Дэлгэсэн тэрлэг шиг монгол нутгийн Гундсан шаргал сэжүүрээн Хошуулдсан хоргой шиг гучин гурван говийн Худаг бараадсан өвгөдөөн Мартахын учиргүйд өрөвдөхдеө Шүлэг бичиж сууна
Яасан, гуниглаад л байна уу чи Наашаа суу Сэтгэл эмзэглэн гуниж явах үедээ хүн Сэргэлэн золбоотой бай гэж өөртөө хэлж чаддаггүй юм Ийм цагт сайн хүн олон л доо Инээхээ мартсан юм шиг царайдаа хайр өвөрлөсөн хүн зөндөөн л дөө
Орчлонгийн дутуу гэдэг ганцхан юманд л байх юм даа Аавдаа би эрхэлдэг байсан Аавдаа би эрхлэхдээ Алтан гадасны од аргамжааг буулгаж Зээрийн шагайгаа холбоё гэж Аадрын сүүлчийн солонго барьж Шилбүүрийн үзүүртээ уяя гэж Үлгэр дуустал үүр цайлгахгүй гэж Өлөн шүүдрийг өдөр өнжөөе гэж Эрхэлдэг байсан элдэвлэдэг байсан Ээждээ би эрхэлдэг байсан
Хөх Азийн цээжин дээр ирж буцахын учирХүмүүүний алтан заяа энд байхын учирТуурайн тамгатай хөрсөн дээрУнагатай хамт тэнцэж хөлд орохын учирТунгалаг шандны толиогХулантай хамт булаалдаж рашаан амсахын учирБи Монголдоо мэндэлсэн
Ганцхан “Бид ялав”-тай өвгөний хүү
Шүлгээ унших гэж байна чимээгүй
Галын шугаманд эрсэдсэн цэргийн
Сүүлчийн амьсгаа сонсогдож байна чимээгүй
Тамсагийн зургадугаар дивиз оройн тоондоо жагсаж байна
Таны миний өвгөд залуугаараа одоо энхрий нутгаа дуулж байна чимээгүй
Хатан дөрөөн дээрээ бөхийж зүүн хацраа үнсүүлсэн хүү нь
Халхын голын тулалдаанаас халагдаж ээждээ ирсэнгүй
Сайхан дээл эмээл хазаар зэхээд
Саахалтаасаа бэрээ тандсан өвгөнд
Хүү чинь эрсэдсэн гэж хэлж чадаагүй ухуулагч
Хүүшлээд дайжих сүүдэр дунд ганцаараа уйлж байна чимээгүй ээ
Гадаа нартай бороо орж байна Бүүдгэр тэнгэрийн доор Надруу асгардаг Олон олон бодролоо би амьхандаа Шүлэг болгон тэмдэглэдэг юм Гэнэтхэн би яагаад ч юм өнөөдөр Өөрийнхөө бодсон бодол Гэгэлзсэн үнэнээ таньтай хуваалцмаар санагдлаа Сэтгэлээ хүмүүстэй хуваалцахад буруу юу байхав дээ Та шүлгүүдийг минь уншаад битгий шоолоорой битгий магтаарай Харин Гүрээ зөвхөн надад үнэнээ дэлгэж байна шүү гэж бодоорой Урлаж эвлүүлхэд дутуудаа хүцэл өчхөөс биш Уяр ч догдолсон бодролоо дэлгэхээс ичээд ч яах билээ дээ Гадаа нартай бороо орж байна За ингээд би таньд шүлгээ зориулая та бид хоёр Хоёулахнаа байгаа шүү!!!
Адгаад яахав дээ Амьдрал болдгоороо л болно Давшлаад яахав дээ Дандаа ийм байхгүй Арган дээр суусан шувуу тэнгэрт дахин жиргэж Алсаас сайхан сураг ирнэ Үймрээд яахав дээ Үнэн гадаа чинь ирнэ Өнгө мөнгө хоёр өөрийгөө элээхийн цагт Өөр юм хүмүүс боддог болно Зүсэрсэн бороо татарч Нороо дээл чинь эгшинэ Зуны гурван сард цэцэг дэлгэрнэ Хар дараад сэрэхэд ээж чинь хажууд байгаа юм шиг Хамаг бүхэн тайван болно Хөдөлж яваа хөсөг Зогсож байж ачаагаа чангалдаг юм Хүний ухаан заавал сайхныг бараадна Ухаан ухаанаа бараадаад Улс олон минь дэгжинэ Эв эеэ цэгцэлж Эх орон минь хөгжинө Сонсохыг хүсвэл энд дарна уу
Ээжээ та хүүдээ гомдодгүй биз дээ Хүү чинь уул өргөж таныхаа ачийг хариулах Урт холын бодлын тэнд дараатай л яваа шүү дээ Ээжээ үүрээс нойрыг чинь харамлахдаа өрхөндөө түрүүлж Үдшийн галаас хацрыг чинь өмөөрөхдөө тулгандаа урьтаж Гадаа гэртийн хооронд Гарын хариу баривал болж л байна л даа ээжээ Гэлээ ч ижий минь та Гарынхаа дэргэд гар Нүднийхээ дэргэд нүд байлгах гэж Намайг төрүүлээгүй болохоор Ухаанаасаа ухаан төрүүлсэн болохоор Урт холын бодол минь Тулганы захаас хол байдаг юм шүү ээжээ
Ээжээ та хүүдээ гомдоогүй биз Хүү чинь уул өргөж таныгаа ачийг хариулах Урт холын бодлын тэнд дараатай яваа шүү Нэг л өдөр зай чинь ханхайж Нэгний өглөө хацар эзгүйрнэ гэж Бодож чаддаггүйдээ Үрийнхээ нүдэнд их өтөлж Үлгэсэн мээмээ ширгэсэн гэж бодож чаддаггүйдээ Буянтай таныхаа ачийг би Буцах гийчний бэлгийн хариу шиг яараагүйдээ алдаж мэдэх юм aa Гэлээ ч миний намхан ижий та Хүүдээ битгий гомдоорой Хүү чинь уул өргөж таныхаа ачийг хариулах Урт холын бодлын тэнд дараатай яваа шүү
Ээжээ та хүүдээ гомдоогүй биз дээ Хайртай ээж таныгаа би мөнхийн мөнхөд хайрлая Будан суухаас нь өмнө тэнгэрээ аргадая Буурал нөмөрхөөс нь өмнө ижийгээ хайрлая aa Мөчөө тэнцүүлж өндийн хөлд орохын цагт Мөөмөнд нь байсан сүү сэтгэлд нь шингэдэг ижий минь Мөрөө цувуулж тамгалан хүн болохын цагт Сэтгэлд нь багтаагүй сүү санчиганд нь гэрэлтдэг ижий минь ээ Би боддог юм, зүүн уулын солонго нь баруунаа татсан ч яахав Зүүдлээд сэрхэд, ижий минь дэргэд минь л байвал жаргалтай гэж Би хүсдэг юм өдөр өдрийн аашинд нь уйлж дуулах минь ч яахав Өмөлзсөн хушуугаа би ижийдээ үнсүүлжил байвал жаргалтай гэж Би мөрөөддөг юм дутуутай хатуутай хорвоод нь Бүтэн жаргаагүй ч яахавдээ Дууны мөнхийн эхлэл шиг миний ижий Дэргэд минь л байвал жаргалтай гэж би залбирдаг юм Үүдэн гурван сараас нь нэг нь дутсан ч яахав дээ Үлгэрийн төгсгөл шиг миний ижий Үрдээ харагдаж байвал жаргалтай гэж
Би ижийнхээ тухай дуулж, ижийнхээ тухай шүлгэлж
Тэнгэр мэт бурхан мэт ижий таньдаа Дуун өргөлөө өргөж байна ижий минь ээ.
Зүс булаалдсан гурван сумын хүүхнүүдХэлэлцсэн юм шиг хөх торгон дээлтэй ирцгээжЗуузай харшуулсан гурван сумын морьдИжилссэн юм шиг суман дэлээрээ гайхуулжХөх торгон баадамтай хөлийн хоёр асарХэцийн цэнхэр салхинд хээгээ гээтэл дэрвэхэдЕэвэн хээтэй зодогоо зуйван болтол дугтралцахЕсөн давааны бөхчүүд наадмын цагирагт тэмцэлдлээҮйлийн үргүй хөөрхөн алтан шаргын ЦэрмааҮйтэн хуаран тэрлэгээ дурдан болтол дэврүүлэхэдХатирч саарал морьных нь газар асгасан сүүлнээсХаан бугуйвч сүлжих шиг туурайн мөр хоцорлооДэлгэр хэтийн наадам гурав хоног нижгэнэсэнДэвжээнийх нь дэнж дугуй хээтэй үлдлээМорь наргиа хоёр цуглах жамтай талбараасМонгол газар шороо минь туурай хээтэйг ухаарлааИйм сайхан Монгол наадмаа орхиж хэн чадах вэ дээНаадам гэдэг өөрийн хөг аялгуутай наадам эхлэхНаадмын их өрнөл наадам тарах ч гэсэнНадад олон янзын хөг аялгуу харагддаг юмАлчуурын торгон сэжүүр дээр салхиар хийсэн амьсгаагАйлын бүлээн бараанаас айраг ханхайх зуныгАав ижийгээ дагаад хөөрч гүйцсэн өдрүүдийгАдуу хэмээх адгуус хйиморь болдог сүрийг би наадам гэж бэлэгшээдэг юмӨвөр дүүрэн үзэмтэй наадмаар давхих сайханӨргөн сумын харчуудыг хараад нэгийн даваанд гармаар санагданаАсар тойрос хийн алхаж ээ явах хүн хүнээс наадам сонсон холихжээ явахӨлсөөгүй ч хуушуур айрагхан амс хийжӨдөржин наадмын хүрээгээ тойрох л сайхан байдаг юм дааХарин үзүүр түрүү булаалдас хийгээд наадам тарна гэхээрҮрээ дагаад хөтлөөд уяачид буцна гэхээрҮнсье гэлээ ч аз дутах тэр минь харьнаа гэхээрСумын захиргааны орой дэрэвсэн туг ганцаардах шигСул асрын хормой нэвсэгнэх ямар уйтай гээчХорогдон хорогдох гал галын хөлөөр намар эхэлжХорлоогуайн их охин хүнтэй суучихдагсанДахиад наадам болохгүй юм шиг давчуурхыг яанаШинийн хорьний өглөөнөөс зунаа хүлээж тайтгархадШингин сарны чимээнд жаргалд хорогсоод агшилхадНэмнээтэй ботгоны дэргэдээс эх нь холдохгүй юм шигНэг л яваа насаараа наадмаа хүлээж жаргах юм даа
Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.
Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.
Хатад 475x600 168k Сэтгэгдэл: 0 Үзсэн: 5804
flo-014.JPG 600x450 163k Сэтгэгдэл: 0 Үзсэн: 4799
mongolia2007year-134.JPG 600x450 86k Сэтгэгдэл: 0 Үзсэн: 4235
Нэр: Э-шуудан: Санал хүсэлт:
/www.biirbeh.mn
Twitter 
