Нүүр Гишүүн Шүлэг Өгүүллэг Сургамж Зөвлөгөө Зургийн цомог Холбоо барих
 

Сайтын мэдээлэл ...
Facebook
Twitter
RSS2

Mail : info@biirbeh.mn
Mobile : 9907-6364

Нэрээр
  ''Өврийн дэвтэр'' яруу найргийн реалити шоу  
  4-н мөртүүд  
  Sienna  
  Window of Mongolian poetry  
  Youtube  
  Агиймаа Э  
  Алтангадас  
  Алтанхундага А  
  Амарбаяр М  
  Амарсайхан A  
  Амарсанаа Б  
  Амор Хайям  
  Ардын аман зохиол  
  Ариун-Эрдэнэ Б  
  Ариунболд Энх-Амгалан  
  Афоризм  
  Аюурзана Г  
  Бавуудорж Ц  
  Багабанди Н  
  Бадарч П  
  Базардэрэг Н  
  Байгалмаа А  
  Батзаяа Б  
  Батзүл Д  
  Батнайдвар М  
  Батнайрамдал П  
  Батнасан Лу  
  Батрэгзэдмаа Б  
  Баттуяа Ц  
  Батцэцэг Ш  
  Баяр ёслол хурим найр  
  Бодрол  
  Болдхуяг Д  
  Болор-эрдэнэ Х  
  Болормаа Х  
  Болормаа Б  
  Бум-Эрдэнэ Э  
  Бум-Эрдэнэ Түмэнбаяр  
  Бусад  
  Буянзаяа Ц  
  Буянцогт C  
  Буянцогт /Цахарын/ С  
  Бямбаа Жигжид  
  Бямбажаргал Ц  
  Бүжинлхам Эрдэнэбаатар  
  Гадаадын уран зохиол  
  Галсансүх Б  
  Ганзориг Батсүх  
  Ганзориг Б  
  Гэсэр  
  Гүрбазар Ш  
  Дагмидмаа Ч  
  Далай ламын айлдвар  
  Дамдинсүрэн Цэнд  
  Дашбалбар О  
  Дениска Михайлов  
  Дорж Зундуй  
  Дорж Б  
  Доржсэмбэ Ц  
  Дулмаа Ш  
  Дууны үг  
  Дэлгэрмаа Ц  
  Дэлхийн уран зохиол  
  Ерөөл, Магтаал  
  Жамбалгарав Ц  
  Зохиолчдын намтар  
  Зүйр цэцэн үг  
  Ичинхорлоо Б  
  Кана Б  
  Лодойдамба Ч  
  Лочин Соном  
  Лха Отхан  
  Лхагва Ж  
  Лхагвасүрэн Б  
  Лхамноржмаа Ш  
  Монгол Улсаа хөгжүүлье  
  Монголын өгүүллэгийн цоморлиг 2003  
  Мэдээ, мэдээлэл  
  Мөнх-Өлзий Б  
  Мөнхбат Ж  
  Мөнхсайхан Н  
  Мөнхтулга Г  
  Мөнхтуяа А  
  Мөнхцэцэг Г  
  Мөнхчимэг А  
  Намдаг Д  
  Намсрай Д  
  Нацагдорж Д  
  Номин Г  
  Номинчимэг У  
  Нямсүрэн Д  
  Оюун-Эрдэнэ Н  
  Оюундэлгэр Д  
  Пүрэв Санж  
  Пүрэвдорж Лувсан  
  Пүрэвдорж Д  
  Пүрэвсүрэн Соёрхын  
  Равжаа Д  
  Ринчен Б  
  Солонго Шуурай  
  Сумъяа Доржпалам  
  Сургамж  
  Сүглэгмаа Х  
  Сүрэнжав Шарав  
  Сүхбаатар Ширчин  
  Сүхзориг Г  
  Тайванжаргал Н  
  Төрбат Д  
  Урианхай Д  
  Уугансүх Б  
  Хасар Л  
  Хишигдорж Л  
  Ховд Их сургуулийн Утга зохиолын нэгдэл  
  Хулан Ц  
  Хүрэлбаатар Ү  
  Хүрэлсүх М  
  Хүүхдийн дуу  
  Цэемаа М  
  Цэцэнбилэг Д  
  Чойном Р  
  Чоно  
  Чулуунцэцэг Б  
  Шагж гэлэн  
  Шог өгүүллэг  
  Шүлэг  
  Шүүдэрцэцэг Б  
  Энхбат Балбар  
  Энхболд Энхбаатар  
  Энхболдбаатар Д  
  Энхтуяа Б  
  Энхтуяа /Эмүжин/ Р  
  Энэбиш Батсамбуу  
  Эрдэнэ С  
  Эрдэнэ-Очир Арлаан  
  Эрдэнэсолонго Б  
  Эрхэмцэцэг Ж  
  Явуухулан Б  
  Ярилцлага  
  Үлгэр  
  Үржинханд Э  
  Өвөр Монголын яруу найраг  
  Өгүүллэг  
  Өлзийтөгс Л  
  Өөрийгөө ялах нь  

Ангилал
  Article1  
  Шүлэг  
  Өгүүллэг  
  Найраглал  
  Афоризм  
  Богино өгү  
  Роман, тууж  
  Зүйр цэцэн  
  Үлгэр  
  Ертөнцийн  
  Ардын аман  
  Нийтлэл  
  Дууль  
  Сургамж  
  Зөвлөгөө  
  Мэдээ  
  Намтар  
  Ярилцлага  
  Ерөөл магтаал  
  Дууны үг  
  Ардын аман зохиол  
  Youtube  
  Дурсамж  
  Бусад  

Дэм дэмэндээ гэж
Та бүхнийг бидэнд туславал бид баярлах болно.
$



 
Вэб сайт хийнэ, байрлуулна ...

Domain, Host, Web ... : BBS Soft LLC by Bataka
Хайх

Та эндээс шүлэг өгүүллэг хүссэнээ хайж болно...


Мөнхтулга 	Г	 Шүлэг: Г.Мөнхтулга : БҮСГҮЙ ЧИ НАМАЙГ ХҮЛЭЭДЭГ ҮҮ
Оруулсан admin on 2023-12-05 10:30:31 (1004 уншсан)

Бүсгүй минь чи намайг хүлээдэг үү
Бүлээн зүрх, халуун сэтгэлдээ урин дууддаг уу
Бүлээн зүрх, халуун сэтгэл чинь намайг хүсэхдээ
Бүрэнхий шөнөөр сэрвэлзэж,
нойр чинь хулжин хөрвөөдөг үү

Бүсгүй минь чи намайг хүлээдэг үү
Бүүдгэр өдөр хөшгөө ч нээлгүй орондоо өнждөг үү
Бүүдгэр өдөр хөшгөө нээлгүй орондоо өнжихдөө
Бөжин цагаахан цээжнээ нөмөр хүсэж гуньдаг уу

Бүсгүй минь чи намайг хүлээдэг үү
Бүүр түүрхэн санах зүүднээсээ намайг хайдаг уу
Бүүр түүрхэн санах зүүднээсээ хайж гэгэлзэхдээ
Бүтэн шөнийн адал явдалт романтизмыг бодож мишээдэг үү

Бүсгүй минь чи намайг хүлээдэг үү 
Хана цуулж нар мандахад нартай хамт сэрдэг үү
Хана цуулж нарны туяа тусахад сэрж хүлээхдээ 
Хагас нүцгэн биеэ нууж нөмгөн даашинз өмсдөг үү

Бүсгүй минь чи намайг хүлээдэг үү
Хаврын өглөө хааяа жиргэх шувуудыг ажигладаг уу
Хаврын өглөө хааяа тагтан дээр намайг хүлээхдээ 
Хайр уу эсвэл, шохоорхол уу гэж бодол ээрүүлэн санааширдаг уу

Мянган бодлын чинь тэнхлэг шугам дурлал цэгт хугарахад
Бүсгүй минь чи намайг санадаг уу
Мял богдын оршихуй шиг хайрын үгэнд дасалцахад
Бүсгүй минь чи намайг хүсэн, хүлээдэг үү

Tulga.poetry  11/08/2023




(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Мөнхтулга Г )

Мөнхтулга 	Г	 Шүлэг: Г.Мөнхтулга : БИ ХИЙСЭЖ БУЙ НАВЧ
Оруулсан admin on 2023-12-05 10:28:18 (1160 уншсан)

Тэргүүн дээгүүр минь нэгэн навч хийсэхийг хараад
Би том хүн болсноо гэнэт ухаарлаа
Тэр навчны шарласан нь аавыг минь
Харин хатсан нь ээжийг санууллаа

Тэргүүн дээгүүр минь нэгэн навч хийсэхийг хараад
Би эцэг хүн болсноо гэнэт саналаа
Тэр навчны эргэлдэн хийсэх нь намайг 
Харин газарт зөөлөн буух нь үрсийг минь санууллаа

Буурал дэлхий намайг ухаар гэж
Сэрүүн салхийг моддын зүгт үлээв үү
Буурал ээж минь намайг эрхлүүлсээр байгааг мэдээд
Саарал ухааныг минь сэгсэрч орхих нь энэ үү

Балчир хорвоо намайг томоож гэж
Бүлээн салхиар навчисийг тасдан унагав уу
Бурхадын зүгт залбирсан гэнэн намайг хараад
Бусдын хувьд найдвар итгэл нь болсноо сана гэв үү

Тэргүүн дээгүүр минь нэгэн навч хийсэхийг хараад
Тэр навч гунигтай байгаа боловуу гэж өрөвдлөө
Тэгээд… ганцаараа унаж буйгаа анзаарч
Тэнхээ мэдэн хашгирч байгаа даа гэж өмөрлөө
Орь зүрхийг минь цоо хатгаж үлдээсэн 
Орчлон чиний төгсгөл навчисын хувьд “газарт унах” юм бол
Олж ганц л төрсөн хэлтгий энэ заяагаа
Огоорч яваадаа би “хийсэж буй навч” юм байна гэдгээ ухаарлаа…

Тэргүүн дээгүүр минь нэгэн навч хийсэхийг хараад
Би том хүн болсноо гэнэт ухаарлаа…

01/11/2023  Tulga.poetry  




(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Мөнхтулга Г )

Шүлэг 		 Шүлэг: С.Начин : Уучлалын шүлэг
Оруулсан admin on 2023-11-27 13:15:52 (1661 уншсан)

Болор цом 2023 наадмын тэргүүн байр  С.Начин

Уучлалын шүлэг

Орчлонд өчнөөн од харваж болох байсан
Гэвч биднийг хооронд нь мөргөлдүүлсэн
Гэрэл заагч сар нь чи байсан
Онцгой учрал, энэ амьдралаас хүсэж таашаах бүхний
Эхний амьсгал нь яаж эхэлснийг чи хийгээд бид мэдээгүй
Эх хүн үрээн тэврэхдээ ямархан ариусалд умбадгыг
Эмэгтэй хүний сэтгэлийн байгальд зочилж мэдрэхсэн
Цайнаас савсах уур өрөөн дэх агаарыг хөгжимдөнө
Цэх завилаад нүдээ аниваас 
Цохолж ирэх үйлийн үр боловсорч дуусаад 
Царам хэцэд амь эцэслэх гэж буй
Эцсийн амьсгалаа татраахаасаа өмнө
Эх болсон тэнгэрээ бүртгэн ширтээд
Газар шороондоо шингэх гэж буй бүргэдийн
Ганцхан ахиад дэвж үзэхсэн гэх сүүлчийн хүсэл ч юм билүү
Бидэнд мэдэгдэхгүй өчнөөн өнгийн хувирал
Бидэнд мэдэгдэхгүй өчнөөн тоосонцрын гялаан
Бид хүртэж болох ч амсаж боломгүй аз жаргал
Бид амталж болох ч хүртэж боломгүй уй гуниг гээд
Ээ дээ энэ амьдралаас авч болох бүхэн яасан их байна вэ? 
Эмэгтэй хүн, ээж хүн, эгч хүн, эхнэр хүн гэдэг
Эр хүний сэтгэлийн овоон дээр л сэмэрч байдаг хадаг ч юм билүү
Чи жишээ нь яаж уйтгарлдагыг
Чимээгүй нулимс унагахдаа 
Ямар чимээ хацрыг чинь зүссээр 
Зүрхэнд чинь шингэдгийг
Яруу найраг шиг ойлгох нэгэн гэдэгт би итгэдэг
Зам татуулан урсах тэр нулимс
Заримдаа бидний сэтгэлийн горхитой нийлхээрээ
Зах хязгааргүйг сэтгэх хөлгийн далбаа ч болдог юм билүү
Залуу явах гэдэг эргээд тэртээ холоос
Тэмүүлж наддаа буцан ирээч гэж гар даллахад
Тэрүүхэнд гэрэлтэх үед нь чи инээгээд одсон шүү дээ гэж
Тохуурхан мушилзах доогтой хөгжөөн болж ч магадгүй гэхээс
Тодорхойлж таамаглашгүй тэр л цаг хугацааг
Тогтоож энэ л үедээ бид барьж авч чадахгүйг бодхоор
Өрөвдмөөр өр зүрх хөндүүрлэн урагдмаар мэдрэмж төрүүлж байгаа биз
Өвдөг нугарна, гэвч бохирч сөгдсөн мэдрэмжээ цагаатгах гэж бид босно
Өчнөөн сар жилүүдэд чи миний сэтгэлийн дотор амьдарч 
Өрцөн цаанаа би түлээчин мэт бодлын чинь ойд унасан гишүүдийг түүж алхана
Гал зээглэн тулгандаа тогоогоо тавьж
Гараа ээх хүүхдүүдийнхээ инээдийг сонсож
Гарчиглаж суух сонингуудаа үдэж, ач зээдээ хэрэгтэй мэдээллийг нь хайчилж
Гарынхаа салаагаар урсан одох цаг хугацааны урсгалыг сэлүүрдэнэ
Амьдрал баялаг гэж чи хэлдэг
Чинийхээ санааны цэцэрлэгт үр цацаж
Цацсан үрээ би өдөр бүр услагч цэцэрлэгч өвгөн байхыг хүснэ
Цамцаа өмсөөч дээ даарчихлаа шүү дээ гээд чиний ирэх хөлийн чимээнд
Цаг хугацаа дөрвөн улиралтайгаа чамайг хөтөлсөөр надад ирнэ
Ахиад бид амьдрахгүйгээс хойш авсанд дотроо ч хамт нойрсохоор одох юм шүү
Хайртай гэж хэлэх амархан, хайрлах хэцүү
Хайрлах л хэцүү, хэлж болдоггүй хайрын үгс гэж хүртэл бий
Үгэнд заримдаа итгэх хэцүү
Үйлдэл заримдаа үгнээс ч чухал 
Сум мэт үгс цээжийг чинь шархдуулавч
Суниагаад босох чинь хөгжим мэт яруу
Бягтрууланд венийн вальс эгшиглэж 
Баяр бүхнийг чиний гараар бүтээгдсэн идээгээр дүүргэхсэн
Эрвээхэй суусан цэцэг нисхэд нь дохигноод үлдэх шиг
Эмзэг турьхан хурууд чинь хувцасаа сэгсэрхийг
Ээмгээ тайлж, үснийхээ боолтыг мулталж
Үдэш оройн энгэсгийг үргээж
Үүр цүүрийн гүнд цээжинд минь шүлэг зурхыг
Худал унтсан мэт дүр эсгээд, аньсан нүдэндээ чинийхээ үйлдлийг өхөөрдөж
Хувь төөргийнхөө хүрдийг эргэцүүлж нойрсохсон
Зүүдэндээ ч үнсхээс цэрвэж, жигд амьсгалах амьсгааг чинь
Тагтаар сийгэх салхинаас харамлаж
Таны зүрхний цохилтыг дэрэндээ шингээж
Зуун зуунд үлдэх мөр бадгуудыг ноотлох дэвтрийнхээ хуудсыг сөхөнгөө
Талхаа зүсэж, аягаа угааж, тоосоо арчиж
Хөшгөө ярхад өрөө нэвтлэх цэл залуухан нарны тусгалд
Хайрт минь эдгээр гэрлийг хардаа гэж хүүхэд шиг догдлохсон
Уяан дээр эрвэлзэж дэрвэлзээд
Онгодын минь хүлэг сүсэгтний дүрээр үүрсэнэ
Одоохон явчхаад ирэе хайрт минь
Орчлонгийн оргүй хоосонд ч бид хүрэлцэхгүй алс байлаа ч 
Уйтгар гунигаа баяр ерөөл болтол амьдрах хувь төөрөгтэй билээ бидэн
Учиртайхан харцаар нэг л шагнаач намайг
Уянга дуу, эгшиг найргийн чинь охь, бүх насны тань эзэн явая гэх
Ухаан санааны минь гүнээс тэнгэр өөд цоролзон өндийх моддын сүүдэрт хамт хэвтээч
Цас бударсаар, бударсаар, бударсаар
Цайдам хөндийг хучина
Царай зүс тань толигор өнгөлөг гэрэлтэй
Зулайдаа сансар огторгуйг эрхлүүлж
Зулзаган шинэсний залуухан мөчир мэт гунхах чиний
Зураг дүр чинь цээжин гүний минь гуунд завилаатай
Өргөх ёстой дээж минь гэвэл чи
Өгсөж дээш мацах оргил минь чи
Өдөр бүрт залбирах залбирал минь чи
Өргөө гэрийн минь унь багана нь чи
Өргөж асарсан бүхнээ энэрэгч нь чи
Өршөөж соёрхох нигүүлсэнгүй сэтгэлтэн минь ч чи
Өр зүрхний хаалгыг минь нээгч нь ч чи
Бодоогүй бүхэн энэ амьдралд ирдэг
Болзож уулзсан хувь төөрөг минь
Бурханы алдаагүй зурсан зураг гэдэгт би итгэдэг
Ирээдүй биднийг гэрэлт харгуйд урин дуудна
Инээмсэглээд ахин нэг алхахад
Ирмэг цолгиухан цэл залуухан насууд минь даанч гоёхон санагдана
Алдсан байж болно бид
Алдрайхан нас шүү дээ
Уучлал гэдэг хэзээд оройтдоггүй санагдана
Ухаан санаанд минь уужимхан голын шанд бургилна
Тэр голын эхэнд тэргүүндээ гараа духдуулаад
Тэнгэрийн хаяаг саравчлан зогсох
Тэнгэрлэг ариун үзэсгэлэнт минь
Ухааны тань уулын бүсэлхийг нар зөв ороож гуйя!
Болгоогооч амь амьдарлыг минь

Сайнжаргалын Начин  https://www.facebook.com/nachin.sainjargal

*****
БҮГД НАЙРАМДАХ УЛСАА ТУНХАГЛАЖ ҮНДСЭН ХУУЛИА БАТАЛСНЫ 99 ЖИЛИЙН ОЙД ЗОРИУЛАВ

Үеийн үед итгэнэ эх орон минь
Үүрийн гэгээнд цэцэг дохигнох 
Үндсийн гүнийг нь чагнаархаж 
Чөдрийн морь шүүдэрт жиндэн зүүрмэглэх
Чив чимээгүй уулс нь далайн ёроол байснаа бодож дүнхийх
Өргөл мөргөлийн өндөр дээд эх орон минь
Өргөн дэлхийд өөрийн сүнсийг эрэн орь ганцаар бэдэрч явахад
Өгүүлэх шүлгийн байц гишүүн шиг
Алс алсын толгодыг нь ширтхэд
Өндөр тэнгэрээс хэв хадаг унжуулсан мэт
Анир чимээгүйгээр үүлс нь газрын хэвгийд шингэдэг эх орон минь
Манант тэнгэртэй хаяа хатгасан түүхийн их уснаас амталхуй
Наранд цогшсон гандирсын балгад нь
Саранд сэрийсэн нууцлаг ертөнцөө бүүвэйлсэн
Санааны огторгуйд ээл дулаан илчээ түгээхдээ
Намрын хонгор зэрэглээндээ унага эрхлүүлж наадсан эх орон минь
Хур тээсэн хээлтэй үүл шиг 
Ертөнц эхийн хэвлийн хүйсэнд бүрэлдэхдээ
Ер бусын үй түмэн загас жараахайг
Сая живаан тэртээд салмайтал суяралдуулан сэлүүлж
Сансар огторгуйн нууцыг гүндээ оньсолсон эх орон минь
Хөвөн дээгүүр алхаж байгаа юм шиг тогорууд нь ирэхэд
Зөрж одсон учирлын сэжүүрт гадас тойрон гунганах ботгоны 
Зөөлөн зөөлөн бөмбөрөх нулимсыг салхиараа арчихдаа
Бударгана үүрч алхах бөгтөр эмгэний сэтгэлийг үймцүүлж
Бүүр эртийн эртэд эврээ буганд итгээд явуулсан гэнэн тэмээний нулимс эх орон минь
Нараа үзсэн ой хөвчийн цоорхойд нярайлах гэрэл шиг
Саранд сэрийсэн нууцлаг ертөнц нь
Наранд цогшсон гандирсаа бүүвэйлсэн
Санааны огторгуйд ээл дулаан илчээ түгээхдээ
Намрын хонгор зэрэглээнд эрхэлж хоцорсон унагыг эхийнх нь сааманд унтуулсан эх орон минь
Үзэсгэлэнт бүсгүйн энгэрийн алчуур хийсэх шиг эмзэгхэн шүү та
Үхэхэд минь газар шороондоо тэвэрч нойрсох ертөнц минь чи
Мөнхөд таныг хайрлана гэж би худлаа хэлж чадахгүй
Мөнхийн мөнхөд чамайг хайрлах бүхэн тасралтгүй төрнө гэдэгт харин
Үеийн үед итгэнэ ээ эх орон минь 

******
ГОВИЙН ДОГШИН НОЁН ХУТАГТ ДУЛДУЙТЫН ДАНЗАНРАВЖААГИЙН МЭЛМИЙ ГИЙСНИЙ 220 ЖИЛИЙН ОЙД ЗОРИУЛАВ

“Дорнын дотоод гоо сайхан”
Дорнын дотоод гоо сайхныг нэгжихэд
Үдшийн говьд үнээ мал хивэх нь цолмон оддод тод сонсогдож
Үлгэрийг тэд л өөр хоорондоо шивнэлдэн эвцэлдэж байна уу гэлтэй
Догол мөрөөс энхэл мөрийг хайх шиг нэг нэгнээ харван тоглоно
Дорнын дотоод гоо сайхныг хэмжихэд
Шонгын орой дээр хар хэрээ үзтэл цайрах үүрийг эвхэн бөөвийж
Шанх дэлээ сэгсрэн үүрсэх хүлгийн янцгаалтанд цочин сэрээд
Догшин хутагтын аялгуулж явсан говь руу хангайн зүгээс салхи эсгэнэ
Дорнын дотоод гоо сайхныг тэмтэрхэд
Сахлаа имрэн дуран тавьж суусан өвөг минь
Сайхан энэ дэлхийн нэгэн толгод дээр чулуу нэмээд
Долоон бурхан одруу цоройж тэмүүлсэн буган чулуунд үлдсэн шиг санагдана
Дорнын дотоод гоо сайхныг амталхад
Усруу цувах адуун сүрэг уудмын холыг сүүдэртэйгээ цуг хумисаар
Уран торгон зэрэглээн хоосныг газрын хээлэнд туураараа бичиглэж
Домгын алслалт цаг хугацааг муутуу цаас шиг эвхэнэ
Дорнын дотоод гоо сайхныг үнэрлэхэд
Цас унах чимээг цайрах борооны үзүүртэй зангидаж суугаа ээж минь
Цайныхаа дээжээс тогорууд үймцсэн зэлгээн туяан дор цацаж зогсоо нь
Дотоод мөн чанарын минь халил байц дээр зогсоо өвөг дээдсийн сүнс шиг үзэгдэнэ
Донын дотоод гоо сайхныг чагнахад
Сэтгэлийн минь аг чиггүй нам гүмд угаал үйлдэх бүсгүй
Сэмээрхэн өлмийлсөөр он цагийн хэцэнд сэтгэлээ тохож орхиод одох нь
Дадуширт зориулсан  “ҮЛЭМЖИЙН ЧАНАР”-ыг цээжний хананд нөр цууриатуулах мэт сонсогдоно
Дорнын дотоод гоо сайхныг хархад
Хажуу дэргэд тамхилж зогссон агуу найрагчид бодлоо нүцгэлж үлдээгээд
Хараа хярхаггүйн тэнгэр өөд цувныхаа хормойг далдартал дэвсээр одох нь
Дэвтэрийн завсарт хатаагдан үлдсэн намрын навч лугаа бодолд үйрэх нь гашуун тэмтрэгдэнэ
  
Сайнжаргалын Начин  https://www.facebook.com/nachin.sainjargal




(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Шүлэг )

Эрдэнэ-Очир 	Арлаан	 Шүлэг: А.Эрдэнэ-Очир : АЯЛАГХАН ЗАЛУУ НАС МИНЬ
Оруулсан admin on 2023-10-19 15:13:09 (1623 уншсан)



Ханилсан нөхрөө би

Халтирахад нь түлхэж явсангүй

Амьтны урдуур орж

Алдрын хаалгаар чихэлдэж байсангүй

Аяа, миний аялагхан залуу нас минь




(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Эрдэнэ-Очир Арлаан )

Доржсэмбэ  	Ц	 Шүлэг: Ц.Доржсэмбэ: ЧИНИЙ САЙХАН ГАРЫН ХҮЙТЭН
Оруулсан admin on 2023-10-19 10:40:23 (1200 уншсан)


Халуун галын хажууд

Халж суунам

Гаднаас авчирсан жавараа

Гаргаж суунам

Гадаа танилцсан хүүхний

Гар хэчнээн хүйтэн ч

Гоё сайхан санагдсан сан

Халуун галын хажууд

Халж суунам

Гаднаас авчирсан жавараа

Гаргаж суунам

Гарсан тэр жавартай хамт

Гараад явчихаагүй л байгаасай

Чиний сайхан гарын хүйтэн...

(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Доржсэмбэ Ц )

Доржсэмбэ  	Ц	 Шүлэг: Ц.Доржсэмбэ: ЦАС БОРОО
Оруулсан admin on 2023-10-19 10:36:47 (1625 уншсан)

Чамтай л харсан цас

Жинхэнэ цас байсан

Жигүүртэй цас байсан

Түүнээс хойш

Тийм цас ороогүй

Ороогүй гэж бодсон

Ой дурдатгалын минь тойрон

Одоо ч цас орсоор л байна.

Чамтай л норсон бороо

Жинхэнэ бороо байсан

Жигүүртэй бороо байсан

Түүнээс хойш

Тийм бороо ороогүй

Ороогүй гэж бодсон

Ой дурдатгалын минь тойрон

Одоо ч бороо орсоор л байна...

(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Доржсэмбэ Ц )

Өгүүллэг 		 Өгүүллэг: Т.Дарханхөвсгөл : Үхэр огдой
Оруулсан admin on 2023-10-18 17:41:26 (1707 уншсан)


Хотын захиргааны шийдвэрээр аав, охин хоёр амьдарч байгаад сураггүй алга болж, хожим хүмүүс сүнстэй хэмээн дөлөх болсон хоёр давхар байшинг нурааснаар сонин жигтэй энэ явдал ил болсон юм.
Барилгыг нураасан ажилчид барилгаас эвтэйхан зассан цаасан хайрцаг дотроос хүний алганаас зүг том хэмжээтэй хүнийх шиг дүрстэй зүйл/шарил/, бас нэг үхэр оготны араг яс олсон байна. Тэр даруйдаа албаныханд мэдэгдсэнээр шинжлэх ухаанч байдлаар хандаж эхэлжээ. Маш ховор олдвор гэдэг нь илт боловч чухам юу болохыг нь баталж чадалгүй, хэсэг бүлэг эрдэмтдийн таамаг төдий л байв. Үхэр огодой мөн гэдгийг нь манай шинжлэх ухааны биологийн салбарын нэртэй эрдэмтэд дуу нэгтэй баталсан бол хүнийх шиг дүрстэй зүйлийг нь чухам юу гэдэг дээр санал нэгдсэнгүй. Тиймээс олон улсын эрдэмтдэд хандаж, тэд ч яах аргагүй хүний ДНК-тэй таарч байгааг нь, энэ бол ХҮН гэдгийг баталжээ. Гэвч өмнө нь ийм олдвор дэлхийн аль ч өнцөгөөс олдож байгаагүй учраас ийм жижигхэн хүн байж болох эсэх дээр маргаантай байсаар өнөөдрийг хүрчээ. Одоо бол хаа нэг шар сонингууд борлуулалтаа нэмэх зорилгоор зургийг нь ашиглан элдэв цуурхал тараахаас хэтэрхээ байж дээ.


(Дэлгэрэнгүй... | Сэтгэгдэл бичих | Өгүүллэг | Оноо: 0/0 | Зохиогч : Өгүүллэг )

Явуухулан 	Б	 Шүлэг: Б.Явуухулан НҮҮДЭЛЧНИЙ НАМАР
Оруулсан admin on 2023-10-18 14:51:27 (1754 уншсан)

Нарс найгаа л

Навчис хийсээ л

Уулын оройд будан суугаа л

Шувуу буцаа л

Хяруу унаа л

Өвсөн толгойд цан буугаа л

Тал шарлаа л

Мал холхио л

Сэтгэл гэнэт догдлоо л

Салхи сэвээ л

Өрх дэвээ л

Өлөн шороо тэнгэрт босоо л

Айлууд нүүгээ л

Амрагууд холдоо л

Аяа хөөрхий нүүдэлчний намар аа гэж


(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Явуухулан Б )

Эрдэнэ-Очир 	Арлаан	 Шүлэг: А.Эрдэнэ-Очир : Тунгалаг гунигийн улирал
Оруулсан admin on 2023-10-18 14:47:16 (1307 уншсан)

Сэтгэлийн дотор зөөлхөн хөндүүр байх

Сэрэл мэдрэмж өгч, аглагшин зовохын сайхныг ээ

Сэрүүхэн намраар холын ууланд бодол минь оччихоод

Сэмхэнээр намайг дуудан жаргаахын амгаланг ээ

 

Амьдрал дандаа гялбаа цахиж, тэнгэр дуугарч байвч

Аядуу зөөлөн үүрсэх нь л цээжний гүнд анир цочооно

Алс хол, мянган жилийн цаадах бургас шуугихыг

Аньсага цавчихын зуур олж сонсох зүүд шигээ

 

Бүрэнхийд бүсгүй хүн инээх нь одод сэрвэгнэх шиг болоод

Бүлээхэн тунгалаг аялгуу цээжинд урсахад залгилнам аа

Бүдэг саран цэнхэр сарнаас илүү энхрийлэлтэйг мэдээд

Бүүр түүрхэн санаашрал төрөх нь урьдын явдлын гунихрал аа

 


(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Эрдэнэ-Очир Арлаан )

Доржсэмбэ  	Ц	 Шүлэг: Ц.Доржсэмбэ : НАМАЙГ ХАРСАН НҮД
Оруулсан admin on 2023-10-18 14:43:10 (1331 уншсан)

Намайг харсан нүдээрээ

Өвгөн хэрээ

Хоёр зуун жилийн дараах

Намрыг харна

Доржсэмбийн шүлэглэсэн

Намар цаг

Домог болон

Үлдэнэ ээ хөөрхий....



(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Доржсэмбэ Ц )

Шүлэг 		 Шүлэг: С.Ууганбаяр : НАМАРТ БИ ДУРГҮЙ
Оруулсан admin on 2023-10-18 14:41:25 (1249 уншсан)

Намарт би дургүй

Нүүж явдаг юм бүхэн тэнд бий

Нулимс хүртэл аягандаа багтахгүй

Нүүж урсаж л байдаг

Нар хүртэл дэлхийд багталцахгүй

Буцаж нүүж л явдаг

Намарт би дургүй

 

Хүүхдийн инээд шиг

Хэдэн бор шувуу

Хээр талын өвсөн дээгүүр

Хэл сураг тасран нүүж л нисдэг

Намарт би дургүй

 

Нарнаас илүү шатаж амьдрах гэж

Цагийн хяруунд даруулсан хүмүүс

Нулимстай олон сэтгэлийг анзааралгүй орхиод

Цаг хугацаанаас чанад руу нүүж л явдаг

Сарнаас илүү гэрэлтэж амьдарна гэж

Салах хагацахын сүүдэрт бөгтийж нүүдэг

Сайхан залуу нас цагийн хөлд үрэгдэж

Санахын тоосонд булуулж нүүдэг

Намарт би дургүй

 

Өчигдрийг бүтээгч маргаашийн төлөө амьдарч

Өвлийг өртөөлөн хаврыг зорьдогт чинь хайртай

Хамаг бүхэн өөдөөс нүүж ирдэг

Хаварт би хачин их хайртай.


(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Шүлэг )

Шүлэг 		 Шүлэг: Т.Дарханхөвсгөл : Бидний намар
Оруулсан admin on 2023-10-18 14:37:23 (1388 уншсан)

Би чамдаа хэлсэн шүү дээ хонгор минь

Бидний орчлонд сайхан зүйлс зөндөө гэж

Навчсыг нэг, нэгээр нь алган дээрээсээ үлээж суухдаа

Нэг тийм жаргалтай дууг нь сонсдоггүй гэж үү?

Мөчрөөсөө салан анх ниссэнээс нь хойш

Мөрөөдлийг нь биелүүлж чи минь дахин нисгэсэн учир тэд дуулж байна

Намрыг хамгийн сайхан улирал мөн гэж би чамдаа хэлсэн шүү дээ

Эзгүйрсэн нуур гунигтай харагдах ч түүнд хаврыг хүлээх итгэл бий

Яг л дэргэдээс минь гэнэтхэн алга болчихоор чинь юу ч хийлгүй

Явсан газар чинь иртэл чинь зогсох шиг минь

Эсвэл өөдөсхөн охиноо дээр өргөхөд инээд алдаад

Нисч байна гэж үнэн голоосоо хашгирдаг шиг

Цагаахан хүсэлт минь, цаг хугацааны минь намар минь

Цас инээж чаддаг гэж хэлсэн шүү дээ

Чиний минь энгэрт охин минь нялхамсдаг шиг

Алгаа дэлгээд цасан ширхэгийг тос доо хайрт минь

Амьсгалаа түгжээд тэдний инээхийг сонс доо

Анхны цаснаас бусад нь инээдэггүй юм шүү дээ


(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Шүлэг )

Шүлэг 		 Шүлэг: А.Сүглэгмаа : Навчисын шуурганаар
Оруулсан admin on 2023-10-18 14:34:18 (1254 уншсан)


Горь тасрах мэт ганц улаан навч

Гол зуран сэтгэлийн гүн рүү хийсэхдээ

Хэлбэр дүрсээ хэдийн алдчихсан, бас гандчихсан

Хэнхдэг цээжинд минь эргэлдэх үй түмэн навчсыг дагуулан

Арван гуравтайгаа л очихыг хүсдэг байсан

Амьдралын гаднах харгуй руу шууран одов оо...

 

Ай, юутай их нүргэлээн

Ахиад л намар болно гэхээс

Турьхан бие минь дагжин чичирнэ

Тулах цэггүй ганхан зогсоно


(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Шүлэг )

Шүлэг 		 Шүлэг: Ц.АВИРМЭД : ТЭР НАМАР
Оруулсан admin on 2023-10-18 14:29:18 (1290 уншсан)

Шувууд буцаж эл хуль оргисон тэр намар
Шугуй шарлаж аав хадланд гарсан тэр намар
Надтай тоглодог ажаа айлд очсон тэр намар
Намайг том болоорой гэсэн тэр намар

Нар буцаж зуслангаас нүүсэн тэр намар
Хяруу унаж сөл гандсан тэр намар
Чихэр өгдөг ажаа минь холоо явсан тэр намар
Чи хаачих нь вэ? гэж би асуугаагүй тэр намар
 
Зэгс шуугиж тогоруу зэллэсэн тэр намар
Айраг шаагин ангир тээрсэн тэр намар
Шинэ сарнаар очоорой гэсэн тэр намар
Шивээ ганхуулж би дагаж гүйсэн тэр намар
 
Нэг л өглөө ажаа хол явсан тэр намар
Нөгөө хацрыг нь дараа үнсэнэ гэсэн тэр намар
Хөөрхөн эгч гоёод л байсан тэр намар
Хөөрөөд л би юу ч мэдээгүй тэр намар



(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Шүлэг )

Шүлэг 		 Шүлэг: Д.Бямбажав : НАМАР
Оруулсан admin on 2023-10-18 14:24:18 (1271 уншсан)

Сэтгэлд далдын гуниг үргээж салхи сэвэлзэнэ
Итгэлд хайрын шивнээ мялааж амраг минь эрхэлнэ
Сэмбэрүү манан газраар хөглөрч тэнгэр хуйсагнана
Сүмэн өвс өнгөө гоёж дэлхийг аргадна

Намайг хайрласан бүхний зүрхэнд би уянга болж эгшиглэнэ
Намрын гурван сарыг аргамжиж ятга болон товшуурдана
Зөөлөн зүсрээ нь дээвэр гижигдсэн энэ өдрүүдийн
Зүүсгэл гоёл нь миний энхрийхэн хайр байж нялхарна

Тэртээгээс морьтон бууж мордох дэлгэр цагийн
Тэлмэн жороо аялгуунд таанын замбага сугсарна
Тэрлэг нимгэн бүсгүйн уяхан гоо бэлхүүсэнд
Тэнгэрийн нарны ханхүү мөнгөн бүс ороож үзэгдэнэ

Суль өвс жиндээж мэдэх оройтсон борооны
Цул итгэл алдарч болох солонгон өнгөнд
Сэтгэлийн шувуу нисэн нисэн бууж далдыг шивнэнэ
Сэмхэн гуниг үргээн үргээн ойртож бодлыг минь уншина

Үүл эсгэн ганганах шувуудын зэллээнд хүслээ дайж
Үрэл мөнгөн шүүдэрт цэцэгсийн дэлбээнд өлмийгөө зүлгэж
Өөрөө би цуурай нь оддын чөлөөнд нэвт гэрэлтэх
Өнөөдрийг маргааштай нь холбосон цахилдган цэнхэр бөгж юм

Огторгуйд анивчин анивчин шөнийн мэнд илгээсэн
Оддын дурлалыг энд хэн нэг нь тосон авч
Хязгааргүйн гүнээс уусан мэлтрэх зүүдний тайтгаралдаа
Хайрын шувуухай болгон алган дээрээсээ нисгэнэ

Энд би намрын тухай шүлэг тэрлэж суухад
Тэнд өвлийн цасны цагаахан хяруу хялмаалж эхэлнэ
Энд навчисын сэрчигнээнд бодол хулжиж өртөөлөхөд
Тэнд найрын дугараа уртын дуутай шуранхайлна

(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Шүлэг )

Шүлэг 		 Шүлэг: А.Эрдэнэ-Очир : Голын тохой дээр
Оруулсан admin on 2023-10-18 03:23:51 (28273 уншсан)

Дорноговь аймгийн Улаанбадрах сумын уугуул Д.Нацагдоржийн нэрэмжит шагналт, “Болор цом” яруу найргийн наадмын эзэн, яруу найрагч, Монгол Улсын соёлын гавьяат зүтгэлтэн Арлааны Эрдэнэ-Очир

 

Газрын магнайнаас хөлөрч урссан Сэлэнгийн салаа тохой дээр
Гандсан намрын шаргал өдөр устай мушгиран одохыг харжээ суугаад
Ганц дуу чамд зориулан дуулж түүнийгээ тэнгэрийн цээлд нараар мэтгэн
Ганихан хорвоогийн өнгөн дээр бусдын зүрхэнд шигтгэн гэрэлтүүлэх болов би

Амьдрал мөнхийн зүүд минь тэнгэрийн зурсан зураг минь
Алдааг нь цуглуулахад ч жаргал амтагдмаар хонгор минь
Алсаас над руу урссан цаг хугацааны зэрэглээн дундаас
Амжиж миний олж харсан үл мэдэг инээмсэглэлт минь



(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Шүлэг )

Аюурзана 	Г	 Шүлэг: Г.Аюурзана : Миний мэдэх намар
Оруулсан admin on 2023-10-16 06:01:31 (5253 уншсан)

Харсаар байтал зуны сарууд яг дэргэдүүр минь өнгөрч
Хачин уйтгартай ч нэг л танил шаргал өдрүүд ээлжилнэ
Навчис, шувууд, дурлалууд надаас холдоод явахын цагт
Намрын бороо зуных шиг шивэрч сэтгэл үймүүлэх нь юу вэ

Чиний тухай бодлуудыг минь намрын салхи холоо хийсгэж
Чийглэг зөөлөн уруулын хээ навчтай цуг хатчихсан байна
Амрагийн сэтгэл шувуу шиг үргэж би намар шиг гунихын цагт
Арван сар гэдэг надад амьдрал шиг урт санагдаж байна

Инээлдэж байсан цэцэгс толгой гудайх нь үхэл шиг
Илүүдэж байсан дурлалуудаас нэг ч үгүй, цэцэгс шиг
Яг далайн давалгаа шиг шүлгэнд минь хүртэл гуниг шингэчхэж
Ямар их уйтгар вэ намар минь чамайг би өрөвднөм



(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Аюурзана Г )

Шүлэг 		 Шүлэг: Зундуйн ДОРЖ : Өглөө болгон эрт босч
Оруулсан admin on 2023-10-14 19:23:04 (1487 уншсан)

АУГАА ИХ  ДАНЗАНРАВЖААТАЙ ӨЧҮҮХЭН
ШҮЛЭГЧ НАМАЙГ ЭНДҮҮРСЭН  НЬ
1994 онд хурандаа Жамцын Жамсрангийн "Залуужуулж урт наслуулах увдис ухаан" нэртэй ном хэвлэгдэн гарсан юм. Эдгэршгүй хүнд өвчнийг эмчилгээ, өөрийн ухаан сэтгэлээр эмчилж, эрүүл саруул явахын үлгэрийг ард түмэндээ хайрласан Жамсран гуайн энэ ном бас л нэг чухаг сайхан ном болжээ.
Уг номын гуравдугаар хэсэгт /14-р тал/ "Байгальтай шүтэлцэх ухаан" гарчигтай  бүлэг  байна. Тэр бүлэгт:  "Байгальтай шүтэлцэх ухааныг шууд заан сургасан Монголын их яруу найрагч Догшин ноён хутагт Данзанравжаагийн сургаалыг даган баясч, шүтэн биширч мөргөн залбирч явууштай.

Өглөө болгон эрт босч 
Өндөр тэнгэрийг бүрэн харж бай
Огторгуй хурмаст уужмын хутаг аа 
Оюун ухаанд тань хайрлах болно. 
Орой бүхэн гэрээс гарч
Одон ертөнцийг хүндэтгэн харж бай 
Эрхэс гараг үзэсгэлэн сүлдээрээ 
Эгнэгт Таныг тэтгэх болно. 
Алтан нарыг мандах тоолон
Алаг зүрхнээсээ догдлон харж бай 
Эндэлгүй дэгжихийн учир тавилангаар 
Эрдэнэт бөмбөлөг гийх болно
Ухаант хүмүүн хаа ч явсан 
Уулсын оргилыг бүрэн харж бай
  Баян буурал хангайн хишгээр 
Бат төвшин явах болно 
Учирсан бүхнийхээ нүүр царайг 
Уяхан даруу инээмсэглэн харж бай 
Өнөр өтгөн урт наслахын 
Өлзий хутаг бүрдэх болно 
гэсэн яруу сайхан, хамгаас үнэтэй энэ сүргаалыг өрх гэр, хүн бүрийн амьдралд  шингээх юмсан. Байгальтай шүтэлцэх, бурханд залбиран мөргөхийн алинд ч адилхан ийм үнэнийг дагаж чадвал урт насалж, жаргах өлзий буян лавтай  оршино” гэжээ.
Энэ  шүлгийг  Улаанбаатар Радио хэдэн жилийн турш өглөөний санамж  нэвтрүүлгийн  эхлэл гэж явуулж байна. 
Энд бүхлээр нь иш татсан шүлэг нь Данзанравжаагийн шүлэг биш, миний 1987  онд бичсэн "Хөхөөн дууны  сар" шүлгийн түүврийн эцсийн хуудсанд хэвлүүлсэн "Хөхөөн дууны сар" номын өндөрлөн барих аяны сониноос авсан байж болох юм. 
Aугаа их хүнтэй өөрийгөө андуурсанд нэг талаас би баярлахын дашрамд миний тэр шүлэг хүн ардын урт наслахад хэрэг болох санаа aгyyлгаар  тийм дүүрэн байсан гэж үнэлсэнд баярлах байна. 
Мөнгөн сарыг хөөрөх бүрuйд 
Мөнхүү бас бахархан харж бай 
Сэрж санахын яруу тодыг 
Сэтгэлээрээ ямагт эдлэх болно
гэсэн нэг бадаг уг номонд хасагдсан байна. 
Суут их яруу найрагч  хүнтэй өчүүхэн нэгэн болхи шүлэгчийг андуурсан андуурлыг товчийн төдий тайлж өгсөн бодрол энэ буюу.
Зундуйн ДОРЖ

Зундуйн ДОРЖИЙН “Хасагдавч үрэгдээгүй зохиолууд, хаягдавч дарагдаагүй тохиолууд” номоос...


(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Шүлэг )

Шүлэг 		 Шүлэг: Батсайхан Баттөгс : Миний нутгийн намар
Оруулсан admin on 2023-10-14 16:47:43 (1570 уншсан)


Намар намрын улиралд аавыгаа зорино
Нар нь шарсан хангай мишээсээр угтана
Хүдэн татсан уулс минь эцгийн энгэр шиг ханхайж
Хүрээд ирэвүү хэмээн салхиараа үнсэн мишээнэ
Миний нутгийн намар ийм л сайхан
Мэндлээд буцах хорвоод газрын диваажин гэлтэй
Хөлгүй ажил өрнөсөн намрын халуун өдрүүд
Хадлангийн майхан үзэгдэх баянгийн минь хөндий
Хадуур тармуур нажигнасан их хөдөлмөрийн өлгий
Хүйтэний амыг сөрсөн Малчин монгол нүүдэлчин
Тэрэгний хайнаг сүүдэр бараадан хэвтэж
Тэртээ алсаас хөтөлгөө морьтон дэргэж
Утаа суунаглан униартаж майхны амнаас алсарч
Унаган хангай нутагт хадлангийн цаг иржээ
Нар салхинд онгосон эгэл борхон залуу
Наян бухлын өвсийг хөндий дагуулан овоолж
Алх дөшний дуу хад дамжин цуурайтаж
Аглаг хөвчийн гүнд дотно эгшиг хадаана
Миний нутгийн намар ийм л сайхан даа
Мэндлээд буцах хооронд газрын диваажиндаа
Шимийн аагинд халамцуухан уртын дуу шуранхайлж
Шөнийн анирийг цочоож агтны төвөргөөн нижигнэнэ
Гол уруудсан хархүү баянгийн адгаар хоног тааруулж
Гоолиг сэтгэлийн гүнд хайрын гэгээ цацруулна
Миний нутгийн намар ийм л сайхан даа
Мэндлээд буцах хооронд газрын диваажиндаа
Улаан хошуут турилах зэлний шон дээр цуглаад
Уйтгар гунигийн хөгжимийг өөрсдийн хэлээр тоглож
Үе Үехэн сүрэглэх аяны шувуудийн ганганааг
Үдийн наранд аав минь саравчлан сонсох нь Намар юмаа
Миний нутгийн намар ийм л сайхан даа
Мэндлээд буцах хооронд газрын диваажиндаа
Саахалтын айлууд айлсаад сүү цагаа бялхаад
Сарлагын бух хэрж цагаан хяруунд захлаад
Хатан туул минь халуун намраар өрөмтөөд
Хангай сайхан нутагт минь намар эрт болохнээ
Миний нутгийн намар ийм л сайхан даа
Мэндлээд буцах хооронд газрын диваажиндаа
Ойн цоорхойн наранд халиун буга нь урамдаж
Орчлонгийн нэгэн уянгыг бусдын сэтгэлд мэдрүүлж
Танхил согоон сүрэг сүрт тулааныг гайхширч
Тайга хөвчийн нутагт минь намар айлчлан иржээ
Миний нутгийн намар ийм л сайхан даа
Мэндлээд буцах хорвоод газрын диваажиндаа
Зунжин наадсан багачууд сургууль цэцэрлэгээ зорьж
Замтын Өндөр даваа хадагаараа тэднийг ивээж
Сумын дотуур байр хүүхдийн дуунд сэргэж
Суран оосортой цүнхнүүд шинэхэн номонд ижилсэж
Миний нутгийн намар ийм л сайхан даа
Мэндлээд буцах хооронд газрын диваажиндаа
Намар болжээ нутагт минь ...



(Дэлгэрэнгүй... | Сэтгэгдэл бичих | Шүлэг | Оноо: 0/0 | Зохиогч : Шүлэг )

Лхагвасүрэн 	Б	 Шүлэг: Б.Лхагвасүрэн : Хуримын зар
Оруулсан admin on 2023-10-10 02:33:35 (34632 уншсан)

Гүүний сүүл хөл дундуураа уруудсан намрын өдөр
Гил хар нүдэн чиний хуримын зарыг олны салхинаас сонслоо
Устай хавчгийг чинь тэгнэлцэж явсан худгийн асгарт хэллээ
Уулзаж учирч байсан намхан толгоддоо дуулгалаа
Найран дээр нь очлоо
Унага тамгалсан найртай давхацсан хурим
Уул доргиосон нижгэр боллоо
Их хөлтөй найрнаас сэтгэл салган гарвал
Эмээлийн мөнгөн баавар дээр хар чийг унажээ
Энтээ уулын хярд, азийн цолмон өеөджээ
Хайрлаж явсан хөөрхөн Хорголжин
Хаданд цав суутал тас тас инээнэ
Эрхэлж унасан намрын мананг яран
"Эр бор харцага" сэрчигнэнхэн замхарна
Уг нь би тэднийд агсам тавья гэж очсон юм
Ухаан ардын дуунд  хүлээтэй байгаад чадсангүй



(Дэлгэрэнгүй... | Сэтгэгдэл бичих | Шүлэг | Оноо: 40/8 | Зохиогч : Лхагвасүрэн Б )


 
Санал асуулга
Та нэг жилийн хугацаанд хэр олон ном худалдаж авсан бэ ?
Ном худалдаж аваагүй
1-3 ном худалдаж авсан
4-7 ном худалдаж авсан
8-11 ном худалдаж авсан
12-с дээш ном худалдаж авсан
Санал асуулгын дүнг үзэх

Ном

Шуурайн Солонго: Гималай

Шуурайн Солонго: ТООРОЛЖИН

Ш.Сундуйжав : Үүр цайж байна

Э.Үржинханд : Хос ном мэндэллээ

Б.Болдсүх : Таг мартсан тангараг

Ч.Дагмидмаа


Санал асуулга
Хэрэглэгчийн нэр

Нууц үг

Та манай гишүүн болохыг хүсвэл энд дарна уу.

t
Одоо онлайнд 132 зочин 0 гишүүн байна.


Мэдээлэл оруулах

Та бүхэн өөрсдөө шүлэг, өгүүлэл оруулахыг хүсвэл энд дарж нэмж болно.

Та монгол гарын драйвэр ашиглан бичээрэй. Оруулсан мэдээллийг админ үзээд идэвхжүүлнэ.

Санал хүсэлтээ илгээх
Хайлт


Зургийн цомог

Зураач : Б.Хонгорзул
khongor030.jpg
Хэмжээс: 600x680 146k
Сэтгэгдэл: 0
Үзсэн: 5159

Их Монголын шүтээн зураг
b-008.jpg
Хэмжээс: 300x403 54k
Сэтгэгдэл: 0
Үзсэн: 5804


erd-016.JPG
Хэмжээс: 600x450 78k
Сэтгэгдэл: 0
Үзсэн: 22199555


Агуулга
Monday, 2024.07.01
· Э.Үржинханд : БАЙГАЛИЙН БОЛЗООНД
· Э.Үржинханд : ҮЗЭГНИЙХЭЭ ҮЗҮҮРЭЭР
· Э.Үржинханд : ДЭЛГЭР ЗУНААР
· Соёрхын Пүрэвсүрэн : НААДАМ ДӨХЛӨӨ ДӨӨ... ХАНЬ ГЭЖ...
· Э.Үржинханд : ТАНИЛ ГУДАМЖААР
· Соёрхын Пүрэвсүрэн : НҮҮДЭЛ
· Г.Мөнхтулга : ДУРЛАЛ
· Г.Мөнхтулга : “293”
· Г.Мөнхтулга : . ӨӨДГҮЙ АМЬТАН
· Г.Мөнхтулга : ХАЙР УДАХГҮЙ ИРНЭ
Saturday, 2024.03.30
· Лха Отхан : ӨӨР ДУУНД УЯРАХГҮЙ
· Лха Отхан : ЦАСНЫ УТГА УЧИР
· Лха Отхан : ХАРААЦАЙ НАС
· Лха Отхан :ӨНГӨРСӨН БҮХЭНД УТГА УЧИР
· Лха Отхан : ДУРСАН САНАХ БАЛЧИР НАС ...
· Лха Отхан : ҮХЛИЙГ ҮЗЭХ Л ҮЛДСЭН...!
· Лха Отхан : ЭЛСНИЙ ЧИМЭЭ
· Лха Отхан : АМЖИЖ ХАЙРЛАХААР ХОРВОО ДУТДАГ
· Лха Отхан : ГИТАРЫН УТСАН ДАХЬ САРНЫ СОНАТ ...
· Лха Отхан : ДӨЧИН ДӨРВӨН НАМРЫН ДУУ
· Лха Отхан : БУРХАНГҮЙ ЕРТӨНЦИЙН УУЛС
· Лха Отхан :ШУВУУД ИРЖ БАЙНА
· Лха Отхан : СҮҮЛЧИЙН ТУХАЙ ХҮНИЙ ЗҮҮД ...
· Лха Отхан : ДУУСАЖ БАЙГАА БИДНИЙ АМЬДРАЛ
· Лха Отхан : Урсгалд хөвөх навчисыг он жилүүдтэй үдэж ...
· Лха Отхан : ӨВСНИЙ АМЬДРАЛ
· Лха Отхан : ЭХ НУТГИЙН ТУХАЙ ДӨРВӨЛ БОДОЛ
· Лха Отхан : Шөнийн ганцаардал минь
· Лха Отхан : БҮҮДГЭР ТЭР ХОТ МИНЬ
· Лха Отхан : ХУУЧИН ХАЙР ...
· Лха Отхан : ЗАМЫН ТУХАЙ ШҮЛЭГ
Monday, 2024.03.04
· Б.Явуухулан: Сонин сурвалжлагчид ярьсан нь
Thursday, 2024.01.25
· Г.Мөнхтулга : ХАЙР
· Г.Мөнхтулга : ТҮҮНД
Thursday, 2023.12.21
· Г.Мөнхтулга : ХОТЫН ШӨНӨ
· Г.Мөнхтулга : ЧАМД
Tuesday, 2023.12.12
· Долгорын Цэнджав : ТАМГА
Tuesday, 2023.12.05
· Г.Мөнхтулга : Зүүд
· Г.Мөнхтулга : ХЭДЭН ҮГ
· Г.Мөнхтулга : ДҮРСГҮЙ БОДОЛ

Та сараа сонгоно уу


Санал хүсэлт

Нэр:

Э-шуудан:

Санал хүсэлт:



Хажууд нь хүмүүн мишээн гэрэлтэхэд Халиун дэлбээгээ дэлгэн баярладаг Инээхийг хүртэл эсэндээ мэдрэх Ижий сүнстэй Сарнай цэцэг
© Copyright 2005-2025 Biirbeh.MN.
     All rights reserved.
By Bataka
Манай сайт танд таалагдаж байвал LIKE хийгээрэй. Танд баярлалаа.
Утас : 976-99076364
И-мэйл :info@biirbeh.mn