|
|
Вэб сайт хийнэ, байрлуулна ...
|
|
Хайх
Та эндээс шүлэг өгүүллэг хүссэнээ хайж болно...
|
 Шүлэг: Яагаад гэж би өөрөөсөө Яасан олон асууна вэ
Оруулсан admin on 2018-04-17 09:02:54 (3605 уншсан)
Яагаад гэж би өөрөөсөө
Яасан олон асуудаг болчихов оо
Дэлхийн хамгийн шудрага түүхийг бүтээж байсан ард түмэн
Дэлхийн хамгийн том гүрэнийг цогцлоож байсан их ухаан
Дэлхийд хамгийн их газар нутгийг өвлөж үлдсэн цөөхөн хүмүүс
Өнөөдөр яагаад бусдаас гуйж
Өнөөдөр яагаад бусдын царай харж
Өнөөдөр яагаад бусдаас доогуур амьдраад байгаа юм бэ
Яагаад гэж би өөрөөсөө
Яасан олон асууна вэ
Морьны нуруун дээр дэлхийн талыг туулсан тэвчээр хаачив
Монгол хэлээр дэлхийн түүхийг шүүж байсан ухаан хаачив
Модон тэргэн дээр гэрээ бариад нүүж байсан эрдэм хаачив
Өнөөдөр яагаад өөрийн баялагаа бусдаар мэдүүлж
Өнөөдөр яагаад улсын явдлаа бусдаар заалгаж
Өнөөдөр яагаад залуу үеэ бусдад зарагдуулав
Яагаад гэж би өөрөөсөө
Яасан чангаар асууна вэ
Бумбын хэмээх эринд энэ ганц дэлхий минь шилжээгүй юм уу
Бусдын юмыг булааж биш дэмжиж амьдрах он цаг эхлээгүй юм уу
Эх ганц дэлхийгээ ухаж биш ургуулж амьдрах замруу ороогүй юм уу
Эд баялагаар уралдах биш эрдэм номоор аж төрөх цаг болоогүй юм уу
Яагаад гэж би өөрөөсөө
Яасан олон асууна вэ
Яагаад энэ гуравхан сая хүнийг өөрөөр амьдруулж болохгүй вэ?
Batbold Sarangarig
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Өгүүллэг: Хундага нулимс
Оруулсан admin on 2018-04-10 20:23:10 (5006 уншсан)
Сараа урд шөнө хүүхдүүдээ зүүдлээд өглөө босохоосоо өмнө чаддагаараа дэрээ баахан норгож аваад босов. "Заяа бас л ирж хоносонгүй дээ” гэж бодсоор ажил руугаа гарлаа. Сараа, Заяа хоёр монголд байхдаа цуг ажилладаг байлаа. Сараа бол царай зүсээр муугүй, хамт олондоо нэр хүндтэй. Түүнийгээ дагаад яриа хөөрөөтэй, гэр бүл, үр хүүхдэдээ хайртай. Ер нь цаанаа л нэг аз жаргалтай нэгэн. Нөхрийг нь Түвшин гэнэ. Бас л аятайхан залуу. Эрдэм мэдлэгтэй, доктор хүн. Хүүхэн болгон л Сарааг азтайг гайхна. Нөхөр нь гэж өөрийнх нь үгээр, хүүхдүүд нь гайгүй сургуульд явна. Ганц дутуу юм нь байр байлаа. Байргүй тул хөгшчүүлтэйгээ цуг амьдарна. Хөөрхий нөхөр нь чадлаараа оролдож байж ганц хашаа байшинтай болсон ч түлээ нүүрс, унаа, ус гээд дээр нь хүүхдүүдийн сургууль холдоод, өвөл хаврын сэрүүнд ханиад томуу эргүүлэхээс эхлээд төвөгтэй зүйл их тул түүнээ зараад хөгшчүүл дээрээ ирчихсэн нь энэ. Хадмууд нь хэдийгээр илүү дутуу ааш гаргаад байхгүй ч олуулаа шуугиад ирэхээр наанадаж хоёр хөгшинд төвөгтэй, цаанадаж өдий гуч гарчихсан улс гэр орондоо өөрийн тааваар байх боломж жаахан муу. Адаглаад санаа амар хэдэн хором хэвтчихэж үл болно. Ажлаасаа орж ирээд нэг сайхан үнсчих, үнсүүлчих энэ тэр бол бүр хавчлагатай.
(Дэлгэрэнгүй... | Сэтгэгдэл бичих | Өгүүллэг
| Оноо: 0/0 | Зохиогч : Бум-Эрдэнэ Түмэнбаяр )
|
|
Шүлэг: Х. Нямхишиг
Оруулсан admin on 2018-03-30 22:10:35 (5523 уншсан)
Атгасан гар шиг нэгэн байшинд,
Алганы хонхор шиг өрөөндөө
бэхсийг зуурч
багсыг шүүрч амуй, би.
Орхиод явсан хүрэмний чинь дээр
тод шулуун үс зурнам.
Огтор хормойных нь дор
хос шулуун хөл зурнам.
Зурж дуусмагцаа нэрээр чинь дуудахуй
Зугуухан эргэн харах чи,
инээх ч үгүй, уйлах ч үгүй.
Учир нь би инээдийг чинь,
нулимсыг чинь ч зурж чадсангүй
Угаасаа чи хуулбарлахын аргагүй төгс юм.
Үс болоод хөлийг чинь
нулимсаараа баллуурдсаар,
Үүдэнд чимээ гарахыг хүлээсээр байтал
Хоймрын цаг минь амьсгал хураанам.
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Өгүүллэг: Х. Нямхишиг: Загас үнэртсэн үдэш
Оруулсан admin on 2018-03-30 21:21:08 (4218 уншсан)
Үзмэрч, далны ясыг уруулдаа хүргэн шивших зуураа миний нэрийг асуув. Тэгээд, тэр ясыг гал руу хийчихэв. Дараа нь дунд зэргийн шаазан аягатай архийг нэг амьсгаагаар хөнтөрлөө.
-Дал бол сүнсний завь юм гэж тэр хэлээд архинд дүрэгдэж нойтон болсон сахлаа шувтарч:
-Далны яс сүнсийг, сүнс, амийг тээж, цаг хугацаа хэмээх хязгааргүй далайн дунд хөвж явдаг юм даа, хүү минь гэлээ. Би, хоосорсон аяганд дахин архи дүүргэв.
-Тэр завинд нэг цоорхой байдаг юм. Амь гэгч түүгээр л гээгддэг юм даа.
-Тэгвэл, сүнс яах вэ?
-Сүнс үү? Сүнс яг л хоосорсон далайчин шиг ус руу үсэрчихдэг юм.
-Далайчин болгон ус руу үсэрдэг гэж үү?
-Санаатайгаар биш ч санамсаргүйгээр тэгдэг л юм.
-Завь нь яах вэ?
-Завийг нь би яг ингээд түлчихдэг юм.
Тэрээр дахин архи залгилж сахлаа шувтрав. Тэгснээ, гал дотроос далны ясыг гаргаж ирлээ. Тэр яс нь үнсээр хийсэн юм шиг харагдаад, нурчих юм шиг санагдана. үзмэрч, түүнийг эргүүлж тойруулан шинжиж, мөсний цав мэт нэгэн зураас олоод, хуруугаараа дагууд нь тэмтрэх аж. Тэр зураас нь явсаар, ясны үзүүр хавьцаа нэгэн бяцхан нүхэнд хүрч зогссон байв.
-Энэ ч тун муу төлөг дөө гэж тэр бараг л аман дотроо шивнэсэн ч би сонсов.
(Дэлгэрэнгүй... | Сэтгэгдэл бичих | Өгүүллэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 21:18:29 (3296 уншсан)
Танайхаас явсан миний мөрийг
Тандаж жаахан ажаарай, бүсгүй минь.
Чихэнд чинь дуулгаж амжаагүй
Чиний тухай шүлгээн би
Ташуу жалгын хунгарт
Ташуураар бичиж орхисон шүү.
Тэр шүлгийг цэцэг болохоор
Тэнд хоёулаа уулзъя, бүсгүй минь.
***
(Дэлгэрэнгүй... | Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 21:13:20 (3598 уншсан)
Ангир хонгор үүрээр
Аргалаа дөхүүлж яднам
Эжий минь.
Амин ганц үр нь
Альхан нутагт яваа юм
Эзгүй.
Аагим дүүгэм үдэд
Аягаа дөхүүлж яднам
Эжий минь.
Аанай л ганц үр нь
Айсуй л сураггүй хэвээрээ
Эвий минь.
Зүүрмэг бүүрмэг үдшээр
Зүүгээ сүвлэж яднам
Эжий минь.
(Дэлгэрэнгүй... | Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг: "Зун гээсэн чөдөр" номоос
Оруулсан admin on 2018-03-30 21:11:01 (3182 уншсан)
Жижигхэн тэр охин
Жигтэйхэн гоё нүдтэй.
Цаг өнгөрөх тусам
Цамцны энгэр түлхэн
Өсөх нь надад мэдрэгдээд л...
Өөр эрээс урьтан
Шүдээрээ хацрыг нь хээлчихээд
Шүлгээрээ аргадаж үзмээр ээ.
Жижигхэн тэр охин
Жигтэйхэн гоё уруултай.
Жимс юм уу, дарсны
Жиргүй амт шиг л...
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 21:09:43 (3510 уншсан)
Моддын навчис хийсч
Модод болох он цаг руугаа хийсч
Навчис гишгэлэн би алхаж
Навчис болох он цаг руугаа алхаж
Алхжээ явахад цас хаялж
Аньс болох он цаг руугаа хаялж
Цас чихруулан би алхаж
Цас болох он цаг руугаа алхаж
Жаахан цаашлахад цэцэгс дэлгэрч
Жавар болох он цаг руугаа дэлгэрч
Цэцэгс хэгзлэн би алхаж
Цэцэгс болох он цаг руугаа алхаж
Өө тэгтэл, навчис хийсч
Өвс болох он цаг руугаа хийсч
Би бас л навчис гишгэлж
Буй хийгээд үгүйн ялгаанд эргэлзэж ...
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг: "Нэргүй ном"-оос
Оруулсан admin on 2018-03-30 21:08:09 (3512 уншсан)
***
Баруун зүгээс бадарчин шиг ирсэн салхи
Банзан гонхноо гуулин хонхыг сэгсэрмү
Баранзад хадаг мэт тэнгэрийн өмнө, саран
Бадамлагч зул мэт, өвсний үзүүрт асму
Залбирсан гар шиг дээврийн завсарт нь би сууж
Завилсан Будда мэт хоосон чанарт нэвтэрмү
Заадга бялзуухай, огторгуйн шүүдэр түүж
Заамны минь цаахна дор үүрээ засму.
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг: "Зун гээсэн чөдөр" номоос
Оруулсан admin on 2018-03-30 20:53:12 (3510 уншсан)
Босохоос залхуурч будан улбирсан
Бороо, зогсохоос залхуурч уйлагнасан
Тэнгэр нь өвгөдийн нүд шиг сэлхэрсэн
Тэгээд, эмгэдийн тэрлэг шиг сэлдэн үдшээр
Цувнаас залхаж, би шалба норж
Цугларч суухаас залхаж, ганцаар алхму.
Өврийн дэвтрээ гаргаж, алчуур шиг мушгихад
Өвсөн зүгт усан шүлгүүд нь асгарму.
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 20:52:06 (3310 уншсан)
Манай хот айл, уулын мухарт
Маркесын “Зуун жилийн ганцаардал”, уулын мухарт
Халамцуу эрс, мөрийтэй даалуу, уулын мухарт
Хазаар, эмээл, адууны наймаа, уулын мухарт
Сумын төвөөс сураг ажиг үгүй, уулын мухарт
Сургуульд явсан чиний тухай зүүд, уулын мухарт
Эцэг шигээ гөрөөчин, эсвэл Маркес шиг зохиолч болохсон гэж,
Эхийнхээ оёж өгсөн дээлийг урж өснөм, уулын мухарт...
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 20:50:28 (3297 уншсан)
Гуа тэр бүсгүйг
Гудманд бараадаад л...
Гутлынх нь мөрийг ширтэж
Гунигаа мартаад л...
Шүүрс алдан дагавч
Шүгэлдэж зүрхлэхгүй
Шүлгээ уншиж өгмөөр ч
Шүргэж зориглохгүй
Алсаас хараад л таньдаг ч
Занг нь мэдэхгүй
Ажлаасаа тараад л харьдаг
Замыг нь бол андахгүй...
Нэн уянгалаг гоё
Нэртэй бий вий
Нэгэн сайхан найрагчийн
Гэргий бий вий
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 20:25:29 (2924 уншсан)
Намайг багад цасаар шуурдаг байсан сан.
Намхан цачир минь цасан хунгарт хучигдаад
Их дулаахан байсан сан.
Чамайг багад усаар шуурдаг байсан сан.
Чанз эсгий үүдний минь ланз хээг дагаад
Ус урсдаг байсан сан.
Одоо бол харин элсээр шуурч байна даа.
Оромжтойгоо цуг бид газарт шигдэж байна даа.
Орой унтахдаа хөлийг минь хуччихаад, хүү минь
Орхиод явж үз... удахгүй галаар шуурах вий.
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 20:23:46 (3145 уншсан)
Тув тунгалаг нүдний чинь хөвөөнд
Туйлдаж ядарсан аянч эр
Тамхиа нэрнэ.
Тув тунгалаг нүдний чинь хөвөөнд
Аянч эр
Урц барьж, утаа гаргаад
Урт холын аяндаа цэг тавихаар
Үзгээ шүүрнэ.
(Дэлгэрэнгүй... | Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 20:22:12 (3683 уншсан)
Бэхний үнэртэй гарыг минь
бурханы мутар мэтэд санагч;
Бэтгэртлээ намайг хүсэгч
нэгэн бүсгүйтэй ертөнц юм.
Надаас шалтгаалж тэр бүсгүй уйлах нь;
Надаас шалтгаалж тэр бүсгүй инээх нь;
Надаас шалтгаалж тэр бүсгүй зовох нь;
Надаас шалтгаалж тэр бүсгүй жаргах нь
Миний амьдрах шалтгаан.
Түмэн уулын цаанаас нэвт гэрэлтэгч нүд;
Түүгээр ч барахгүй,
зүүдийг минь нэгжигч нүд;
(Дэлгэрэнгүй... | Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг: "Зун гээсэн чөдөр" номоос
Оруулсан admin on 2018-03-30 20:19:08 (3239 уншсан)
***
Саран үнэгчлэх цагаар
Сарнайн дунд нь миний умбах
Сайхан хоёр уул.
Хайрын цэнхэрлиг ертөмцийн
Хамгийн тэнгэрлиг гоо үзэсгэлэн -
Халуун хоёр уул.
Зураг төөргийн орчлонг
Зулайгаараа мэдэрч төрөхөд минь
Зөрөг заяаны үүдэнд тоссон
Зөөлөн хоёр уул.
Үр хүмүүн ургаж эзэгнэх
Эр хүмүүн жаргаж эзэгнэх
Энэ хоёр уул
Сүү, дурлал хоёрын
Сүм цагаан уул.
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 20:16:55 (3144 уншсан)
***
Цонх руу чинь ширтэнэ.
Цонхны чинь гүнд одод үзэгдэнэ.
Тэр оддын гүнд чиний зүүд,
Зүүднийхээ гүнд чи буй нь
Зүрхэнд минь ойр ч уруулаас минь хэтэрхий алс.
Цонх руу чинь ширтэнэ.
Цонхны чинь гүнд нар үзэгдэнэ.
Тэр нарны гүнд чиний инээд,
Инээднийхээ гүнд чи буй нь
Итгэлд минь ойр ч хуруунаас минь хэтэрхий алс.
Цонхны чинь наанах баясгалант навчис хамгийн сүүлд гандана.
Цочир хүйтэн аравдугаар сард зөвхөн энд л бороо орно.
Цув хийгээд цэцэгсийг авч одсон дурсгалт өдрүүд
Цугаараа эргэж ирнэ... гэвч хэтэрхий алс.
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 20:11:18 (3005 уншсан)
Шүлгүүд минь тэмээний нулимс;
Эр тэмээний нулимс;
Эрт аяншсан солби тэмээний нулимс;
Сохор тэмээний нулимс...
Загийн бүүр цангамал байна
Захын тойром царцмал байна.
Цайдмын цэрдийг урсган, урсган
Цагийн аясыг зурмаар байна.
(Дэлгэрэнгүй... | Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
Шүлэг: Х. Нямхишиг
Оруулсан admin on 2018-03-30 20:10:12 (2856 уншсан)
***
Ай даа, хавар цагийг цонхоор л харлаа.
Атаархам, тийм сайхан харагдана лээ.
Үүдний хэдэн улиангар
мэхийж түүнтэй мэндлэхдээ
Үгээр хэлэхийн аргагүй
хөөрт автаж үзэгдэнэ лээ.
Урт цувны нь хормой
цас хайлуулах шидтэй
Урин тачаангуй түүнээс
би үр олох хүсэлтэй.
Дахиад ирэхэд нь хаврыг,
торноос алдуурсан шувуу шиг,
Давжаа улиангарын мөчрөөс
хөл алдан тосъё доо.
2015.03.12
***
Цаг хугацааны сүүлчийн хэдхэн хуудас мэт;
Цас, хавтас шиг дараад л
бүх юм дуусах мэт санагдах
Намрын өдрүүд...
( Сэтгэгдэл бичих | Шүлэг
| Оноо: 0/0 | Зохиогч : Бусад )
|
|
|
|
 |
Санал асуулга |
 |
|
Та манай гишүүн болохыг хүсвэл энд дарна уу.
t
Одоо онлайнд 139 зочин 0 гишүүн байна.
|
|
|
 |
 |
Агуулга |
 |
|
| Monday, 2024.07.01 | | · | Г.Мөнхтулга : “293” |
| · | Г.Мөнхтулга : . ӨӨДГҮЙ АМЬТАН |
| · | Г.Мөнхтулга : ХАЙР УДАХГҮЙ ИРНЭ |
| Saturday, 2024.03.30 | | · | Лха Отхан : ӨӨР ДУУНД УЯРАХГҮЙ |
| · | Лха Отхан : ЦАСНЫ УТГА УЧИР |
| · | Лха Отхан : ХАРААЦАЙ НАС |
| · | Лха Отхан :ӨНГӨРСӨН БҮХЭНД УТГА УЧИР |
| · | Лха Отхан : ДУРСАН САНАХ БАЛЧИР НАС ... |
| · | Лха Отхан : ҮХЛИЙГ ҮЗЭХ Л ҮЛДСЭН...! |
| · | Лха Отхан : ЭЛСНИЙ ЧИМЭЭ |
| · | Лха Отхан : АМЖИЖ ХАЙРЛАХААР ХОРВОО ДУТДАГ |
| · | Лха Отхан : ГИТАРЫН УТСАН ДАХЬ САРНЫ СОНАТ ... |
| · | Лха Отхан : ДӨЧИН ДӨРВӨН НАМРЫН ДУУ |
| · | Лха Отхан : БУРХАНГҮЙ ЕРТӨНЦИЙН УУЛС |
| · | Лха Отхан :ШУВУУД ИРЖ БАЙНА |
| · | Лха Отхан : СҮҮЛЧИЙН ТУХАЙ ХҮНИЙ ЗҮҮД ... |
| · | Лха Отхан : ДУУСАЖ БАЙГАА БИДНИЙ АМЬДРАЛ |
| · | Лха Отхан : Урсгалд хөвөх навчисыг он жилүүдтэй үдэж ... |
| · | Лха Отхан : ӨВСНИЙ АМЬДРАЛ |
| · | Лха Отхан : ЭХ НУТГИЙН ТУХАЙ ДӨРВӨЛ БОДОЛ |
| · | Лха Отхан : Шөнийн ганцаардал минь |
| · | Лха Отхан : БҮҮДГЭР ТЭР ХОТ МИНЬ |
| · | Лха Отхан : ХУУЧИН ХАЙР ... |
| · | Лха Отхан : ЗАМЫН ТУХАЙ ШҮЛЭГ |
| Monday, 2024.03.04 | | · | Б.Явуухулан: Сонин сурвалжлагчид ярьсан нь |
| Thursday, 2024.01.25 | | · | Г.Мөнхтулга : ХАЙР |
| · | Г.Мөнхтулга : ТҮҮНД |
| Thursday, 2023.12.21 | | · | Г.Мөнхтулга : ХОТЫН ШӨНӨ |
| · | Г.Мөнхтулга : ЧАМД |
| Tuesday, 2023.12.12 | | · | Долгорын Цэнджав : ТАМГА |
| Tuesday, 2023.12.05 | | · | Г.Мөнхтулга : Зүүд |
| · | Г.Мөнхтулга : ХЭДЭН ҮГ |
| · | Г.Мөнхтулга : ДҮРСГҮЙ БОДОЛ |
| · | Г.Мөнхтулга : БҮСГҮЙ ЧИ НАМАЙГ ХҮЛЭЭДЭГ ҮҮ |
| · | Г.Мөнхтулга : БИ ХИЙСЭЖ БУЙ НАВЧ |
| Monday, 2023.11.27 | | · | С.Начин : Уучлалын шүлэг |
| Thursday, 2023.10.19 | | · | А.Эрдэнэ-Очир : АЯЛАГХАН ЗАЛУУ НАС МИНЬ |
| · | Ц.Доржсэмбэ: ЧИНИЙ САЙХАН ГАРЫН ХҮЙТЭН |
| · | Ц.Доржсэмбэ: ЦАС БОРОО |
| Wednesday, 2023.10.18 | | · | Т.Дарханхөвсгөл : Үхэр огдой |
Та сараа сонгоно уу
 |
|
|
|
 |
|
Facebook 
Twitter 
