
Тэгсэн ч таны минь хайр ер дундрахгүй

( Дэлгэрэнгүй... | Сэтгэгдэл [] | Шүлэг | Оноо: 14/3 | Чулуунцэцэг Б )

Шүлэг: Б.Чулуунцэцэг : Залбирал
Оруулсан admin on 2008-05-19 21:37:54 (4632 уншсан)

Өглөө залбирна
Үдэш залбирна
Сүү өргөж залбирна
Сүлдэндээ шившиж залбирна
Сүмд очиж залбирна
Сунаж мөргөж залбирна
Тэнгэрт даатгаж залбирна
Газарт сөгдөж залбирна
Их залбирал, гуйлга мөргөлд нь
Ижий аав минь багтана
Өвөр дээр нь дэрвэж өссөн
Өөрийнх нь хэдэн ач багтана
Эрлийн хүн эрэлтэйгээ
Эрхинийх нь бөөрөнд багтана
Эргэх дэлхий тэр чигээрээ
Эмээгийн залбиралд багтана
Өглөө залбирна
Үдэш залбирна
Түмэнтээ залбирсан эмээг минь л
Төрийн сүлд өршөөг

2006.08.07

( Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Гурван бурхан
Оруулсан admin on 2008-05-19 21:35:50 (5611 уншсан)

Гараг ертөнцийн нэгэн зайд
Гар гараасаа хөтлөлцөн
Гайхамшигт нэгэн дууг дуулсан
Гурван бяцхан дүү минь

Хормын төдийд холдохдоо
Хоёр биенээ эрж хайдаг
Хонгор сэвлэг нялхаараа
Хоёр эрэгтэй дүү минь

( Дэлгэрэнгүй... | Сэтгэгдэл [] | Шүлэг | Оноо: 5/1 | Чулуунцэцэг Б )

Шүлэг: Б.Чулуунцэцэг : Уужим яваарай
Оруулсан admin on 2008-05-19 21:34:31 (6055 уншсан)

Дүү Б.Ариунболддоо
Эр хонгор нулимс чинь
Ижийн минь сүү шиг ивэлж байсан гэх юм
Энэ амьдралын юунд тэгтлээ гомдож
Юуны учир энэлэв, хүү минь

Сайхан хорвоо намуухан байхад
Сархадын аагинд халамцан хайлж суусан гэх юм
Санаснаар болдоггүй заяаны хаана нь тэгтлээ гомдож
Юуны учир хайлав, хүү минь

( Дэлгэрэнгүй... | Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Дүү минь
Оруулсан admin on 2008-05-19 21:14:28 (26856 уншсан)

l
Дэргэд унтах дүү минь
Дэндүү амгалан нойрсох юм
Ийм хөөрхөн амьтныг бурхан надад өгсийм чинь
Эвий нь байлгүй яах юм бэ, би дүүгийнхээ
Нүд, шүд бас хөмсөг сормуус нь
Эгээ л би өөрийгөө харж байгаа юм шиг
Ийм адилхан төрүүлсэн ижийтэй болохоор
Эгч нь байлгүй яах юм бэ, би дүүгийнхээ

( Дэлгэрэнгүй... | Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Аргадаж зэмлэдэг орчлонд
Оруулсан admin on 2008-05-19 21:13:28 (4693 уншсан)

Аавынхаа хайранд ханатлаа эрхэлснийх
Хазгай тавиланд сөгдөхгүй эр болсон би
Аргалын хөх илчинд дулаацсных
Асаж бадамласан хийморьтой бардам болсон би

Ээжийнхээ сүүнд халгиж тарвалзсаных
Инээд цалгисан сэтгэлтэй эр болсон би
Эвийн учралтай тоонотод мэндэлснийх
Уянга цалгисан хүсэлтэй дуучин болсон би

Элгэн уулсынхаа энгэрт өссөнийх
Хайр нуугисан нөмөртэй эр болсон би
Ижий нуурынхаа давалгааг таньсных
Ивэлж урссан ухаантай уяхан болсон би

2003

( Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Буйлаан
Оруулсан admin on 2008-05-19 21:07:36 (6108 уншсан)

                   Ая. СТА Т.Сэр-Од
Хэвлүү борхон ботго
Тэшин жонжин эрхлэнхэн эрхлэнхэн
Буйлна даа
Хөх усан говийг
Дайвалзтал ижий нь харамлан харамлан
Гунганана даа
   Хэлхсэн сувд тасарч унах шиг
   Толгодын хэцэд ингэ буйлна
   Шүр сүвлэж уянга хэлхэх шиг
   Торомгорхон ботго энэлэнхэн гунганана даа

( Дэлгэрэнгүй... | Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Үр минь хүү минь
Оруулсан admin on 2008-05-14 22:53:25 (11575 уншсан)

   Ая. Н.Баасандорж
Алган дээр минь жаргал асгаруулж
Аавдаа хүү минь ирсэн
Алиа хонгор дуунд чинь баясан
Амин зүрхэндээ галтай болсон
   Ангаахай үр минь
   Өвөр дээр минь дэрвэсэн
   Бурхан минь, хүү минь
Энгэр дээр минь жаргал асгаруулж
Ээждээ хүү минь ирсэн
Сэвлэгний чинь нялх хонгор үнэр
Сэтгэлийн минь нар болсон

( Дэлгэрэнгүй... | Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Чамайгаа санаад…
Оруулсан admin on 2008-05-14 22:41:06 (5582 уншсан)

                        Ая. Б.Бямбачулуун

Зэврүүн намрын салхи нь
Зэрвэс сэрвэсхэн сэрвэлзлээ дээ
Жиндүү гундуу сэтгэл минь
Чамайгаа санаад аа
   Чи минь намайгаа санаа юу
   Салхи нь хүртэл зэврүүхэн дээ
Моддын шаргал навчис нь
Мөчиртөө зүүгдсээр тасарлаа даа
Мөрөөдөн хүсэх сэтгэл минь
Чамайгаа санаад аа
   Чи минь намайгаа санаа юу
   Салхи нь хүртэл зэврүүхэн дээ
Хөлчүү намрын аялгуу нь
Хөлөрч сульдаад эгшиглэлээ дээ
Хөөрөн догдлох сэтгэл минь
Чамайгаа санаад аа
   Чи минь намайгаа санаа юу
   Салхи нь хүртэл зэврүүхэн дээ
2003.08

( Сэтгэгдэл [] | Шүлэг | Оноо: 5/1 | Чулуунцэцэг Б )

Шүлэг: Б.Чулуунцэцэг : Хайрлахгүй байхын аргагүй амраг
Оруулсан admin on 2008-05-14 22:40:06 (5257 уншсан)

Ая. Л.Амармэнд
Ханилахгүй л байж яах гэж учрав даа
Хадтай, сондуултай орчлонд бүдрэхгүй байхын аргагүй
Хархан нүдний минь сормуусанд нулимс шүүдэрлээд л
Хайрлахгүй байхын аргагүй хонгор доо

Дурсахгүй байж амьдрахын учиргүй
Дуутай, нулимстай орчлонд тунихгүй байхын аргагүй
Дутуу орхисон тавилангийн хөлд сөхөрч хүлээсээр
Дурлахгүй байхын аргагүй амраг даа

Эрхлэхгүй байж яах гэж учрав даа
Эгэлтэй, боргилтой орчлонд санахгүй байхын аргагүй
Эрхгүй задалсан сэтгэлээ нууцхан сэмэлсээр л
Эвлэрэхгүй байхын аргагүй тавилан даа

2003.08.03

( Сэтгэгдэл [] | Шүлэг | Оноо: 5/1 | Чулуунцэцэг Б )

Шүлэг: Б.Чулуунцэцэг : Идэр нас
Оруулсан admin on 2008-05-14 22:38:49 (5513 уншсан)

Алтан нарны сормуусыг цагийн зүү гэж мэдэлгүй
Амраг залуу насныхаа энгэрт товчилж явна уу даа
Аавын минь нөмөрт дэлхий эргэдгийг ухаарч
Алтан хүрдтэй бөмбөрцгийн нөмөр нь болж тухалъя даа

Одтой залуу насныхаа бяр чадалд эрдэж
Орчлонд ганцхан ээжийнхээ сэтгэлийг чилээж явна уу даа
Одоо л би чинь наран болон гийгүүлж
Оюут гэгээн насандаа ухаанаар тэтгэж жаргаая даа

Дэврүүн залуу насныхаа ааг омгонд согтож
Дэндүү хайртай чинийхээ нулимсыг арчилгүй явна уу даа
Дэргэд чинь би эр хүн болон ухаажиж
Дэрвэж амжаагүй насныхаа сайхнаар гоёж амьдрая даа

2006.03

( Сэтгэгдэл [] | Шүлэг | Оноо: 5/1 | Чулуунцэцэг Б )

Шүлэг: Б.Чулуунцэцэг : Хайр л байдаг шүү
Оруулсан admin on 2008-05-14 22:37:55 (4600 уншсан)

Санан тэмүүлээд очмоор
Сайхан хайр байх юм
Сар жилийн уртад
Санах ч эрхгүй тавилан байх юм
Уулзаж учрахыг хүссэн
Уйтайхан үдэш байх юм
Учрал хагацлын замгүй
Уйлах ч эрхгүй тавилан байх юм
   Дурсаад дандаа дуулмаар
   Дуулаад дандаа уйлмаар
   Сэтгэлийн эрх нь богинохон
   Сэрж мартаж боломгүй хайр байх юм
                   2005.10

( Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Хайр л байдаг шүү
Оруулсан admin on 2008-05-14 22:35:00 (4412 уншсан)

                        Ая. Б.Бямбачулуун
Итгэж л явсан он жилүүд
Ирэхгүй дээ, ирэхгүй
Ихэмсэг бардам зангий минь
Омогшил хаашаа одоо вэ
Эндүүрч л явсан он жилүүд
Эргэхгүй дээ, эргэхгүй
Энхрийхэн танхил аашны минь
Инээд нь хаашаа одоо вэ
   Үнэрхэж тунирхсан давилуун ааш минь чамайг
   Үзэн ядах минь ч хайр л байдаг шүү
Буцаж л яваа шувууд шиг
Гуниг тээсэн сэтгэл минь
Ирж л яваа шувууд шиг
Инээдээ бас гээхгүй ээ
   Үнэрхэж тунирхсан давилуун ааш минь чамайг
   Үзэн ядах минь ч хайр л байдаг шүү

                       2003

( Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Жаргалтай
Оруулсан admin on 2008-05-14 22:33:47 (4512 уншсан)

                    Ая. Т.Сэр-Од
Хэзээ ирэхийг чинь мэдэхгүй ч
Хүлээж байхдаа би жаргалтай
Өнгөрч одсон цаг хугацааг
Өөрт чинь зориулсан болохоор жаргалтай
   Зөндөө их санадаг болохоор
    Зүрх минь дандаа жаргалтай
Зөвхөн чамайг л зүүдэлдэг болохоор
   Зүүд минь үргэлж дандаа жаргалтай
Чиний сайханд уяатай өнжиж
Чамд зориулан дуулсандаа жаргалтай
Чимээ аниргүйхэн сэтгэлд минь
Чи л байдаг болохоор жаргалтай
Бие биедээ тэмүүлсэн
Сэтгэлтэй болохоороо жаргалтай
Бидэн хоёрыг учруулсан
Бурхантай болохоороо жаргалтай

( Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Хоёр нуур
Оруулсан admin on 2008-05-13 10:27:16 (4399 уншсан)

           Алтан овоог нар зөв тойрч
           Зэгст, Дагшин хэмээх хоёр
           нуурын хөвөөнд үдлэхдээ…
Хоёр нуурын залгаа
Дуулж уулзах юм
Хоёр нуурын халгиа
Уйлж салах юм
Хувь заяаг нь зааглан ургасан
Хулс зэгс нь өмөлзөн өмөлзөн найгах юм
Хумхын тоос шиг нарийхан жимийг
Хун цэн нь ганганан ганганан гатлах юм
Дөлгөөн мяралз юу гэнэ
Дөрвөн цагийг өртөөлж халги юу гэнэ
Санан санан тэмүүл юү гэнэ
Сар нарыг бүүвэйлж насла юу гэнэ
Хоёр нуурын залгаа
Дуулж уулзах юм
Хоёр нуурын халгиа
Уйлж салах юм

2003.08 Батмөнхийн ЧУЛУУНЦЭЦЭГ

( Сэтгэгдэл [] | Шүлэг | Оноо: 0/0 | Чулуунцэцэг Б )

Шүлэг: Б.Чулуунцэцэг : Омгорхол
Оруулсан admin on 2008-05-13 10:25:26 (4797 уншсан)

Ангал хангал хүлгийнхээ зоонд тогтож ядсан
Арван долоотой хөвгүүд найр хэсэж явна
Айлын хөөрхөн охидыг харцаараа хоргоож ичээсэн
Амраг жаахан зүрхэнд нь дурлал шигдээд амжжээ

Цэргийн зар ч аваагүй танхилхан залуус хойно
Цэнгэх жаргалд ташуурч омголон байхаас яахав
Андуу ташуу явсныг нь буруутгаж зэмлээд хэрэггүй
Алаг тарлан амьдралаас аяндаа тэд ухаарна аа

Хангал морьдын ганган хатираа хуримт дэнжийг чиглэлээ
Халмаг залуусын омгорхол найр л хэсдэг нас даа
Ирэх, ирэх жилүүдийн билэгт арван долоонд
Илчит галаа асааж айл л болно доо, тэд

2002 Батмөнхийн ЧУЛУУНЦЭЦЭГ

( Сэтгэгдэл [] | Шүлэг | Оноо: 5/1 | Чулуунцэцэг Б )

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 130 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Должин : 2007 оны аялал
mongolia2007year-104.JPG
Хэмжээс: 600x450 93k
Сэтгэгдэл: 0
Үзсэн: 4728

khuv5-012.JPG
Хэмжээс: 600x450 65k
Сэтгэгдэл: 0
Үзсэн: 3666

B3-038.JPG
Хэмжээс: 450x600 79k
Сэтгэгдэл: 0
Үзсэн: 5118

Агуулга

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2024 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn