BIIRBEH.MN by Bataka

Нийтлэл: Д.Цэцэнбилэг : Зогсолт...
Оруулсан admin on 2011-01-07 05:12:44 (6340 уншсан)

Чамд гомдох уу? Чамайг төрүүлсэн ээж, аавд уу? Тэднийг учруулсан тавиланд уу?
Өнчин бодол өдөржин толгой дэлсэж хариулт авахыг хүснэ. Өөрийн эрхгүй гүн эргэлзээнд хөвсөөр гадагш гарлаа. Тэнгэрт бүртийх үүлгүй, агаарт нэвчих чийггүй сайхан байна. Гэвч хариуг нь олоогүй бодлогын боол нь болж толгой гудайлгав. Цээж давчдаад сэтгэл нэг л хоосон. Амьдрал гэдэг өөрөө агуу юмаа. Ёроолгүй мэлтийх далайн дунд хүн төрөлхтнийг засаршгүй алдаанд унагачихаад, тэр чигээрээ живэх эсвэл хүч сорин сэлж аврагдах эсэхийг хэн нэгэн хоржоонтой нь аргагүй хараад байгаа ч юм шиг. Аливаа зүйлийн утгыг тунгаан , учгийг тайлахын тулд төрөл бүрийн мэдээллийн хэрэгсэл ашиглах эсвэл эрдэмтэн мэргэдээс лавлаад олчихно.. Харин амьдралын ээдрээт асуудлын хариулт хаана байна вэ? Тэр эхлэлийн гогцоог хаанаас хөвөх вэ? Нэгэнт хүний биеийг олоод дэлхийд зочлон, ухамсар бүрэлдсэнээс хойш үл ойлгогдох түмэн нугачааны атираа болгонд бүдчин, унаж боссоор төгсгөл нь ирэх эрдэнэт биеийг бидэнд хэн өгсөн юм бол оо? Жаргал, зовлонгийн дэнсэн дээр ээлжлэн амьд явах эрхийг бид хэнээс авсан юм бэ? Бид яах гэж дурлаж, үерхэж, нийлж салж, баярлаж, гомдож, баяжин хөлжиж, доройтон ядуурч, алдаж онож, итгэж, амьд явахын тулд энэ бүхнийг даван туулахаар зүтгэнэм бэ? Бидний гараа, барианы эхлэл, төгсгөлийн зурвас хаана тодорно вэ? Сайн, муугийн ялгааг хэн илрүүлэн шүүж, энэ бүхний хэмжүүрийг хэрхэн тогтоох вэ? Олоод - алдаад, бариад -тавиад байгаа энэ аз, эз гэдэг чинь чухам хэрхэн юуны учир хэнийг шагнаад , хэнийг шийтгээд байна вэ? Тэмцээн бүхэн шагналын эзнээ тодруулдаг шиг маргаан бүхэн ялагчтай байх ёстой гэж үү? Төрөх, үхэхийн хооронд баригдсан хувь тавилангийн гүүрээр уначихгүйхэн шиг бэдчээд эцэст нь бид юутай нүүр тулах вэ? Амьдралыг хязгаарлаж буй цаг хугацааны үнэ цэнийн эгшинд бид бүхий л мэдрэмжээр хөглөгдөн өөрт заяасан эрчим хүч, оюун ухаанаа зорж дуусаад эцэст нь ялж төгс нөгцөх бус уу . Бидний амьдрал эгшиглээд л өнгөрөх бадагтай аялгуу гэлтэй. Эхэлсэн бүхэн дуусдгийн жамыг даган үй түмэн хүний хөлийн мөрөнд газар хотойж, үүнийгээ биднээр нөхөн тэгширдэг. Энэхэн богинохон эгшинд үнэн мөнөөр амьдрах ухамсар хүмүүн бидэнд заяагаагүй нь сонин. Ертөнцийн хуулиар үнэн -бүхнийг ялдаг дийлдэшгүй ч, хуулиа гууль болгосон эдүгээ эринд Үнэн гэдэг үхэл, мөхлийн үүд гэлтэй. Хүслээр болдог бол дэлхий ертөнцийн ухаант амьтан бүхэн үнэн мөнөөр аж төрөн амьдарвал бие биедээ баяр баясгалан, аз жаргал бэлэглэн түүнийхээ үр шимээр нар сар шиг мандан бадарч, навч цэцэг шиг урган дэлбээлж, үргэлж өөдөө тэмүүлэн дээшлэхсэн. Амьдралынхаа ахархан агшинд хийж буй бүхий л үйлдээ сэтгэл хангалуун, ухаалаг, хүчирхэг байх нь бидний хайж буй үнэн, нууц гэлтэй. Хайгаад, эрээд, олохгүй байгаа асуултын хариулт бүхий л утга агуулгаараа таны зүрх, сэтгэл, үйлдэл, үгэнд оршин байна. Жимстэй мод байх уу? Жижигхэн хожуул болох уу? Энэ бол таны хэрэгжүүлэх хууль, бичих түүх, хувь хүний үнэлэмж юм уу даа..... Хүн бүхэн хааяа өөртөө хэдхэн хором зориулан, ажил амьдралын ачааллаа умартан түр Зогсолт хийж , тунгаан бодож ухаарах аваас хүн төрөлхтөн аврагдах гарц олдох буйзаа.

( Сэтгэгдэл бичих? | Нийтлэл | Оноо: 0/0 | Цэцэнбилэг Д )

Манай сайт танд таалагдаж байвал LIKE хийгээрэй. Танд баярлалаа.

Санал сэтгэгдэл

Санал асуулга

Та нэг жилийн хугацаанд хэр олон ном худалдаж авсан бэ ?
	Ном худалдаж аваагүй
	1-3 ном худалдаж авсан
	4-7 ном худалдаж авсан
	8-11 ном худалдаж авсан
	12-с дээш ном худалдаж авсан

Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа

Санал асуулга

Та манай гишүүн болохыг хүсвэл энд дарна уу.
t
Одоо онлайнд 139 зочин 0 гишүүн байна.

Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх

Зургийн цомог

Анхны цас 2005 он
uvl-013.JPG
Хэмжээс: 600x450 94k
Сэтгэгдэл: 0
Үзсэн: 4374

Должин : Зам зуур
zam-053.JPG
Хэмжээс: 600x450 129k
Сэтгэгдэл: 0
Үзсэн: 3822

Должин : 2007 оны аялал
mongolia2007year-169.JPG
Хэмжээс: 600x450 93k
Сэтгэгдэл: 0
Үзсэн: 3792

Агуулга

Saturday, 2024.03.30
·	Лха Отхан : ЦАСНЫ УТГА УЧИР
·	Лха Отхан : ХАРААЦАЙ НАС
·	Лха Отхан :ӨНГӨРСӨН БҮХЭНД УТГА УЧИР
·	Лха Отхан : ДУРСАН САНАХ БАЛЧИР НАС ...
·	Лха Отхан : ҮХЛИЙГ ҮЗЭХ Л ҮЛДСЭН...!
·	Лха Отхан : ЭЛСНИЙ ЧИМЭЭ
·	Лха Отхан : АМЖИЖ ХАЙРЛАХААР ХОРВОО ДУТДАГ
·	Лха Отхан : ГИТАРЫН УТСАН ДАХЬ САРНЫ СОНАТ ...
·	Лха Отхан : ДӨЧИН ДӨРВӨН НАМРЫН ДУУ
·	Лха Отхан : БУРХАНГҮЙ ЕРТӨНЦИЙН УУЛС
·	Лха Отхан :ШУВУУД ИРЖ БАЙНА
·	Лха Отхан : СҮҮЛЧИЙН ТУХАЙ ХҮНИЙ ЗҮҮД ...
·	Лха Отхан : ДУУСАЖ БАЙГАА БИДНИЙ АМЬДРАЛ
·	Лха Отхан : Урсгалд хөвөх навчисыг он жилүүдтэй үдэж ...
·	Лха Отхан : ӨВСНИЙ АМЬДРАЛ
·	Лха Отхан : ЭХ НУТГИЙН ТУХАЙ ДӨРВӨЛ БОДОЛ
·	Лха Отхан : Шөнийн ганцаардал минь
·	Лха Отхан : БҮҮДГЭР ТЭР ХОТ МИНЬ
·	Лха Отхан : ХУУЧИН ХАЙР ...
·	Лха Отхан : ЗАМЫН ТУХАЙ ШҮЛЭГ
Monday, 2024.03.04
·	Б.Явуухулан: Сонин сурвалжлагчид ярьсан нь
Thursday, 2024.01.25
·	Г.Мөнхтулга : ХАЙР
·	Г.Мөнхтулга : ТҮҮНД
Thursday, 2023.12.21
·	Г.Мөнхтулга : ХОТЫН ШӨНӨ
·	Г.Мөнхтулга : ЧАМД
Tuesday, 2023.12.12
·	Долгорын Цэнджав : ТАМГА
Tuesday, 2023.12.05
·	Г.Мөнхтулга : Зүүд
·	Г.Мөнхтулга : ХЭДЭН ҮГ
·	Г.Мөнхтулга : ДҮРСГҮЙ БОДОЛ
·	Г.Мөнхтулга : БҮСГҮЙ ЧИ НАМАЙГ ХҮЛЭЭДЭГ ҮҮ
·	Г.Мөнхтулга : БИ ХИЙСЭЖ БУЙ НАВЧ
Monday, 2023.11.27
·	С.Начин : Уучлалын шүлэг
Thursday, 2023.10.19
·	А.Эрдэнэ-Очир : АЯЛАГХАН ЗАЛУУ НАС МИНЬ
·	Ц.Доржсэмбэ: ЧИНИЙ САЙХАН ГАРЫН ХҮЙТЭН
·	Ц.Доржсэмбэ: ЦАС БОРОО
Wednesday, 2023.10.18
·	Т.Дарханхөвсгөл : Үхэр огдой
·	Б.Явуухулан НҮҮДЭЛЧНИЙ НАМАР
·	А.Эрдэнэ-Очир : Тунгалаг гунигийн улирал
·	Ц.Доржсэмбэ : НАМАЙГ ХАРСАН НҮД
·	С.Ууганбаяр : НАМАРТ БИ ДУРГҮЙ

Та сараа сонгоно уу

Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг

© Copyright 2005-2024 Biirbeh.MN. All rights reserved. By Bataka	Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364 И-мэйл :info@biirbeh.mn