|
|
 Роман, тууж: НОМ : Урвагсадын удам
Оруулсан Ууганбаяр on 2014-05-31 23:30:52 (5425 уншсан)
Өмнөтгөл
“Шинэ эриний түүх” Энэхүү номонд энэ гаригт Дэлхийгээс дүрвэж ирсэн хүмүүс шинэ эрин ирлээ хэмээн он цагыг тоолж эхэлсэнээс хойш бүхий л түүхийг багтаажээ. Энэхүү номын чухал хэсгүүдээс товчхон дурьдвал.
Шинэ эриний эхлэл: Хүмүүсийн амьдардаг Дэлхий 2182 онд бохирдлын дээд цэгтээ хүрж уух усгүй болсоноос амьд үлдсэн цөөхөн хүмүүс өөр гариг хайхаар шийдсэн юм. Хүн төрлөхтний эцсийн найдвар болсон 200 сая хүн хоёр жилийн турш сансрын уудмаар тэнэж гариг хайн явсаар эцэст нь Дэлхийтэй усны дусал мэт адил эл гаригийг олж дахин Дэлхийн түүхийг давтагдуулахгүй үүрд мөнх байхийг бэлгэдэн “Мөнх” гариг хэмээн нэрийдэв. Эцэст нь энд ирсэн хүмүүс тусгаар улс байхаа больж нэгэн улс, нэгэн гариг болохоор болж бүх улсийн төлөөлөгчид гарын үсэг зурцгаалаа. Эндээс бүгдийг нь захирсан нэг хаан эсвэл нэг ерөнхийлөгч гаргахийг хүмүүс хүсээгүй болохоор хорин сая хүн тутмаас нэг нэг төлөөлөгч гарган зөвлөлийг байгууллаа. Бүхий л томоохон асуудлыг зөвхөн зөвлөлүүдээр л дамжуулан шийдэхээр тогтов.
( Дэлгэрэнгүй... |
Сэтгэгдэл [] |
Роман, тууж |
Оноо: 0/0 |
Өгүүллэг )
|
|
Өгүүллэг: Мөрөөдлийн хайр
Оруулсан admin on 2013-05-14 10:29:46 (9851 уншсан)
Халиунаа шахалдаж чихэлдэн байж арай ядан автобусанд ороод цүнхээ онгойлготол түрийвч нь байхгүй байлаа. 500 төгрөгтэй байсан түрийвчээр яах гэсэн юм болдоо. Ядарсан оюутны түрийвчэнд юу л байв гэждээ гэж нүдэндээ нулимс цийлэгнүүлэн бодож зогстол кондуктор
- Алив билетээ үзүүл эсвэл мөнгөө гэж шаардан хэлэв. Халиунаа нулимсаа барьж ядан
- Эгчээ би түрийвчээ алдчихлаа
- Та нарын худлаа үгэнд хэн итгэдэг юм. Битгий өрөвдөлтэй царайлаад бай. Дараагийн буудал дээр бууна шүү гэж хаалгаруу түлхэв.
( Дэлгэрэнгүй... |
Сэтгэгдэл [] |
Өгүүллэг |
Оноо: 0/0 |
Өгүүллэг )
|
|
Өгүүллэг: Үдо Тошио : Анхны Дурлал
Оруулсан admin on 2011-08-30 03:12:18 (9226 уншсан)
Дайн дуусах дөхөж байлаа. Би 19 хүрчихсэн, Рёжүн дэхь ахлах сургуулиас гараад Даирэнд аав ээж дээрээ ирээд байлаа. Онцын хийх зүйлгүй, цэргийн зарлан ирэхийг хүлээсэн шиг өдөр хоногийг өнгөрөөж байв. Ио арал дахь хамгаалах арми бут цохигдож Окинава гол аралд америк цэргийн бааз хэдийнээ нэвтрээд Коисо засгийн газар тарчихаад байлаа. Гэхдээ миний хувьд түр зуурын амгалан үргэлжилж байв. Хотод хуайс мод цэцэглээд цагаан цэцгэн дэлбээ нь анхилуун үнэртэй. Би найз охингүй байсан даа тэр үү нэг л уйдаж цухалдаад болохгүй байв. Тийм болохоор ээжээс Чиогийн тухай сонсоод хурдхан уулзах хүсэл төрж билээ. Тухайн үед надад дурлалт бүсгүй биш юм аа гэхэд цэрэгт мордоход минь үдэж өгөх аав ээжээс өөр хэн нэгэн, ялдам нэгний дүр хүрэгтэй байв. Чиогийн тухай санаж үлдсэн юм огт байсангүй. Ээжээс дуулвал бид хоёр бага сургуульд орон ортлоо хоёр гэр хөрш байсных дандаа цуг тоглодог байсан гэх. Чио их сэргэлэн цовоо, цугтаа тэмээлзгэнэ барихаар явахдаа тороо дээр өргөөд эргүүлэн гүйхэд нь би араас нь сагс барьсаар дагаад гүйдэг байсан гэнэ. Гэхдээ бид хоёрыг дунд сургуульд орох үеэр манайх өөр тийшээ нүүж, цуг тоглож чадахаа болиод яваандаа аав ээжүүд ч тэгтлээ уулзалдаад байж чадахгүй болжээ.
( Дэлгэрэнгүй... |
Сэтгэгдэл [] |
Өгүүллэг |
Оноо: 0/0 |
Өгүүллэг )
|
|
Өгүүллэг: Л.Төрбурам : Шөнийн аялал
Оруулсан admin on 2011-08-23 00:37:48 (6659 уншсан)
Газар дэлхийд шөнийн харанхуй бууж, сар ч үгүй харанхуй шөнө болжээ. Хатуу хучилттай машин зам дээгүүр нэгэн гэрэл хурдлан хөдлөхийг холоос харж болох ба тэр гэрэл нь замаар хурдлан давхих машиний гэрэл ажээ. Эргэн тойронд юу ч үзэгдэхгүй агаад зөвхөн гэрэл тусах урд зам, гүн харанхуйгаас өөрийг олж эс үзнэ. Машин дотор гурван хүн явах бөгөөд жолооч нь хорь орчим насны эмэгтэй байх аж. Тэрээр тайрмал үстэй, нүдний шилтэй ба шөнийн харанхуйд жолоо барьж яваа учир ихэд ядарсан шинжтэй нүд нь анилдана. Түүний хажууд шляпан малгайтай өндөр туранхай залуу эрүүгээ илэн урд замаа жолооч адил ширтэн сууна. Харин хойд талын суудалд өдөржин унтаж ханаад саяхан босч ирээд байгаа хурдан хөдөлгөөнтэй нэгэн залуу ийш тийш ширтэнгээ олон үг ярьж, байн байн урд суудал руу орж ирэх шахан толгойгоо чихэж янз бүрийн үг яриа өдөж явах ажээ. Түүний үг ярианд нойрмоглон явах жолооч сэргэж түүнээс дутхааргүй элдвийг ярьж эхэллээ. Замын хажууд ярайн харагдах мод, хад чулуунууд нэг л эвгүй агаад, цаанаа л нэг амьгүй гэж бодоход амьтай ч юм шиг санагдан дотор хүйт оргиулам үзэгдэнэ. Зарим нь бүр хүн амьтны дүрстэй ч юм шиг, тэгээд тэр нь хөдлөөд ч байх шиг. Тэдний дунд ямар нэгэн амьтан нуугдаад хараад ч байх шиг. Гэвч шөнө гэдэг үл мэдэг нууцлаг агаад өөрийн гэсэн айдсыг үргэлж бэлдэж байгаа мэт далд битүүлэг мөн чимээ анир үгүй нь сонин юм шүү.
( Дэлгэрэнгүй... |
Сэтгэгдэл [] |
Өгүүллэг |
Оноо: 5/1 |
Өгүүллэг )
|
|
Өгүүллэг: Эхийн сэтгэл
Оруулсан admin on 2011-08-17 22:02:38 (7633 уншсан)
Эрт цагт хоёр омог аймаг амьдардаг байжээ. Нэг омог нь өндөр уулын оройд, нөгөө нь тэгш талд суурынина. Нэг удаа өндөр уулын омог тэгш талын омгийг эзлэн түрэмгийлж, нэгэн гэр бүлийн бяцхан хүүг тахихаар авч одлоо.
Тэгш талын омог аймгийнхан ууланд хэрхэн авирахыг мэддэггүй байжээ. Тэд уулын хүмүүсийн явдаг жимийг мэдэхгүй тул энэ эгц цавчим уулсад хэрхэн авирах вэ гэж гайхна.
( Дэлгэрэнгүй... |
Сэтгэгдэл [] |
Өгүүллэг |
Оноо: 0/0 |
Өгүүллэг )
|
|
Өгүүллэг: Б.Цоожчулуунцэцэг : Үзмэр
Оруулсан admin on 2011-08-11 22:52:33 (6717 уншсан)
Ам нь хатаж, хоолой нь арган толгой нь яг л хагарах гэж байгаа юм шиг өвдөж байлаа. Уух юм хайн ширээ рүү гараа сунгавал хоосон шилнээс өөр юу ч баригдсангүй. Жаргалмаа арай ядан өндийж, гал тогооны өрөөн орж, хөргөгчнөөс савтай хүйтэн сүү авч, аягалж ч чадсангүй, шууд л саваар нь тонгойлгов.
( Дэлгэрэнгүй... |
Сэтгэгдэл [] |
Өгүүллэг |
Оноо: 0/0 |
Өгүүллэг )
|
|
Өгүүллэг: С.Б.Бат-Эрдэнэ: НИГЕРИЙН УРХИ БУЮУ ҮНЭГҮЙ БЯСЛАГ ЗӨВХӨН ХУЛГАНЫН ХАВХАНД Л БАЙДА
Оруулсан admin on 2011-08-06 00:06:20 (6494 уншсан)
Итгэмтгий, гэнэн тэнэгүүдэд зориулав
... "Байгаль эрдэнэ сан" нэртэй ТББ байгуулан иргэдээс их хэмжээний мөнгө залилах сүлжээг үүсгэн байгуулсан Г.Мэндсайхан, Т.Уранчимэг нарыг цагдаагийнхан олж саатуулсан байна. Харин сүлжээний бас нэг толгойлогч Н.Содномпилийг эрэн сурвалжилсаар байна. Цагдаагийнхны мэдээлж буйгаар сүлжээний хохирогчид 3000 хол даваад байгаа юм. Цагдаагийн байгууллагаас "Байгаль эрдэнэ сан" ТТБ-ын тэргүүн Т.Уранчимэг нарт эрүүгийн хуулийн 148.4-д зааснаар эрүүгийн 21140777 тоот хэрэг үүсгэн шалгаж эхлээд байгаа юм. Одоогийн байдлаар уг хэрэгт холбогдуулан долоон хүнийг сэжигтнээр тооцож, цагдан хориод байгаа аж. Дээрх залиланг эхлүүлсэн Т.Уранчимэг, Н.Содномпил, Г.Мэндсайхан нарыг зургадугаар сарын 4-нд "Байгаль эрдэнэ сан "ТББ-ыг үүсгэн байгуулж, 3000 гаруй иргэнээс тус бүр 650.000-аас 4.000.000 төгрөгийг залилан мэхэлж авсан байна. Дээрх сүлжээнд хамрагдаж, хохирсон иргэд тус тусын оршин суугаа дүүргийн цагдаагийн хэлтсийн Мөрдөн байцаах тасгуудад өдөр бүрийн 09-20 цагийн хооронд хандахыг цагдаагийн байгууллагаас зөвлөж байна…
Авсан эх сурвалж: http://www.news.mn/content/71631.shtml
Уйдсан хүний сэтгэлийн зугаа интернетээр аялан суугаад дээрхи мэдээг олж хараад “Үгүй ээ, яах вэ дээ! Ямар ч л байсан хэргийн эздийн тал хагасыг нь олж дээ.
( Дэлгэрэнгүй... |
Сэтгэгдэл [] |
Өгүүллэг |
Оноо: 0/0 |
Өгүүллэг )
|
|
Өгүүллэг: Хов хоосон хавар хов хоосон
Оруулсан admin on 2011-08-06 00:03:36 (5222 уншсан)
Бодлын минь хэлхээнээс сувдан гунигууд шувуун цуваа хөвөрсөөр… эргэж бодох ч завдалгүй үргэлжид тэмүүлсэн тэрхүү бодролын үзүүрт юу байгааг би үл ухаарна. Зөнд нь орхи гэсэн мэт бодол бүр улбаалж мөрөөдөл болон үржих юм. Санаваас шинэ бүхнийг эрэлхийлж буй гэлтэй. Учир юусан билээ хэмээн тунгаавал би олон ч хаврыг дурсамжтай өнгөрөөж иржээ. Хавар цэцэгс модод урган намар хагдардаг мэт сэтгэл минь энэхүү улирлуудтай дасан зохицох ажгуу. Хөвөрсөн бодлоо эргэж гөвлөө юу ч алга. Дэмий л бодсон бололтой хайран цаг. Гиеүрэл гэгч хүний хагасын хагас солиорол бололтой. Ухаанаа үл захирах тэр эгшинд хүмүүн өөрйигөө тэнэг болгодог ажгуу. Санаа алдахад тансагхан сүрчигийн үнэр эсвэл тачаангуй булбарайхан уруулын амт шнэртэн амтагдах ч шиг … бүү мэд … Эргэцүүлэг хийвээс хавар хоосон улиралд бололтой их хуурамч … Яг л энэ жихүүн салхи шигээ … Ээж байгаа нар хүртэл цаанаа л нэг дутуухан хүмүүнийг дутуу гэдгийг мэдрүүлэх гэсэн мэт гадаа гудамж эл хуль … цас ч үгүй, цэцэг ч үгүй бороо ч үгүй …. Намараас хүйтэн. Энэ улиралд яг л жүжигт тоглож баймаар санагдана. Яагаад гэвэл театрт би хэзээ ч уйдаж байгаагүй. Тэгэхдээ энэ мөч бүр миний амьдралын нэгэн эгшин тиймийн тул би өчүүхэн ч уйдаж болохгүй учир нь залуу нас богиносхон залуу насаа омголон үеэ би гомдоох учиргүй. Тэгвэл заяа минь гомдох болно…
(
Сэтгэгдэл [] |
Өгүүллэг |
Оноо: 0/0 |
Өгүүллэг )
|
|
Өгүүллэг: С.Б.Бат-Эрдэнэ : ЕС ХОНОГ Баримтат тууж3
Оруулсан admin on 2011-08-05 23:24:16 (6337 уншсан)
ХОЁР ДАХЬ ХОНОГ
Модны хоёрын буудлын доод талаас гар өргөн зогсоо булга, савхи болсон ганган эрийг суулгаад, доош уруудан төв замаар зүүн эргэн явсаар Мэргэжилтний хорийн автобусны буудал дээр иртэл, нөгөөх эр гэнэтхэн, зүүгээр хатгуулах мэтээр огцомхон:
-Хөгшөөн, энд ингээд зогсчих!
-Үгүй, хөгшөөн! Дөнгөж уулзвар гараад зогсъё хө. Чамайг энд буулгаад би 600 төгрөг авчихаад, харин одоо чамайг буулгах газарт бас дахин зогсоод энэ нөхөрт (Замын голд хянамгай гэгч нь ширтэн зогсоо замын цагдааруу эрүүгээрээ сэм дохин заав) 2000 төгрөг өгөх хэрэг гарна, аравхан алхам газар л байна шүү дээ! хэмээн Бальдагийг учирлахад дөч эргэм насны нөгөө дэгжин эр их л ихэрхүү байдлаар:
-Би уг нь зорчигч, чамд хөлсөө төлөөд л буух ёстой газартаа буух ёстой биз дээ хэмээн хямсаганахад Бальдаг ч мөчөөгөө өгсөнгүй:
-Би жолооч хүн, замын хөдөлгөөний дүрэмд зааснаар зөвшөөрөгдсөн газарт л зогсох нь миний үүрэг шүү дээ, 2км, 600 төгрөг! гэсээр зогслоо. Зорчигч эр түнтийтэл 500, 1000-т чихсэн түрийвч гаргаж ирсэнээ, зуутын ягаан дэвсгэрт нүдэнд ил харагдсаар атал 500 төгрөг сугалан “зуун төгрөг алгаа” гэхэд, хэдий завандаа бэлдээд барьчихсан байсан юм, өөдөөс нь 400 төгрөг бэлэн сарвайн “Мянгыг өгчих өө хө, миний хөгшин задгайтай явж бай!” хэмээн ёжлонгуй хэлэхэд нөгөө эр мянгатын дэвсгэрт сугалж өгөөд хариултаа авангаа амандаа ямар нэгэн юм бувтанасаар буутал зөрөөд настайвтар эр хаалгаар тонгойн шагайж:
( Дэлгэрэнгүй... |
Сэтгэгдэл [] |
Өгүүллэг |
Оноо: 0/0 |
Өгүүллэг )
|
|
Өгүүллэг: С.Б.Бат-Эрдэнэ: ЕС ХОНОГ Баримтат тууж 2
Оруулсан admin on 2011-06-09 10:33:20 (6627 уншсан)
ХОР Ч ХООЛ БОЛНО
Задгай, Зил-130 машины тэвшин дээр үеийн хорь гаран залуус, зарим нь нилээд халамцуу, бүгд бүхээгний ард шавааралдан, урдах, дэргэдэх хэн нэгнээсээ болон кузовны ирмэгээс гараараа барин зогсоогоороо, хоолой мэдэн:
...Ардын арми, улаан арми
Ахан дүүсээр баатар болсон юм...
...Манай цэргийн жавхаа сүр
Улаан тугийн намираа... гэсэн ганц нэг цэрэг эх орны сэдэвт дууны сэтгэлд хоногшсон дахилт төдийг дахин, дахин хоолой нийлүүлэн бархирсаар Таван толгой руу орж ирлээ.
( Дэлгэрэнгүй... |
Сэтгэгдэл [] |
Өгүүллэг |
Оноо: 0/0 |
Өгүүллэг )
|
|
Өгүүллэг: С.Б.Бат-Эрдэнэ : ЕС ХОНОГ (Баримтат тууж)
Оруулсан admin on 2011-05-24 13:23:04 (6622 уншсан)
…Туулсан амьдралын ядмагхан түүхийг
Туульслан хайлна чинээ санасангүй явлаа…
ОРШИЛЫН ОРОНД
Уг хүү туужыг бүл эгч асан Цэдэнсодномын Алтанцэцэг, найз асан Намсрайн Болдбаатар нарын гэгээн дурсгалд зориуллаа.
Би гээч амьтан нартын тоосыг дөчин хэдэн жил хөдөлгөхдөө сайн муу, сайхан муухай амьдралыг, чухамдаа бол хэн хүний л адилаар амьдралын эрээн барааныг яалт ч үгүй туулсаар иржээ. Гэнэн хонгорхон гэгээлэг хүүхэд нас, өсч өндийсэн идэрхэн залуу нас гэгээд одоо бол нас тогтож намба суух талруугаа явж буй энэхэн үедээ өөрийн туулж өнгөрүүлсэн адармаатай бөгөөд адал явдалаар дүүрэн амьдралынхаа тухай эргэцүүлэн бодож, түүнээс санаанд ил тод үлдсэн, мартахын аргагүй үйл явдлуудыг голчлон түүхчлэн бичсээр эдүгээ гурван жилийн нүүрийг үзэж байх шиг вэ. Дөчин хэдэн жилийн энэ амьдралд тугал хариулан доошоо орж явсан минь л олон болохоос туг барьж мандуулж явсан минь бол, үгүй ер үгүй л юмдаг уу даа. Түүний дотор амьдрахын эрхээр, авгай хүүхдүүдээ эр хүн шиг, гэрийн эзэн шиг авч явахын эрхээр нэгэн хэсэг буюу 1998-2002 он хүртэл “Халтуурын жолооч” гэдэг адал явдалтай хирнээ, эрсдэлтэй, бас ч гэж хөгжилтэй сонин мэргэжилээр дагнан ажилласан дөрвөн жилд туулсан, голдуу өөрт тохиолдсон болон өөрийн эргэн тойрны найз нөхөд, тэр дундаа монголд ганцхан байсан “Такси бааз”-аас угшилтай өөрийн унаган багын найз нөхдөд тохиолдсон сонирхолтой үйл явдлуудыг энэхүү туужид өгүүлэх болно. Уг зохиолд гарч буй том жижиг үйл явдлууд бүгд бодит амьдрал дээр болж өнгөрсөн бодит явдалууд (мэдээжийн хэрэг зохиолд гарч буй зохиолын баатрууд маань одоо хир нь амьдарч буй амьд хүмүүсийн учир нэр усыг нь өөрчилж бичсэн) учир ийнхүү “Баримтат тууж” хэмээх уран зохиолын төрөл жанрт зоригтой оруулсан бүлгээ. За ингээд эрхэм уншигч авхай нар минь таалан соёрхоно уу!
ГЭРЭЭС ГАРСАН НЬ
...Еэ ээ... Хм, ээ ээ... Ёстой нээрээ, хммм...
( Дэлгэрэнгүй... |
Сэтгэгдэл [] |
Өгүүллэг |
Оноо: 0/0 |
Өгүүллэг )
|
|
|
|
 |
Санал асуулга |
 |
|
Та манай гишүүн болохыг хүсвэл энд дарна уу.
t
Одоо онлайнд 147 зочин 0 гишүүн байна.
|
|
|
 |
 |
Агуулга |
 |
|
| Tuesday, 2011.11.15 | | · | Н.Түмэншагай : Зүүд |
| · | Уучлахыг хүснэ |
| Tuesday, 2011.08.30 | | · | Үдо Тошио : Анхны Дурлал |
| Tuesday, 2011.08.23 | | · | Л.Төрбурам : Шөнийн аялал |
| Wednesday, 2011.08.17 | | · | П.Батзориг : Улаан Сарнай |
| · | Эхийн сэтгэл |
| Thursday, 2011.08.11 | | · | Б.Цоожчулуунцэцэг : Дөнгө |
| · | Б.Цоожчулуунцэцэг : Горьдлого |
| · | Б.Цоожчулуунцэцэг : Үзмэр |
| Saturday, 2011.08.06 | | · | С.Б.Бат-Эрдэнэ: НИГЕРИЙН УРХИ БУЮУ ҮНЭГҮЙ БЯСЛАГ ЗӨВХӨН ХУЛГАНЫН ХАВХАНД Л БАЙДА |
| · | Хов хоосон хавар хов хоосон |
| Friday, 2011.08.05 | | · | С.Б.Бат-Эрдэнэ : ЕС ХОНОГ Баримтат тууж3 |
| Thursday, 2011.06.09 | | · | С.Б.Бат-Эрдэнэ: ЕС ХОНОГ Баримтат тууж 2 |
| Tuesday, 2011.05.24 | | · | С.Б.Бат-Эрдэнэ : ЕС ХОНОГ (Баримтат тууж) |
| Thursday, 2011.05.05 | | · | НУТГИЙН ХҮН |
| Wednesday, 2011.04.27 | | · | П.Батхуяг : Борооны охин |
| Friday, 2011.04.15 | | · | Хайр өөрөө агуу... |
| Monday, 2011.04.11 | | · | Жинхэнэ хайр амьдралд ганц л тохиолддог юм |
| Tuesday, 2011.04.05 | | · | П.Батхуяг: ХОРВОО-АЯЛГУУ |
| Thursday, 2011.03.31 | | · | О.Тамир : Хамгийн том бэлэг |
| Wednesday, 2011.03.09 | | · | Сартуул Б.Бат-Эрдэнэ : ЭЭЖДЭЭ ХАЙРТАЙ ХЭН БҮХЭНД ЗОРИУЛАВ |
| · | О.Тамир : Хамгийн том бэлэг |
| Wednesday, 2011.02.23 | | · | Ч.Энхмаа : Бахархал хийгээд омогшилийн тухай |
| Monday, 2011.02.21 | | · | П.Дэлгэржаргал : Өдөр шөнийн дурлал |
| Tuesday, 2011.02.15 | | · | Ч.Энхмаа : Шингэх нар |
| · | Ч.Энхмаа : Бодох сэдэв |
| Thursday, 2011.01.20 | | · | Ч.Нацагдорж : Тавилан |
| Friday, 2011.01.14 | | · | Найдангийн Ганхуяг : ''Агарын гурван сүлжээ'' үргэлжлэл 1 |
| Monday, 2011.01.10 | | · | Найдангийн Ганхуяг: АГАРЫН ГУРВАН СҮЛЖЭЭ |
| · | С.Б.Бат-Эрдэнэ. БАГЫН ЯВДАЛ№ ҮЕРХЭЛИЙН ЗУРВАС |
| Friday, 2011.08.05 | | · | С.Баттулга: АМРАГИЙН ЗАХИДАЛ |
| Wednesday, 2011.01.05 | | · | С.Баттулга: ЧУЛУУЖСАН БИЧИГ |
| Monday, 2010.12.20 | | · | С.Баттулга: НЭГ Л УДАА |
| Tuesday, 2010.11.30 | | · | С.Баттулга: Энхриймаа |
| · | С.Баттулга : Ижий зул |
| Wednesday, 2010.11.24 | | · | С.Баттулга: Зүүдний шувууд |
| · | С.Баттулга: Азын дөрвөн бэрх |
| Monday, 2010.11.22 | | · | Дэггүй цас гэгээвчээр орж ирнэ |
| · | С.Б.Бат-Эрдэнэ. БАГЫН ЯВДАЛ:№ 30 МЭНГЭТ |
| Tuesday, 2010.11.16 | | · | Ш.Гаадамба : Өвөөг архинаас гаргах гэсэн минь |
Та сараа сонгоно уу
 |
|
|
|
 |
|
Facebook 
Twitter 
