BIIRBEH.MN by Bataka

Шүлэг: Г.Мөнхцэцэг : Дурлахсан
Оруулсан admin on 2009-03-01 00:01:56 (5390 уншсан)

Дундуур сэтгэлийн уянга ээдүүлж
Дундуур ч болов дурлаж л нэг үзэхсэн
«Дунд голын ногооны » үндэс атаархтал
Дуу болгож хэн нэгнийг эгшиглүүлэхсэн.
Хөмсөг сормуус хоёрын бараанаар бишүүрхэж
Хөөрхөн нүдний давхраанд эвхээтэй нэг хонохсон
Эвлэж ч чадахгүй уруулаар хацар дунд чинь төөрч
Эсгий тасартал ичиж нэг үзэхсэн.
Сарны гэрэл саравчилсан сайхан хөл үзэж
Салхи сандааж санаа алдтал нэг хайрлахсан
Орчлон бүдэгхэн зурсан бүхэн дээр чинь үнсэж
Охид шивнэж бороо асгартал хайрлахсан.
Сайхан чиг сайхны дунд санаа алдуурахаа мэдэхгүй
Салхитай зүүдэндээ хэн нэгнийг аргамжих юмсан.
Зөндөөн олон дурласан шиг дурлаж
Зөвхөн чамд л гэж худал нэг хэлэхсэн.

( Сэтгэгдэл [] | Шүлэг | Оноо: 5/1 | Мөнхцэцэг Г )

Шүлэг: Г.Мөнхцэцэг : Янзага
Оруулсан admin on 2009-02-01 21:39:21 (8426 уншсан)

Зэрэглээнд гижигдүүлж тонгочих
Зээрийн хөөрхөн янзага
Шаргалтах говийн хээлэнд
Шандаст хүлэг шиг цахилна
Алтан шаргал хөрсөн дээрээ
Эрдэнийн зургаа дахь амь мэндэлж
Эхийнхээ сүүг цэцэгнээс амтлан нойрсдог
Ээрэм говийн цагаан сүргийн удам
Эх нь хаана орхино
Эргэж иртэл нь хүлээдэг хатуу хуультай
Хачин юм шүү зээрийн янзага
Хүний дуулгавартай үр шиг
Энэрэлт хүмүүсээ та минь
Эвий түүнийгээ бүү үргээ
Эхийгээ хайж сортолзох аюулгүй
Энэ л говьдоо идээшилж нойрсог янзага
Улаан номын дархан сүрэг
Ухаа говийн амьд чимэг
Ухаант таны хайрын учиг
Унтаж байгаа янзагыг битгий сэрээ
Чимээгүй
Чимээгүй

( Сэтгэгдэл [] | Шүлэг | Оноо: 0/0 | Мөнхцэцэг Г )

Шүлэг: Г.Мөнхцэцэг : Битгий урваарай миний хүү
Оруулсан admin on 2008-11-18 21:05:32 (10870 уншсан)

Хаанаас ирснийг нь мэдэхгүй
Хачин янзын амьтан минь
Хүзүүндээ зүүж эрхлүүлсэн
Хуруун чинээхэн бурхан минь
Үсээ цайтал хүлээсэн хөгшид
Үр минь чамайг авчрах гэж
Холын холд одоцгоосон
Гоёх насаа өөрөөсөө ч харамласан эжий минь
Ганцхан өглөөний нарнаар эмээ болж угтсан юм шүү чамайг
Чарлахаас өөрийг мэдэхгүй ирсэн чамайг
Цас бороонд бүгдээрээ сонссон юм шүү
Цамцны минь цаанаас унах гэж яарсан өдрүүдээ
Чамлаж битгий урваарай миний жаахан хүү
Чийгтэй хөх өвс яаж уйлдгийг харуулах гэж
Чинийхээ хөлийг ээж нь шүүдрээр угааж өгсөн юм шүү.
Цэцэг тасдаж эрхлэхгүй уяхан болгох гэж эжий нь
Чихэн дээр чинь тонгойн шүлэг аялсан юм шүү
Торгон ногоон дэвжээг хотойтол дэвэх аав нь
Тоглох газрын чинь хатууг зөөллөх гэж
Торгоор гоёсон зодгоороо
Тоосыг нь хааяа арчиж өгдөг юм шүү миний хүү

( Дэлгэрэнгүй... | Сэтгэгдэл [] | Шүлэг | Оноо: 25/5 | Мөнхцэцэг Г )

Шүлэг: Г. Мөнхцэцэг : Янжинлхам бурханд гуйж мөргөх шүлэг
Оруулсан admin on 2008-10-23 03:45:53 (8526 уншсан)

Энгэрийн чинь дууг сонсож
Эвэршиж хатсан сэтгэлээ хөглөж
Эгшиглэнт эх таны өлмийн салхийг үргээж
Эрхэлж гуйх нэгэн шүлэг өргөмүү:
Гэрийн үүдийг угаах гэж эм амьтан бүхэн сүүтэй төрдөг юм гэнэ
Эгшиг дуу алдуулж ятга юугаа тоглож
Энгэр ялдам Янжинлхам тэнгэрээс хааяа бууж ирдэг юм гэнэ
Үгээ барж хэлье , үнэнээ дэлгэж хэлье
Цөхөрч мөргөсөн бүхнийг сүүдэртээ ч болов багтааж хайрлй
Авьяастай нь мөлхөж , азай нь хөлжиж
Шүлэглэдэг , эгшиглэдэг алин боловч
Шуналт эрвээхэйн үлгэр шиг
Шатаж үхэж байна энэ хорвоод чинь
Өөрийгөө хоосолж бусдыг жаргаадаг
Өөхөн денгийн гэрэл шиг нар сарыг нэвширтэл нь дуулчихаад
Намарждаггүй шувуу шиг хурдхан үдэлчихдэг

( Дэлгэрэнгүй... | Сэтгэгдэл [] | Шүлэг | Оноо: 5/1 | Мөнхцэцэг Г )

Шүлэг: Г.Мөнхцэцэг ： Холоос ирэх шувууд гуниг далласаар одох юм ...
Оруулсан admin on 2008-10-23 01:09:00 (7583 уншсан)

Холоос ирэх шувууд гуниг далласаар одох юм
Хоёр нүдний мэлмийд нулимс дүүргээд буцах юм
Хэний нутгийн нууранд очоо бол доо, та нар
Хэдэн нь харин эргэж ирэх бол доо, хөөрхийс
Нууцгайхан сэтгэл гэгэлзээд
Нуугдмаар, нуугдмаар болох юм
Нуугаад хэлээгүй үгэнд нь
Нулимс амтагдаад байх юм

( Дэлгэрэнгүй... | Сэтгэгдэл [] | Шүлэг | Оноо: 5/1 | Мөнхцэцэг Г )

Шүлэг: Г.Мөнхцэцэг : Амьд явах гэсэн юм
Оруулсан admin on 2008-09-03 10:24:18 (5258 уншсан)

Ядуухан найрагч өөрийг чинь хайрлаж
Яруухан гуйлагчин өөрийгөө хэмлэж сууна
Яахав дээ үйлийн үр минь гайхаад яахав
Яназага цахилах талын дунд чамаар л дутаж явна шүү дээ
Ижийнхээ энгэрт цадахыг үзэж
Илүүгээр ангахыг үнэгчлэхдээ би зүүдэлсэнгүй
Чамаар дутахыг тэгэхэд би мэдсэнсэн бол
Чарлан ирж орчлонг цочоохгүй байсан
Эцгийнхээ дээлэнд багадахыг ажиж
Эр хүний нөмрийг даарахдаа анзаарсангүй
Нударган дотор гар дулаацдагыг тэгэхэд мэдсэнсэн бол
Ухаан дутах юм даа гэж, чамайг харуулсан орчлонд
Усандаа чулуу зөөлөрдөггүй ч үхэж болохгүй нь дээ
Уруул нүд хоёр ямар бие биенээ харах биш
Улирч одсон гэгээн бүхнээр чамайгаа би хуурахгүй
Яахав даа үйлийн үр минь гайхаад яахав
Ядуухан яруухан найрагч л амьд явах гэсэн юм

( Сэтгэгдэл [] | Шүлэг | Оноо: 0/0 | Мөнхцэцэг Г )

Шүлэг: Сул үст амраг
Оруулсан admin on 2007-12-19 03:34:00 (4799 уншсан)

Сул үст амраг минь
Сургийн холд суудаг
Сургий нь дуулахын хүслэнд
Сэтгэл минь сул алдуурдаг
Эрт таньсан амраг минь
Эрлийн холд суудаг
Ээрсэн том сарны дор
Элээгдсэн дурсамжаараа амьдардаг
Цал буурал үст минь
Цагийн холд суудаг
Царай нь бүдгэрэхийн тоолонд
Цаашилж мартагдахаас айдаг би...

( Сэтгэгдэл [] | Шүлэг | Оноо: 0/0 | Мөнхцэцэг Г )

Шүлэг: Г.Мөнхцэцэг ： Ертөнцийн хайр
Оруулсан admin on 2007-04-10 02:28:32 (8725 уншсан)

                    Навч хөлөргөж, нарны хүү хайраа хэлдэг
                    Навч унаж, газрын охинд хайраа өгдөг
                    Эр өвс эхэлж ургадаг
                    Энүүхэн хавийн цэцгээ тоолосхийгээд ганхдаг
                    Хярсан салхи нүдээрээ инээж
                    Хялгасанд хүртэл хайраа хэлдэг

( Дэлгэрэнгүй... | Сэтгэгдэл [] | Шүлэг | Оноо: 9/2 | Мөнхцэцэг Г )

Шүлэг: Г.Мөнхцэцэг ： Харц
Оруулсан admin on 2007-04-10 01:32:06 (5684 уншсан)

            Сэм, сэмхэн алхсаар түлхүүрийн нүхээр шагайхад чинь
            Сэртхийхдээ би нүдийг чинь ч олж хараагүй ээ
            Нарны алтан утас бүхлээрээ шургавч багтамгүй нүхээр
            Намайг чи лав бүтнээр нь олж харсан байж таарна
            Тэгэхэд хацарт халуу шатаж, халаасанд захидал тийчигнэж
            Нар хүртэл ичихдээ үүлээр халхалж байсан ч
            Намайг харин чамаас хэн ч халхалж чадаагүй
            Тэгэхэд салхи имхэрдээд багтаагүй тэр нүхээр
            Намайг чи харах гэж гүйхдээ
            Сүүдрээсээ өөр нэгэн хөл
            Солбиж явааг мэдээгүй байж таарна
            Дэрвэлзэх сормуусаараа тоос алгадаж зогссон ч
            Дэндүү халуун хайрандаа цангасан байж таарна

            1990.12.15

( Сэтгэгдэл [] | Шүлэг | Оноо: 0/0 | Мөнхцэцэг Г )

Шүлэг: Г.Мөнхцэцэг ： Арван зургаан насны намар
Оруулсан admin on 2007-04-10 01:25:19 (5528 уншсан)

                Шар торгон дээлэндээ
                Шүүдэр бөнжигнүүлсэн дурдан бүстэй намар
                Арын толгодод хяруу өлгөж ноолоход
                Арван зургаан нас минь хормойд нь зүүгдэж хоцорно
                Ижийн өргөсөн сүүн замаар шувууд зэллэж
                Ирэх цагийн өнгөнд хувилж нуугдсаар л одно
                Өлмий гижигдсэн нутгийн минь чулууд жиндүүлж
                Өнчин цагаан нуур сарны гэрэлд мэлмэрнэ
                Сэрчигнэх модод навчсаа үдэн уйлалдахуй
                Зүрхэнд тогтолгүй урссан хөнгөн гуниг тэр л намрынх
                Сэтгэлд шургасан халуухан үгнээс иччихээд
                Зүсэнд ч хорогдолгүй зугтсан хийтэй санаашрал тэр л амрынх
                Аяа, арван зургаан насны минь намар
                Аргадмаар, сөгдмөөр зөөлхөн байсан даа

( Сэтгэгдэл [] | Шүлэг | Оноо: 0/0 | Мөнхцэцэг Г )

Шүлэг: Г.Мөнхцэцэг ： Гунигтай бадаг
Оруулсан admin on 2007-04-10 01:06:00 (7751 уншсан)

Нуурын шувууд ганганавч намар буцсангүй
Бууриа тамгалж, цас ханзарсан ч хавар харьсангүй
Үүлэн жихүүцээд, шүүдэр жиндсэн ч зун зугтсангүй
Үндсээ далдалж, модод нүцгэрсэн ч өвөл өнжсөнгүй ээ
Хөл тавьсан газрын мөр бүхэн салхи хундагалж
Хөлчүү саран дүүрэн хоносон ч сүүдэр бүдэрсээн тэр л үдэш

( Дэлгэрэнгүй... | Сэтгэгдэл [] | Шүлэг | Оноо: 4/1 | Мөнхцэцэг Г )

Шүлэг: Г.Мөнхцэцэг ： Хулгайллаа шүү, би чамайг
Оруулсан admin on 2007-04-10 01:05:00 (9929 уншсан)

Хайрласан бүсгүйгээс чинь
Хацрыг чинь хулгайллаа
Хаашаа ч явахгүй шүү, чи
Ханцуйгаараа норгож арчлаа
Үс гэзгээр чинь оролдож
Үймүүлж хааяа тоглоё юу гэсийм
Хайртай гэж чихэндээ шивнүүлж
Худлаа жаахан хэлүүл юү гэсийм
Учирсан бүсгүйгээс чинь
Уруулыг чинь хулгайллаа, би

( Дэлгэрэнгүй... | Сэтгэгдэл [] | Шүлэг | Оноо: 43/9 | Мөнхцэцэг Г )

Шүлэг: Г.Мөнхцэцэг ： Ээдсэн сүү самруулж түүх эргэнэ ...
Оруулсан admin on 2007-04-10 01:02:00 (4960 уншсан)

Ээдсэн сүү самруулж түүх эргэнэ
Эр үхэр саах гэж хүмүүс зовно
Элгэн тараг бүрэх гэж цаг хугацаа үүрэглэнэ
Эхлэл, төгсгөлөө олох гэж нийгэм уйлна
Өөрсдөө хаяснаа нэхэж
Өрөөлийг зэмлэнэ
Өрөөлийг харан байж
Өөрсдийгөө буруутгана
Бусдыг хуулан томсон дээсээ
Буцааж тайлах гэж биеэ зовооно
Булингартсан салхийг үнэнээр шүүж
Буян, нүглийн дэнсэнд хүмүүс л үлдэнэ
Он цаг урсан өнгөрөхдөө
Онож, алдахын заяаг нөхөж үргэлжилнэ
Өөрийгөө өрөөлөөр нөхөж, чулуу босгоод буцах хүмүүс
Өнгөрсөн түүхийн боол болж үлдэнэ
1990.11.02

( Сэтгэгдэл [] | Шүлэг | Оноо: 0/0 | Мөнхцэцэг Г )

Шүлэг: Г.Мөнхцэцэг ： Дагуулахдаа л дагуулна
Оруулсан admin on 2007-04-09 23:56:00 (7957 уншсан)

Асгараад чиг цутгана уу дуслаад чиг орно уу яавал чиг яаг дээ
Аясыг нь дагаад нороод л буцна
Аашлаад чиг хөөнө үү аргадаад чиг сууна уу яавал чиг яаг дээ
Амрагтаа би очихдоо л очно
Хөглөрөөд чиг унана уу хуйлраад чиг хийснэ үү яавал чиг яаг дээ
Хөл дороо нь би гишгэхдээ л гишгэнэ навчсыг
Уйлаад чиг гуйна уу дуулаад чиг явна уу яавал чиг яаг дээ
Учрахгүй байсан ч би зүүдэлж хононо амрагийг
Хатираад чиг явна уу бусгаад чиг хаяна уу яавал чиг яаг дээ
Хазаарыг нь тааруулаад унахдаа л унана хүлгийг
Харамлаад чиг нууна уу халираад чиг хөөнө үү яавал чиг яаг дээ
Хүнийх байсан ч дагуулахдаа л дагуулна амрагийг

( Сэтгэгдэл [] | Шүлэг | Оноо: 10/2 | Мөнхцэцэг Г )

Шүлэг: Г.Мөнхцэцэг : Танд
Оруулсан admin on 2007-04-09 23:52:00 (4949 уншсан)

Уйтгарт харц минь бүүдгэр гэрэлтэй
Уйлахаас өөрийг тэнд үзэхгүй
Сэмхэн бас оргох санаатай би
Сэлэмний ирээс даанч айхгүй
Цоожтой хаалганы дуу сонсдохгүй
Цоныны дэргэдээс харц минь холдохгүй
Хачин намуухан исгэрэх салхинаас
Хааны минь үнэр танил санагддаг
Холын холд жаргаж бий хааны тухай
Холхиж одох бодлууд минь дураараа
Хатнаас нь оргуулах зориг минь
Хаа ч сөгдөхгүй чөлөөтэй
Дурласан зүрхийг минь эдгээх
Далайсан илднээс эмээхгүй
Олзолсон охидын чинь сайхны дунд
Орхихоос өөр аймшигт үхэл надад үгүй ээ ....

( Сэтгэгдэл [] | Шүлэг | Оноо: 0/0 | Мөнхцэцэг Г )

Шүлэг: Г.Мөнхцэцэг ： Чамдаа
Оруулсан admin on 2007-04-09 23:50:00 (10463 уншсан)

Эрхлэхээ нууж омголон гүйсэн минь
Эрхэмсэг ихэмсэг ертөнцөд эгэлхэн төрхөөрөө
чи ирсэн
Хээрийн салхи хүртэл ноолсон ганцхан үгийг
Хэнээс ч сонсоогүй юм шиг шив шинэхэн
чи авч ирсэн

( Дэлгэрэнгүй... | Сэтгэгдэл [] | Шүлэг | Оноо: 15/3 | Мөнхцэцэг Г )

Шүлэг: Г.Мөнхцэцэг ： Амтад зүүд буюу миний ард түмэн
Оруулсан admin on 2007-04-09 23:49:00 (6518 уншсан)

Сэр дээ сэр гэж том наран
Сэтэрхий уулс давж манддаг
Сэхэх мөхөхийн зайг дүүргэх гэж дэлхий эргэдэг ч
Сэлүүхэн чөлөөг нь дарж бага түмэн ард өсдөг өө
Хожимдсон тоглоомоосоо хасагдчихсан юм шиг
Хорвоод цөөхөн цөөхөн миний ард түмэн
Хормойдож дагасан үр удаан хөлд ордог гэм
Нойтон өлгийгөөсөө одоо нэг сал даа миний ард түмэн

( Дэлгэрэнгүй... | Сэтгэгдэл [] | Шүлэг | Оноо: 5/1 | Мөнхцэцэг Г )

Шүлэг: Г.Мөнхцэцэг : Янжинлхам бурханд мөргөж гуйх шүлэг
Оруулсан admin on 2007-04-06 06:58:00 (6553 уншсан)

Энгэрийн чинь дууг сонсож
Эвэршиж хатсан сэтгэлээ хөглөж
Эгшиглэнт эх таны өлмийн салхийг үргээж
Эрхэлж гуйх нэгэн шүлэг өргөмүү:
Гэрийн үүдийг угаах гэж эм амьтан бүхэн сүүтэй төрдөг юм гэнэ
Эгшиг дуу алдуулж ятга юугаа тоглож
Энгэр ялдам Янжинлхам тэнгэрээс хааяа бууж ирдэг юм гэнэ
Үгээ барж хэлье , үнэнээ дэлгэж хэлье

( Дэлгэрэнгүй... | Сэтгэгдэл [] | Шүлэг | Оноо: 0/0 | Мөнхцэцэг Г )

Шүлэг: Г. Мөнхцэцэг : Тэнгэр газар хоёр бие биенээ цоо ширтэж ...
Оруулсан admin on 2007-01-09 03:01:00 (5360 уншсан)

…Тэнгэр газар хоёр бие биенээ цоо ширтэж
Тэсгэл алдахдаа манан унаган уулздаг
Өдөржин нээсэн зовхио амраахын төдийхөнд ч харамлахдаа
Өөрөөсөө бусдад тэнгэр сүүдэр дагуулж харддаг даа

Дээшээ ургадаг биш дотогшоо ургадаг бүхэн бие биенээ барааддаг
Дэндүү их хайрыг дааж ядахдаа дэлхий эргэдэг
Цэврүү эсгэгдэх шиг нулимс ивлээд явчихдаг
Цээжинд минь иссэн чамд хайртай болж дээ би

( Сэтгэгдэл [] | Шүлэг | Оноо: 0/0 | Мөнхцэцэг Г )

Шүлэг: Г.Мөнхцэцэг : Чамаас олсон эх орон минь
Оруулсан admin on 2005-03-21 21:15:00 (9746 уншсан)

Өөрийгөө би чамаас олсон
Өлгий болоод живх, өндөр өндөр уулс чинь байсан
Өндөр босгыг чинь алхах гэж
Өт болоод хорхой аль алиныг нь дамжсан
Унах газраа олохгүй тэнэсэн намайг
Уйлахаар минь таних гэж тоссон эх орон минь ээ
Ижийгээ би чамаас олсон

( Дэлгэрэнгүй... | Сэтгэгдэл [] | Шүлэг | Оноо: 0/0 | Мөнхцэцэг Г )

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 173 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Должин : 2007 оны аялал
mongolia2007year-272.JPG
Хэмжээс: 600x450 75k
Сэтгэгдэл: 0
Үзсэн: 3905

зотон тос 80х100 см
Аадар
Хэмжээс: 600x473 42k
Сэтгэгдэл: 0
Үзсэн: 5461

B2-013.JPG
Хэмжээс: 600x450 54k
Сэтгэгдэл: 0
Үзсэн: 4685

Агуулга

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2025 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn