BIIRBEH.MN by Bataka

Шүлэг: Г.Сүхзориг : Миний...
Оруулсан admin on 2009-02-28 23:29:15 (9350 уншсан)

Чи миний бал бурам
Час хийсэн улаалзгана
Мооль хархан нүдэт
Жимсэн уруулт
Амтат жүрж минь
Чи минь миний АМЬДРАЛ
Чихэрлэг бас давсархаг...
Халуун хүйтэн зууш дагалдах
Цэсийг нь өөрөө зохиож болох
АМЬДРАЛ...
Чи минь миний
Час улаан лооль
Усан үзэм
Улаахан гүзээлзгэнэ
Өргөст хэмх
Амтат гуа
Амьдралын турш амталж болох
АМТТАН минь...

2008.06.13 Seoul

( Дэлгэрэнгүй... | 4 | Шүлэг | Сүхзориг Г | )

Өгүүллэг: Г.Сүхзориг : Төрөхийн өмнөх өрөө
Оруулсан admin on 2008-08-17 21:35:37 (11588 уншсан)

Хотын нэгэн төрх эмнэлэг.
Цагаан будгаар харамгүй цонхыг нь будсан хоёр ор, төдий тооны сандалтай өрөө.
Энэ нь төрөхийн өмнөх өрөө аж.
Тэр өрөөнд төрөх нь дөхсөн нэгэн бүсгүй холхино.
Хажуу өрөөнд хүүхдийн уйлах дуу хадаж өөр хэн нэг бүсгүй орчлонд ээж болох нь сонсогдоно. ( Дэлгэрэнгүй... | 6 | Өгүүллэг | Сүхзориг Г | )

Шүлэг: Г.Сүхзориг : Амиа хорлогсдын кафе
Оруулсан admin on 2008-08-17 21:34:29 (8737 уншсан)

Нэг аяга өтгөн кофе
Сүүгүй байвал / чихэргүй /
Зүгээр.
Хоёр ширхэг тамхи
Нэг сум, макаров
Metallica – Nothing else matters
Чангахан шиг тавиарай.
Гэрээслэл бичих
Цаас, үзэг хэрэггүй.
- Сүүлчийн үг үү?
Бурхантай очиж
заргалдах минь…
Аан тийм
Чүдэнз байвал өгдөө...

( Дэлгэрэнгүй... | 0 | Шүлэг | Сүхзориг Г | )

Шүлэг: Г.Сүхзориг : Цамцан хүүхэлдэй
Оруулсан admin on 2008-07-31 07:09:35 (10668 уншсан)


/Зүүний нүдийг утсаар сохлоод
           Зүүдэл зүүдлээр нь хэлхээд…/
                       М.Ц

Хуучин цамцныхаа тасархайгаар
биеийг чинь бүтээж
Хоёр ширхэг товчоор нүдийг чинь урласан
Тэгээд чамд Хүүхэлдэй гэж нэр єгєєд
Дэрэн дээрээ чамайг суулгасан

Би чамд дурласан
       Би чамайг урласан

Уйтгар гуниг надаас холдсон
Уртаар санаа алдаж цонхоор гєлєрхєє больсон
Бээлийгээ тайрч цамц оёоод
Уруулыг чинь улаан утсаар эмжсэн

       Хүүхэлдэй минь, Хүүхэлдэй минь
       Би чамд дурласан, би чамайг урласан ( Дэлгэрэнгүй... | 6 | Шүлэг | Сүхзориг Г | )

Шүлэг: Г.Сүхзориг : Цонхон дээр минь
Оруулсан admin on 2008-07-31 07:07:53 (8641 уншсан)

Цонхон дээр минь
Доторхи хүн минь гараад суучихсан
Сонингийн цаас зажилангаа
Царайлаг охидыг үдэш харсанаа
Цаг агаарын мэдээ шиг нэгд нэгэнгүй хүүрнэнэ …
   Сэтгэл зүрх минь мєр холбон шүлэг тэрлэхийг
                           шалан суухад
   Сүүдрээсээ ч нуун далдлам цагаан цааснаа
   Нүцгэн бүсгүй бүжин унаж, бархиран уйлж эхлэхэд
   Сэтгэл зүрх, үзэг, цаас гурав минь балмагдан догдолж
   Цаасан дээрх бүсгүйгээс нүд дальдчина …
Салхи гаднаас исгэрэн дуудаж …
Сайхан бүсгүйн хормой сєхєж дэггүйтэхийг уриалаж
Бодол санаа, бие махбодийг уруу татна
Замбараагүй юм …
Шүлэг ч тэрлүүлэхгүй нь …
… За цонхон дээрээс буу
     Гадаа гаръя залуу минь !!! ( Дэлгэрэнгүй... | 1 | Шүлэг | Сүхзориг Г | )

Шүлэг: Шар айрагны газар
Оруулсан admin on 2008-07-20 01:27:00 (10335 уншсан)

Энд л би …
Цаг хугацааг зогсоочихоод
Жаргалтай хүний багаан тайлж
Тэнүүлчин эзнээ дагаж өдөржин холхисон
Сүүдэр
Шөнө дунд сая нэг нуруугаан амраах адил
Амсхийдэг
Эндхийн гэрэл надад зохидог
Миний бодит төрхтэй ижилхэн
Болохоор
Бүдэгхэн сүүмгэр гэрэлд би уусдаг…
Хайр үгүй хахирган хоолойтой минь адил
Хуучирсан аяз чихэнд хоногших нь ( Дэлгэрэнгүй... | 5 | Шүлэг | Сүхзориг Г | )

Өгүүллэг: Г.Сүхзориг : Сарнай – III
Оруулсан admin on 2008-03-13 06:53:08 (10306 уншсан)

Оройн болзоондоо би юу авч очихоо мэдэхгүй байна. Чихэр, жимс аль эсвэл тоглоом. Арай л биш ээ. Миний дурласан бүсгүйд минь таалагдахгүй бол яах вэ? гэдэг л … Би цэцэгнээс өөр зүйл авч очих ёстой. Тэрнээс өөр зүйл толгойд минь юу ч алга. Зүрх сэтгэл гэдэг юутай харалган, уяхан. ( Дэлгэрэнгүй... | 0 | Өгүүллэг | Сүхзориг Г | )

Өгүүллэг: Г.Сүхзориг : Сарнай – II
Оруулсан admin on 2008-03-13 06:52:28 (10553 уншсан)

Миний цонхон дээрх хатсан сарнай аль эрт ихэмсэг бардам зангаа гээжээ.
Надад энэ нь илүү таалагдаж байна. Дэлбээ нь омголтсон уруул адил. Энэ хатсан дэлбээг сэтгэл мэдрэлийн өвчтөн шиг ажиглаж суух таатай. Би яг энэ сарнайн өнгөтэй адил улаан хөшигтэй тайзан дээр хайрын шүлэг уншиж байснаа санаж байна. ( Дэлгэрэнгүй... | 0 | Өгүүллэг | Сүхзориг Г | )

Өгүүллэг: Г.Сүхзориг : Сарнай - I
Оруулсан admin on 2008-03-13 06:51:42 (11282 уншсан)

Миний хүү сарнайг үнэрлэж болдоггүй юм.
Үнэрлэвэл хурдан үхдэг юм. Усанд хийж тавь…
Зохиогч…
Яг миний бүтэлгүй дурлалыг санагдуулах чинь. Анхны болзоонд очихдоо авч очиж байсан час улаан өнгөтэй сарнай дахиад л гарт минь байна.
Дэндүү ихэмсэг гоо үзэсгэлэнг би үзэн яддаг. Яагаад ч юм би хэзээ ч зурж чадахгүй, зүйрлэж боломгүй ихэмсэг бардам, гоо үзэсгэлэнг хүлээн зөвшөөрч чаддаггүй, сураа ч үгүй.
( Дэлгэрэнгүй... | 0 | Өгүүллэг | Сүхзориг Г | )

Шүлэг: Г.Сүхзориг : Морь
Оруулсан admin on 2008-03-13 06:50:44 (10454 уншсан)

Би айлын том хүүхэд. Миний дүү охин бүр багаасаа хэтэрхий биеэ даасан зожиг хүүхэд. Миний мэдэхийн л энэ дөрвөн хана. Надад уйтгарлах зав байдаггүй бололтой. Магадгүй би хүүхэд байхын л ганцаардмал зожиг байсан болохоор тэр хүүхэд ахуй цагтаан ч гуниг, уйтгар бүхнээс хол байсан байх. Эсвэл би толоомондоо сатаараад уйтгарлаж гуниглахыг мэдээгүй өссөн ч байж магадгүй.

( Дэлгэрэнгүй... | 0 | Шүлэг | Сүхзориг Г | )

Өгүүллэг: Г.Сүхзориг : Ёотон, ус, халбага
Оруулсан admin on 2008-03-13 06:49:23 (10064 уншсан)

Буцалсан аяга ус. Цайны жижигхэн халбага, хоёр ширхэг дөрвөлжин ёотон. Ингээд л боллоо. Орчин дэндүү тусгаарлагдмал, хязгаартай. Буцалсан аяга усанд хоёр ёотонг хийчихээд ажиглаж суух таатай гэж жигтэйхэн. Үүнээс өөр хийх зүйл үгүй. Халуун ус бага багаар хайлуулан уусгасаар ёотон маань хэлбэр дүрсээ алдсаар овоорсон нунтаг болж хувирна. Дэндүү аймшигтай. Хэзээ нэгтээ ёотон шиг хэлбэртэй байшин нурж байсан барууны киног санагдуулна.

( Дэлгэрэнгүй... | 0 | Өгүүллэг | Сүхзориг Г | )

Өгүүллэг: Г.Сүхзориг : Муур
Оруулсан admin on 2008-03-01 06:32:37 (11237 уншсан)

Урдуур гүйсэн мууранд бид тэгтлээ их сайн санаад байдаггүй билээ. Яагаад ч юм харин надад таалагддаг.
Миний бага нас Оросуудын дунд өссөн болоод ч тэр үү би муур тэвэрсэн Орос бүсгүйчүүдэд ухаангүй дурладаг байж билээ. Орос бүсгүйчүүдийн гоо үзэсгэлэн намайг хөглөдөг байсан.
( Дэлгэрэнгүй... | 1 | Өгүүллэг | Сүхзориг Г | )

Өгүүллэг: Г.Сүхзориг : Шал
Оруулсан admin on 2008-03-01 06:31:44 (10406 уншсан)

Хуучирсан модон шал. Тээр жил нойтон модоор хийснээс болоод олон жилийн өмнөөс хотгор гүдгэр, эв хавгүй хатаж хуурайссан. Гаднах өнгөн хэсэгтээ бараг будаггүй болж холцорсон. Тэр нь ч аргагүй. Байнга хүнд хүнд ширээ, сандал, хөлийн янз бүрийн алхаа нааш цааш чирж холхино. Хяхтнах чимээтэй хамт хархиран чийхарах дуу шалнаас өдөржин гарах нь дасал болсон.
( Дэлгэрэнгүй... | 0 | Өгүүллэг | Сүхзориг Г | )

Өгүүллэг: Г.Сүхзориг : Бурхан хүүхэд хоёр
Оруулсан admin on 2008-03-01 06:29:30 (10185 уншсан)

Намайг жаахан хүүхэд байхын миний эмээ бурхан минь шүтээн минь гэж авгайлан дууддаг байсан. Анхны ач нь болоод ч тэр үү намайг гүнгэрваатай бурхан шигээ эрхлүүлэн өсгөсөн. Би ч түүнд ч итгэдэг, итгэсээр өдий хүрсэн. Одоо би өөрөө аав болчихсон амьдралд хөл тавиад удаж байгаа. Би хүүхдээ мөн л миний бурхан, шүтээн минь гэж өхөөрддөг. Харахаас л хайр хүрэм. Миний хүүхдэд эмээ минь өгөх барихаа хайж яддаг. Надтай адилханыг нь гайхдаг.

( Дэлгэрэнгүй... | 0 | Өгүүллэг | Сүхзориг Г | )

Шүлэг: Г.Сүхзориг : Сарны гэрэлд зүүрмэглэхэд зүүдлэгдсэн зүүд
Оруулсан admin on 2008-03-01 06:27:53 (10401 уншсан)

Намуун аядуу хоолойг чинь сонсох дуртай. Чамайг улам дур булаам болгодог. Үл ялиг ичэнгүйрэн эрхлэх чинь илүү таалагддаг. Хаврын анхны бороо орсон үдэш чамд би очсон. Чи гэртээ байгаагүй. Тэр үдэш сар гуниглангуй байсан. Цонхон доорх хугархай хуучин сандал дээр чамайг хүлээж зөндөө суусан. Чи ирэхгүй байсан ч би хүлээгээд л байсан.

( Дэлгэрэнгүй... | 0 | Шүлэг | Сүхзориг Г | )

Өгүүллэг: Г.Сүхзориг : Зураач
Оруулсан admin on 2008-02-29 04:09:00 (10125 уншсан)

Цаг хугацаа зулай дээр минь гараа тавихад балмагдан цочиж сэрээд магнайныхаа хүйтэн хөлсийг алгаараа арчаад ханан дээрх хүлэг баатрын зураг уруу харлаа. Салхивчаар тусах сарны хөндүүр гэрэл хүлэг баатрыг улам ихэмсэг амьд мэт харагдуулахаас гадна намайг басамжлан дооглож буй сэтгэдэл төрүүлнэ. Энэ баатартай би ярилцсаар гурав дөрвөн жил лав болсондог.

( Дэлгэрэнгүй... | 0 | Өгүүллэг | Сүхзориг Г | )

Өгүүллэг: Г.Сүхзориг : Чи бид хоёрын хайрын диалог
Оруулсан admin on 2008-02-28 22:20:15 (10290 уншсан)

-   Би амьдралдаа цөөхөн уйлсан.
Чи амьдралдаа дандаа уйлах юм. Чиний нулимс жижигхэн тэгсэн хэрнээ удаан уйлсан ч барагддаггүй. Нулимс чинь орчлонг үймрүүлэх увидастай.
-   Миний нулимс том томоор цөөхөн дусладаг би удаан уйлж чаддаггүй. Зохидог ч үгүй. Хар багын эр хүн уйлдаггүй юм гэдэг үгээр би хүмүүжсэн.
Чамайг бүгд хайрладаг, өрөвддөг. Чи тэдэнд таалагддаг бас хүндлэгддэг.
-   Намайг хэн ч тоодоггүй, хүмүүс хүйтэн тоосгоор өрсөн хэрэм мэт хүйтэн хөндий хоолойгоор зэмлэдэг. Тэд намайг тулаанд орох гэж байгаа цэрэг мэт байхыг шаарддаг. Яагаад гэвэл Эр хүн эр хүн шиг бай… гэдэг. Тэр эр хүнийг нь би хэнээр зүйрлүүлэхээ мэддэггүй. ( Дэлгэрэнгүй... | 2 | Өгүүллэг | Сүхзориг Г | )

Шүлэг: Г.Сүхзориг : Чиний хатуу үгэнд тунирхаж ...
Оруулсан admin on 2007-12-17 12:01:00 (9018 уншсан)

Чиний хатуу үгэнд тунирхаж
Хундага дарсны ард суунам
Чихэнд минь хоногших үгийг чинь /цуурай адил/
Харзны гашуун аагийнд дэвтээж сууна

Чамд гомдсондоо би гивүүрэн
Уушийн газар ганцаар суунам
Цээжинд дотроос минь хатгах үгийг
Дарсанд живүүлэх гэж л би ууж сууна

( Дэлгэрэнгүй... | 0 | Шүлэг | Сүхзориг Г | )

Шүлэг: Г.Сүхзориг : Баяртай би явлаа
Оруулсан admin on 2007-12-17 12:00:58 (10725 уншсан)

* * *
Баяртай би явлаа
Цээжинд чинь хангалттай
Харуусал, ухаарал чамд үлдээлээ.

Хагацахгүй, салахгүй гэж бүү гуй
Хайртай ч гэж битгий шивэгнэ
Он цагийн уртад ч
Хоолойнд чинь торж магад. ( Дэлгэрэнгүй... | 1 | Шүлэг | Сүхзориг Г | )

« өмнөх12 3 дараах »

Хэрэглэгчийн булан

Та манай гишүүн болохыг хүсвэл энд дарна уу.

Одоо онлайнд 168 зочин, 1 гишүүн байна.

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Анхны цас 2005 он
uvl-010.JPG
600x450 122k
Сэтгэгдэл: 0
Үзсэн: 4666

Должин : Зам зуур
zam-055.JPG
600x450 96k
Сэтгэгдэл: 0
Үзсэн: 5828

art_14.jpg
600x436 176k
Сэтгэгдэл: 0
Үзсэн: 5116

Агуулга

Monday, 2007.12.17
·	Г.Сүхзориг : Тэр залууг би танина
·	Г.Сүхзориг : Бүрэнхий гудамжинд
·	Г.Сүхзориг : Уйтгар гуниг хуучин дэвтрийн хуудаснаас
·	Г.Сүхзориг : Хайхрамжгүй алхалсан он жилүүд минь
·	Г.Сүхзориг : Сэтгэлийн нуур
·	Г.Сүхзориг : Хөгжим мэт төмөр замаар…
·	Г.Сүхзориг : Эмнэлгийн тасалгаа
·	Г.Сүхзориг : Охин минь
·	Г.Сүхзориг : Миний нутаг дөчин мянгатын гудамж
·	Г.Сүхзориг : Янаглангуй харц ...
·	Г.Сүхзориг : Цонхон дээрх цэцэг ...
·	Г.Сүхзориг : Сар
·	Г.Сүхзориг : Амрыг эрдэг ах нарт ...
·	Г.Сүхзориг : Сэтгэл хэмээх гудамж
·	Г.Сүхзориг : Нэхмэлчин
·	Г.Сүхзориг : Үдшийн бүрэнхий болж ...
·	Г.Сүхзориг : Эрвээхэйн хүсэл - II
·	Г.Сүхзориг : Оддын гэрэл орчлонг гэрэлтүүлэх шиг ...
·	Г.Сүхзориг : Чамайг би дагадаг
·	Г.Сүхзориг : Эрх чөлөө зүүдэлсэн бие ...
·	Г.Сүхзориг : Тэр зүгийн нутаг усархаг бороотой...
·	Г.Сүхзориг : Хуйлсан он цагийг ...
·	Г.Сүхзориг : Дөрвөн цагийн натюрмут

Та сараа сонгоно уу

Санал хүсэлт

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2026 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn