BIIRBEH.MN by Bataka

Шүлэг: Гуниг хурсан бороо...
Оруулсан admin on 2010-09-20 12:22:46 (4250 уншсан)

Миний дээрээс гуниг хурах бороо асгарна...

Магадгүй би хэн ч биш байх...

Намайг бороо нэвт нэвтлэн гарна...

Би хий үзэгдэл гэж үү???

Итгэл...

Хайр...

Үгүй ээ.......

Энэ бүхэн биш...

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: С.Энхжин : Цаг болгон өөрөөсөө өөр хүн байх гэж
Оруулсан admin on 2010-09-20 12:21:42 (2762 уншсан)

Цаг болгон өөрөөсөө өөр хүн байх гэж өдөржин тэмцэдэг
Цалигсан нулимс гомдлынхоо үгийг нууж инээдэг
Уйлаад гүймээр цөхрөөд суумаар тэр л үедээ
Ургашгүй хайр удаан зовоохгүй ээ гэж бардамхан инээдэг

Амьдралд хамаагүй сэтгэлийн шанлалаар зовдон хийхгүй гэж
Амьсгаа ч авагдахгүй давчидаж алхалсаар амь тавих нь
Азгүй дурлал намайг гундаахгүй цаг эмчилнэ гэсээр
Ангирхан зүрх минь уйлчиж ч чадахгүй мөнх нойрсох нь

Нулимс барсан дурлалын шаналалд дургүйг хэлэх үү
Нүдэнд үзэгдэх дурсамж бүхэн хорсол буцалгана
Хорслоо гээд мартаж болдоггүй хяслант хайр минь
Хонгор зүрхэнд хорогдоод хэрэггүй ээ яваад өгөөч

С.ЭНХЖИН

( Сэтгэгдэл [] | Шүлэг | Оноо: 0/0 | Шүлэг )

Шүлэг: П.Дэлгэржаргал : Амин зүрхний эрдэнэ минь дээ
Оруулсан admin on 2010-09-15 10:23:15 (4053 уншсан)

Үрээ тэврэхийг түмэнтээ хүсэвч
Өр минь өмрөөд хөл урагш алхахгүй нь
Үйлийн үргүй үрдээ би хайртай ч
Өөр замаар замнасан хайрын жимийг яалтай

Гэрэлт наран инээх шиг
Гэмгүйхэн үрийнхээ дууг нэг сонсохсон
Гэгээн саран мишээх шиг
Ганцхан үрийнхээ л хайрыг би үгүйлнэм

Сайн явааг чинь мэдэж байгаа ч
Сарвайхад нь өндөрт өөд нь би өргөж чадахгүй шүү дээ
Сэтгэлээр өөдрөг байгааг чинь сонссон хэдий ч
Сэмхэн зүрхэндээ уйлдаг гэж зүрх минь надад шивнэсээн

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: С.Энхжин : Амьд зүрх хоосон бие
Оруулсан admin on 2010-09-14 15:55:13 (3585 уншсан)

Сэтгэл эзгүй
Чиний тухай бодол эзгүй
Чамайг гэсэн хүсэл эзгүй
Зүрх эзгүй
Чинийх гэсэн гуниг эзгүй
Чиний төлөөх шанлал эзгүй
Ингээд бас хайр эзгүй
Хайрын зоволт зүрх эзгүй
Халуу шатсан үнсэлт эзгүй
Би эзгүй надад юу ч алга

Надад жаргал алга
Надаас ундардаг бясал алга

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: Сүүлчийн
Оруулсан admin on 2010-09-14 15:43:52 (3627 уншсан)

Миний ганцаардсан цаг хугацаа
Магадгүй нар мандаагүй өдрүүд,сар гэрэлтээгүй үдшүүд...
Энд би ганцаар
Эргэцүүлэл намайг нөмөрсөөөр
Эргэж харах бүрт хэн ч үгүй өнгөрсөн амьдралд минь
Хайр үгүй ,магадгүй еэ ирээдүйд ч оршихгүй мэт ээ.
Борооотой шөнөөр л би уйлдаг юм шиг
Нартай өглөө л би инээдэг юм шиг
Нулимс бас инээмсэглэл яг энэ гээд заачих юмгүй шив дээ.
Аяа нүд цавчихтай л адил энэ ахархан амьдралдаа
Ардаа үлдээх түүхгүй юм даа...

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: П.Дэлгэржаргал : Итгэ чи минь бас дахин итгэ
Оруулсан admin on 2010-09-14 15:41:17 (3186 уншсан)

Чамайг боддогт итгэ
Чамайг хайрладагт итгэ
Чамайг харамладагт итгэ
Чамайг үгүйлдэгт итгэ

Итгэхэд бэрх хэдий ч
Итгэ чи минь бас дахин итгэ
Итгэхэд хүнд байсан ч
Итгэх ёстой шүү би чамдаа хайртай

Өглөө бүхэн наран манддаг шиг итгээрэй
Үдэш бүхэн одод чуулдаг шиг итгээрэй
Өнгөт орчлон хайраар дүүрэнд итгэ
Өөрийн чинь Бурхан ижий чинь гэдэгт итгээрэй

Зүгээр л чи өөртөө итгэ
Зүгээр л чи хувь заяандаа л итгэ
Зөндөө олон удаа амьдралд сөхөрсөн ч бай хамаагүй
Зөрөөд чамд орчлон бүхнээ өгөх л болно итгээрэй

Чамайг боддогт итгэ
Чамайг хайрладагт итгэ
Чамайг харамладагт итгэ
Чамайг үгүйлдэгт итгэ

Итгэхэд бэрх хэдий ч
Итгэ чи минь бас дахин итгэ
Итгэхэд хүнд байсан ч
Итгэх ёстой шүү би чамдаа хайртай

( Сэтгэгдэл [] | Шүлэг | Оноо: 0/0 | Шүлэг )

Шүлэг: Х.Баярмаа : БИ
Оруулсан admin on 2010-09-14 15:35:37 (2997 уншсан)

Суусар мөнгөн салхийг дагаж хийсээд байхаар нь

Сул хархан гэзгээ шууж явдаг болсон

Сульдаа хүрэн зүрхээ дагуулж тэнээд байхаар нь

Суль хөнгөн сэтгэлээ хорьж явдаг болсон

Эрвээхэй цэнхэр зангианд атаархаж хоноод байхаар нь

Эрх гэнэн аашаа өрөвдөж суудаг болсон

Эхийн сүүний үнэрээр сар шургаад байхаар нь

Энгэрийн гурван товчоо бүтэн товчилдог болсон

Үрэл бурмын амтыг голж муулаад байхаар нь

Үлэмж цатгалан хүслээ тоож анзаархаа болисон

Үрдээ яарсан алхаанд цэцэг шархлаад байхаар нь

Үйлийн цагаан тоосоо эргэж харахаа болисон.

( Сэтгэгдэл [] | Шүлэг | Оноо: 0/0 | Шүлэг )

Шүлэг: Ц.Жамбалгарав : Баянтүмэний модон гүүр
Оруулсан admin on 2010-09-14 15:34:00 (3254 уншсан)

Баянтүмэний модон гүүр
Цав цагаахан модон гүүр
Гэрэл гэгээ болсон хотын захад оршдог
Цаг хугацаанд мартагдсан өвгөн манаач
Цав цагаахан модон гүүрийн
Хашлага налан сууж өнждөг.
Залуус инээлдэн үнсэлдэн алхацгаах
Хуучин модон гүүр
Зай завсраар нь ус мэлтэгнэн харагдах
Ёолж чихарсан модон гүүр
Учрал, хагацал, урвалтын тухай
Хуучлах модон гүүр
Урагш чамайг цөөн ч гэсэн алхуулах
Зовлонт модон гүүр
Өөрийгөө тоож бурханд өргүй явахын тулд
Өвгөн манаачид зуун төгрөг сарвай.
Өтөл модон гүүр нурж унахад
Чи нэгэнт нөгөө эрэгт гарсан байна.

( Сэтгэгдэл [] | Шүлэг | Оноо: 0/0 | Шүлэг )

Шүлэг: Х.Баярмаа : Нэргүи цэнхэр чулуу
Оруулсан admin on 2010-09-14 15:29:30 (2776 уншсан)

Нандин дууны бадаг бүсгүин хоолойнд амилж

Нарны Алтан хараацай тооно шүргээд буцна .

Нандин цэнхэр цэцэг бүсгүйн дүрд амилж

Намба төгөлдөр суудалтай бадамлянхуа дэлгэрнэ.

Яруу гэгээн хүсэл бүсгүйн зүрхэнд амилж

Ялгуун сарны гэгээ зүүд эргээд буцна.

Яруу нэгэн цэцэг бүсгүин хайранд амилж

Яв ягаахан гэрэлтэй сарнайн бут дэлгэрнэ.

Нэргүи цэгээн эс бүсгүйн хэвлиид амилж

Нэгэн увдист хүмүүн ертөнц сонирхоод буцна.

Нэргүи цэнхэр чулуу бүсгүйн хүзүүнд амилж

Нил ягаан туяатай индэрнал эрдэнэ гэрэлтэнэ.

( Сэтгэгдэл [] | Шүлэг | Оноо: 10/2 | Шүлэг )

Шүлэг: С.ЭНХЖИН : Иргэж бүү ир
Оруулсан admin on 2010-09-11 18:31:02 (3004 уншсан)

Сэрүү татсан сэтгэлрүү минь
Сайхан хайр чи бүү орж ир
Миний үүдээр орох нь бүүхийл
Манай хаалгийг битгий тогш

Зэврүүн сэтгэлийн өнчин цасанд
Замын туршид жиндсээр даарна
Хагацал нулимсаар хялах цасанд
Хамаг сэтгэл чинь гундсаар хөлдөнө

Хайр чамаас амссан шанлал
Халуун зүрхийг минь цасаар хучсан
Хайлган гэнэн үнэнч сэтгэл минь
Хайлдаггүй мөсөөр бүрхэгдээд үлдсэн

Хүсэж мөрөөддөг байсан энэ л бүхнийг
Хуурамч хайр чи нэгэнт үгүйсгээд одсон
Итгэл үнэн догдлол гэж байхгүй болохоор
Ирээдүйд ч одоо ч иргэж бүү ир

С.ЭНХЖИН

( Сэтгэгдэл [] | Шүлэг | Оноо: 0/0 | Шүлэг )

Шүлэг: Үрдээ үлдээх шүлэг
Оруулсан admin on 2010-09-09 17:10:25 (4559 уншсан)

Уулсын зулай үрийн минь тэргүүн шиг санагдаж
Урт холын аянд аав нь амьдралын жолоогоо сунгасан
Өндөр хөх үүлсийн хормойг баяр шигээ хундагалж
Өргөн их орчлонгийн дундуур аав нь алхаж явна
Буруу бүхний өөдөөс эрслэн босох сэтгэлтэй байж
Буурал хөх уулсаа зүрхэндээ тахиж яваарай
Эх орныхоо төлөө шаналах зоригтой байж
Эцэг тэнгэрийн доор эх орноо өмгөөлж яваарай
Ус чулууд чинь чамайг төрөхөд сая нэг амарч
Учрал дуудсан хавар цаг чамайг эх барьсан юм шүү үр минь
Салхины шивнээ үрийн минь дуу шиг сонсогдож
Сар жилүүдийн нөмөрт аав нь чамайг хүлээж өнжсөн
Цас ханзартал өндийсөн цэцэгсийн нойрмог дэлбээнд
“Хүүтэй болсон” гэж хэлээд тэнгэр алдалж зогссон
Учрал дуудсан харц болгон үнэн байдаггүй учир
Уудам холыг харж гэгээн яваарай үр минь
Нутгийнхаа чулуудын нүүхийг ажин
Нөмгөн бодолтой хүнээс эзэн нь юм шиг харамлаж өсөөрэй үр минь
Уул шиг мөнхөд нөмөр болж чадахгүй учир аав нь
Урт холын аянаасаа ирэхгүй байж ч мэднэ шүү
Эх орноо л гэсэн нар зөв сэтгэлтэй эр болоорой
Үр минь
2010.09.07.

( Сэтгэгдэл [] | Шүлэг | Оноо: 0/0 | Шүлэг )

Шүлэг: Х.Хэннэгэн : Сэтгэлийн хүслэн
Оруулсан admin on 2010-09-09 17:10:02 (3537 уншсан)

Дүүрэн дүүрэн нартай хорвоод өнгөтэй яваа бүсгүй минь
Дөрөө харшуулсан монгол хийморьтой яваа хайр минь
Торгоны хээнд өнгө чинь дарагдахгүй ээ
Тормон тормон нүдэнд чинь гуниг унахгүй ээ
Харцны минь үзүүрт л зүс чинь улам тодрохыг харахсан
Хайрлах хүсэл минь энүүхэндээ л дэврэхийг хүлээхсэн
Үйл үйлийн цагаан тойрог шиг чамайг л эргэж
Үнсэлт илгээгээд буцахдаа чамдаа л хоргодохыг хүсэх юм

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: Эх орон
Оруулсан admin on 2010-09-09 17:09:05 (2949 уншсан)

Нуруун дээр минь нар мандаж
Элгэн нутаг шаналахын зовлон тээж байна
Нууцхан эмзэглэл тархиар нэг хэсүүчилж
Энгэр дээр минь адуун сүрэг хуйларч байна
Эмзэглэл бүхнээрээ чөдөр зангидаж
Эх орноо би бүтэн үлдээх гэсэн юм
Уул усаа гэсээр газар цавчихад чинь
Эх орон хөндүүр тээсэн нүдээ нээж байна
Шинэ ертөнцийн харанхуй дундуур
Үүлэн хөшиг замхартал нутагтаа тэмцэж байна
Гол усаа үнэрлэхэд гомдол үнэртэнэ
Газрын өвс ногооноос гуниг амтагдана
Хүлэг үүрсэх сэтгэлийн минь буйд аглагт
Хөндүүр сэтгэлийн эх орон оршдог юм
Цахлай шувуудын даль жигүүр цуцаж
Цусан туурайтай хүлэг морьд минь
Цаанаа гунигтай тэнгэр зүсэн одоход
Төрийн толгой дээрх төмөр хүмүүс
Төрсөн нутгаа худалдан инээд алдаж байна аа
Хүлэг морин хатирч ирэх нутаггүй
Хөндий цээж эх орон үлдэх нь ээ
Гашуун цагийн гэрч болсон биднийг
Газар, шороо, хүлэг орон өршөө
Мөнх тэнгэрийн доор дураар үүрсэх нутаггүй болгосон
Монгол төрийн ноёдыг ган туурайгаараа гишгээд өнгөрөө
2010.04.14

( Сэтгэгдэл [] | Шүлэг | Оноо: 0/0 | Шүлэг )

Шүлэг: Х.Хэннэгэн : Хүний ханьд дурлаж болохгүй
Оруулсан admin on 2010-09-09 16:10:38 (3699 уншсан)

Сормуус алаг нүдэнд чинь согтох нь
Согоо шиг гоо биенд дурлах нь
Сүүн мэлмий харцанд чинь уусах нь
Сөгдөж гуйгаад хайрлана гэж амлах нь

Бодсоор яваад шаналах нь
Болдогсон бол гүйгээд очих нь
Сэтгэлд минь үүрлэх нь
Сэрж чадахгүй зүүдлэх нь

Ханьтай гэдгийг нь мэдсэн ч хайрлах нь
Харж явсаар солиорох нь
Дурлалд сөгдөж гуйх нь
Дураараа байж чадахгүй шаналах нь

Уулзана хэмээн бодох нь
Учирнаа гэж өөртөө амлах нь
Нэг л удаа гэж өөрийгөө зөвтгөх нь
Нээрээ би ингэж болохгүй гэж буруутгах нь

Хөөрхөн үрийг нь өнчрүүлэх нь
Хүний ханийг салгах нь
Дааж давшгүй алдаа хийлгэх нь
Дандаа шаналж явах зовлонд унагах нь

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: С.Энхжин : Төсөөлчихье
Оруулсан admin on 2010-09-09 16:06:47 (3343 уншсан)

Хэн нэгэнд татагдсан хэсэгхэн хөөрлөө хайр гэе
Хамт хальт ярилцахаа хүссэн сэтгэлийн догдлол гэе
Энэ бүх хошигнолыг үүрд мөнхийн жаргал гээд
Эргэх энэ хорвогийн эцэсгүй ариун амьдрал гэе

Үнэтэй энэ амьдарлын ховор нандан жаргал
Өдөр болгон тохиолддог түрхэн зуурын баясал болог
Үргэлж ирээд байдаггүй гэнэн хонгор хайр нь
Өнөөдөр надруу хандрах цадиггүй залуусын сэтгэл болог

Ингээд л бүх зовлонгоос ангижирчихъя
Эрэхгүй зовоогоод байгаа ганцаардал гэдгийг мартчихъя
Ингээд л эрж олдохгүй байсан үнэнч дурлалтайгаа учирчихъя
Илүү зүйлийг хүсэлгүй энэ биеээ амраачихъя

С.ЭНХЖИН

( Сэтгэгдэл [] | Шүлэг | Оноо: 0/0 | Шүлэг )

Шүлэг: П.Дэлгэржаргал : Хүү нь удахгүй очноо
Оруулсан admin on 2010-09-06 21:08:37 (4059 уншсан)

Бэлийн чулуу бяц атган өндөрлөг өөд өгсөж байна

Бие сэтгэл минь саруулжин ухаажихыг юутай их хүснэм бэ

Өндрийн өндөрт өргөсөн өргөл минь тэрээр

Өөрийг минь төлөөлөх тэнгэрийн тулгатай хүйн холбоотой

Алсаас хүрэнтэх уул толгод минь

Орхисон шагай шиг сэтгэлд минь богтлоотой ч

Амин зүрхээ даран даран нутгийн тэнгэрээ санагалзахуйд

Орчлонд ганцхан одот тэнгэр нь зүрхэнд минь мэлмэрнээ

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: Д.Нямсүрэн : Алтан навчис намар шууран исгэрэлдэхүйд
Оруулсан admin on 2010-09-06 21:06:59 (3905 уншсан)

Оруулсан Н.Мөнхсайхан

Их Д.Нямсүрэн найрагчийн гар бичмэлээс нэгэн нэргүй шүлэг олсноо эа бүхэнд сонордуулмуй.

Алтан навчис намар шууран исгэрэлдэхүйд
Анзааралгүй дэргэдүүр нь хүмүүс өнгөрөхийн адил
Алтан навчсанд орон исгэрээд
Алга болмуй би
Нойрмог галуу гунганах үүрээр
Ногоон өвсний зүүдэн дундуур
Сарны гэгээ бүсгүй хүн шиг явахад
Салхи болж дагамуй би
Аянга цохих тэнгэрийн хаяанд
Аадрын өмнөх байдал дор
Аяархан дохих цэцгэнд шилжээд
Алга болмуй би

( Дэлгэрэнгүй... | Сэтгэгдэл [] | Шүлэг | Оноо: 0/0 | Шүлэг )

Шүлэг: Үүрд минийх байгаач
Оруулсан admin on 2010-09-03 10:56:00 (3501 уншсан)

Яг л энэ намрын өдрүүд шиг урт удаанаар чамайг хайрлахсан
Яг л энэ газарт гээгдсэн навчис шиг гомдололгүй чамайг хайрлахсан
Яг надаас явсан хаврын зэвэргэн өдрүүдийг үүрд мартаж хайрлахсан
Яг одоо дахиад л чамд шинээр галзуурталаа дурлаж хайрлахсан

Горхи юмсан бол хүчээ түрэн урсаж их мөрөнд нийлэн чам руу урсахсан
Гал юмсан бол цучил болгонд дүрэлзэн асаж зүрхэнд чинь асахсан
Нулимс юмсан бол энгэрийг чинь нэвчтэл уйлж сэтгэлийг чинь хайлуулахсан
Нуур юмсан бол хун шувуудад үгээн дайж хайртай гэж чамд хэлүүлэхсэн

Үлгэр саатуулж цагийг урагшуулан чамайг дэргэдээ байлгахсан
Үдшийн сарны болзоог зүүдэндээ уяж орой бүрийн сарнаар чамайг болзохсон
Үүлэн чөлөөний нарыг нүдэндээ хадгалаад нар шиг чинийхээ дэргэд инээхсэн
Үнэгэн харанхуйг үүрд дэргэдээ байлгаад өдөн хөнжилд чамтайгаа жаргахсан

Харин маргааш өглөө бүү болоосой
Хагацашгүй зүүд минь үнэн байгаасай
Үүрд чи минийх байгаасай
Үлгэр жаргаж чи надаас бүү яваасай

( Сэтгэгдэл [] | Шүлэг | Оноо: 0/0 | Шүлэг )

Шүлэг: Цагаан толгой
Оруулсан admin on 2010-09-02 18:02:00 (9797 уншсан)

Бөөр бөөрөө нийлүүсэн бид найзууд
Бүгдийг минь нийлүүлээд цагаан толгой гэдэг
Үг бүтээдэг ажилтай бид
Өгүүлбэр хэлхэх дуртай бид

Ганцаараа байхад биднийг үсэг гэдэг
Гар гараасаа хөтлөхөөр үг гэдэг
Олуулаа нийлэхээр биднийг өгүүлбэр гэдэг
Оюун ухаанд нэвтрэх толь гэдэг

“А”үсэг бидний урд үргэлж явдаг
Ард нь “б” үсэг явдаг
Араас нь дагаад бид явдаг
Адаг сүүлд нь “я” үсэг явдаг

Хамтад нь биднийг цагаан толгой гэдэг
Харин ганцаараа байвал үсэг гэдэг
Хэдүүлээ нийлвэл биднийг үг гэдэг
Хэзээд бид бүхний эхэнд явдаг

( Сэтгэгдэл [] | Шүлэг | Оноо: 0/0 | Шүлэг )

Шүлэг: Завсаргүй
Оруулсан admin on 2010-08-25 10:20:46 (2772 уншсан)

Гэрэл гэгээ бүдгэрэх хотын захын гудамжаар
Гэнэ алдахгүй сэрэмжлэн гүйн, зогсон, гүйнэ
Гэтэн отох гэмт хэрэгтнийн үйлдээчийн төвөөс нүдэнд зонхилох
Гэрийн минь бараа сэтгэл хөдөлгөвч болгоомж алдах учиргүй
Хотын төвөөс зайдуухан гарсны дараа...
Хотын захын амьдрал гэж
Хог шороондоо дарагдахаас
Хортон дайсан, хог новш, хүн хог нь ихэдчихсэн
Хорвоогийн бузар булай дэлгэрчихсэн...
Хоосорч дампуурсан харанхуй хар гудмаар
Холхиж яваа судасны гүйдэл
Ховхилд чимээгүйхэн алхана
Чимээгүйхэн, аядуухан...

( Сэтгэгдэл [] | Шүлэг | Оноо: 0/0 | Шүлэг )

« өмнөх 1 2...11 12 13 14 15 16 17 18 192021 22 23 24 25 26 27 28 29...90 91 дараах »

Санал асуулга

Та онлайн номын дэлгүүрээр хэр их үйлчлүүлэх вэ ?
	Байнга
	Нилээд
	Хааяа
	Цөөн
	Үгүй

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 423 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Ц.Батболд Зотон, тос 80x96
Гэр бүл
Хэмжээс: 472x600 139k
Сэтгэгдэл: 0
Үзсэн: 5304

khuv5-009.JPG
Хэмжээс: 600x450 110k
Сэтгэгдэл: 0
Үзсэн: 4341

Тэрэлж
trlj-010.JPG
Хэмжээс: 600x450 127k
Сэтгэгдэл: 0
Үзсэн: 3337

Агуулга

Бямба, 2016.07.16
·	Б.Улаанхүү : Дэлгэр мөрний дэнжийн хул
Бямба, 2016.04.02
·	Б.Улаанхүү : БИ АЗТАЙ ОДТОЙ МОНГОЛ ХҮН
·	ХӨЛӨНДӨӨ САЛХИТАЙ ХҮНГИЙН ХҮРЭН
·	Б.Улаанхүү : ЗАВХАН ГОЛЫН УНАГАНУУД ЗАРД ГАРСАН ХҮЛЭГҮҮД
Мягмар, 2015.10.20
·	Б.Батцэцэг : Ижий шүтээндээ
Лхагва, 2015.06.24
·	Б.Батцэцэг : ДУЛААХАН ДАА ДУЛААХАН
Ням, 2015.04.19
·	Б.Улаанхүү : АЛДУУЛ ХҮЛЭГ МОРЬ МИНЬ ЧИ
Лхагва, 2015.03.18
·	Б.Батцэцэг : Шантрахгүй зүрх
Бямба, 2014.11.29
·	Б.Улаанхүү : Хүрэл амгаа хажигнаж уяаны хэц савлахад
Даваа, 2014.09.22
·	Азтай охин
Лхагва, 2014.08.13
·	Ээжийнхээ цайг би чанаж байна
·	Б Эрдэнэцог : Ээжийнхээ цайг би чанаж байна
·	Б Эрдэнэцог : Мандал хайрхан
Бямба, 2014.02.22
·	Дамбын Ганболд : Сэтгэл юугаа дагаад
Мягмар, 2014.02.18
·	Дамбын Ганболд - ӨВЛИЙН ҮЗЭМЖ
Лхагва, 2014.01.22
·	Б.Улаанхүү : Хөх монгол сэрж байна
Бямба, 2013.12.14
·	Э.Заяа : Амьдрал чамаас Амьд явахыг шаардана
Ням, 2013.09.01
·	Б.Эрдэнэцог : Торгон хилийн хүндэт харуулууд
Мягмар, 2013.07.23
·	Хараал
Пүрэв, 2013.06.20
·	Ариунаа : Өнгөөр гоёх залуу насны Өөгүй нэгэн будаг нь явахдаа ...
Лхагва, 2013.05.15
·	Х.Батболд : ДУРЛАЛ
Даваа, 2013.05.13
·	Х.Батболд : Нүдэнд орсон хог
Бямба, 2013.05.11
·	Б.Улаанхүү : Дэрвэж өссөн цагаан түнгэ
Баасан, 2013.04.26
·	Д.Баттогтох : Уулс
·	Д.Баттогтох : Орчлонгийн сайхныг би мэднэ
Даваа, 2013.04.15
·	Монгол энэ нэр таньд ямар сонсогдоно вэ?
Лхагва, 2013.04.10
·	С.Бадамцэцэг : Цөн түрэх мэт
·	С.Бадамцэцэг : Бодол минь гэгээн тунгалаг
Бямба, 2013.04.06
·	Өмөгнөл
Ням, 2013.03.31
·	Ч.Амартүвшин : ээждээ
Бямба, 2013.03.30
·	Гочоогийн Бадам : Ариусалын урланд дуулахуй
·	Г.Бадам : Ирэх цаг
Пүрэв, 2013.02.14
·	Б Эрдэнэцог : Лишийн хар булаг
·	Б.Эрдэнэцог : Мандал уул
Лхагва, 2013.02.13
·	Б.Эрдэнэцог : Миний ховд
Мягмар, 2013.01.08
·	Гочоогийн Бадам : Хувилбар 2
·	Гочоогийн Бадам : Ариун уул
·	Гочоогийн Бадам : Намар дахь хязгаар
Ням, 2012.12.23
·	4 мөрт
Пүрэв, 2012.12.06
·	Н.Х.Т : Нэгэн бүхэл

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2023 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn